bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Leviticus 20
Leviticus 20
Zande
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
1
Yekova ki ya fu Mose,
2
“Mo yá fu awiri aYisaraere, Gu boro dagba awiri aYisaraere watadu gu kungba boro sungu ku dagba aYisaraere, ka fu wirini fu Moreke i aniimi ni aimo; aboro ringara anisopo ni ni ambia.
3
Mi ni tire nikazinga kuti gu boro re, ki kpara ni ku sa yo ti gani aboro, bambiko ni fu gu wirini sa fu Moreke, ki birikosi gi ziazia ba, ki gbarasi rimore a.
4
Ka aboro ringara dunduko kisi bangiriyo ti gu boro re ho ni nafu gu wirini ni fu Moreke, ka i aímo nga ni ya,
5
si du mi azínga ii ni kina kuti gu boro re na kuti gani aborokporo, ki kpara yo ku sa yo ti gayo aboro, ni na agu aboro dunduko napeka ni na mangapai wa sino pa bari na Moreke.
6
“Ka boro ndu fuo agumba sangbaatoro na abinza, ki nimangi pai wa sino pa bari na yo, mi azinga kuti gu boro re, ki kpara ni ku sa yo ti gani aboro.
7
Si du oni kpára tironi ki du ziazia; bambiko mi nga Yekova nga gaoni Mbori.
8
Oni ká kuti gimi rugaapai, ki nimangi he; Mi nga Yekova nakpara roni.
9
Bambiko agu aboro dunduko ka gberẽ ngbayo yo fu abayo watadu fu anayo i aniimi yo aimo; i gberẽ ngbayo yo fu bayo watadu nayo, kureyo anidu kina ku ri yo.
10
“Ka kumba mangi bari na dia kurani, kumbabari na debari i ka niími yo aimo ue dũ.
11
Gu kumba ra na dia bam ni bi ga bani kundirise; i ue i ka niimi yo aimo, kureyo du kina ku ri yo.
12
Ka kumba ra na dia wirini, i ue i ka niimi yo aimo; i mangi gu pai nga ra na gume, kureyo anidu kina ku ri yo.
13
Ka kumba ra na kurani wa i nara na de, i ue mangi kere gbegberẽ sino; i aniimi yo aimo, kureyo anidu kina ku ri yo.
14
Ka kumba di de na nari a, si nga gbigbitapai; i anizo yo azo, kumba gbiakuti yo a, ya ka gbigbitapai dú nga dagba roni wa sa ya.
15
Ka kumba ra na nya, i aniimi ni aimo; oni ki imi gu nya re a.
16
Ka de mbedi na nya ka ra na u, oni ki imi de na gu nya re a; i aniimi yo aimo, kureyo anidu kina ku ri yo.
17
“Ka kumba di dawirini, nga wiri vuru bani watadu wiri vuru nani, ki bi kundiri ri, ri ki bi kundiri ko, si nga kere pa zee, i ki imi yo aimo ku bangiri gayo aboro; ko bi kundiri dawiriko, ko akpída pa kina gako irairapai.
18
Ka kumba ra na de ri ki du na gari kaza ade, ki bi kundiri ri, ko bi bambu gari kaza ade, ri yugu bambu gari kaza nga ga kure; i ue i kanikpara yo ku sa yo ti gayo aboro.
19
Ka oni nibí nga kundiri unduru naroni ya, watadu dawiri baroni a ya, bambiko gure nga bi kundiri mbembedi gume; i animbu mbugo gayo irairapai.
20
Ka boro ra na dia andoni, ni bi ga andoni kundirise; i animbu mbugo gayo ingapai, i akpíka ni airazangada.
21
Ka boro di dia wirinani, si nga birikosibirikosi pai; ni bi ga wirinani kundirise, i adú ni airazangada.
22
“Si du oni aká kuti gimi rugaapai na gimi ruru asarangbanga dunduko, ki nimangi he; ya gu ringara mi aye na oni oni niraki rogo ho ka si asúka nga roni ya.
23
Ka oni nipéke nga fuo gu sino nga ga gu rikaaboro mi ado yo barangba roni ya; bambiko i amangi agi apai dunduko re, si du mi asogo yo ti ni.
24
Ono ya mi fu roni, ‘Oni adía kumbo gayo ringara, mi ki fu he fu roni oni di he ni gaoni, gu ringara du adu na mamuanya na nzeme anyege kpaima.’ Mi nga Yekova nga gaoni Mbori nakpara roni ti aboro.
25
Si du oni ka kpara dagba gigiri nya na nyakorokpa ti ni, na dagba gu zire nga nyakorokpa na gigiri zire; ka oni abírikosi nga tironi ka gberã be ra watadu be zire watadu be gu ru nagbe tiru sande a ya, nga agu ra mi akpara ra fu roni ni anyakorokpa.
26
Oni adú ni kparakpara roni ziazia fere; bambiko mi nga Yekova du ni kparakpara re ziazia, nakpara roni ti aboro, oni dú ni gimi aboro.
27
“Kumba watadu de du ni gumba sangbaatoro watadu ni binza i aniimi ni aimo; i anisopo ni ni ambia, kureni anidu kina ku ri ni.”
← Chapter 19
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 21 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27