bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Leviticus 27
Leviticus 27
Zande
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Yekova ki ya fu Mose,
2
“Mo yá fu awiri aYisaraere, Ho boro nikido ndikidi kidohe ni tipa boro fu Yekova ku ti ringbisiringbisi gaoni genohe,
3
si du gaoni geno kumba du garãni 20 ki da ti 60 anidu ni asekere 50 nga ga feda, ringbisi he kina kuti pa gu sekere nga ga ziazia ba.
4
Ka gu boro re du ni de, gaoni geno tipa ni anidu ni asekere 30.
5
Ka gu boro re du na garãni tona ti bisue da ti 20, gaoni geno tipa kumba anidu ni asekere 20, na tipa de asekere bawe.
6
Ka gude du tona ti diwi sa ki da ti bisue garã, gaoni geno tipa kumbagude anidu ni asekere bisue, nga ga feda, tipa degude gaoni geno ki ngia asekere biata nga ga feda.
7
Ka boro du na garãni 60 na ka ndu ku mbata yo, si du gaoni geno tipa kumba anidu ni asekere 15, tipa de asekere bawe.
8
Ka boro du ni rungorungo ni ki susi ka ni aréngba nga na fu gu gaoni geno re ya, i ki ye na gu boro re ku bangiri boromotumo, boromotumo nikanimoi genoni; kuti ome gu ni nizunga he, kina boromotumo moi genoni.
9
“Ka si du wa nya du ni ngbatunga gu ru wa aboro nafu ru ni gamunihe mbedisatise fu Yekova, ngbatunga agu ahe dunduko nga gu boro afu fu Yekova, si dú ziazia.
10
Ni anisa nga gu kura he ku ba ha watadu unda ha te, wene he ku ba gbegberẽ he, watadu gbegberẽ he ku ba wene he a te; ka ni unda nya ku ba gu nya, si du ami ue, gu ru unda yo ru na gu ru du ku ba ru anidu ni kparakpara ra ziazia.
11
Ka si du wa nyakorokpa du, nga ngbatunga gu ru i afu nga ru ni motumo fu Yekova ya, si du boro ki ye na gu nya re ku bara bangiri boromotumo,
12
boromotumo ki nigedi genoru wa ka ngia wene ru watadu gbegberẽ ru a; wa mo ka maa genoru nga boromotumo, kina wo si ka nidu.
13
Ono ka ni akpi nyemu ka tumo ru, ni ki nimoi sa dagba bisue ku ri genoru.
14
“Ho boro nakpara gani kporo ni si du ziazia fu Yekova, boromotumo nikanigedi genoho wa du pa wene he watadu gbegberẽ he a; wa boromotumo ka maa genoho, si adú a kina wo.
15
Ka gu ni nikpara ha akpi nyemu ka tumo gani kporo, ni animoi marã wa sa dagba bisue ku ri ndikidi genoho, si ki du ni gani.
16
“Ka boro kpara papara gani ati fu Yekova nga ga gani ukumbo, si du gu genoho oni naringbisa ha ki du kuti gu tunga du tipa ha; geno zendehe wa mapunga rengbe tipa ru he wa aritere biata na bebere he ki ngia asekere 50 nga ga feda.
17
Ka ni kpara gani ati tona ti garã ngbiko ni ngbarago, si anidu kina kuti ndikidi gu genoho;
18
ono ka ni kpara gani ati fuo garã ngbiko ni ngbarago, si du boromotumo anigedi gu marã geno tipa ha kuti garã nga gu nye da ti garã ngbiko ni ngbarago berewe, oni ki imi geno marã.
19
Ka gu ni nakpara ati akpi nyemu ka tumo ho, si du ni animoi marã wa sa dagba bisue ku ri ndikidi genoho, si ki nye ni gani.
20
Ono ka ni akpi nga nyemu ka tumo gu ati re ya, watadu ka ni bagi ati fu kura boro, i anitumo nga ha berewe te;
21
ono gu ati re, ho i ka nikusi pa ha ni ti garã ngbiko ni ngbarago, si anidu ziazia fu Yekova, wa gu ati i akpara ha; boromotumo nikanidu ni iraha.
22
Ono ka ni kpara ati fu Yekova nga gu ati ni angbe he, angia nga papara gani ringara ni ukumbo ya,
23
si du boromotumo anigedi genoho dati garã ngbiko ni ngbarago, gu boro re nik anifu marã genoho kina wa ziazia he fu Yekova ni gu uru re.
24
Rogo garã ngbiko ni ngbarago i ka karaga ati fu gu ni i angbe he be ni, fu gu boro du ringara ni gani, si adú ni ũkumbo.
25
Ageno ahe ni ba sa sa adú kina kuti sekere nga ga ziazia ba: agera 20 nikanidu wa sekere sa.
26
“Ono gu bambata wiri anya, nga agu ra du wa bambata ra fu Yekova, a nga boro nikakpara ra wa sa te; watadu babagara watadu kandoro, ami nga ga Yekova ra.
27
Ka u du ni nyakorokpa, si du ni ki ngbe ru berewe kuti gu genoru ringbisi mo, ki moi sa dagba bisue ku ri he; watadu, ka i atúmo nga ru ya, i ki bagi ru kuti gu genoru.
28
“Ono a nga kparakpara he ho sa nga gu boro nakpara ha fu Yekova, ka i bagi watadu tumo ho te, nga gu du dagba agu ahe du be ni, watadu boro watadu nya, watadu ga gani ati ũkumbo a, agu ahe dunduko i akpara ha fu Yekova, si ni kparakpara ha ziazia.
29
Ka i túmo nga gu boro kpara yo ni te, nga gu ni ka i gbarasi ni dunduko dagba aboro, i aniimi ni aimo.
30
“Gu sa dagba bawe nga ga ringara, watadu tunga ũsende, watadu zuzu angua, si nga ga Yekova; si ni kparakpara ha ziazia fu Yekova.
31
Ka boro akpí nyemu ka tumo gani sa dagba bawe, ni animoi sa dagba bisue ku ri he a.
32
Gu sa dagba bawe dunduko nga ga rimbasa abagara na rimbasa akandoro, nga gu bawe ru nga ga anya dunduko nga agu ra nikasusa tii ga babandara ngau, anidu ni kparakpara ra ziazia fu Yekova.
33
Ka boro nisána nga he tipa du u wenengaĩ, watadu u gbegberẽ ya, ka ni aunda nga ru a ya; ono ka ni unda ru, ami ue nga gu ru ni niunda ru na gu kurai anidu ni kparakpara ra; ka i nitúmo nga ra berewe ya.”
34
Gere nga agu arugute Yekova arugu Mose na ni tipa awiri aYisaraere ri Bagangara Sinai yo.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
Recommended Reading
Commentary
Leviticus Commentaries
→
Devotional
Leviticus Devotional Guide
→
Get This Bible
Zande Study Bible
→