Acts 2

Hausa Arabic 2020 (أَتَّوْرَتْ دَ أَنَّبَاوَا)

1دَ رَانَرْ بِكٍ ڢٜىٰنْتِكُواسْ تَيِ، دُكْ مَاسُبِے سُنَ تَرٜىٰ أَوُرِے طَيَ؞

2بَا لَابَرِ سَيْ عَكَجِ وَتَ ڧَارَ دَغَ سَمَ كَمَرْ تَبَبَّرْ إِسْكَ، تَثِكَ دُكَنْ غِدَنْ دَسُكٜىٰ ظَوْنٜىٰ عَثِكِ؞

3سَيْغَا وَطَنْسُ أَبُبُوَ كَمَرْ هَرْسُنَنْ وُتَا، سُكَ بَيَّنَ أَغَرٜىٰسُ، سُنَ رَرَّبُوَ، سُنَ سَسَّوْكَ عَكَنْ كُواْوَنٜىٰ طَيَنْسُ؞

4سَيْ دُكْ عَكَ ثِكَسُ دَ رُوحُ مَيْ ڟَرْكِے ، سُكَ كُمَ ڢَارَ مَغَنَ دَ وَطَنْسُ يَرٜىٰ دَبَمْ دَبَمْ، يَدَّ رُوحٌ يَيِ مُسُ بَيْوَرْ يِنْ مَغَنَ؞

5تُواْ، أَݣَويْ وَطَنْسُ یَنْ أَدِّينِنْ يَهُودَاوَا وَطَنْدَ سُكٜىٰ ذَمَ أَ عُرُوشَلِيمَ سُنْ كُوَ ذُواْ نٜىٰ دَغَ كُواْوَثٜىٰ أَلْعُمَّ عَڧَرْڧَشِنْ سَمَ؞

6دَ سُكَجِ ڧَارَرْ إِسْكَرْ طِنَّنْ، سَيْ تَارُوانْ مُتَنٜىٰ يَهَطُ؞ دُكَنْسُ سُكَيِ مَامَاكِ، دُوانْ كُواْوَنّٜىٰنْسُ يَجِ تَارُوانْ سُنَ مَغَنَ دَ يَرٜىٰنْ غَرِنْسُ؞

7سُكَيِ مَامَاكِ سُواْسَيْ، سُنَ ثٜىٰوَ «أَشٜىٰ، دُكْ مَاسُ مَغَنَرْ نَنْ بَ غَلِيلَاوَا بَنٜىٰ؟

8يَيَ كُمَ كُواْوَنّٜىٰنْمُ يَنَ جِ سُنَ مَغَنَ دَ يَرٜىٰنْسَ؟»

9غَا مُو كُوَ، ڢَرْتِيَاوَا دَ مٜىٰدِيَاوَا دَ عٜىٰلَمَاوَا دَ مُتَنٜىٰنْ مٜىٰسُواْڢُواْتَمِيَ دَ نَيَنْكِنْ يَهُودِيَ دَ نَ كَڢَدُواْكِيَ دَ نَ ڢَنْتُسْ دَ نَ أَسِيَ،

10دَ نَ ڢِرِجِيَ دَ نَ ڢَمْڢِيلِيَ دَ نَ مَصَرْ دَ كُمَ نَكٜىٰوَيٜىٰنْ سَيِرِنْ تَڧَسَرْ لِبِيَ، حَرْ مَا دَ بَاڧِ دَغَ رُواْمَ؞ غَا مُو وَطَنْدَ عَكَ حَيْڢٜىٰمُ عَثِكِنْ أَدِّينِنْ يَهُودَاوَا دَ وَطَنْدَ سُكَ تُوبَ سُكَ شِغَ أَدِّينِنْمُ؞

11غَا مُو كُمَ كِرِتَاوَا دَ لَرَبَاوَا، دُكْ مُنَجِ سُنَ مَغَنَ دَ يَرٜىٰنْمُ عَكَنْ مَنْيَنْ أَبُبُوَنْ دَ اللَّهْ يَيِ؞

12دُكَ كُوَ سُكَيِ مَامَاكِ، سُكَ رُوطٜىٰ، سُنَثٜىٰ وَجُونَ «مٜىٰنٜىٰنٜىٰ وَنَّنْ يَكٜىٰ نُڢِ؟»

13عَمَّا وَطَنْسُ سُكَيِ مُسُ بَعَ سُكَثٜىٰ «ضُوً إِنَبِے سُكَشَا سُكَ بُغُ؞»

14سَيْ بِتْرُسْ يَتَاشِ ڟَيٜىٰ تَرٜىٰدَ شَا طَيَنَّنْ، يَطَغَ مُرْيَ يَيِ مُسُ جَوَابِے، يَثٜىٰ، كُو یَنْعُوَنَ يَهُودَاوَا دَ دُكَنْ مَاسُ ذَمَ أَ عُرُوشَلِيمَ، كُجِ، كُكُمَ كُلَ دَ أَبِنْدَ ذَنْ ڢَطَا مُكُ؞

15مُتَنٜىٰنَّنْ بَسُ بُغُبَ كَمَرْ يَدَّ كُكٜىٰ ڟَمَّنِ، تُنْدَيَكٜىٰ يَنْذُ ڧَرْڢٜىٰ تَرَنٜىٰ كَوَيْ نَسَڢٜىٰ؞

16وَنَّنْ، أَيْ، شِينٜىٰ أَبِنْدَ أَنَّبِے يُواْوٜىٰلْ يَڢَطَا ثٜىٰوَ

17« ‹ اللَّهْ يَثٜىٰ، «عَݣُونَكِنْ ڧَرْشٜىٰ ذَنْ ظُبُواْوَ دُكَنْ یَنْ أَدَمْ رُوحُنَ ؞ یَیَنْكُ مَظَا دَ مَاتَا ذَاسُيِ أَنَّبْثِ؞ سَمَارِنْكُ ذَاسُغَ رُعُيُواْيِ، ڟُواْڢَڢِّنْكُ كُمَ ذَاسُيِ مَڢَرْكَيْ؞

18حَڧِيڧَ، حَرْ مَا عَݣُونَكِنْنَنْ ذَنْ ظُبُواْ رُوحُنَ عَكَنْ بَايِنَ مَظَا دَ مَاتَا، ذَاسُ كُمَيِ أَنَّبْثِ؞

19ذَنْ نُونَ أَبُبُوَنْ بَنْ مَامَاكِ أَسَرَرِنْ سَمَ، دَ عَلَمُنْ بَنْ مَامَاكِ أَنَنْ ڧَسَا، وَتُواْ جِنِ دَ وُتَادَ كُمَ بَڧِنْ هَيَاڧِے؞

20ذَاعَ مَيْدَ رَانَ دُهُ، وَتَ كُمَ ذَيْ ذَمَ جَا كَمَرْ جِنِ، كَاڢِنْ رَانَرْ عُبَنْ‌غِجِ تَذُواْ، بَبَّرْ رَانَرْ نَنْ مَيْ طَوْكَكَ؞

21أَ لُواْكَثِنَّنْ نٜىٰ دُكْ وَنْدَ يَكِرَا غَ سُونَنْ عُبَنْ‌غِجِ ذَيْسَامِ ثٜىٰتُواْ؞» › »

22يَا كُو یَنْعُوَنَ إِسْرَٰٓءِيلَاوَا، كُجِ وَنَّنْ مَغَنَ؞ عِيسَىٰ بَنَظَرٜىٰتْ مُتُمْ نٜىٰ دَ اللَّهْ يَتَبَّتَرْ مُكُ ثٜىٰوَ يَيَرْدَ دَشِ؞ اللَّهْ يَنُونَ وَنَّنْ تَوُرِنْ أَيُّكَنْ بَنْ مَامَاكِ دَ أَبُبُوَنْ بَنْ مَامَاكِ دَ عَلَمُ وَطَنْدَ يَيِ تَوُرِنْ عِيسَىٰ عَثِكِنْكُ، كَمَرْ يَدَّ كُو مَا كُكَ سَنِ دَ كَنْكُ دُوانْ دُكْ سُنْ ڢَرُ أَعِدُوانْكُ؞

23شِ مُتُمِنَّنْ، أَنْبَادَشِ غَرٜىٰكُ بِسَغَ يَدَّ اللَّهْ يَڧَدَّرَ كُمَ دَ يَدَّ يَرِغَا يَسَنِ، كُكَ كُوَ غِثِّيٜىٰشِ، كُكَ كَشٜىٰشِ تَهَنُّنْ مَاسُ ذُنُوبِ؞

24عَمَّا اللَّهْ يَڢَنْشٜىٰشِ دَغَ إِيكُوانْ مُتُوَ، يَتَاشٜىٰشِ دَغَ مَتَتُّو دَيَكٜىٰ بَايَ يِوُوَ مُتُوَ تَرِڧٜىٰشِ؞

25غَمَا دَاوُدَ يَيِ مَغَنَ غَمٜىٰدَشِ يَثٜىٰ، « ‹كُلُّمْ إِنَ غَنِنْ عُبَنْ‌غِجِ ، يَنَ أَ حَنُّنْ دَامَنَ، دُواْمِنْ كَدَ إِنْجِجِّغُ؞

26سَبُواْدَ حَكَ ذُوثِيَاتَ تَنَ مُرْنَ، هَرْشٜىٰنَ يَنَ رٜىٰرَ وَاڧَرْ ڢَضٍ ثِكِ، جِكِينَ ذَيْ ذَوْنَ دَ سَا رَيْ؞

27غَمَا بَذَيْ بَرْ رَيْنَ عَكَبَرِبَ، كُواْ يَبَرْ مَيْ ڟَرْكِنْسَ يَضُٻَبَ؞

28كَنَ كُواْيَ مِنِ حَنْيَرْ دَ ذَاتَ كَيْ غَ رَيْ؞ ذَاكَ ثِكَ نِے دَ ڢَضٍ ثِكِ تَوُرِنْ كَسَنْثٜىٰوَرْكَ تَرٜىٰدَنِ؞› »

29یَنْعُوَنَ إِسْرَٰٓءِيلَاوَا، ذَنْعِيَيِ مُكُ مَغَنَ بَابُ شَكَّ غَمٜىٰدَ كَكَنْمُ دَاوُدَ؞ دَاوُدَ يَمُتُ، أَنْبِنّٜىٰشِ، كَبَرِنْسَ كُمَ يأَنَانً تَرٜىٰدَمُو هَرْوَيَوْ؞

30شِ أَنَّبِے نٜىٰ، كُمَ يَسَنْ اللَّهْ يَيِ مَسَ أَلْڧَوَرِ تَرٜىٰدَ ضَنْڟُوَا، ثٜىٰوَ ذَيْ نَطَ وَنِ دَغَ ثِكِنْ ذُرِيَرْسَ سَرْكِے، كَمَرْ يَدَّ يَنَطَ شِ دَاوُدَ؞

31تُنْدَيَكٜىٰ دَاوُدَ يَهَنْ‌غُواْ حَكَ، يَكُمَيِ مَغَنَ عَكَنْ تَاشِنْ أَلْمَسِيحُ دَغَ مَتَتُّو ثٜىٰوَ بَذَاعَبَرْ شِ عَكَبَرِبَ، جِكِنْسَ كُمَ بَذَيْ ضُٻَبَ؞

32اللَّهْ يَتَادَ عِيسَىٰ نَّنْ دَغَ مَتَتُّو، مُو كُوَ دُكْ شَيْدُنٜىٰ غَ وَنَّنْ؞

33دَيَكٜىٰ أَنْطَوْكَكَاشِ غَ حَنُّنْ دَامَ نَ اللَّهْ ، يَكُمَ كَرْٻِ رُوحُ مَيْ ڟَرْكِے دَغَ وُرِنْ عُبَا، يَدَّ عَكَيِ أَلْڧَوَرِ، سَيْ يَظُبُواْ رُوحٌ عَكَنْمُ؞ شِينٜىٰ يَكَٰوُاْ أَبِنْدَ كُكٜىٰ غَنِ، كُكٜىٰ كُمَجِ؞

34أَيْ، بَ دَاوُدَ نٜىٰ يَهَوْ سَمَبَ، عَمَّا شِ دَكَنْسَ يَثٜىٰ، « ‹ عُبَنْ‌غِجِ يَثٜىٰ وَ عُبَنْ‌غِجِنَ ، ذَوْنَ أَ حَنُّنْ دَامَنَ،

35سَيْ نَسَا أَبُواْكَنْ غَابَنْكَ عَڧَرْڧَشِنْ ڧَڢَاڢُنْكَ؞› »

36«سَبُواْدَ حَكَ، سَيْ دُكْ جَمَعَرْ إِسْرَٰٓءِيلَ ڢَا سُسَنِ ثٜىٰوَ عِيسَىٰ نَّنْ دَ كُكَ غِثِّيٜىٰ، اللَّهْ يَمَيْدَشِ عُبَنْ‌غِجِ دَ كُمَ أَلْمَسِيحُ ؞»

37تُواْ دَ سُكَجِ حَكَ، كَلْمَرْ تَا سُواْكِ ذُوثِيَارْسُ، سُكَثٜىٰ وَ بِتْرُسْ دَ سَوْرَنْ مَنْذَنِّےنْ «یَنْعُوَ، مٜىٰنٜىٰنٜىٰ ذَامُيِ؟»

38سَيْ بِتْرُسْ يَثٜىٰ مُسُ «سَيْ كُتُوبَ، عَيِ وَكُواْوَنّٜىٰنْكُ بَڢْتِسْمَ ثِكِنْ سُونَنْ عِيسَىٰ أَلْمَسِيحُ دُوانْ أَغَاڢَرْتَا مُكُ ذُنُبَنْكُ؞ ذَاكُ كُوَ سَامِ ݣَوْتَرْ رُوحُ مَيْ ڟَرْكِے ؞

39غَمَا وَنَّنْ أَلْڧَوَرِنْ اللَّهْ دُواْمِنْكُ نٜىٰ تَرٜىٰدَ یَیَنْكُ دَ كُمَ دُكَنْ وَطَنْدَ سُكٜىٰ نٜىٰسَ، وَتُواْ دُكَنْ وَطَنْدَ عُبَنْ‌غِجِ اللَّهْ نْمُ يَكِرَا ذُوَا وُرِنْسَ؞»

40سَيْ يَيِ تَتَبَّتَرْ مُسُ دَ مَغَنْ‌غَنُ مَاسُيَوَ، يَنَ تَيِ مُسُ غَرْغَطِے يَنَ ثٜىٰوَ «كُثٜىٰثٜىٰ كَنْكُ دَغَ مُوغُوَرْ ڟَارَرْ نَنْ مَاسُ رَايُوَرْ ݣُونَ ݣُونَ؞»

41وَطَنْدَ سُكَ يَرْدَ دَ مَغَنَرْ بِتْرُسْ كُوَ عَكَيِ مُسُ بَڢْتِسْمَ؞ أَ رَانَرْ نَنْ كُمَ سُكَ ڧَارُ دَ وَجٜىٰنْ مُتُمْ دُبُو عُكُ؞

42سَيْ سُكَ مِيڧَ كَنْسُ دُكَ غَ كُواْيَرْوَرْ دَ مَنْذَنِّے سُكٜىٰيِ، سُنَ زُمُنْثِ، سُنَ ثِنْ عَبِنْثِ تَرٜىٰ، سُكٜىٰ كُمَيِنْ أَدُّعَ؞

43سَيْ ڟُواْرُواْ يَكَامَ كُواْوَ، دُوانْ اللَّهْ يَنَ يِنْ أَيُّكَنْ بَنْ مَامَاكِ دَ عَلَمُ دَيَوَ تَوُرِنْ مَنْذَنِّےنْ؞

44دُكَنْ وَطَنْدَ سُكَ بَادَ غَسْكِيَ سُنْ كَسَنْثٜىٰ تَرٜىٰ ثِكِنْ زُمُنْثِ، سُنَ أَمْڢَانِ دَكُواْمٜىٰ نَاسُ تَرٜىٰ غَبَاطَيَ؞

45سُكَ سَيَرْ دَ أَبِنْدَ سُكٜىٰ دَشِ، سُكَ رَرَّبَ وَ كُواْوَ كُطِنْ بِسَغَ بُڧَاتَرْسَ؞

46كُواْوَثٜىٰ رَانَ كُمَ سُنَ ذُوَا هَيْكَلِ دَ نُڢِ طَيَ؞ سُنَ ثِنْ عَبِنْثِ تَرٜىٰ أَغِدَاجٜىٰنْسُ، سُنَثِ سُنَشَا دَ ڢَضٍ ثِكِ دَ يَرْدَرْ رَيْ،

47تَرٜىٰدَ يَبُوانْ اللَّهْ ؞ سُنَ كُمَ دَ ڢَضٍ جِنِ أَوُرِنْ مُتَنٜىٰ دُكَ؞ كُواْوَثٜىٰ رَانَ كُمَ عُبَنْ‌غِجِ يَنَ ڧَارَ مُسُ وَطَنْدَ عَكٜىٰ ثٜىٰتُوانْسُ؞

← Chapter 1 Jump to: Chapter 3 →