Isaiah 25

Amharic Dawro DFBE (ጌሻ ማጻፋ) No Year

← Chapter 24 Jump to: Chapter 26 →

1አቤት መና ጎዳዉ፥ ኔን ታ ጾሳ። ታን ኔና ቁ ቁ ኦና፤ ነ ሱንካ ጋላታና። አያዉ ጎፐ፥ ኔን ፖሎ አማነትያዋን በንፐ ሀልቼቲደ ደእያ ማላልስያ ኦሶቱዋ ኦዳ።

2ኔን ካታማ ሹቻይ ኦለትያ ሳኣ ኦዳ፤ ምኑዋን ግምበቴዳ ካታማ ኮላዳ። አላጋቱዋ ካትያ ጎልያካ ላኤን ካታማ ግደናዳን ኦዳ። ስሚደ ሙለካ ኬጸተና።

3ሄዋ ድራዉ፥ ምኖ አሳቱ ኔና ቦንቻና፤ መቀ ባይና ካዉተቱዋ ካታማቱካ ነዉ ያያና።

4ኔን ህዬሳዉ ባቃት አትያሳ። መቶታንቻዉካ ባረ መቱዋ ዎደ ባቃት አትያሳ፥ ኡሹዋፐ አትያ ሳኣነ አዋ ሴላፐ አትያ ኩዋ ግዳዳ። አያዉ ጎፐ፥ መቀ ባይና አሳ ሀንቁ ግምቢያ ሾጭያ ኡሹዋ ማላነ

5ባዙዋ ጋድያ ምሹዋ ማላ። አዋ ምሹ ሻርያ ኩዋን ጋቢ ግያዋዳን፥ ኔን አላጋቱዋ ዋላሳ ሀይዝሳዳ፤ ያትና፥ መቀ ባይና አሳቱዋ የይ ጮኡ ጌዳ።

6ኡባፐ ዎልቃማ መና ጎዳይ አሳ ኡባዉ ሀ ደርያ ቦላን ዎልቃማ ግብራ ጊግሳና፤ ሄዌካ ሞቱዋ፥ ኮልዝያና ደእያባቱዋነ ሎኦ ካኤዳ ዎይንያ ኤሳ ግብራ።

7ሀ ደርያን አሳ ኡባ ጫሜዳዋ፥ ካዉተ ኡባ ቦላንካ ምጨቴዳ ጋርዱዋ እ ይሳና።

8ሀይቁዋ እ መናዉ ምታና፤ ኡባ ሞድያ መና ጎዳይ አይፍያ ኡባፐ አፎ ቁጫና፤ ባረ አሳ ካዉሻካ ቢታ ኡባፐ ድጋና። ሀዋ መና ጎዳይ ኦዴዳ።

9ሄ ጋላስ ኡንቱንቱ ሀዋዳን ያጋና፤ “ሀዌ ቱሙ ኑ ጾሳ፤ ኑን እ ኑና አሻናዳን ናጌዶ፤ እ ኑና አሼዳ። ሀዌ መና ጎዳ፤ ኑን አ ናጌዶ። አነ አ አቶተን ሀሹ ጌቶነ ናሸቴቶ” ያጋና።

10አያዉ ጎፐ፥ መና ጎዳ ኩሺ አሻናዉ ሀ ደርያ ቦላን ግዳናዋ። ሽን ዳርጫ ፕቱዋ ኦላን የጊደ የያዋዳን፥ ሞኣባ ቢታ አሳይ ባረ ሳኣን የታና።

11ሃ ዋያዌ ሃ ዋናዉ ባረ ኩሽያ ፕድ ኦያዋዳን፥ ኡንቱንቱ ሄዋ ግዶን ባረንቱ ኩሽያ ፕድ ኦና። ሽን ጾሳይ አ ኦቶሩዋ አ ኩሽያ ገንያናካ ጋደ ካዉሻና።

12ኡንቱንቱ ቂሲደ፥ ምኑዋን ግምቤዳ ግምቢያ እ ዱገ አሀናነ ካዉሻና፤ ዱገ ሳኣን፥ ኡባ ህርክ ባናን ኦላና።

← Chapter 24 Jump to: Chapter 26 →