Nehemiah 7

Chuvash (CHB) (БИБЛИ) 2009

← Chapter 6 Jump to: Chapter 8 →

1Хӳмене туса пӗтерсессӗн, хапха алӑкӗсене ҫакса тухсассӑн, хапха хуралҫисемпе юрӑҫсене тата левитсене хӑйсен вырӑнне ӗҫе тӑратрӑмӑр.

2Эпӗ хамӑн пӗртӑванӑма Ханание тата керем пуҫлӑхне Хананияна, шанчӑклӑ та Турӑран хӑраса пурӑнакан ҫынна, — ун пек ҫын сайра вӑл, — Иерусалим хулине тытса тӑраканӗсем турӑм та

3вӗсене ҫапла каларӑм: хӗвел хӗртме пуҫламасӑр Иерусалим хапхисене ан уҫӑр. Хуралҫӑсем хӑйсем тӑнӑ чухне алӑксене питӗрсе илсе хупӑ тытчӑр. Хурала Иерусалимра пурӑнакансене тӑратӑр, пӗрисем хулана хураллатчӑр, тепӗрисем хӑйсен килӗ-ҫурчӗ умӗнче тӑччӑр, терӗм.

4Анчах хула пысӑк та анлӑччӗ, халӑхӗ унта сахалччӗ, ҫуртсем лартса ҫитерейменччӗ-ха.

5Вара Туррӑм ирӗкӗпе манӑн чӗремре халӑх йышне шута илес шухӑш ҫуралчӗ, ҫавӑнпа эпӗ ятлӑ-сумлӑ ҫынсене, пуҫлӑхсене, пӗтӗм халӑха пуҫтартӑм. Эпӗ тыткӑнран чи малтан таврӑннисенӗн йӑх-кӑк ҫырӑвне тупрӑм, унта ҫапла ҫырнӑччӗ:

6акӑ тыткӑнран таврӑннӑ ҫынсем, вӗсене тыткӑна Вавилон патши Навуходоносор хӑваласа кайнӑччӗ; вӗсем ӗнтӗ Иерусалима, Иудейӑна, — кашнийӗ хӑйӗн хулине таврӑнчӗҫ,

7вӗсене Зоровавель, Иисус, Неемия, Азария, Раамия, Нахманий, Мардохей, Билшан, Мисфереф, Бигвай, Нехум, Баана ертсе килнӗ. Акӑ Израиль ҫыннисен йышӗ:

8Парош ывӑлӗсем — икӗ пин те ҫӗр ҫитмӗл икӗ ҫын;

9Сафатия ывӑлӗсем — виҫҫӗр ҫитмӗл иккӗ;

10Арах ывӑлӗсем — ултҫӗр аллӑ иккӗ;

11Пахаф-Моав ывӑлӗсем, Иисус тата Иоав тӑхӑмӗсем — икӗ пин те сакӑрҫӗр вунсаккӑр;

12Елам ывӑлӗсем — пин те икҫӗр аллӑ тӑваттӑ;

13Заффу ывӑлӗсем — сакӑрҫӗр хӗрӗх пиллӗк;

14Закхай ывӑлӗсем — ҫичҫӗр утмӑл;

15Биннуй ывӑлӗсем — ултҫӗр хӗрӗх саккӑр;

16Бевай ывӑлӗсем — ултҫӗр ҫирӗм саккӑр;

17Азгад ывӑлӗсем — икӗ пин те виҫҫӗр ҫирӗм иккӗ;

18Адоникам ывӑлӗсем — ултҫӗр утмӑл ҫиччӗ;

19Бигвай ывӑлӗсем — икӗ пин те ултҫӗр ҫиччӗ;

20Адин ывӑлӗсем — ултҫӗр аллӑ пиллӗк;

21Езекия килӗнчен тухнӑ Атер ывӑлӗсем — тӑхӑрвун саккӑр;

22Хашум ывӑлӗсем — виҫҫӗр ҫирӗм саккӑр;

23Вецай ывӑлӗсем — виҫҫӗр ҫирӗм тӑваттӑ;

24Хариф ывӑлӗсем — ҫӗр вуниккӗ;

25Гаваон ывӑлӗсем — тӑхӑрвун пиллӗк;

26Вифлеемпе Нетофа ҫыннисем — сакӑрвун саккӑр;

27Анафоф ҫыннисем — ҫӗр ҫирӗм саккӑр;

28Беф-Азмавеф ҫыннисем — хӗрӗх иккӗ;

29Кариаф-Иарим, Кефира тата Беероф ҫыннисем — ҫичҫӗр хӗрӗх виҫҫӗ;

30Рама тата Гева ҫыннисем — ултҫӗр ҫирӗм пӗрре;

31Михмас ҫыннисем — ҫӗр ҫирӗм иккӗ;

32Вефиль тата Гай ҫыннисем — ҫӗр ҫирӗм виҫҫӗ;

33тепӗр Нево ҫыннисем — аллӑ иккӗ;

34тепӗр Елам ывӑлӗсем — пин те икҫӗр аллӑ тӑваттӑ;

35Харим ывӑлӗсем — виҫҫӗр ҫирӗм;

36Иерихон ҫыннисем — виҫҫӗр хӗрӗх пиллӗк;

37Лод, Хадид тата Оно ҫыннисем — ҫичҫӗр ҫирӗм пӗрре;

38Сенаа ҫыннисем — виҫӗ пин те тӑхӑрҫӗр вӑтӑр;

39священниксем, Иисус килӗнчен тухнӑ Иедаия ывӑлӗсем — тӑхӑрҫӗр ҫитмӗл виҫӗ ҫын;

40Иммер ывӑлӗсем — пин те пилӗкҫӗр иккӗ;

41Пашхур ывӑлӗсем — пин те икҫӗр хӗрӗх ҫиччӗ;

42Харим ывӑлӗсем — пин те вунҫиччӗ.

43Левитсем: Иисус ывӑлӗсем — Годева ӑрӑвӗнчен тухнӑ Кадмиил тӑхӑмӗсем — ҫитмӗл тӑваттӑ.

44Юрӑҫсем: Асаф ывӑлӗсем — ҫӗр хӗрӗх саккӑр.

45Хапха хуралҫисем: Шаллум ывӑлӗсем, Атер ывӑлӗсем, Талмон ывӑлӗсем, Аккув ывӑлӗсем, Хатита ывӑлӗсем, Шовай ывӑлӗсем — ҫӗр вӑтӑр саккӑр.

46Левитсене пулӑшакансем: Циха ывӑлӗсем, Хасуфа ывӑлӗсем, Табаоф ывӑлӗсем,

47Кирос ывӑлӗсем, Сия ывӑлӗсем, Фадон ывӑлӗсем,

48Левана ывӑлӗсем, Хагава ывӑлӗсем, Салмай ывӑлӗсем,

49Ханан ывӑлӗсем, Гиддел ывӑлӗсем, Гахар ывӑлӗсем,

50Реаия ывӑлӗсем, Рецин ывӑлӗсем, Некода ывӑлӗсем,

51Газзам ывӑлӗсем, Узза ывӑлӗсем, Пасеах ывӑлӗсем,

52Весай ывӑлӗсем, Меуним ывӑлӗсем, Нефишсим ывӑлӗсем,

53Ваквук ывӑлӗсем, Хакуфа ывӑлӗсем, Хархур ывӑлӗсем,

54Вацлиф ывӑлӗсем, Мехида ывӑлӗсем, Харша ывӑлӗсем,

55Варкос ывӑлӗсем, Сисара ывӑлӗсем, Фамах ывӑлӗсем,

56Нециах ывӑлӗсем, Хатифа ывӑлӗсем.

57Соломон чурисен ывӑлӗсем: Сотай ывӑлӗсем, Софереф ывӑлӗсем, Ферида ывӑлӗсем,

58Иаала ывӑлӗсем, Даркон ывӑлӗсем, Гиддел ывӑлӗсем,

59Сафатия ывӑлӗсем, Хаттил ывӑлӗсем, Похереф — Гацеваим ывӑлӗсем, Амон ывӑлӗсем.

60Левитсене пулӑшакансемпе Соломон чурисен ывӑлӗсем — пурӗ виҫҫӗр тӑхӑрвун икӗ ҫын.

61Акӑ Тел-Мелах, Тел-Харша, Херув-Аддон тата Иммер ҫӗрӗсенчен килнисем, анчах вӗсем хӑйсен йӑхӗ-кӑкӗ Израильрен пулнипе пулманнине кӑтартса парайманнисем:

62Делаия ывӑлӗсем, Товия ывӑлӗсем, Некода ывӑлӗсем — ултҫӗр хӗрӗх икӗ ҫын.

63Тата священниксенчен: Ховаия ывӑлӗсем, Гаккоц ывӑлӗсем, Верзеллий ывӑлӗсем — ҫав Верзеллий ӗнтӗ Галаадра пурӑнакан Верзеллий хӗрӗсенчен пӗрне качча илнӗ те вара ӑна хӑйне те Верзеллий тесе чӗнме пуҫланӑ.

64Вӗсем хӑйсен йӑх-кӑк ҫырӑвне шыранӑ та — тупайман, ҫавӑнпа вӗсене священниксен йышӗнчен кӑларнӑ.

65Вара ҫав ҫӗр пуҫлӑхӗ вӗсене ҫак ӗҫе священник урим тата туммим тытса татса памасӑр аслӑ та сӑваплӑ парнене ҫиме каламарӗ.

66Ҫапла вара пӗтӗм халӑх йышӗ хӗрӗх икӗ пин те виҫҫӗр утмӑл ҫын пулнӑ;

67кунсӑр пуҫне вӗсен чурисемпе хӑрхӑмӗсем — ҫичӗ пин те виҫҫӗр вӑтӑр ҫичӗ ҫын; тата арҫын юрӑҫсемпе хӗрарӑм юрӑҫсем — икҫӗр хӗрӗх пилӗк ҫын.

68Вӗсен тӑватҫӗр вӑтӑр пилӗк тӗвепе ултӑ пин те ҫичҫӗр ҫирӗм пуҫ ашак пулнӑ.

69Хӑш-хӑш ӑру пуҫлӑхӗсем ӗҫ тума пурлӑх пачӗҫ. Ҫав ҫӗр пуҫлӑхӗ вара Турӑ Ҫурчӗн мул управӑшне пин драхма ылтӑн, аллӑ савӑт тата священниксем валли пилӗкҫӗр вӑтӑр тум хыврӗ.

70Ӑру пуҫлӑхӗсенчен хӑшӗ-хӑшӗ ӗҫ тума ҫирӗм пин драхма ылтӑн, икӗ пин те икҫӗр мина кӗмӗл хыврӗ.

71Ытти ҫынсем ҫирӗм пин драхма ылтӑн, икӗ пин мина кӗмӗл тата священниксем валли утмӑл ҫичӗ тум пачӗҫ.

72Вара священниксем, левитсем, хапха хуралҫисемпе юрӑҫсем, левитсене пулӑшакансем хӑйсен хулисенче, ытти израильсем хӑйсен хулисенче пурӑнма вырӑнаҫрӗҫ.

73Ӗнтӗ ҫиччӗмӗш уйӑхра пӗтӗм Израиль халӑхӗ хӑйсен хулисенче пурӑннӑ.

← Chapter 6 Jump to: Chapter 8 →