Acts 21

Hausa Arabic 2020 (أَتَّوْرَتْ دَ أَنَّبَاوَا)

1سَعَدَّ مُكَ بَرْسُ، مُكَ شِغَ جِضْغٍ ضُوَ مُكَ مِيڧٜىٰ سَيْ كُواسْ، وَشٜىٰغَرِ كُمَ سَيْ رُواْدٜىٰسْ دَغَ نَنْ كُمَ سَيْ ڢَاتَرَ؞

2دَ مُكَ سَامِ جِضْغٍ دَ ذَيْجٜىٰ ڧَسَرْ ڢِنِكِيَ، سَيْ مُكَ شِغَ مُكَ تَڢِے؞

3دَ مُكَ ڢَارَ هَنْ‌غٜىٰنْ سَيِڢُرُسْ، مُكَ مَيْدَشِ هَغُنْمُ، مُكَثِيغَبَدَ تَڢِيَ حَرْ ڧَسَرْ سُورِيَ؞ سَيْ مُكَ سَوْكَ أَ تَيَ، دُوانْ أَنَنْ نٜىٰ جِضْغٍ ذَيْ سَوْكٜىٰ كَايَنْسَ؞

4دَ مُكَ سَامِ عِنْدَ مَاسُبِے سُكٜىٰ، مُكَ ذَوْنَ أَنَنْ ݣُونَ بَݣَويْ؞ سَيْ رُوحُ يَظُغَسُ سُكَ غَيَوَ بُلُسْ كَدَ يَجٜىٰ عُرُوشَلِيمَ؞

5عَمَّا دَ لُواْكَثِنْ تَاشِنْمُ يَيِ، مُكَتَاشِ مُكَ ثِيغَبَدَ تَڢِيَرْمُ؞ دُكَنْ مَاسُبِے كُمَ حَرْ دَ مَاتَنْسُ دَ یَیَنْسُ سُكَ رَكَمُ حَرْ بَايَنْ غَرِ؞ سَعَنً مُكَ دُرْڧُسَ أَغٜىٰڢٜىٰنْ ضُوَ مُكَيِ أَدُّعَ،

6مُكَيِ وَجُونَ بَنْ ݣُونَ؞ سَعَنً مُكَ شِغَ جِضْغِ، سُكُمَ سُكَ كُواْمَ غِدَا؞

7دَ مُكَ غَمَ تَڢِيَرْمُ دَغَ تَيَ، مُكَ كَيْ تُواْلٜىٰمَيِسْ، مُكَ غَيْسَ دَ یَنْعُوَ، مُكَ كُمَيِ ݣُونَ طَيَ أَوُرِنْسُ؞

8وَشٜىٰغَرِ مُكَتَاشِ مُكَجٜىٰ كَيْسَرِيَ، مُكَ شِغَ غِدَنْ ڢِلِبُسْ مَيْ وَعَظِ، وَنْدَ يَكٜىٰ طَيَ دَغَ ثِكِنْ بَݣَويْ طِنَّنْ وَطَنْدَ عَكَ ذَاٻَا دُواْمِنْ حِدِمَرْ جَمَعَرْ مَاسُبِے أَ عُرُوشَلِيمَ، مُكَ سَوْكَ أَوُرِنْسَ؞

9يَنَ دَ یَیَ حُطُ یَنْ مَاتَا وَطَنْدَ بَسُيِ عَوْرٜىٰبَ؞ سُو مَاسُ يِنْ أَنَّبْثِنٜىٰ؞

10تُواْ، بَايَنْدَ مُكَيِ یَنْ ݣُونَكِے أَوُرِنْ، سَيْ وَنِ أَنَّبِے مَيْ سُونَ أَغَبُسْ يَذُواْ دَغَ يَنْكِنْ يَهُودِيَ؞

11دَ أَغَبُسْ يَذُواْ وُرِنْمُ، سَيْ يَطَوْكِ طَمَرَ تَ بُلُسْ؞ سَيْ شِ أَغَبُسْ يَطَوْرٜىٰ حَنُّوَنْسَ دَ ڧَڢَاڢُنْسَ يَثٜىٰ «غَا أَبِنْدَ رُوحُ مَيْ ڟَرْكِے يَثٜىٰ، ‹حَكَ يَهُودَاوَنْ عُرُوشَلِيمَ ذَاسُ طَوْرٜىٰ مَيْ طَمَرَرْ نَنْ، سُكُمَ بَادَشِ غَ وَطَنْدَ بَا يَهُودَاوَا بَ؞› »

12دَمُكَجِ حَكَ، مُو دَ مُتَنٜىٰنْ دَسُكٜىٰ وُرِنْ مُكَ ضُواْڧِ بُلُسْ كَدَ يَجٜىٰ عُرُوشَلِيمَ؞

13سَيْ بُلُسْ يَأَمْسَ يَثٜىٰ «دُوانْمٜىٰ كُكٜىٰيِنْ حَكَ؟ مٜىٰيَسَا كُنَ كُكَ كُنَ ٻَاتَ مِنِ ذُوثِيَا؟ أَيْ، أَشِرْيٜىٰ نَكٜىٰ بَمَا أَطَوْرٜىٰنِ كَوَيْبَ، حَرْ مَا عَكَشٜىٰنِ أَ عُرُوشَلِيمَ سَبُواْدَ سُونَنْ عُبَنْ‌غِجِ عِيسَىٰ ؞»

14تُنْدَ بَمُ عِيَسَا يَثَنْجَ رَعَيِنْسَبَ، سَيْ مُكَيِ شِضُ، مُكَثٜىٰ «بَرِ نُڢِنْ عُبَنْ‌غِجِ يَثِكَ؞»

15بَايَنْ ݣُونَكِنَّنْ مُكَ شِرْيَ مُكَ تَڢِے عُرُوشَلِيمَ؞

16وَطَنْسُ أَلْمَجِرَيْ دَغَ كَيْسَرِيَ سُكَ رَكَمُ، سُكَ كَيْمُ وُرِنْ مَنَسُوانْ وَنْدَ ذَامُ سَوْكَ أَوُرِنْسَ، شِے مُتُمِنْ سَيِڢُرُسْ نٜىٰ، طَيَ دَغَ ثِكِنْ أَلْمَجِرَيْ نَڢَرْكُواْ؞

17دَمُكَذُواْ عُرُوشَلِيمَ، یَنْعُوَ سُكَ كَرْٻٜىٰمُ دَمُرْنَ؞

18وَشٜىٰغَرِ بُلُسْ يَتَڢِے تَرٜىٰدَمُو ذُوَا وُرِنْ يَعْڧُوبَ دَتَّاوَنْ جَمَعَرْ مَاسُبِے كُوَ دُكَ سُنَانَنْ؞

19بَايَنْ يَغَيْسَ دَسُو، سَيْ يَبَيَّنَ مُسُ دَلَّ دَلَّ أَبُبُوَنْ دَ اللَّهْ يَيِ عَثِكِنْ وَطَنْدَ بَا يَهُودَاوَا بَ تَوُرِنْ عَيْكِنْ دَ شِے بُلُسْ يَيِ؞

20دَ سُكَجِ حَكَ، سُكَيِ وَ اللَّهْ يَبُواْ؞ سُكَثٜىٰ وَ بُلُسْ «تُواْ، كَا غَنِ طَنْعُوَ، دُبَّنْ مُتَنٜىٰ عَثِكِنْ يَهُودَاوَا سُنْ بَادَ غَسْكِيَ، دُكَنْسُ كُوَ مَاسُ كِيشِنْ بِنْ كُواْيَرْوَرْ مُوسَٰى نٜىٰ؞

21أَنْ‌غَيَ مُسُ لَابَرِنْكَ، وَيْ كَنَ كُواْيَوَ دُكَنْ يَهُودَاوَنْ دَسُكٜىٰ ثِكِنْ وَطَنْدَ بَا يَهُودَاوَا بَ سُيَرْ دَ كُواْيَرْوَرْ مُوسَٰى؞ وَتُواْ، كَنَ ثٜىٰمُسُ كَدَ سُيِ وَیَیَنْسُ كَاثِيَ، كُواْ كُوَ سُبِے سَوْرَنْ أَلْعَادُنْمُ؞

22تُواْ، يَيَ ذَامُيِ؟ لَلَّيْ ذَاسُجِ لَابَرِنْ ذُوَانْكَ؞

23سَبُواْدَ حَكَ سَيْ كَيِ أَبِنْدَ ذَامُ ڢَطَا مَكَ؞ مُنَدَ مُتُمْ حُطُ أَنَنْ دَ سُكَيِ ضَنْڟُوَا؞

24سَيْ كَتَڢِے دَسُو كُبِے ڧَٰعِدَرْ كُواْيَرْوَا تَڟَبْتَثٜىٰوَ غَبَاطَيَ، كَكُمَ بِيَ كُطِنْ ڟَبْتَثٜىٰوَرْ دُوانْ عَيِ مُسُ أَسْكِ؞ تَهَكَ كُواْوَ ذَيْ سَنِ ثٜىٰوَ دُكْ أَبِنْدَ عَكَ غَيَ مُسُ غَمٜىٰدَ كَيْ بَ غَسْكِيَ بَنٜىٰ، ذَاعَ غَ ثٜىٰوَ كَيْ كَنَ كِيَايٜىٰ كُواْيَرْوَرْ مُوسَٰى؞

25عَمَّا غَمٜىٰدَ وَطَنْدَ بَا يَهُودَاوَا بَ دَ سُكَ بَادَ غَسْكِيَ، مُنْ رِغَا مُنْ عَيْكَ وَسِيڧَ عَكَنْ مُنْ يَنْكٜىٰ حُكُنْثِ ثٜىٰوَ كَدَ سُثِ أَبِنْدَ عَكَ مِيڧَا وَغُنْكِ هَدَايَ، كَدَ سُيِ لَلَتَ، كَدَ سُثِ نَامَنْ دَبَّرْ دَ عَكَ مُرْطٜىٰ كُواْ نَامَ تَرٜىٰدَ جِنِ؞»

26وَشٜىٰغَرِ بُلُسْ يَطَوْكِ مُتَنٜىٰنَّنْ سُكَ ڟَبْتَثٜىٰ تَرٜىٰ؞ سَعَنً يَشِغَ هَيْكَلِ دُواْمِنْ يَسَنَرْدَ رَانَرْ ثِكَرْ ڟَبْتَثٜىٰوَرْسُ، وَتُواْ رَانَرْ دَ ذَاعَ بَادَ بَيْكُواْ دُواْمِنْ كُواْوَنٜىٰ طَيَنْسُ؞

27دَݣُونَ بَݣَويْ طِنْ سُكَ كُسَنْ ثِكَ، وَطَنْسُ يَهُودَاوَا دَغَ أَسِيَ سُكَغَ بُلُسْ أَ هَيْكَلِ؞ سَيْ سُكَ ذُغَ تَارُوانْ مُتَنٜىٰ، سُكَ كَامَشِ،

28سُنَ إِيهُ سُنَ ثٜىٰوَ «كُو یَنْعُوَ إِسْرَٰٓءِيلَاوَا، كُتَيْمَكَ! غَا مُتُمِنَّنْ دَ يَكٜىٰبِے كُواْعِنَ يَنَ ذَاغِنْ مُتَنٜىٰنْمُ دَ كُواْيَرْوَرْمُ دَ كُمَ وَنَّنْ هَيْكَلِنْمُ؞ حَرْ مَا يَكَٰوُاْ وَطَنْسُ هٜىٰلٜىٰنَاوَا عَثِكِنْ هَيْكَلِ يَڧَظَنْتَرْ دَ وُرِنَّنْ مَيْ ڟَرْكِے؞»

29سُنْثٜىٰ حَكَنٜىٰ سَبُواْدَ دَا مَا سُنْ‌غَ بُلُسْ تَرٜىٰدَ تُرُواْڢِمُسْ، مُتُمِنْ أَڢِسَ، عَثِكِنْ غَرِ؞ وَنَّنْ نٜىٰ يَسَا سُكَيِ ڟَمَّنِ بُلُسْ يَشِغُواْ تَرٜىٰدَشِ عَثِكِنْ هَيْكَلِنْ؞

30سَيْ دُكْ غَرِنْ يَرُوطٜىٰ، جَمَعَ سُكَ تَاسُواْ غَبَاطَيَ أَغُجٜىٰ سُكَ كَامَ بُلُسْ، سُكَ ڢِتَرْدَشِ دَغَ هَيْكَلِ، عَكَ كُمَ رُڢٜىٰ ڧُواْڢُواْڢِنَّنْ دَنَنْ؞

31سُنَ ڧُواْڧَرِ سُكَشٜىٰشِ كٜىٰنَنْ، سَيْ لَابَرِ يَكَيْ وُرِنْ شُوغَبَنْ ڧُنْ‌غِيَرْ سُواْجُواْجِ ثٜىٰوَ عُرُوشَلِيمَ تَنَ ثِكِنْ ضِكِثِ أَيْنُنْ؞

32نَنْ تَكٜىٰ يَطِبِے سُواْجُواْجِ دَ مَنْيَنْ سُواْجُواْجِنْ رُواْمَ، سُكَ تَڢِے وُرِنْ دَ غُدُ؞ دَ جَمَعَرْ سُكَغَ شُوغَبَنْ دَ سُواْجُواْجِنْسَ، سَيْ سُكَ دَيْنَ دُوكَنْ بُلُسْ؞

33سَيْ شُوغَبَنْ يَذُواْ يَكَامَ بُلُسْ، يَسَا أَطَوْرٜىٰشِ دَ سَرْڧَ بِيُ؞ سَعَنً يَيِ تَمْبَيَ كُواْ شِے وَنٜىٰنٜىٰ دَ كُمَ أَبِنْدَ يَيِ؞

34تَرُوانْ كُوَ سُنَ تَهَيَانِيَ، وَطَنْسُ سُثٜىٰ وَنَّنْ، وَطَنْسُ سُثٜىٰ وَنْثَنْ؞ سَبُواْدَ يَوَنْ هَيَانِيَرْ شُوغَبَنْ بَيْ عِيَ سَامُنْ عَيْنِحِنْ تُوشٜىٰنْ مَغَنَرْ بَ، سَيْ يَبَادَ عُمَرْنِ عَكَيْ بُلُسْ بَرِكِنْ سُواْجَ؞

35دَ بُلُسْ يَذُواْ بَاكِنْ مَتَاكَلَ، سَيْ دَ سُواْجُواْجِ سُكَ طَوْكٜىٰشِ سَبُواْدَ ضِكِثِنْ تَارُوانْ يَيِيَوَ؞

36غَمَا تَارُوانْ مُتَنٜىٰنْ دَ سُكَبِيُواْ سُنْيِ تَ إِيهُ سُنَ ثٜىٰوَ «عَيِ غَبَ دَ شِ!»

37أَنْكُسَ شِغَرْدَ بُلُسْ بَرِكِنْ سُواْجَ كٜىٰنَنْ، سَيْيَثٜىٰ وَشُوغَبَنْ «كُواْ كَيَرْدَ إِنْيِ مَغَنَ دَكَيْ؟» سَيْ شُوغَبَنْ يَثٜىٰ «أَشٜىٰ كَا عِيَ هٜىٰلٜىٰنَنْثِ؟

38بَكَيْنٜىٰ مُتُمِنْ مَصَرْ نَنْ دَ شٜىٰكَرُنْ بَايَ يَجَٰوُاْ تَاوَيٜىٰبَ، حَرْ يَجَا مُتَنٜىٰنَّنْ دُبُو حُطُ مَاسُ كِسَنْ كَيْ أَدَاجِ؟»

39سَيْ بُلُسْ يَأَمْسَ يَثٜىٰ «أَيْ، نِے بَيَهُودٜىٰ نٜىٰ نَ تَرْسُسْ عَڧَسَرْ كِلِكِيَ؞ نِے طَنْ بِرْنِ مَيْ مُهِمَّنْثِ نٜىٰ؞ إِنَ ضُواْڧُوانْكَ، كَبَرْنِ إِنْيِ وَمُتَنٜىٰنَّنْ مَغَنَ؞»

40سَيْ يَبَاشِ إِظْنِ، بُلُسْ كُوَ يَڟَيَ عَكَنْ مَتَاكَلَ، يَطَغَ وَجَمَعَ حَنُّ سُيِ شِضُ؞ دَسُكَيِ ڟِتْ، سَيْ يَيِمُسُ مَغَنَ دَ يَرٜىٰنْ أَرَمَيَ؞

← Chapter 20 Jump to: Chapter 22 →