Joshua 19

Guarani 2015 (Ñanderuete Ñe’ẽ Porã 2015)

← Chapter 18 Jump to: Chapter 20 →

1Pe po’a jeporavo mokõiha osẽ Simeónpe g̃uarã, hogaguasukuérape g̃uarã; ha ijyvy opyta umi Juda ñemoñarenguéra yvy pa’ũme.

2Ha oguereko hikuái itavakuéra ramo Beerséba, Seba, Molada,

3Hazarsual, Bala, Ezem,

4Eltolad, Betul, Horma,

5Siclag, Bet-marcabot, Hazar-susa,

6Betlebaot ha Saruhen; 13 táva, itava’ikuéra reheve;

7Ain, Rimon, Éter ha Asan; irundy táva, itava’ikuéra reheve;

8ha maymaite umi tava’i opyta itáva jerekue rehe Baalatbeer peve, oñembohéra avei Ramat, Négev pegua, kóa ningo Simeon tríbu yvy hogaguasukuérape g̃uarã.

9Pe yvy oñeme’ẽ po’a jeporavo rupi Juda tríbu yvy pehẽngue ituichaiterei, upévagui ojepe’a Juda tríbu yvýgui ha oñeme’ẽ po’a jeporavo rupi Simeon tríbupe imba’etee ramo, upéicha Simeon oiko Judayguakuéra apytépe.

10Pe po’a jeporavo mbohapyha osẽ Zabulon tríbu ha hogaguasukuérape g̃uarã ha ijyvy oho Sarid peve.

11Ijyvy rembe’y oñepyrũ kuarahyreike gotýo Maralágui, ha og̃uahẽ Dabeset peve, ha upégui oho pe yakã Jocneam peve;

12ha ojere Sarídgui kuarahyresẽ gotýo, Quislottabor rembe’y peve, osẽ Daberátgui ha ojupi Jafía peve.

13Upégui ohasa Gat-héfer ha Ita-cazin yke kuarahyresẽ gotýo rupi, ha osẽ Rimónpe ojerévo Neágui.

14Ha upéi nórte gotýo, ojere oho Hanaton gotýo, ha ou osẽ Iftah-el cerrokuéra pa’ũme.

15Ha avei Catat, Naalal, Simron, Idala ha Belen; 12 táva, itava’ikuéra reheve.

16Kóa Zabulon ñemoñarenguéra mba’etee hogaguasukuérape g̃uarã, itáva ha itava’ikuéra reheve.

17Pe po’a jeporavo irundyha osẽ Isacárpe g̃uarã, oñeme’ẽ hag̃ua Isacar rogaguasukuérape heta háicha.

18Ha ijyvýpe oĩ ko’ã táva: Jizreel, Quesu-lot, Sunem,

19Hafaraim, Sihon, Anaharat,

20Rabit, Quision, Abez,

21Remet, En-ganim, En-hada ha Bet-pases.

22Ijyvy rembe’y og̃uahẽ Tabor, Sahazima ha Bet-semes peve, ha opa ysyry Jordánpe; 16 táva, itava’ikuéra reheve.

23Ko’ãva ningo Isacar tríbu yvy hogaguasukuérape g̃uarã; itáva ha itava’ikuéra reheve.

24Pe po’a jeporavo 5-ha osẽ Aser tríbupe ha hogaguasukuérape g̃uarã.

25Ijyvýpe oĩ ko’ã táva: Helcat, Hali, Beten, Acsaf,

26Alamelex, Amad ha Miseal; ha og̃uahẽ Carmel peve kuarahyreike gotýo, ha Sihor-libnátpe,

27upéi ojere kuarahyresẽ gotýo Betdagónpe ha og̃uahẽ Zabulon yvýpe, Jftahel cerrokuéra pa’ũme yvate gotýo, Bet-émec ha Niélpe ha osẽ Cabúlpe nórte gotýo,

28Hebron, Rehob, Hamon ha Cana, Sidon táva tuichakue peve,

29upégui ijyvy rembe’y ojere Rama gotýo, og̃uahẽ meve Tírope, táva oñemombaretéva tápia yvate reheve, ha opia Hosa rupi, ha og̃uahẽ Yguasu Mediterráneo peve, Aczib yvýpe,

30Uma, Afec ha Rehob imba’e avei, oñondive 22 táva ha itava’ikuéra reheve.

31Kóa ningo Aser tríbu, hogaguasukuérape g̃uarã, itáva ha itava’ikuéra reheve.

32Pe po’a jeporavo 6-ha osẽ Neftali tríbupe ha hogaguasukuérape g̃uarã.

33Ha ijyvy rembe’y ohasa Hélef, Alon-saananim, Adami-néceb ha Jabneel rupi og̃uahẽ meve Lacum peve, ha opa Jordan ysyrýpe.

34Upéi oho kuarahyreike gotýo Aznot-tabórpe, ha upégui ohasa Hucoc rupi og̃uahẽ meve súrpe Zabulon yvy peve, kuarahyreike gotýo oja Aser yvy rehe, ha kuarahyresẽ gotýo oja ysyry Jordan rehe ha Juda yvýre.

35Ha umi táva ikorapy jere yvatéva oĩ Sidim, Zer, Hamat, Racat, Cineret,

36Adama, Rama, Hazor,

37Cedes, Edrei, En-hazor,

38Iron, Migdalel, Horem, Betanat ha Betsemes; 19 táva itava’ikuéra reheve.

39Koahína Neftali tríbu yvy hogaguasukuérape g̃uarã; ko’ãva ningo itáva ha itava’ikuéra.

40Pe po’a jeporavo 7-ha osẽ Dan tríbupe ha hogaguasukuérape g̃uarã.

41Ijyvýpe oĩ: Zora, Estaol, Ir-semes,

42Saalabin, Ajalon, Jetla,

43Elon, Timnat, Ecron,

44Elteque, Gibeton, Baalat,

45Jehud, Bene-berac, Gatrimon,

46Mejarcon ha Racon, ha opaite yvy opytáva Jope rovái.

47Ko yvy imichĩgui Dan tríbupe g̃uarã, oho hikuái ojeity hag̃ua Lesem ári, ha omoĩ ipoguýpe ikyse puku rãimbépe, ha oñemomba’e hese hikuái ha oiko ipype; ha Lesem oñembohéra Dan, ituvakuéra réraicha.

48Kóa ningo itríbu mba’e hogaguasukuérape g̃uarã; ko’ãva itáva ha itava’ikuéra.

49Ha oñemboja’opa riréma Israel tribukuéra yvy, Israelguakuéra ome’ẽ avei Josue, Nun ra’ýpe, ilóte ijapytepekuéra;

50Ñande Ruete he’i háicha, oñeme’ẽva’erã ichupe pe táva ha’e ojerureva’ekue: Timnat-sera, Efrain cérrope; upéi ha’e omyatyrõ jevy pe táva oiko hag̃ua ipype.

51Ko yvy pa’i Eleazar, Josue, Nun ra’y ha tríbu ruvichakuéra ome’ẽva’ekue Sílope po’a jeporavo rupi Israel tribukuérape, Ñanderuete renondépe, pe óga jojohuha rokẽme; ha peteĩteĩ tríbupe oñeme’ẽ ijyvy teerã.

← Chapter 18 Jump to: Chapter 20 →