Proverbs 26

Dagbani Bible (Naawuni Kundi Kasi)

← Chapter 25 Jump to: Chapter 27 →

1Kaman paɣili ni bi simdi siɣili saha shɛm bee di ni bi simdi ni saa mi puri atam kpuɣibu saha shɛm, lala ka jilima bi simdi jɛrigu.

2Kaman karakɔhi ni kul daari yiɣiri gindi shɛm bee sakpaleensi ni yiɣiri shɛm, lala ka noli yɛlibu din bi simdi gba bi chani shɛli.

3Wɔhu simdila fiɛbiga, ka buŋ’ simdi langami, ka jɛra yaansi zuɣu mi simdi fiɛbiga.

4Jɛra yi bɔhi jɛrilim bɔhigu, nyin’ di garigi ba jɛrilim garigibu, di yi pa lala a gba ni leei jɛrigu.

5Garigim’ jɛra kaman bɛ jɛrilim ni simdi shɛm, di yi pa lala bɛ ni tɛhi ni bɛ mali yɛm.

6A yi zaŋ yɛtɔɣa talim jɛrigu, di ŋmanila a zaŋla sua ŋmaag’ a napɔŋ bahi ka bɔri yɛla.

7Gbarigu napɔna ni bi shihiri tiŋ’ shɛm, lala ka jɛrigu ŋahili gba be.

8A yi ti jɛrigu jilima, di ŋmanila a ni lo kuɣili niŋ kuɣilɔŋ ni la.

9Jɛrigu yi ŋahi ŋahili, di ŋmanila nir’ ni nyu dam kuli ka bɔri ni o ŋooi goo o nuu ni la.

10Ninvuɣ’ so ŋun bu jɛrigu ŋun gariti paa bee m-bu ŋun nyu dam kuli paa ŋmanila peentɔra ŋun tɔri sokam piɛma tiri ba dansi.

11Baa ni yi gbuɣi, ka lan labi ti dir’ li shɛm la, lala ka jɛrigu labir’ o jɛrilim tuma ni.

12A nya ninvuɣ’ shɛb’ bɛn tɛhi ni bɛ mali yɛm la? Jɛra mali tahima pam gari ba.

13Vinnyaɣilana n-yɛra, “Gbuɣinli be sol’ ni, gbuɣinli be solɔɣu zuɣu.”

14Kaman chɛulɔnim’ ni kul gbibi punu ka di viini gindi shɛm la, lala ka vinnyaɣilan’ gba be o garo zuɣu.

15Vinnyaɣilan’ zaŋ o nuu tim saɣ’ ŋman’ ni, ka wumsim mal’ o pam ni o zaŋ li ti kpar’ o noli ni.

16Vinnyaɣilan’ tɛhiya ni o mali yɛm gari niriba ayopɔin bɛn ni tooi garigi yɛtɔɣa viɛnyɛliŋga.

17Ninvuɣ’ so ŋun zaŋ o nuu kpɛhi o kpee zabili ni ŋmanila ŋun gbaai ba’ so ŋun gariti tiba.

18Kaman yinyaa ni zaŋdi buɣim datɛhi labiri ka tɔri piɛma din mali lɔɣu shɛm la,

19lala n-nyɛ ninvuɣ’ so ŋun yɔhim o kpee ka yɛli, “N diɛmdimi.”

20Dari yi kani, buɣim ni kpi. Tikub’ yi kani, zabili ku beni.

21Kaman sala buɣim ni tahiri biisim na, ka dari chɛ ka buɣim diri shɛm, lala ka ninvuɣ’ so ŋun bɔri zabili chɛ ka zabili neera.

22Tikub’ yɛtɔɣa ŋmanila saɣibɔri nyaɣisili, di kul kpɛrila ninsal’ niŋgbuna puuni.

23Kaman bɛ ni yi dooi samafuu pa yaɣiri duɣu zuɣu shɛm la, lala n-nyɛ ninvuɣ’ so ŋun tɔɣisiri yɛtɔɣ’ viɛla o noli ni, ka zaɣ’ biɛɣu be o suhu ni.

24A dim’ ni tɔɣisi yɛtɔɣ’ maŋa ti a, amaa ka di lee nyɛla yɔhiŋ o suhu ni.

25A dim’ yi tɔɣisiri yɛtɔɣ’ viɛla, nyin’ di niŋ li yɛda, dama din chihira ayopɔin sɔɣi be di ni,

26hal o yi kul sɔɣ’ o jɛlinsi maa o bilikɔnsi yɛtɔɣa ni, dim’ maa ninvuɣ’ biɛtali ni bahi yi palo niriba ni.

27Ŋunkam gbi bɔɣili ni lu di ni, ka kuɣili ni marigi ŋun biligi li.

28Naŋgban’ shɛli din ŋmari ʒiri je di ni ŋmari ʒiri pari shɛb’ maa, ka naŋgbammalisim tahiri saɣiŋgu na.

← Chapter 25 Jump to: Chapter 27 →