Acts 7

Hausa Arabic 2020 (أَتَّوْرَتْ دَ أَنَّبَاوَا)

1سَيْ بَبَّنْ ڢِرِسْتِ يَتَمْبَيِ إِسْتِڢَنُسْ يَثٜىٰ «أَبُبُوَنَّنْ، غَسْكِيَ نٜىٰ؟»

2سَيْ إِسْتِڢَنُسْ يَثٜىٰ «كُو یَنْعُوَ دَ عُبَنِّ، كُسَوْرَرَتَ؞ اللَّهْ مَطَوْكَكِ يَبَيَّنَ غَ كَكَنْمُ إِبْرَٰهِيمْ سَعَدَّ يَكٜىٰ عَڧَسَرْ مٜىٰسُواْڢُواْتَمِيَ، تُنْ بَيْ ذَوْنَ أَ هَرَنْ بَ؞

3اللَّهْ يَثٜىٰ مَسَ، ‹كَتَاشِ دَغَ ڧَسَرْكُ، كَبَرْ یَنْعُوَنْكَ، كَجٜىٰ ڧَسَرْدَ ذَنْ نُونَ مَكَ؞›

4سَيْ كَكَنْمُ يَتَاشِ دَغَ ڧَسَرْ كَلْدِيَاوَا، يَجٜىٰ يَذَوْنَ أَ هَرَنْ؞ دَغَ ثَنْ كُمَ، بَايَنْدَ بَابَنْسَ يَمُتُ، اللَّهْ يَكَٰوُاْ شِ ڧَسَرْ نَنْ دَ كُكٜىٰ ذَمَ عَثِكِ يَنْذُ؞

5عَمَّا كُوَ اللَّهْ بَيْ بَاشِ غَادُوانْ ڧَسَرْبَ، كُواْ دَ تَاكِ طَيَ؞ سَيْ دَيْ يَيِ مَسَ أَلْڧَوَرِ ذَيْسَا ڧَسَرْ تَذَمَ تَاسَ، شِے دَ ذُرِيَرْسَ دَ ذَاسُذُواْ بَايَنْسَ، كُواْدَيَكٜىٰ بَاشِ دَ يَرُواْ أَ لُواْكَثِنْ؞

6اللَّهْ كُوَ يَڢَطَا ثٜىٰوَ ذُرِيَرْ إِبْرَٰهِيمْ ذَاسُيِ بَڧُنْثِ أَوَتَ ڧَسَا، مُتَنٜىٰنْ ڧَسَرْ كُوَ ذَاسُ مَيْدَسُو بَايِ، ذَاسُبَاسُ وَهَلَ حَرْ شٜىٰكَرَا طَرِے حُطُ؞

7اللَّهْ يَثٜىٰ ذَيْ حُكُنْتَ ڧَسَرْدَ ذَاسُ بَوْتَاوَ، بَايَنْ حَكَكُمَ ذُرِيَرْ إِبْرَٰهِيمْ ذَاسُ ڢِتُواْ سُبَوْتَاوَ اللَّهْ أَوَنَّنْ وُرِے؞

8اللَّهْ كُمَ يَبَا إِبْرَٰهِيمْ ڧَٰعِدَرْ كَاثِيَ، عَلَمَثٜىٰ تَيَرْجٜىٰجٜىٰنِيَ؞ شِيَسَا دَ إِبْرَٰهِيمْ يَحَيْڢِ إِسْحَٰڧَ، يَيِ مَسَ كَاثِيَ أَ رَانَ تَتَݣُوسْ؞ إِسْحَٰڧَ يَحَيْڢِ يَعْڧُوبَ، يَعْڧُوبَ كُمَ يَحَيْڢِ كَاكَنِّنْمُ غُواْمَشَا بِيُنَّنْ؞

9«كَاكَنِّنَّنْ كُوَ دَيَكٜىٰ سُنَ كِيشِنْ طَنْعُوَنْسُ يُوسُڢَ، سُكَ سَيَرْ دَشِ، عَكَ كَيْ شِ مَصَرْ؞ عَمَّا اللَّهْ يَنَ تَرٜىٰ دَشِ،

10يَكُمَ ڢِتَرْ دَشِ دَغَ دُكَنْ وَهَلَرْسَ؞ اللَّهْ كُمَ يَسَا يَذَمَ مَيْ حِكِمَ، مَيْ ڢَضٍ جِنِ أَغَبَنْ سَرْكِے ڢِرْعَوْنَ نَ مَصَرْ؞ ڢِرْعَوْنَ كُوَ يَمَيْدَ يُوسُڢَ ڠُومْنَ نَڧَسَرْ مَصَرْ دَ كُمَ شُوغَبَنْ دُكَنْ جَمَعَرْ غِدَنْسَ؞

11أَنَانً، سَيْ يُنْوَ تَشِغُواْ أَدُكْ ڧَسَرْ مَصَرْ دَ كَنْعَنَ، تَرٜىٰدَ وَهَلَ مَيْ ڟَنَنِ، حَرْ كَاكَنِّنْمُ سُكَ رَسَ عَبِنْثِ؞

12عَمَّا دَ يَعْڧُوبَ يَجِ أَݣَويْ حَڟِ أَ مَصَرْ، يَعَيْكِ يَارَنْسَ وَتُواْ، كَاكَنِّنْمُ ذُوَا مَصَرْ؞ وَنَّنْ يَذَمَ تَڢِيَرْسُ تَڢَرْكُواْ؞

13عَتَڢِيَرْسُ تَبِيُ يُوسُڢَ يَسَنَرْدَ كَنْسَ غَ یَنْعُوَنْسَ، ڢِرْعَوْنَ كُمَ يَغَانٜىٰ أَصَلِنْسَ؞

14سَيْ يُوسُڢَ يَعَيْكَ وَبَابَنْسَ يَعْڧُوبَ يَذُواْ دَ كُمَ دُكَنْ یَنْعُوَنْ يُوسُڢَ؞ دُكَنْسُ كُوَ مُتُمْ سَبَعِنْ دَ بِيَرْ نٜىٰ؞

15سَيْ يَعْڧُوبَ يَتَڢِے مَصَرْ؞ عَثَنْ نٜىٰ مَا يَمُتُ، شِے دَ كَاكَنِّنْمُ؞

16سَيْ عَكَ ݣُوسُواْسُ عَكَ مَيْدَسُو شٜىٰكٜىٰمْ، عَكَسَاسُ عَكَبَرِنْ دَ إِبْرَٰهِيمْ يَسَيَ دَ كُطِنْ أَظُرْڢَا أَوُرِنْ یَیَنْ هَمُوارْ أَنَنْ شٜىٰكٜىٰمْ؞

17«عَمَّا دَ لُواْكَثِنْ ثِكَرْ أَلْڧَوَرِنْ دَ اللَّهْ يَيِ وَ إِبْرَٰهِيمْ يَيِ كُسَ، جَمَعَرْمُ تَا ڧَارُ، تَايِيَوَ سُواْسَيْ عَڧَسَرْ مَصَرْ؞

18سَعَنً عَكَيِ وَنِ سَرْكِے أَ مَصَرْ، وَنْدَ بَيْمَا سَنْ كُواْ وَنٜىٰنٜىٰ يُوسُڢَ بَ؞

19وَنَّنْ سَرْكِے كُوَ يَثُوثِ ڧَبِيلَرْمُ، يَيِ وَكَاكَنِّنْمُ ڟَنَنِ يَنَسَا عَيَرْ دَ جَرِرَنْسُ، دُواْمِنْ كَدَ سُرَايُ؞

20أَ لُواْكَثِنَّنْ نٜىٰ عَكَ حَيْڢِ مُوسَٰى، يَرُواْ مَيْ ݣَنْ غَسْكٜىٰ؞ أَنْيِ رٜىٰنُوانْسَ وَتَا عُكُ أَغِدَنْ بَابَنْسَ؞

21دَ عَكَيَرْ دَشِ، یَرْ ڢِرْعَوْنَ تَطَوْكٜىٰشِ، تَلُورَ دَشِ كَمَرْ طَنْتَ؞

22سَيْ عَكَ كُواْيَوَ مُوسَٰى دُكَنْ حِكِمَرْ مَصَرَاوَا، شِيكُوَ مُتُمْ نٜىٰ مَيْ إِيكُواْ ثِكِنْ مَغَنَ دَ أَيُّكَنْسَ؞

23دَ يَكَيْ شٜىٰكَرَا أَرْبَعِنْ كٜىٰنَنْ، سَيْ يَيِ تُنَانِ يَجٜىٰ يَظِيَرْثِ یَنْعُوَنْسَ إِسْرَٰٓءِيلَاوَا؞

24دَ يَغَ وَنِ مُتُمِنْ مَصَرْ يَنَ ثُوتَرْ طَيَنْسُ، يَجٜىٰ يَتَيْمَكِ مُتُمِنْ إِسْرَٰٓءِيلَنْ نَنْ، يَرَامَ مَسَ، يَبُغِ مُتُمِنْ مَصَرْ، يَكَشٜىٰشِ؞

25يَيِ ڟَمَّنِ یَنْعُوَنْسَ ذَاسُ غَانٜىٰ اللَّهْ ذَيْ يِ أَمْڢَانِ دَشِ دُواْمِنْ يَثٜىٰثٜىٰسُ؞ عَمَّا مُتَنٜىٰنْ بَسُ غَانٜىٰبَ؞

26وَشٜىٰغَرِ كُمَ يَغَ وَطَنْسُ إِسْرَٰٓءِيلَاوَا سُنَ ڢَطَ، سَيْ يَسُواْ يَشِرْيَسُ، يَثٜىٰ، ‹كُو جَمَعَ، كُو یَنْعُوَ نٜىٰ ڢَا، دُوانْمٜىٰ كُكٜىٰ ثُوتَرْ جُونَ؟›

27عَمَّا مَيْ ثُوتَرْ طَنْعُوَنْسَ يَتُرٜىٰ مُوسَٰى غٜىٰڢٜىٰ، يَثٜىٰ، ‹وَ يَسَاكَ كَذَمَ شُوغَبَنْمُ دَ أَلْڧَلِنْمُ؟

28أَشٜىٰ، كَنَ سُواْ كَكَشٜىٰنِ كَمَرْ يَدَّ كَكَشٜىٰ مُتُمِنْ مَصَرْ نَنْ نَجِيَ؟›

29دَ مُوسَٰى يَجِ حَكَ، سَيْ يَغُدُ يَيِ ذَمَنْ بَڧُنْثِ عَڧَسَرْ مَدْيَنَ، عَثَنْ يَحَيْڢِ یَیَ بِيُ مَظَا؞

30«تُواْ، بَايَنْ شٜىٰكَرَا أَرْبَعِنْ، وَنِ مَلاَىِٕكَ يَبَيَّنَ غَ مُوسَٰى أَ هَرْشٜىٰنْ وُتَا، عَڧَرَمِنْ إِتَاثٜىٰ أَوَنِ دَاجِ كُسَدَ بَبَّنْ تُدُنْ سِنَيْ؞

31دَ مُوسَٰى يَغَ حَكَ، يَيِ مَامَاكِنْ أَبِنْدَ يَغَنِ؞ دَ يَذُواْ كُسَ دُواْمِنْ يَدُوبَ، سَيْ يَجِ مُرْيَرْ عُبَنْ‌غِجِ تَثٜىٰ،

32‹نِنٜىٰ اللَّهْ نَكَاكَنِّنْكَ، اللَّهْ نَ إِبْرَٰهِيمْ دَ إِسْحَٰڧَ دَ يَعْڧُوبَ؞› سَيْ جِكِنْ مُوسَٰى يَڢَارَ ضَوَ، بَيْمَا عِيَ ڧَرْڢِنْ حَلِنْ دُوبَوَبَ؞

33«سَيْ عُبَنْ‌غِجِ يَثٜىٰ مَسَ، ‹كَثِرٜىٰ تَاكَلْمَنْكَ، دُواْمِنْ وُرِنَّنْ دَ كَكٜىٰ ڟَيٜىٰ وُرِے مَيْ ڟَرْكِے نٜىٰ؞

34لَلَّيْ، نَا غَا وَهَلَرْ دَ عَكٜىٰبَا جَمَعَتَ دَسُكٜىٰ مَصَرْ، نَاجِ كُوكَنْسُ، نَا كُمَ سَوْكُواْ إِنْثٜىٰثٜىٰسُ؞ تُواْ، يَنْذُ سَيْ كَيِشِرِ إِنْ عَيْكٜىٰكَ ذُوَا مَصَرْ؞›

35«تُواْ، شِ وَنَّنْ مُوسَٰى نٜىٰ سُكَڧِ، سُنَ ثٜىٰوَ ‹وَ يَسَاكَ كَذَمَ شُوغَبَنْمُ دَ أَلْڧَلِنْمُ؟› شِينٜىٰ اللَّهْ يَعَيْكُواْ يَذَمَ شُوغَبَادَ مَيْ ثٜىٰتُواْ، تَوُرِنْ مَلاَىِٕكَنَّنْ دَ يَبَيَّنَ أَغَرٜىٰشِ عَڧَرَمِنْ إِتَاثٜىٰنَّنْ؞

36شِينٜىٰ كُوَ يَڢِتُواْ دَسُو، بَايَنْ يَيِ أَيُّكَنْ بَنْ مَامَاكِ دَ كُمَ عَلَمُ عَڧَسَرْ مَصَرْ دَ تٜىٰكُنْ ثِيَوَرْ إِوَ، دَ كُمَ عَثِكِنْ دَاجِ حَرْ شٜىٰكَرَا أَرْبَعِنْ؞

37وَنَّنْ مُوسَٰى شِينٜىٰ وَنْدَ يَثٜىٰ وَ إِسْرَٰٓءِيلَاوَا، ‹ اللَّهْ ذَيْ عَيْكُواْ مُكُ دَ وَنِ أَنَّبِے دَغَ ثِكِنْ مُتَنٜىٰنْكُ، كَمَرْ يَدَّ يَعَيْكٜىٰنِ؞›

38مُوسَٰى شِينٜىٰ مُتُمِنْدَ يَتَتَّارَ جَمَعَرْ إِسْرَٰٓءِيلَ عَثِكِنْ دَاجِ؞ يَكَسَنْثٜىٰ عَثَنْ تَرٜىٰدَ كَاكَنِّنْمُ دَ كُمَ مَلاَىِٕكَنَّنْ دَ يَيِ مَغَنَ دَشِ عَكَنْ بَبَّنْ تُدُنْ سِنَيْ؞ شِينٜىٰ كُمَ يَكَرْٻُواْ كَلْمَ مَيْ بَادَ رَيْ دَغَ وُرِنْ اللَّهْ يَكَٰوُاْ مَنَ؞

39عَمَّا كَاكَنِّنْمُ سُكَڧِ يِمَسَ بِيَيَّ، سُكَڧِيجِنْ كَلْمَرْسَ، سُكَيِ مَرْمَرِنْ كُواْمَاوَا ڧَسَرْ مَصَرْ؞

40«سُكَثٜىٰ وَ هَٰرُونَ، ‹كَيِ مَنَ أَلُّواْلِنْ دَ ذَاسُيِ مَنَ جَغُواْرَ، دُوانْ وَنَّنْ مُوسَٰى كَمْ دَ يَڢِتُواْ دَمُو دَغَ ڧَسَرْ مَصَرْ، بَمُسَنْ أَبِنْدَ يَڢَرُ دَشِيبَ؞›

41أَ لُواْكَثِنَّنْ، سُكَيِ صِڢَّرْ طَنْ بِجِمِ، سُكَ مِيڧَا وَغُنْكِنَّنْ هَدَايَ، سُكَ دِنْ‌غَ مُرْنَ دَ عَيْكِنْ دَ سُكَيِ دَ حَنُّنْسُ؞

42«سَبُواْدَ حَكَ اللَّهْ يَجُويَ مُسُ بَايَ، يَمِيڧَسُ غَ بَوْتَرْ رَانَ دَ وَتَ دَ تَوْرَرِنْ سَمَ؞ وَنَّنْ يَيِ دَيْدَيْدَ أَبِنْ دَيَكٜىٰ أَرُبُوثٜىٰ أَ لِتَّڢِنْ أَنَّبَاوَا ثٜىٰوَ « ‹كُو جَمَعَرْ إِسْرَٰٓءِيلَ، نِنٜىٰ كُكَ يَنْكَ وَ دَبُّواْبِے، كُكَ مِيڧَا وَ هَدَايَ، حَرْ شٜىٰكَرَا أَرْبَعِنْ عَثِكِنْ دَاجِ؟

43أَيْ دَ تٜىٰنْتِنْ غُنْكِ مُواْلٜىٰكْ كُكَ دِنْ‌غَ يَٰوُاْ، دَ تَوْرَرُوانْ غُنْكِنْكُ رٜىٰڢَنْ، وَتُواْ، غُمَكَنَّنْ دَ كُكَيِ دُوانْ كُيِ مُسُ سُجَّدَ؞ نِے كُوَ ذَنْكَوَرْ دَكُو ثَنْ غَبَ دَ بَابِيلَ؞›

44«أَ دَا كَاكَنِّنْمُ سُنَدَ تٜىٰنْتِنْ شَيْدَرْ كَسَنْثٜىٰوَرْ اللَّهْ أَدَاجِ؞ وَنَّنْ نٜىٰ تٜىٰنْتِنْ دَ اللَّهْ يَعُمَرْثِ مُوسَٰى يَيِ، كُمَ أَنْيِشِ دَيْدَيْ كَمَرْ يَدَّ اللَّهْ يَنُونَ وَ مُوسَٰى؞

45تٜىٰنْتِنَّنْ نٜىٰ كَاكَنِّنْمُ سُكَ غَادَ، سُكَ كُمَ كَٰوُاْ عَڧَسَرْ نَنْ أَ زَامَانِنْ يُواْشُوَ، سَعَدَّ سُكَ كَرْٻِ ڧَسَرْ أَ حَنُّنْ أَلْعُمَّنْ دَ اللَّهْ يَكُواْرَ أَعِدُوانْسُ؞ تٜىٰنْتِنَّنْ كُوَ يأَنَانً حَرْ ذُوَا زَامَانِنْ دَاوُدَ؞

46دَاوُدَ كُوَ يَسَامِ ڢَضٍ جِنِ أَغَبَنْ اللَّهْ ، حَرْ يَيِ ضُواْڧُواْ دُواْمِنْ يَغِنَ وُرِنْ ذَمَ دُواْمِنْ اللَّهْ نَكَكَنْمُ يَعْڧُوبَ؞

47عَمَّا سُلَيْمَٰنُ نٜىٰ يَيِ وَ اللَّهْ غِنِنْ؞

48«دُكْدَهَكَ، مَڢِے طَوْكَكَ بَايَ ذَمَ أَغِدَاجٜىٰنْ دَ مُتُمْ يَغِنَ؞ يَدَّ أَنَّبِے يَثٜىٰ،

49« ‹سَمَ شِينٜىٰ كُجٜىٰرَرْ مُلْكِنَ، ڧَسَا كُوَ وُرِنْ سَا ڧَڢَتَنٜىٰ، وَنٜىٰ إِرِنْ غِدَا نٜىٰ ذَاكُ غِنَا مِنِ؟ إِنْجِ عُبَنْ‌غِجِ ؞ كُواْ كُوَ وَنٜىٰ وُرِے نٜىٰ وُرِنْ هُوتُنَ؟

50بَنِينٜىٰ نَا حَلِثِّ دُكْ وَطَنَّنْ أَبُبُوَنْبَ؟› »

51«كُو مَاسُ تَوْرِنْ كَيْ، مَاسُ تَوْرِنْ ذُوثِيَا، مَاسُ كُنّٜىٰنْ ڧَشِ، كُلُّمْ كُنَ ڧِنْ بِيَيَّ دَ رُوحُ مَيْ ڟَرْكِے ؞ يَدَّ كَاكَنِّنْكُ سُكَيِ، حَكَ كُو مَا كُكٜىٰيِ؞

52ثِكِنْ أَنَّبَاوَا، أَݣَويْ وَنْدَ كَاكَنِّنْكُ بَسُ ڟَنَنْتَ مَسَبَ؟ سُنْ كَشٜىٰ وَطَنْدَ سُكَيِ مَغَنَ عَكَنْ ذُوَانْ مَيْ أَدَلْثِنَّنْ؞ كُو كُوَ، كُكَ بَاشٜىٰشِ، كُكَ كَشٜىٰشِ؞

53كُونٜىٰ كُوَ كُكَ كَرْٻِ كُواْيَرْوَرْ تَوُرِنْ مَلاَىِٕكُ، عَمَّا بَكُ كِيَايٜىٰتَبَ!»

54دَسُكَجِ حَكَ، سُكَيِ ڢُشِے سُواْسَيْ، حَرْ سُكَ ثِجِ بَاكِ دُوانْ هَوْشِ؞

55عَمَّا إِسْتِڢَنُسْ ثِكٜىٰ دَ رُوحُ مَيْ ڟَرْكِے ، يَظُبَ عِدُواْ يَنَ كَلُّوانْ سَمَ، يَغَ طَوْكَكَرْ اللَّهْ دَ كُمَ عِيسَىٰ أَڟَيٜىٰ أَ حَنُّنْ دَامَ نَ اللَّهْ ؞

56سَيْ إِسْتِڢَنُسْ يَثٜىٰ «دُوبَ، إِنَ غَنِنْ سَمَ عَبُوطٜىٰ دَ كُمَ طَنْ مُتُمْ أَڟَيٜىٰ أَ حَنُّنْ دَامَ نَ اللَّهْ ؞»

57عَمَّا سُكَ ڢَارَ إِيهُ سُواْسَيْ، سُكَ تُواْتُّواْشٜىٰ كُنُّوَنْسُ، سُكَ هَوْ مَسَ غَبَاطَيَ؞

58سُكَ ڢِتَرْدَشِ بَايَنْ غَرِ، سُكَيِ تَجِڢَرْسَ دَ دُوَڟُو؞ شَيْدُ كُوَ سُكَ أَجِيٜىٰ تُڢَاڢِنْسُ وُرِنْ وَنِ سَوْرَيِ مَيْ سُونَ شَوُلُ؞

59سُنَ تَجِڢَرْ إِسْتِڢَنُسْ، شِے كُوَ يَيِ أَدُّعَ يَثٜىٰ « عُبَنْ‌غِجِ عِيسَىٰ ، كَكَرْٻِ رَيْنَ؞»

60سَيْ يَدُرْڧُسَ، يَطَغَ مُرْيَ دَ ڧَرْڢِے يَثٜىٰ « عُبَنْ‌غِجِ ، كَدَ كَلِسَّڢْتَ وَنَّنْ ذُنُوبِ عَكَنْسُ؞» دَ ڢَطِنْ حَكَ، سَيْ يَيِ بَرْثِ؞

← Chapter 6 Jump to: Chapter 8 →