Acts 13

Hausa Arabic 2020 (أَتَّوْرَتْ دَ أَنَّبَاوَا)

1تُواْ، أَ جَمَعَرْ مَاسُبِنْ دَتَكٜىٰ أَعَنْتَكِيَ، أَݣَويْ وَطَنْسُ أَنَّبَاوَا دَ مَلَمَيْ، وَتُواْ بَرْنَبَ دَ سِمٜىٰيُوانْ وَنْدَ عَكٜىٰ ثٜىٰ دَشِ بَڧِ دَ لُشِيُسْ دَغَ سَيِرِنْ دَ مَنَيٜىٰنْ، وَنْدَ يَيِ غِرْمَ تَرٜىٰدَ سَرْكِے هِرُدُسْ دَ كُمَ شَوُلُ؞

2سَعَدَّ سُكٜىٰيِ وَ عُبَنْ‌غِجِ سُجَّدَ، سُنَ كُمَيِنْ أَظُمِ، سَيْ رُوحُ مَيْ ڟَرْكِے يَثٜىٰ «كُكٜىٰٻٜىٰ مِنِ بَرْنَبَ دَ شَوُلُ دُواْمِنْ عَيْكِنْدَ نَكِرَاسُ سُيِ؞»

3بَايَنْدَ سُكَيِ أَظُمِ دَ أَدُّعَ، سَيْ سُكَسَا وَ بَرْنَبَ دَ شَوُلُ حَنُّنْ أَلْبَرْكَ، سُكَ سَلَّمٜىٰسُ؞

4بَرْنَبَ دَ شَوُلُ كُوَ، وَطَنْدَ رُوحُ مَيْ ڟَرْكِے يَعَيْكٜىٰسُ، سُكَ تَڢِے سَلُكِيَ دَغَ ثَنْ كُمَ سُكَ شِغَ جِضْغٍ ضُوَ ذُوَا سَيِڢُرُسْ؞

5دَ سُكَ كَيْ سَلَمِسْ، سُكَيِ وَعَظِنْ كَلْمَرْ اللَّهْ أَ مَجَمِعُنْ يَهُودَاوَا؞ يَحْيَى كُمَ يَنَ تَرٜىٰدَسُو يَنَ تَيْمَكُوانْسُ؞

6بَايَنْ سُنْ ظَظْذَاغَ ڟِبِرِنْ دُكَ حَرْ بَڢُواسْ، سُكَ سَدُ دَ وَنِ بَيَهُودٜىٰ مَيْ سِحِرِ، شِ أَنَّبِنْ ڧَضْيَا نٜىٰ، مَيْ سُونَ بَرْ يُواْشُوَ،

7وَنْدَ يَكٜىٰ تَرٜىٰدَ ڠُومْنَ سَرْجِيُسْ بُلُسْ؞ ڠُومْنَ سَرْجِيُسْ بُلُسْ كُوَ مُتُمْ مَيْ حِكِمَ نٜىٰ؞ سَيْ ڠُومْنَنْ يَكِرَا بَرْنَبَ دَ شَوُلُ دُوانْ يَنَ سُواْ يَجِ كَلْمَرْ اللَّهْ ؞

8عَمَّا أَلِمَسْ، مَيْ سِحِرِنَّنْ، غَمَا حَكَ مَعَنَرْ سُونَنْسَ دَ هٜىٰلٜىٰنَنْثِ تَكٜىٰ، بَيْ بَاسُ غُواْيُوانْ بَايَبَ، يَنَ نٜىٰمَ يَجُويَ حَنْكَلِنْ ڠُومْنَنَّنْ دُواْمِنْ كَدَ يَبَادَ غَسْكِيَ؞

9عَمَّا شَوُلُ كُوَ، وَنْدَ عَكٜىٰ ثٜىٰ دَشِ بُلُسْ، ثِكٜىٰ دَ رُوحُ مَيْ ڟَرْكِے ، يَظُبَا وَ أَلِمَسْ عِدُواْ،

10يَثٜىٰ «كَيْ طَنْ شَيْطَنْ! مَيْ غَابَادَ دُكْ أَبِنْدَ يَكٜىٰ نَأَدَلْثِے! كَنَ ثِكٜىٰ دَ رُوطُ دَ مُغُنْتَا كَوَيْ؞ بَذَاكَ دَيْنَ ٻَاتَ مِيڧَڧُّنْ هَنْيُواْيِنْ عُبَنْ‌غِجِ بَ؟

11يَنْذُ ڢَا، حَنُّنْ عُبَنْ‌غِجِ يَنَ غَابَادَكَيْ، ذَاكَ ذَمَ مَكَهُواْ؞ ذَاعَ طَوْكِ طَنْ لُواْكَثِ بَكَغَ حَصْكٜىٰنْ رَانَبَ؞» نَنْ تَكٜىٰ كُوَ سَيْ وَنِ حَزُواْ دَ دُهُ سُكَ رُڢٜىٰ عِدَنُونْسَ، يَيِ تَلَلُبَوَ يَنَ نٜىٰمَنْ وَنْدَ ذَيْ يِمَسَ جَغُواْرَ؞

12دَ ڠُومْنَ يَغَ أَبِنْدَ يَڢَرُ، سَيْ يَبَادَ غَسْكِيَ، يَنَ مَامَاكِنْ كُواْيَرْوَرْ عُبَنْ‌غِجِ ؞

13سَيْ بُلُسْ دَ أَبُواْكَنْ تَڢِيَرْسَ سُكَتَاشِ دَغَ بَڢُواسْ عَثِكِنْ جِضْغٍ ضُوَ، سُكَجٜىٰ ڢٜىٰرْغَ تَڧَسَرْ ڢَمْڢِيلِيَ؞ يَحْيَى وَنْدَ عَكٜىٰثٜىٰ دَشِ مَرْكُسْ كُوَ يَبَرْسُ يَكُواْمَ عُرُوشَلِيمَ؞

14سُو كُوَ سُكَ ثِيغَبَ دَغَ ڢٜىٰرْغَ، سُكَ تَڢِے أَنْتَكِيَ تَڧَسَرْ بِسِيدِيَ؞ رَانَرْ هُوتُ تَمَكُواْ كُوَ سُكَ شِغَ مَجَمِعَ سُكَ ذَوْنَ؞

15بَايَنْدَ عَكَيِ كَرَاتُ دَغَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا، سَيْ شُوغَبَنِّنْ مَجَمِعَ سُكَ عَيْكَ مُسُ ثٜىٰوَ «یَنْعُوَ، عِدَنْ كُنَدَ وَتَ مَغَنَرْ غَرْغَطِنْ دَ ذَاكُيِ وَجَمَعَ، سَيْ كُيِ؞»

16سَيْ بُلُسْ يَمِيڧٜىٰ ڟَيٜىٰ، يَطَغَ حَنُّ عَيِ شِضُ، يَثٜىٰ «كُو یَنْعُوَنَ إِسْرَٰٓءِيلَاوَا دَ سَوْرَنْ مَاسُ ڟُواْرُوانْ اللَّهْ ، كُسَوْرَرَ!

17اللَّهْ نَجَمَعَرْ إِسْرَٰٓءِيلَ يَذَاٻِ كَاكَنِّنْمُ، يَمَيْدَ جَمَعَرْ نَنْ أَلْعُمَّ مَيْغِرْمَ أَ لُواْكَثِنْ دَسُكٜىٰ عَڧَسَرْ مَصَرْ، يَكُمَ ڢِتُواْ دَسُو دَغَ ڧَسَرْدَ إِيكُوانْسَ مَيْغِرْمَ؞

18يَيِ حَڧُرِ دَسُو وَجٜىٰنْ شٜىٰكَرَا أَرْبَعِنْ عَثِكِنْ دَاجِ؞

19بَايَنْدَ يَهَلَّكَ أَلْعُمَّ بَݣَويْ عَڧَسَرْ كَنْعَنَ، يَبَا جَمَعَرْ إِسْرَٰٓءِيلَ غَادُوانْ ڧَسَرْ؞

20وَنَّنْ يَا طَوْكِ وَجٜىٰنْ شٜىٰكَرَا طَرِے حُطُ دَ حَمْسِنْ؞ «بَايَنْ حَكَكُمَ اللَّهْ يَنَطَ مُسُ أَلْڧَلَيْ حَرْ ذُوَا زَامَانِنْ أَنَّبِے سَمَٰعِيلَ؞

21سَعَنً سُكَ ضُواْڧَا أَ نَطَ مُسُ سَرْكِے، سَيْ اللَّهْ يَبَاسُ طَالُوتَ طَنْ كِشْ، مُتُمِنْ ذُرِيَرْ بِلِيَامِنُ، وَنْدَ يَيِ مُلْكِ حَرْ شٜىٰكَرَا أَرْبَعِنْ؞

22بَايَنْدَ اللَّهْ يَثِرٜىٰ طَالُوتَ، يَسَا دَاوُدَ يَذَمَ سَرْكِنْسُ؞ ثِكِنْ شَيْدَرْ دَ اللَّهْ يَبَايَرْ غَمٜىٰدَ دَاوُدَ، يَثٜىٰ، ‹نَسَامِ دَاوُدَ طَنْ يٜىٰسّٜىٰ، مُتُمْ نٜىٰ مَيْ ذُوثِيَا إِرِنْ تَاوَ، وَنْدَ كُمَ ذَيْ عَيْكَتَ دُكَنْ نُڢِينَ؞›

23دَغَ ذُرِيَرْ مُتُمِنَّنْ نٜىٰ اللَّهْ يَكَٰوُاْوَ إِسْرَٰٓءِيلَ مَيْ ثٜىٰتُواْ، عِيسَىٰ ، كَمَرْ يَدَّ يَيِ أَلْڧَوَرِ؞

24كَاڢِنْ ذُوَانْ عِيسَىٰ ، يَحْيَى يَيِ وَمُتَنٜىٰنْ إِسْرَٰٓءِيلَ دُكَ وَعَظِ سُتُوبَ عَكُمَيِ مُسُ بَڢْتِسْمَ؞

25يَايِنْ دَ يَحْيَى يَكُسَ غَمَ عَيْكِنْسَ، سَيْيَثٜىٰ، ‹وَ كُكٜىٰ ڟَمَّنِ نَكٜىٰ؟ بَ ڢَا نِنٜىٰ شِ طِنَّنْبَ؞ عَمَّا أَݣَويْ مَيْ ذُوَا عَبَايَنَ، وَنْدَ كُواْ إِغِيَرْ تَاكَلْمَنْسَ مَا بَنْ إِسَ إِنْ كُنْثٜىٰبَ؞›

26«كُو یَنْعُوَنَ، ذُرِيَرْ إِبْرَٰهِيمْ دَ كُمَ كُو مَاسُ ڟُواْرُوانْ اللَّهْ وَطَنْدَ بَا يَهُودَاوَا بَ، مُو نٜىٰ ڢَا عَكَ عَيْكُواْ مَنَ لَابَرِنْ ثٜىٰتُواْنَّنْ؞

27غَمَا مَاسُ ذَمَ أَ عُرُوشَلِيمَ دَ شُوغَبَنِّنْسُ بَسُ غَانٜىٰ شِينٜىٰ مَيْ ثٜىٰتُوانْ بَ، بَسُ كُمَ غَانٜىٰ مَغَنَرْ أَنَّبَاوَنْ دَ عَكٜىٰ كَرَنْتَاوَا عَكُواْوَثٜىٰ رَانَرْ هُوتُ تَمَكُواْبَ؞ عَمَّا سُنْثِكَ وَنَّنْ مَغَنَرْ أَنَّبَاوَا يَايِنْ دَ سُكَ حُكُنْتَ عِيسَىٰ ؞

28كُواْدَيَكٜىٰ بَسُ سَامٜىٰشِ دَ لَيْڢِنْدَ ذَيْ كَيْ غَ حُكُنْثِنْ كِسَابَ، دُكْدَهَكَ سُكَ ضُواْڧِ بِلَتُسْ عَكَشٜىٰشِ؞

29دَ سُكَ ثِكَ دُكْ أَبِنْدَ عَكَ رُبُوتَ غَمٜىٰدَشِ ثِكِنْ رُبُوتَثِّيَرْ مَغَنَرْ اللَّهْ ، سَيْسُكَ سَوْكُواْ دَشِ دَغَ كَنْ غُنْ‌غُمٜىٰنْ إِتَاثٜىٰ، سُكَسَاشِ عَكَبَرِ؞

30عَمَّا اللَّهْ يَتَاشٜىٰشِ دَغَ مَتَتُّو؞

31ݣُونَكِے دَيَوَ كُوَ يَنَ تَبَيَّنَ غَ وَطَنْدَ سُكَبِيشِ ذُوَا عُرُوشَلِيمَ دَغَ غَلِيلِ، وَطَنْدَ يَنْذُ سُونٜىٰ شَيْدُنْسَ غَ جَمَعَ؞

32مُو مَا مُنْ كَٰوُاْ مُكُ لَابَرِ مَيْ دَاطِے ثٜىٰوَ أَلْڧَوَرِنَّنْ دَ اللَّهْ يَيِ وَكَاكَنِّنْمُ،

33يَثِكَ مَنَشِ، مُو دَمُكٜىٰ یَیَنْسُ، سَعَدَّ يَتَادَ عِيسَىٰ دَغَ مَتَتُّو؞ كَمَرْ يَدَّ يَكٜىٰ أَرُبُوثٜىٰ ثِكِنْ زَبُورَا تَبِيُ ثٜىٰوَ « ‹كَيْ طَانَ نٜىٰ، يَوْ نَا ذَمَ عُبَنْكَ؞› »

34«اللَّهْ يَتَادَ عِيسَىٰ دَغَ مَتَتُّو عَكَنْ ثٜىٰوَ عِيسَىٰ بَذَيْسَاكٜىٰ مُتُوَبَ بَلّٜىٰ يَضُٻَ؞ حَڧِيڧَ، اللَّهْ يَثِكَ وَنَّنْ كَلْمَ غَمٜىٰدَ تَاشِنْسَ ثٜىٰوَ « ‹ذَنْبَاكَ أَلْبَرْكُنَّنْ مَاسُ ڟَرْكِے كُمَ تَبَّتَاتُّ وَطَنْدَ نَيِ وَ دَاوُدَ أَلْڧَوَرِ؞› »

35«دُواْمِنْ أَوَتَ زَبُورَا مَا يَثٜىٰ، ‹بَذَاكَ بَرْ مَيْ ڟَرْكِنْكَ يَضُٻَبَ؞› »

36«بَايَنْدَ دَاوُدَ يَثِكَ عَيْكِنْ دَ اللَّهْ يَبَا شِ أَ زَامَانِنْسَ، سَيْ يَيِ بَرْثِ، عَكَ كُوَ بِنّٜىٰشِ تَرٜىٰدَ كَاكَنِّنْسَ، جِكِنْسَ كُمَ يَرُٻٜىٰ؞

37عَمَّا عِيسَىٰ وَنْدَ اللَّهْ يَتَادَشِ دَغَ مَتَتُّو بَيْ ضُٻَ عَكَبَرِبَ؞

38«سَبُواْدَ حَكَ یَنْعُوَنَ، كُسَنْ وَنَّنْ ثٜىٰوَ تَوُرِنْ عِيسَىٰ نَّنْ نٜىٰ عَكٜىٰ سَنَرْ مُكُ دَ غَاڢَرَرْ ذُنُبَنْكُ؞

39تَوُرِنْسَ كُمَ دُكْ وَنْدَ يَبَادَ غَسْكِيَ يَسَامِ یَنْثِ كٜىٰنَنْ دَغَ دُكَنْ ذُنُبَنْدَ كُواْيَرْوَرْ مُوسَٰى تَكَاسَ بَادَ یَنْثِ عَكَيْ؞

40سَبُواْدَ حَكَ سَيْ كُمَيْدَ حَنْكَلِ، كَدَ أَبِنَّنْ دَ اللَّهْ يَڢَطَا ثِكِنْ لِتَّتَّڢَنْ أَنَّبَاوَا يَڢَرُ دَكُو، وَتُواْ،

41« ‹كُسَوْرَرَ، كُو مَاسُ يِنْ بَعَ! يِمَامَاكِ، كُهَلَّكَ! غَمَا ذَنْيِ وَنِ عَيْكِ عَݣُونَكِنْكُ، عَيْكِنْ دَ بَذَاكُ غَسْكَتَبَ، كُواْ دَ وَنِ يَغَيَ مُكُ؞› »

42بُلُسْ دَ بَرْنَبَ سُنَ ڢِتُواْوَ دَغَ مَجَمِعَرْ كٜىٰنَنْ، سَيْ مُتَنٜىٰ سُكَ ضُواْڧٜىٰسُ سُڧَارَيِ مُسُ مَغَنَ عَكَنْ أَبُبُوَنَّنْ كُمَ أَ رَانَرْ هُوتُ تَمَكُواْ مَيْ ذُوَا؞

43دَ جَمَعَ سُكَ وَڟٜىٰ، سَيْ يَهُودَاوَا دَيَوَ دَ كُمَ وَطَنْسُ مَاسُ شِغَ أَدِّينِنْ يَهُودَاوَا دَ ڨُوذُواْ، سُكَبِے بُلُسْ دَ بَرْنَبَ، وَطَنْدَ سُكَيِ مُسُ مَغَنَ، سُكَ ڧَرْڢَڢَاسُ سُثِيغَبَدَ رَايُوَا ثِكِنْ أَلْحٜىٰرِنْ اللَّهْ ؞

44دَ رَانَرْ هُوتُ تَكٜىٰوَيُواْ، كُسَنْ دُكْ بِرْنِنْ سُكَ تَارُ دُواْمِنْ سُجِ كَلْمَرْ اللَّهْ ؞

45عَمَّا دَ يَهُودَاوَا سُكَغَ تَارُوانْ مُتَنٜىٰ مَاسُيَوَ، سُكَيِ كِيشِ سُواْسَيْ، سُنَ مُسُونْ أَبُبُوَنْ دَ بُلُسْ يَڢَطَا سُنَ مَغَنْ‌غَنُنْ رٜىٰنِ؞

46عَمَّا بُلُسْ دَ بَرْنَبَ سُكَيِ مَغَنَ بَا ڟُواْرُواْ، سُكَثٜىٰ «كُو يَهُودَاوَا كُونٜىٰ يَا كَمَاتَ أَڢَارَ يِمُكُ كَلْمَرْ اللَّهْ ؞ عَمَّا تُنْدَ كُكَ ڧِتَ، كُنْ نُونَ بَكُ ثَنْثَنْثِ كُسَامِ رَيْ نَهَرْ أَبَدَابَ؞ تُواْ، ذَامُجٜىٰ وُرِنْ وَطَنْدَ بَا يَهُودَاوَا بَ؞

47دُواْمِنْ عُبَنْ‌غِجِ يَارِغَا يَعُمَرْثٜىٰمُ دَيَثٜىٰ، « ‹نَسَاكَ كَذَمَ حَصْكٜىٰ غَ وَطَنْدَ بَا يَهُودَاوَا بَ، دُوانْ كَكَٰوُاْ ثٜىٰتُواْ حَرْ ذُوَا إِيَاكَرْ دُونِيَا؞› »

48دَ وَطَنْدَ بَا يَهُودَاوَا بَ سُكَجِ حَكَ، سُكَجِ دَاطِے سُواْسَيْ، سُكَ يَبِے كَلْمَرْ عُبَنْ‌غِجِ ؞ وَطَنْدَ عَكَ ڧَدَّرَ مُسُ سَامُنْ رَيْ نَهَرْ أَبَدَا كُمَ سُكَ بَادَ غَسْكِيَ؞

49كَلْمَرْ عُبَنْ‌غِجِ كُوَ سَيْ تَڧَارَ بَظُو عَڧَسَرْ دُكَ؞

50عَمَّا يَهُودَاوَا سُكَ ذُغَ وَطَنْسُ مَاتَا مَاسُ ڟُواْرُوانْ اللَّهْ ، وَطَنْدَ عَكٜىٰبَاسُ غِرْمَ دَ كُمَ وَطَنْسُ مَنْيَنْ مُتَنٜىٰنْ غَرِنْ؞ سُكَتَادَ ڟَنَنِ غَ بُلُسْ دَ بَرْنَبَ، سُكَ كُواْرٜىٰسُ دَغَ غَرِنْسُ؞

51مَنْذَنِّےنْ كُوَ سُكَ كَكَّٻٜىٰ ڧُورَرْ ڧَڢَاڢُنْسُ دُواْمِنْ شَيْدَ عَكَنْ مُتَنٜىٰنْ غَرِنْ، سُكَ تَڢِے إِيكُواْنِيَ؞

52مَاسُبِے نَ أَنْتَكِيَ كُمَ سُنَ ثِكٜىٰ دَ ڢَضٍ ثِكِ دَ كُمَ رُوحُ مَيْ ڟَرْكِے ؞

← Chapter 12 Jump to: Chapter 14 →