Joshua 12

Guarani 2015 (Ñanderuete Ñe’ẽ Porã 2015)

← Chapter 11 Jump to: Chapter 13 →

1Ko’ãva hína umi mburuvicha Israel ñemoñarenguéra ojukava’ekue ha upéi oñemomba’eva’ekue ijyvýre oĩva Jordan mboypýri, kuarahyresẽ gotýo, Arnon yakã guive Hermon cérro peve, ha pe Araba tuichakue javeve kuarahyresẽ gotýo:

2Sehon, Amorguakuéra ruvicha, oikova’ekue Hesbónpe, ha oñemomba’eva’ekue Aroer guive, péva opytahína pe Arnon yakã rembe’ýpe, ha Galaad ñu mbyte guive, Jaboc yakã meve, péva Amon ñemoñarenguéra retã rembe’y;

3ha pe Araba, pe Cinerot rehegua Yguasu (Mar Galiléa) guive, kuarahyresẽ gotýo; ha pe Jordan Araba rehegua ysyry rembe’y ñuguasu rupi og̃uahẽ meve Yguasu Jukyry pegua (Mar Saládo), kuarahyresẽ gotýo; ha Betjesimot rape rehe, og̃uahẽ meve Pisga cérro yke peve.

4Ohundi avei Og, Basan ruvichápe, hembyva’ekue Refayguakuéragui (gigánte) ha oikova’ekue Astarot ha Edreípe.

5Ha’e oñemomba’eva’ekue Hermon cérrore, Salca rehe, Basan tuichakue rehe, Gesur ha Maaca rembe’y peve, ha pe Galaad mbytere peve, pe ambue Galaad mbytere Sehon, Hesbon ruvicha mba’e.

6Ko’ãvape Moises, Ñanderuete rembiguái ha Israel ñemoñarenguéra ojukava’ekue; ha Moises ome’ẽ ijyvyrã Rubengua, Gadgua ha Manases tríbu mbyterépe g̃uarã.

7Ko’ãvahína umi mburuvichaguasu Josue ha Israel ñemoñarenguéra ojukava’ekue, pe Jordan rembe’y ágotyo, kuarahyreike gotýo, Baalgad guive opytáva, Líbano ñúme, Halac cérro peve, péva opyta Seir gotýo ha Josue ome’ẽ Israel tribukuérape ko yvy tuichakue imba’erã ramo, ha’e omboja’o haguéicha ichupekuéra;

8umi cérro, umi yvype Jordan peve, umi cérro yke, pe desiérto, ha pe Négev, umi Hetgua, Amorgua, Canaangua, Ferezgua, Hevgua ha Jebusgua yvy; ko’ã mburuvichaguasu Israelguakuéra ojukava’ekue:

9Pe Jerico pegua, upéi Hái pegua, Hái opyta Betel ypýpe,

10Jerusalen pegua, Hebron pegua,

11Jarmut pegua, Laquis pegua,

12Eglon pegua, Gézer pegua,

13Debir pegua, Géder pegua,

14Horma pegua, Arad pegua,

15Libna pegua, Adulam pegua,

16Maqueda pegua, Betel pegua,

17Tapúa pegua, Héfer pegua,

18Afec pegua, Saron pegua,

19Madon pegua, Hazor pegua,

20Simron-meron pegua, Acsaf pegua,

21Taanac pegua, Meguído pegua,

22Cedes pegua, Jocneam pegua, Jocneam oĩ Cármelo ypýpe,

23Dor pegua, oĩva Dor yvýpe, Goim pegua, oĩva Gilgálpe,

24Tirsa pegua, oñondivepa oĩ 31 táva ruvicha.

← Chapter 11 Jump to: Chapter 13 →