Acts 6

Hausa Arabic 2020 (أَتَّوْرَتْ دَ أَنَّبَاوَا)

← Chapter 5 Jump to: Chapter 7 →

1تُواْ، عَݣُونَكِنْنَنْ دَ يَوَنْ أَلْمَجِرَيْ يَكٜىٰ ڧَارُوَ، سَيْ يَهُودَاوَا مَاسُ جِنْ هٜىٰلٜىٰنَنْثِ سُكَيِ غُنَغُنِ عَكَنْ يَهُودَاوَا مَاسُ جِنْ يَرٜىٰنْ أَرَمَيَ؞ يَهُودَاوَا مَاسُ جِنْ هٜىٰلٜىٰنَنْثِ سُنْيِ غُنَغُنِ نٜىٰ دُوانْ أَوَجٜىٰنْ رَبُوانْ تَيْمَكُواْ نَكُواْوَثٜىٰ رَانَ بَعَكُلَ دَ مَاتَنْسُ وَطَنْدَ مَذَنْسُ سُكَ مُتُ؞

2سَيْ شَا بِيُنَّنْ سُكَ كِرَوُاْ دُكْ جَمَعَرْ مَاسُبِے، سُكَثٜىٰ «أَيْ، بَيْيِ ݣَوْ مُبَرْ وَعَظِنْ كَلْمَرْ اللَّهْ ، مُشِغَ شَعَنِنْ عَبِنْثِبَ؞

3سَبُواْدَ حَكَ، یَنْعُوَ، سَيْ كُذَاٻِ مُتُمْ بَݣَويْ دَغَ ثِكِنْكُ، وَطَنْدَ عَكَسَنْسُ دَ حَلِنْ كِرْكِ، ثِكٜىٰ دَ رُوحُ دَ كُمَ حِكِمَ، وَطَنْدَ ذَامُبَاسُ وَنَّنْ عَيْكِ؞

4مُو كُمَ سَيْ مُسَامِ دَامَرْ نَاثٜىٰوَ دَ يِنْ أَدُّعَ دَ كُمَ كُواْيَرْ دَ كَلْمَرْ اللَّهْ ؞»

5جَمَعَ دُكَ كُوَ سُكَجِ دَاطِنْ أَبِنْدَ سُكَ ڢَطَا؞ سَيْ سُكَ ذَاٻِ إِسْتِڢَنُسْ، وَنِ مُتُمِنْ دَيَكٜىٰ ثِكٜىٰ دَ بَنْ‌غَسْكِيَ دَ رُوحُ مَيْ ڟَرْكِے دَ ڢِلِبُسْ دَ بُرُواْكُواْرَسْ دَ نِكَنُوارْ دَ تِمُوانْ دَ بَرْمِنَسْ دَ نِكُواْلَسْ مُتُمِنْ أَنْتَكِيَ، وَنْدَ بَ بَيَهُودٜىٰ بَنٜىٰ عَمَّا يَشِغَ أَدِّينِنْ يَهُودَاوَا؞

6وَطَنَّنْ نٜىٰ عَكَ غَبَاتَرْ أَغَبَنْ مَنْذَنِّے، وَطَنْدَ سُكَيِ مُسُ أَدُّعَ كُمَ سُكَسَا مُسُ حَنُّنْ أَلْبَرْكَ؞

7كَلْمَرْ اللَّهْ كُوَ سَيْ ڧَارَ يَطُوَ تَكٜىٰيِ؞ يَوَنْ مَاسُبِے كُمَ عَثِكِنْ بِرْنِنْ عُرُوشَلِيمَ سَيْ ڧَارُوَ يَكٜىٰ تَيِ سُواْسَيْ، ڢِرِسْتُواْثِے مَاسُيَوَ سُواْسَيْ كُمَ سُكَ كَرْٻِ بَنْ‌غَسْكِيَرْ نَنْ؞

8تُواْ، إِسْتِڢَنُسْ، ثِكٜىٰ دَ أَلْحٜىٰرِ دَ إِيكُواْ، يَعَيْكَتَ مَنْيَنْ أَيُّكَنْ بَنْ مَامَاكِ دَ عَلَمُ عَثِكِنْ جَمَعَ؞

9سَيْ وَطَنْسُ نَمَجَمِعَرْ دَ عَكٜىٰثٜىٰ دَ عِتَ مَجَمِعَرْ یَنْتَتُّ، سُكَ تَيَرْوَ إِسْتِڢَنُسْ دَ غَرْدَمَ؞ وَطَنَّنْ كُوَ يَهُودَاوَا نٜىٰ دَغَ سَيِرِنْ دَ إِسْكَنْدَارِيَا دَ كُمَ دَغَ ڧَسَرْ كِلِكِيَ دَ تَ أَسِيَ؞

10عَمَّا عَ إِنَا! سُنْ كَاسَ غَرْدَمَ دَشِ، دُواْمِنْ يَنَ مَغَنَ دَ حِكِمَرْ دَ رُوحٌ اللَّهْ يَبَاشِ؞

11سَيْ سُكَ ذُغَ وَطَنْسُ مُتَنٜىٰ عَٻُواْيٜىٰ دُواْمِنْ سُثٜىٰ «مُنْجِيشِ يَنَ ذَاغِنْ أَنَّبِے مُوسَٰى، يَنَيِ وَ اللَّهْ مَغَنَرْ رٜىٰنِ؞»

12تَهَكَ، سُكَتَادَ حَنْكَلِنْ جَمَعَ دَ دَتَّاوَا دَ مَلَمً كُواْيَرْوَرْ مُوسَٰى، سُو كُمَ سُكَ هَوْ مَسَ، سُكَ كَامَ شِ، سُكَ كَيْشِ غَبَنْ مَجَلِسَ؞

13سَيْ شُوغَبَنِّنْ جَمَعَ سُكَ كَٰوُاْ مَاسُ شَيْدَرْ ڧَضْيَا، وَطَنْدَ سُكَثٜىٰ «مُتُمِنَّنْ كُواْيَوْشٜىٰ يَنَ مَغَنَرْ بَنْظَ عَكَنْ وُرِنَّنْ مَيْ ڟَرْكِے دَ كُمَ كُواْيَرْوَرْ مُوسَٰى؞

14غَاشِ، مُنْجِيشِ يَنَ ثٜىٰوَ وَيْ عِيسَىٰ بَنَظَرٜىٰتْ نَنْ ذَيْ رُشٜىٰ وُرِنَّنْ، يَكُمَ ثَنْجَ دُكْ أَلْعَادُنْ دَ أَنَّبِے مُوسَٰى يَبَرْ مَنَ؞»

15دُكْ وَطَنْدَ سُكٜىٰ ظَوْنٜىٰ أَ مَجَلِسَرْ كُوَ سُكَ ظُبَ مَسَ عِدُواْ، سُكَغَ ڢُسْكَرْسَ تَذَمَ كَمَرْ تَمَلاَىِٕكَ؞

← Chapter 5 Jump to: Chapter 7 →