bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Guarani
/
Guarani 2015 (Ñanderuete Ñe’ẽ Porã 2015)
/
Joshua 5
Joshua 5
Guarani 2015 (Ñanderuete Ñe’ẽ Porã 2015)
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
1
Mayma Amor ruvichakuéra oikóva Jordan mboypýri kuarahyresẽ gotýo, ha mayma Canaan ruvicha oikóva yguasu ypýpe, ohendúvo mba’éichapa Ñanderuete ombohypa pe Jordan ysyry Israel ñemoñarenguéra ohasapa hag̃ua, ipy’a manomba, ha ndaipytuvéi hikuái Israel ñemoñarenguéra renondépe.
2
Umi árape Ñanderuete he’i Josuépe: Eñembokyse itaguiguápe, ha eikytĩ’o Israel ñemoñarenguéra pire’i.
3
Ha Josue oñembokyse itaguiguápe, ha oikytĩ’o Israel ñemoñarenguérape Aralot cérro yképe.
4
Ha Josue oikytĩ’o ichupekuéra: Omanombámagui desiértope umi kuimba’e, oñorãirõva’ekue ha osẽva’ekue Egíptogui.
5
Umi kuimba’e osẽva’ekue Egíptogui oñekytĩ’ova’ekue opáma, umi kuimba’e katu onacemava’ekue desiértope, pe tape rehe, osẽ rire hikuái Egíptogui, noñekytĩ’ói gueteri ipire’i.
6
Israel ñemoñarenguéra oikógui desiérto rehe 40 áño pukukue, oñehundipa peve mayma kuimba’e osẽva’ekue guive Egípto retãgui, naiñe’ẽrendúigui Ñanderuete he’ívape; upévagui Ñanderuete opromete ichupekuéra ndohechaiva’erãha pe yvy Ha’e he’imava’ekue ituvakuérape ome’ẽtaha ñandéve, pe yvy osyryhápe kamby ha eíra.
7
Josue oikytĩ’o Israelguakuéra pire’i noñekytĩ’óigui gueteri desiérto rape rupi, ituvakuéra katu omanomava’ekue desiértope.
8
Ha oñekytĩ’opa rire mayma tapichakuérape, opyta hikuái hekohápe okuerapa peve.
9
Ha Ñanderuete he’i Josuépe: Ko árape aipe’a pendehegui Egípto peguare ñemotĩ; upévagui oñehenói pe yvy Gilgal ko ára peve.
10
Ha Israel ñemoñarenguéra opyta Gilgálpe, Jerico ñúme, ha omboarete hikuái pe páscua pe jasy pévape, pe ára 14-hápe, ka’arupytũme.
11
Ha pe páscua riregua árape oñepyrũ ho’u hikuái Canaan koga’akuéra, pan ojejapóva levadura’ỹre, ha pe árape avei ho’u trígo hára (espíga) pyahu oñemaimbepyréva.
12
Ha pe mana opa ambue ko’ẽme, ha pe ára guive oñepyrũ ho’u hikuái Canaan koga’akuéra; ha Israel ñemoñarenguéra araka’eve ndoguerekovéi mana, ho’úgui hikuái Canaan koga’akuéra pe áño peguare.
13
Josue oĩ jave gueteri Jerico ypýpe, ojesaupi ha ohecha peteĩ kuimba’e oñembo’ýva henondépe, ha oguerekóva peteĩ kyse puku ipópe. Ha Josue oho henda gotýo, ha he’i ichupe: Ndépa ore reheguáva térã orerehe ija’e’ỹva rehegua.
14
Ha ha’e he’i: Nahániri, che Ñanderuete yvága aty ruvicha. Upémaramo Josue ojeity henondépe, ombotuicha hag̃ua, ha he’i ichupe: Mba’épa he’i che jára, hembiguáipe.
15
Upérõ yvága aty ruvicha he’i Josuépe: Eipe’a nde py rehegua, pe yvy reĩháme oñemboykémagui Ñanderuetépe. Ha Josue ojapo péicha.
← Chapter 4
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 6 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24