Acts 10

Hausa Arabic 2020 (أَتَّوْرَتْ دَ أَنَّبَاوَا)

1أَݣَويْ وَنِ مُتُمْ أَ كَيْسَرِيَ مَيْ سُونَ كُواْنٜىٰلِيُسْ، وَنِ بَبَّنْ سُواْجَنْ رُواْمَ نٜىٰ نَڧُنْ‌غِيَرْ سُواْجَنْ دَ عَكٜىٰثٜىٰدَ عِتَ ڧُنْ‌غِيَرْ إِتَالِيَ؞

2شِے كُوَ مَيْ بَوْتَرْ اللَّهْ ، مَيْ ڟُواْرُوانْسَ كُمَ، شِے دَ عِيَلِنْسَ دُكَ؞ يَنَ ڧُواْڧَرِ سُواْسَيْ وَجٜىٰنْ بَ دَا سَدَكَ حَنُّ سَكٜىٰ غَ مُتَنٜىٰ، يَنَ كُمَيِنْ أَدُّعَ غَ اللَّهْ كُلُّمْ؞

3وَتَرَانَ، وَجٜىٰنْ ڧَرْڢٜىٰ عُكُ نَيَمَّ، يَغَ وَنِ مَلاَىِٕكَنْ اللَّهْ أَ ڢِيلِ عَثِكِنْ رُعُيَ، يَذُواْ وُرِنْسَ، يَثٜىٰ «كُواْنٜىٰلِيُسْ!»

4شِے كُوَ يَظُبَ مَسَ عِدُواْ ثِكِنْ ڟُواْرُواْ يَثٜىٰ « عُبَنْ‌غِجِ ، مٜىٰنٜىٰنٜىٰ؟» مَلاَىِٕكَنْ كُمَ يَثٜىٰ مَسَ «أَدُّعَرْكَ دَ سَدَكَرْدَ كَكٜىٰيِ سُنْ كَيْ حَرْ غَبَنْ اللَّهْ ، أَبُبُوَنْ تُنَاوَا نٜىٰ كُمَ أَغَرٜىٰشِ؞

5يَنْذُ سَيْ كَاعَيْكِ مُتَنٜىٰ ذُوَا يُواْڢَّ سُكِرَوُاْ سِيمَنْ، وَنْدَ عَكٜىٰثٜىٰ دَشِ بِتْرُسْ؞

6يَسَوْكَ أَوُرِنْ سِيمَنْ مَيْ عَيْكِنْ ڢَتَ، وَنْدَ غِدَنْسَ يَكٜىٰ عَبَاكِنْ تٜىٰكُ؞»

7دَ مَلاَىِٕكَنْ دَ يَيِ مَسَ مَغَنَ يَتَڢِے، سَيْ كُواْنٜىٰلِيُسْ يَكِرَا بَايِنْسَ بِيُ دَ كُمَ وَنِ سُواْجَ مَيْبِنْ اللَّهْ دَغَ ثِكِنْ وَطَنْدَ سُكٜىٰيِ مَسَ عَيْكِ كُلُّمْ؞

8بَايَنْدَ يَڢَطَا مُسُ كُواْمٜىٰ دُكَ، سَيْ يَعَيْكٜىٰسُ ذُوَا يُواْڢَّ؞

9وَشٜىٰغَرِ، كُسَنْ ڟَكَرْ رَانَ، بَايِنْ كُواْنٜىٰلِيُسْ سُنَ ثِكِنْ تَڢِيَ، سُنْ ذُواْ كُسَدَ غَرِنْ كٜىٰنَنْ، سَيْ بِتْرُسْ يَهَوْ كَنْ طَاكِنْ سَمَ دُواْمِنْ يَيِ أَدُّعَ؞

10يُنْوَ تَكَامَشِ، حَرْ يَسُواْ يَثِ وَنِ أَبُ؞ عَمَّا دَيَكٜىٰ أَنَ ثِكِنْ شِرْيَ عَبِنْثِنْ، سَيْ يَغَ رُعُيَ؞

11يَغَ سَمَ تَبُوطٜىٰ، وَنِ أَبُ كُمَ يَنَ سَوْكُواْوَ كَمَرْ بَبَّنْ مَيَاڢِ، أَنَ سَوْكُواْ دَشِ ڧَسَا تَݣُونَرْسَ حُطُ؞

12عَثِكِنْسَ أَݣَويْ كُواْوَثٜىٰ إِرِنْ دَبَّ؞ أَݣَويْ مَاسُ ڧَڢَا حُطُ دَ دَنْ‌غِنْ مَثِيظَيْ دَ ڧَدَنْ‌غَرُ دَ ڟُنْڟَيٜىٰ؞

13سَيْ يَجِ وَتَ مُرْيَ تَثٜىٰمَسَ «بِتْرُسْ، تَاشِ كَيَنْكَ كَثِ؞»

14عَمَّا بِتْرُسْ يَثٜىٰ «سَمْ! عُبَنْ‌غِجِ ، بَنْ تَٻَثِنْ وَنِ أَبِنْ ڧَظَنْتَا كُواْ مَرَرْ ڟَبْتَ بِسَغَ دُواْكَا بَ؞»

15سَيْ يَسَاكٜىٰ جِنْ مُرْيَ، سَوْ نَبِيُ، تَثٜىٰ «أَبِنْ دَ اللَّهْ يَڟَبْتَثٜىٰ، كَدَ كَثٜىٰ دَشِ مَيْ ڧَظَنْتَا؞»

16وَنَّنْ يَڢَرُ سَوْ عُكُ، سَيْ نَنْ دَنَنْ عَكَ طَوْكِ أَبِنْ ذُوَا سَمَ؞

17بِتْرُسْ يَنَ ثِكِنْ دَامُوَ ڨُورَيْ عَكَنْ كُواْ مٜىٰثٜىٰثٜىٰ مَعَنَرْ رُعُيَرْ دَ عَكَ نُونَ مَسَ، سَيْغَا مُتَنٜىٰنْ دَ كُواْنٜىٰلِيُسْ يَعَيْكُواْ، سُنَ ڟَيٜىٰ عَڧُواْڢَ، سُنْ رِغَا سُنْ تَمْبَيِ غِدَنْ سِيمَنْ؞

18سُنَ سَلَّمَ، سُنَ تَمْبَيَ كُواْ سِيمَنْ دَ عَكٜىٰثٜىٰ دَشِ بِتْرُسْ يَسَوْكَ أَوُرِنْ؞

19تُنْ بِتْرُسْ يَنَ تُنَانِ عَكَنْ رُعُيَرْ نَنْ، رُوحُ يَثٜىٰ مَسَ «غَا مُتُمْ عُكُ نَنْ سُنَ نٜىٰمَنْكَ؞

20تَاشِ، كَسَوْكَ، كَبِيسُ؞ كَدَ كَيِ شَكَّ، دُوانْ نِنٜىٰ نَا عَيْكُواْسُ؞»

21سَيْ بِتْرُسْ يَسَوْكَ ذُوَا وُرِنْ مُتَنٜىٰنْ، يَثٜىٰ مُسُ «نِنٜىٰ كُكٜىٰ نٜىٰمَ؟ وَنٜىٰ دَلِيلِ نٜىٰ يَكَٰوُاْكُ؟»

22سَيْ سُكَثٜىٰ «وَنِ بَبَّنْ سُواْجَنْ رُواْمَ نٜىٰ، مَيْ سُونَ كُواْنٜىٰلِيُسْ، يَعَيْكٜىٰمُ؞ شِ مُتُمْ مَيْ أَدَلْثِے نٜىٰ، مَيْ ڟُواْرُوانْ اللَّهْ ، وَنْدَ دُكْ جَمَعَرْ يَهُودَاوَا سُكٜىٰ ڢَطِنْ أَبِنْ كِرْكِ عَكَنْسَ؞ شِينٜىٰ وَنِ مَلاَىِٕكَ مَيْ ڟَرْكِے يَعُمَرْثٜىٰشِ يَعَيْكُواْ كَجٜىٰ غِدَنْسَ، يَجِ أَبِنْدَ ذَاكَثٜىٰ؞»

23سَيْ بِتْرُسْ يَشِغُواْ دَسُو، يَبَاسُ وُرِنْ ݣُونَ؞ وَشٜىٰغَرِ يَتَاشِ، سُكَ تَڢِے تَرٜىٰ، وَطَنْسُ مَاسُبِے دَغَ بِرْنِنْ يُواْڢَّ كُمَ سُكَ رَكَ شِ؞

24وَشٜىٰغَرِ كُمَ سُكَ شِغَ كَيْسَرِيَ؞ دَا مَا كُواْنٜىٰلِيُسْ يَنَسَا رَيْ ذَاسُذُواْ، حَرْ يَكِرَوُاْ یَنْعُوَنْسَ دُكَ دَ أَبُواْكَنْسَ؞

25بِتْرُسْ يَنَ شِغَ غِدَنْ كٜىٰنَنْ، سَيْ كُواْنٜىٰلِيُسْ يَتَرْيٜىٰشِ، يَڢَاطِ أَغَبَنْسَ، يَيِ مَسَ سُجَّدَ؞

26عَمَّا بِتْرُسْ يَسَا يَتَاشِ، يَثٜىٰ «تَاشِ، أَيْ، نِے مَا مُتُمْنٜىٰ؞»

27بِتْرُسْ يَنَ مَغَنَ دَشِ، سَيْ يَشِغَ يَسَامِ مُتَنٜىٰ دَيَوَ سُنْ تَارُ؞

28سَيْ يَثٜىٰمُسُ «كُو دَ كَنْكُ كُنْ سَنِ ثٜىٰوَ بَيْ كَمَاتَ بَيَهُودٜىٰ يَهَطَكَيْ كُواْ يَظِيَرْثِ وَنِ نَوَتَ ڧَبِيلَ دَبَمْ بَ؞ عَمَّا اللَّهْ يَنُونَ مِنِ كَدَ إِنْثٜىٰ دَ كُواْوَ مَرَرْ ڟَبْتَ، كُواْ مَيْ ڧَظَنْتَا؞

29سَبُواْدَ حَكَ دَ عَكَ عَيْكَ إِنْ ذُواْ، بَنْثٜىٰ أَعَبَ؞ تُواْ، يَنْذُ إِنَ سُواْ إِنْسَنْ أَبِنْدَ يَسَا كُكَ كِرَنِ؞»

30سَيْ كُواْنٜىٰلِيُسْ يَثٜىٰ «وَجٜىٰنْ ݣُونَ حُطُنْ دَ سُكَ وُثٜىٰ، كَمَرْ وَنَّنْ لُواْكَثِ، وَجٜىٰنْ ڧَرْڢٜىٰ عُكُ نَيَمَّ، إِنَ أَدُّعَ أَغِدَانَ، سَيْغَا وَنِ مُتُمْ يَڟَيَ أَغَبَنَ؞ كَايَنْدَ يَسَا كُوَ مَاسُ حَصْكٜىٰ نٜىٰ سُواْسَيْ؞

31مُتُمِنْ يَثٜىٰ، ‹كُواْنٜىٰلِيُسْ، أَنَمْسَ أَدُّعَرْكَ دَ سَدَكَرْدَ كَكٜىٰيِ كُمَ يَذَمَ أَبِنْ تُنَاوَا غَ اللَّهْ ؞

32سَبُواْدَ حَكَ سَيْ كَعَيْكَ ذُوَا يُواْڢَّ عَكِرَوُاْ سِيمَنْ، وَنْدَ عَكٜىٰثٜىٰ دَشِ بِتْرُسْ، يَسَوْكَ أَغِدَنْ سِيمَنْ مَيْ عَيْكِنْ ڢَتَ، وَنْدَ غِدَنْسَ يَكٜىٰ عَبَاكِنْ تٜىٰكُ؞›

33شِيَسَا نَعَيْكَ عَكِرَاكَ، كَكُمَ ݣَوْتَادَكَذُواْ؞ تُواْ، غَا مُو دُكْ مُنْتَارُ أَغَبَنْ اللَّهْ ، دُوانْ مُسَوْرَرِ دُكْ أَبِنْدَ عُبَنْ‌غِجِ يَعُمَرْثٜىٰكَ؞»

34سَيْ بِتْرُسْ يَڢَارَ يِمُسُ مَغَنَ يَثٜىٰ «لَلَّيْ، نَا غَانٜىٰ اللَّهْ بَايَ نُونَ بَمْبَنْثِ،

35عَمَّا يَنَ كَرْٻَرْ دُكْ مَيْ ڟُواْرُوانْسَ دَ كُمَ مَيْ عَيْكَتَ أَدَلْثِے عَكُواْوَثٜىٰ أَلْعُمَّ؞

36كُنْ سَنْ سَڧُوانْدَ يَعَيْكُواْوَ جَمَعَرْ إِسْرَٰٓءِيلَ، أَنَبَاسُ لَابَرِ مَيْ دَاطِے نَسَلَمَ تَوُرِنْ عِيسَىٰ أَلْمَسِيحُ ، شِينٜىٰ كُوَ عُبَنْ‌غِجِنْ كُواْوَ؞

37كُنْ سَنْ يَدَّ لَابَرِنَّنْ يَبَظُو أَدُكَنْ يَنْكِنْ يَهُودِيَ، أَبِنْدَ يَڢَارَ تُنْدَغَ ثِكِنْ غَلِيلِ، بَايَنْ بَڢْتِسْمَرْ دَ يَحْيَى يَيِ وَعَظِنْسَ؞

38كُنْ سَنْ لَابَرِنْ عِيسَىٰ بَنَظَرٜىٰتْ، يَدَّ اللَّهْ يَشَاڢٜىٰشِ دَ رُوحُ مَيْ ڟَرْكِے دَ كُمَ إِيكُواْ؞ دُواْمِنْ اللَّهْ يَنَ تَرٜىٰ دَشِ، يَدِنْ‌غَ ذَاغَاوَ يَنَ يِنْ عَيْكِنْ أَلْحٜىٰرِ، يَنَ وَرْكَرْدَ دُكْ وَطَنْدَ شَيْطَنْ يَمَاڟَ مُسُ؞

39مُو كُوَ شَيْدُنٜىٰ غَ دُكْ أَبِنْدَ عِيسَىٰ يَيِ عَيَنْكِنْ يَهُودِيَ دَ كُمَ ثِكِنْ عُرُوشَلِيمَ؞ شِينٜىٰ كُمَ سُكَ كَشٜىٰشِ تَوُرِنْ غِثِّيٜىٰشِ عَكَنْ غُنْ‌غُمٜىٰنْ إِتَاثٜىٰ؞

40عَمَّا اللَّهْ يَتَادَشِ أَ رَانَ تَ عُكُ، يَكُمَسَا يَبَيَّنَ غَ مُتَنٜىٰ؞

41بَيْ بَيَّنَ غَ دُكَنْ جَمَعَبَ، سَيْدَيْ غَرٜىٰمُ، وَتُواْ مُو دَ اللَّهْ يَذَاٻَا تُنْدَا دُوانْ مُذَمَ شَيْدُ؞ مُو نٜىٰ مُكَثِ، مُكَشَا تَرٜىٰدَشِ، بَايَنْدَ يَتَاشِ دَغَ مَتَتُّو؞

42يَكُمَ عُمَرْثٜىٰمُ مُيِ وَمُتَنٜىٰ وَعَظِ، مُكُمَيِ شَيْدَ ثٜىٰوَ شِينٜىٰ وَنْدَ اللَّهْ يَسَا يَذَمَ مَيْيِ وَمَاسُ رَيْ دَ مَتَتُّو شَرِيعَ؞

43دُكْ أَنَّبَاوَا سُنْيِ شَيْدَ عَكَنْسَ ثٜىٰوَ تَوُرِنْ سُونَنْسَ دُكْ وَنْدَ يَبَادَ غَسْكِيَ غَرٜىٰشِ ذَيْسَامِ غَاڢَرَرْ ذُنُبَيْ؞»

44بِتْرُسْ يَنَ ثِكِنْ مَغَنَ كٜىٰنَنْ، سَيْ رُوحُ مَيْ ڟَرْكِے يَسَوْكُواْ عَكَنْ دُكَنْ وَطَنْدَ سُكٜىٰ جِنْ مَغَنَرْسَ؞

45يَهُودَاوَا مَاسُبِے، وَطَنْدَ سُكَذُواْ تَرٜىٰدَ بِتْرُسْ، سُكَيِ مَامَاكِنْ غَنِنْ يَدَّ وَطَنْدَ بَا يَهُودَاوَا بَ سُو مَا سُنْ سَامِ بَيْوَرْ رُوحُ مَيْ ڟَرْكِے ؞

46غَمَا سُنْجِ سُنَ مَغَنَ دَ يَرٜىٰ دَبَمْ دَبَمْ، سُنَ طَوْكَكَ اللَّهْ ؞ سَعَنً بِتْرُسْ يَثٜىٰ،

47«أَݣَويْ مَيْ عِيَحَنَ عَيِ وَمُتَنٜىٰنَّنْ بَڢْتِسْمَ دَ ضُوَ؟ أَيْ، سُو مَا سُنْ سَامِ رُوحُ مَيْ ڟَرْكِے كَمَرْ يَدَّ مُو مَا مُكَ سَامُ؞»

48سَيْ بِتْرُسْ يَبَادَ عُمَرْنِ عَيِمُسُ بَڢْتِسْمَ ثِكِنْ سُونَنْ عِيسَىٰ أَلْمَسِيحُ ؞ سَعَنً سُكَ ضُواْڧٜىٰشِ يَذَوْنَ دَسُو نَیَنْ ݣُونَكِے؞

← Chapter 9 Jump to: Chapter 11 →