bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Leviticus 26
Leviticus 26
Zande
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
1
“Ka oni nimángi nga kpiaahe fu roni watadu dua sese kpiahe watadu maa duadua mbia ya, ka oni amáa nga sese mbia rogo gaoni ringara ki tumusa barangba ha ya; bambiko mi nga Yekova nga gaoni Mbori.
2
Oni aká kuti pa gimi arago sabiti ki niirisi gi ziazia ba: Mi nga Yekova.
3
“Ka oni apéka gimi rugaapai ki nika kuti gimi arugute, ki nimangi he,
4
si du mi afú gaoni mai ti regbo ho, sende ki nizugasi zuzuhe, angua ati yo azúka zuzuhe.
5
Gu zuzuhe oni ataki he si ki ima da ti rago kata bakakue, rago kata bakakue ki ima ki da ti rago tipa sopa bmo; oni ki niri gaoni riahe ki nimbiki, ki niraki rogo gaoni ringara ni bandabanda roni.
6
Mi ki fu zereda ku rogo gaoni ringara, oni ki nira zezeredi, ka boro agúndesi nga roni ya; mi ki do anyarinde rogo gaoni ringara, ka basape andú nga rogo gaoni ringara ya.
7
Oni ki nido fuo avuraroni, i ki nitiwi ku barangba roni be basape.
8
Aboro bisue dagba roni ado aboro 100, aboro 100 dagba roni adó aboro wa 10,000; avuraroni ki nitiwi barangba roni be basape.
9
Mi ki beré pa roni ki zugasi roni ki ngeesi roni, ki nyakasi gi zungahe na oni.
10
Oni arí mbaku ahe i abanda tipa gbanga rago, oni ki niwege mbaku ahe ku zegi yo ba vovo ho.
11
Mi ki moi gi banye dagba roni, ka mbisimore asóga nga roni ya.
12
Mi ki nita dagba roni, ki du ni gaoni Mbori, oni ki du ni gimi aboro.
13
Mi nga Yekova nga gaoni Mbori, nakusi roni ringara Ezipeta yo, ya ka oni dú nga ni gayo akanga ya; mi ki Kuadi angbongbo gonga ti gorõni ki mbakadi roni oni nita nzunzu.
14
“Ono ka oni adéga nga turoni fere ya, ka oni amánga nga agi arugute re dunduko ya,
15
ka oni agíndiga gimi rugaapai; ka mbisimoroni asóga gimi ruru asarangbanga, ka oni amánga nga gimi arugute dunduko ya, ki basa gi zungahe,
16
mi amánga gere fu roni: mi ayámba ũgbudagbuda ku ri roni rure, kaza runa, na kaza faakpoto nga gu nagbarasa bangirise ki mangi unga si nyasi. Oni anivura rũ gaoni atunga vurũ, bambiko avuraroni aríta ha dũ;
17
mi azínga fu roni oni ki nikpiki bara bangiri avuraroni; agu yo nasoga roni i azóga roni azoga, oni ki nioro ho boro ado nga fuo roni ni ya.
18
Ka oni adéga nga turoni fere mbiko gere ya, si du mi ki mbusi roni berewe bara saba tipa gaoni ingaapai,
19
mi ki gbarasi gu ruka nga ga gaoni tandu, mi ki sa gaoni angbangbaturũ wa marã na gaoni kpotosende wa sirigi;
20
omeroni ki nibati gbua, bambiko gaoni ringara azúka nga zuzuhe te, angua ringara yo azuka nga zuzuhe a te.
21
“Ka oni atá akia ti re, ka oni adéga nga turoni fere ya, mi ayé na kura gberãngbi ku ri roni, wa bara saba ngee a wa du gaoni ingaapai.
22
Mi ki zaki anyarinde ki mbu ra ku dagba roni, nga agu ra nikatuka awironi be roni, ki niimi gaoni zogozogo anya, ki nirunasi roni, oni du ni umba roni, si du gaoni arago adú wa kina bate.
23
“Ka oni asá nga tironi fere mbiko gi rugapai re ya, ono oni ki nita akia ti re,
24
mi atá akia ti roni, mi ni tire ki mangi roni bara saba tipa gaoni ingaapai.
25
Mi ki ye na basape ku ri roni, nga gu nikasara ngbanga irabape zungahe; ka oni adúngura tironi ku rogo gaoni abaakporo mi akeaa tata kaza ku dagba roni, oni ki du ni kusikusi roni ku be avuraroni.
26
Ho mi ka dia gaoni riahe ni be roni, ade bawe nikazo gaoni riahe rogo gu gbigiwi sa, i ki kusi gaoni riahe berewe ni ringbisiringbisi baroãha; oni ki ri he, ka oni ambíka nga be he ya.
27
“Ka oni adéga nga turoni fere mbiko gere ya, ono oni ki nita akia ti re,
28
si du mi Ri nita akia ti roni rogo ngariangaria zinga, ki mbusi roni ni tire wa bara saba tipa gaoni ingaapai.
29
Oni aniri kina pasio awironi nga akumbagude, oni ari kina pasio awironi nga adegude.
30
Mi ki gbarasi gaoni tumbatumba aba, ki dewe gaoni abamotumo fuõngua, ki bafu kangbaroni ku ri kurugba gaoni kpiaahe; mbisimore asóga roni.
31
Mi ki gbarasi gaoni abaakporo ki sa gaoni ziazia aba ni bate, ka mi agia nga fuõ gaoni guzuguzu fuõhe a ya.
32
Mi ki gbarasi ringara, si du avuraroni ki moi kporo rogo ho, iriwoho ki ti ti yo.
33
Mi ki gbandaka roni ku dagba arikaaboro yo, mi ki mo basape kuti roni; gaoni ringara ki du ni vurubate, gaoni abaakporo ki du ni kungba ha.
34
“Si du ringara azámbua be gaha asabiti wa si nikadu ni bate tipa gbanga rago, ho oni ka du ni rogo ga avuraroni ringara; si du ringara aongoda, ki nizambua be gaha asabiti.
35
Wa si aima ni bate, si ki du na ongoda, gu ongoda re si adu nga na ni rogo ho rago gaoni asabiti ho oni araka ni rogo ho te.
36
Na tipa agu yo dagba roni nye, mi akéda rungbura ku ngbaduyo yo rogo agu aringara nga ga avurayo; woro yaya kpe aba yo ti oto, i ki nioro wa gu boro naora be basape, i ki nitiwi ho boro ado nga fuo yo ni ya.
37
I akótoka gu ni ti kurani, wa ka i aora be basape, ka boro avura nga ka ado fuo yo vurũ ya; ka ome adú nga tironi ka ru bara bangiri avuraroni ya.
38
Oni ki kpiki dagba arikaaboro, gu ringara nga ga avuraroni arita roni dũ.
39
Agu yo i ambu yo dagba roni yo arúna rogo ga avuraroni aringara bambiko gayo irairapai; na bambiko gu irairapai a nangia ga abayo, i arúna dũ wa kina yo.
40
“Ono ka i kúsi gayo irairapai nangia ga abayo rogo gayo pa biriki nga gu i anamanga kuti re, ki nita akia ti re,
41
si du mi atá akia ti yo ki ye na yo ku rogo ga avurayo ringara; ka i aúmbasi gu kpotoyo yo zanga yeratise, ki mbakadi gayo irairapai;
42
si du mi atíngida pa gu zungahe mi azunga ha fu Yakoba, mi ki tingidi pa gu zungahe mi azunga ha fu Yisaka na gi zungahe fu Abarayama a, mi ki tingidi pa ringara.
43
Ono kina yo nikambu ringara, ringara ki zambua be gaha asabiti wa du he ni bate be zanga yo rogo ho. I ki mbakadi gayo irairapai, bambiko i gindiga gimi ruru asarangbanga, mbisimoyo ki sogo gimi rugaapai.
44
Tipa gure dunduko, ho i ka du ni rogo ga avurayo ringara, mi agíndiga nga yo te, mi asóga nga yo ka mi gbarasi yo kpakaya ka basa pa gi zungahe fu yo te; bambiko mi nga Yekova nga gayo Mbori;
45
ono mbiko gayo pai mi atíngida pa gi zungahe fu atitayo, nga agu yo mi akusi yo ringara Ezipeta yo ku bangiri arikaaboro, ya mi du ni gayo Mbori: Mi nga Yekova.”
46
Gere nga gu rugaapai na gu ruru asarangbanga na arugute nga gu Yekova amangi he dagba ko na awiri aYisaraere ri Bagangara Sinai yo ku ngba Mose.
← Chapter 25
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 27 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
Recommended Reading
Commentary
Leviticus Commentaries
→
Devotional
Leviticus Devotional Guide
→
Get This Bible
Zande Study Bible
→