bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
Leviticus 22
Leviticus 22
Zande
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 23 →
1
Yekova ki ya fu Mose,
2
“Mo gúmba ha fu Arona na fu awiriko i rú ku sa yo ti gu ziazia ahe nga ga awiri aYisaraere, nga gu kpara yo ho fere, si du ka i agbárasa nga ziazia rimore ya; Mi nga Yekova.
3
Mo yá fu yo, ‘Ka gu boro dagba atitaroni yo rogo arika ngbatungaroni mbedi na ziazia ahe, nga gu awiri aYisaraere nikpara ha fu Yekova, ho du ni ni ni birikosibirikosi ni, i anikpara ni ku sa yo bara bangire: Mi nga Yekova.
4
A nga boro dagba ngbatunga Arona yo du ni boro ngbataka watadu na kaza ga kpanda ti ni ka ri gu ziazia ahe daho ni ka du ni ni gigiri ni te. Gu ni ka zadi birikobiriko he be zada kangba boro watadu gu ni tunga awiri kumba naga ti ni,
5
na gu boro ka zadi gu gbiro nagbe tiru nga gu ru ka birikosi ni; watadu zadi gu boro ka ni biriko be ni, watadu gini biriko ka du ti ni―
6
gu boro ka zadi gu ngbatunga he re, ni adú ni birikosibirikosi ni ki da ku nyemu, ka ni arí nga gu dagba gu ziazia ahe ya, kina gu ka ni zundu kpotoni.
7
Ho uru ka ti ni ni ki du gigiri; fuo ho ni ka ri gu ziazia ahe, bambiko ngbatunga gure nga gani riahe.
8
Ka ni nirí nga kotokakpi ya, watadu gu ru anyarinde nizi ru, ka birikosi tini na u: Mi nga Yekova.’
9
Si du i aká kuti gimi rugaapai, i ka mbu mbuso ingapai tipa ha i kpiki tipa ha wa gbarasi yo pa ha: Mi nga Yekova nakpara yo ziazia.
10
“Ka kungba boro nirí nga gu he dagba ziazia ahe yo ya. Gu boro sungu na boromotumo watadu boro sunge, ni aniri nga gu dagba gu ziazia ahe re te;
11
ono ka boromotumo ngbe kanga wa gako ũkporo ni marã, gu kanga re nikaniri he; na agu yo i avungu yo yo rogo gako kporo nikaniri gako riahe.
12
Ka kungba boro di wiri boromotumo, ri aniri nga he dagba ũmotumo nga ziazia ahe te.
13
Ono ka wiri boromotumo du ni dekurugbo, watadu i ambu ri ambu, ka gude adu nga be ri ya, ri ki karaga tiri berewe ku bari yo, wa ri adu ni parangari, ri arí he dagba ga bari riahe; ono ka kungba boro nirí nga ha wa sa ya.
14
Ka boro ri gu dagba gu ziazia ahe re zanga ina pa ha, ni animoi sa dagba bisue nga gani ku ri genoho, ki fu gu ziazia he re fu boromotumo.
15
Ka aboromotumo nigbárasi nga gu ziazia ahe nga ga awiri aYisaraere, nga gu i afu fu Yekova ya,
16
si ki nimangi yo i mbú mbugo irairapai ki du na pai ku ri yo, wa i ari gayo ziazia ahe: bambiko mi nga Yekova nakpara yo ziazia.”
17
Yekova ki ya fu Mose,
18
“Mo yá fu Arona na fu awiriko na fu awiri aYisaraere dunduko. Ho boro dagba angbatunga aYisaraere vo watadu gu ni sungu ku Yisaraere yo nifu gamunihe mbedisatise ni, watadu ni digisa pa zungahe, watadu wa gu gamunihe i afu he zaza na nyemuhe nga gu fu ni he fu Yekova wa zozo motumo,
19
mi idi pa ha, oni anitumo na bara zanga serõ dagba abaabagara yo, watadu akandoro, watadu ameme.
20
Ka oni nifú nga gu ru du na aserõ ti ru ya, bambiko u adu nga ni gu ru idi mi pa ru tipa roni te.
21
Ho boro ka nifu amotumo zereda ni fu Yekova, ka digisa pa zungahe, watadu wa gu gamunihe i afu he zaza ni nyemuhe, dagba rimbasa abagara watadu dagba rimbasa akandoro yo, mi idi pa ha, u ka du ziazia; ka serõ adú nga ti ru ya.
22
Ka oni nitúmo nga na agu anya fu Yekova du na vurari ya watadu du na sonzorasonzora bera na ndura, watadu na dewedewe kpotora, watadu kpanda naga ti ra watadu kpurunya, watadu ndaka a ya, watadu manga gu motumo na ami i namanga ha ni we ri bamotumo nga ga Yekova a ya.
23
Ono gu babagara na gu wiri kandoro du na gu pa ru ni gbanga ha watadu ni guru he, oni ki nifu ru tipa gu gamunihe i afu he zaza ni nyemuhe; ono tipa motumo digisa pa zungahe, mi aida nga pa ru te.
24
Gu nya du na õrõru ni mburumburu he, watadu ni futukafutuka ha, watadu ni dewedewe he, ka oni nifú nga ru fu Yekova watadu tumo na u rogo gaoni ringara ya;
25
ka oni nifú nga gu ru dagba agi anya re di oni ru be kungba boro ni riahe nga ga Mbori ya. Bambiko wa du ami na serõ ti ra, bambiko gberẽ ami agberã, mi aida nga pa ra fu roni te.”
26
Yekova ki ya fu Mose,
27
“Ho nya ka vunga babagara ni, watadu kandoro, watadu meme, gu wiru re asunga pati nara tipa rame saba; fuo muambi uru ka mi idi pa ru ti ni wa gamunihe i nazo ho na we fu Yekova.
28
Ka nai du ni nabagara watadu ni nakandoro oni aímo nga ra ue na wiru kina rogo gu uru re sa te.
29
Ho oni ka nifu motumo tambuahe ni fu Yekova, oni anifu he wa ka mi idi pa roni aida.
30
I aniri ru kina rogo gu uru sa re, ka oni ahé nga gu wiri pa ru da ku wiso ya: Mi nga Yekova.
31
“Si du oni aká kuti gimi arugute ka amanga ha: Mi nga Yekova.
32
Ka oni agbárasa nga ziazia rimore ya, ono mi adú ni kparakpara re dagba awiri aYisaraere; Mi nga Yekova nakpara roni ziazia,
33
naye na oni ringara Ezipeta yo ka du ni gaoni Mbori: Mi nga Yekova.”
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27