Acts 5

Hausa Arabic 2020 (أَتَّوْرَتْ دَ أَنَّبَاوَا)

1عَمَّا وَنِ مُتُمْ مَيْ سُونَ هَنَنِيَ، تَرٜىٰدَ مَاتَرْسَ سَڢِرَتُ، يَسَيَرْ دَ وَنِ أَبِنْدَ يَكٜىٰدَشِ؞

2سَيْ يَٻُواْيٜىٰ وَنِ أَبُ دَغَ ثِكِنْ كُطِنْ دَ سَنِنْ مَاتَرْسَ، يَكَٰوُاْ سَاشٜىٰ كَوَيْ يَ أَجِيٜىٰ أَغَبَنْ مَنْذَنِّے؞

3سَيْ بِتْرُسْ يَثٜىٰ «كَيْ هَنَنِيَ، تَيَيَا كَبَرْ شَيْطَنْ يَثِكَ ذُوثِيَارْكَ، حَرْ كَيِ وَ رُوحُ مَيْ ڟَرْكِے ڧَضْيَا، كَكُمَ ٻُواْيٜىٰ وَنِ أَبُ دَغَ ثِكِنْ كُطِنْ غُواْنَرْ؟

4كَاڢِنْ كَسَيَرْ بَتَكَبَثٜىٰ؟ بَايَنْدَ كَسَيَرْ مَا، بَعَسَاكَ دُواْلٜىٰ كَبَادَ كُطِنْبَ؞ تَيَيَا كَيِ وَنَّنْ تُنَانِ أَ ذُوثِيَارْكَ؟ أَيْ، بَمُتُمْ كَيِوَ ڧَضْيَابَ، اللَّهْ كَيِوَ؞»

5دَجِنْ وَنَّنْ مَغَنَرْ كُوَ، هَنَنِيَ يَڢَاطِ يَمُتُ؞ مُتَنٜىٰنْ دَ سُكَجِ كُوَ، ڟُواْرُواْ يَكَامَسُ سُواْسَيْ؞

6سَمَارِ سُكَتَاشِ سُكَ نَطٜىٰ جِكِنْسَ دَ يَدِ، سُكَ طَوْكٜىٰشِ ذُوَا وَجٜىٰ سُكَ بِنّٜىٰ؞

7بَايَنْ كَمَرْ أَوَ عُكُ، مَاتَرْ هَنَنِيَ تَشِغُواْ، بَتَسَنْ أَبِنْدَ يَڢَرُبَ؞

8سَيْ بِتْرُسْ يَثٜىٰ مَتَ «غَيَ مِنِ، وَنَّنْ شِينٜىٰ إِيَاكَثِنْ كُطِنْدَ عَكَ بِيَكُ عَكَنْ غُواْنَرْ نَنْ؟» سَيْتَثٜىٰ «عِ، إِيَاكَثِنْ كُطِنْ كٜىٰنَنْ؞»

9عَمَّا بِتْرُسْ يَثٜىٰ مَتَ «يَيَ كُكَ حَطَ بَاكِ كُڠُودَ رُوحٌ عُبَنْ‌غِجِ ؟ غَاشِ، كِجِ تَڢِيَرْ وَطَنْدَ سُكَ بِنّٜىٰ مِجِنْكِ، سُنَ بَاكِنْ ڧُواْڢَ، ذَاسُ كُوَ طَوْكٜىٰكِ سُڢِتَرْ دَكٜىٰ؞»

10نَنْ تَكٜىٰ تَڢَاطِ أَغَبَنْسَ، تَمُتُ؞ دَ سَمَارِنْ سُكَ شِغُواْ سُكَ سَامٜىٰتَ تَمُتُ، سَيْ سُكَ طَوْكٜىٰتَ، سُكَ ڢِتَرْدَ عِتَ، سُكَ بِنّٜىٰتَ تَغٜىٰڢٜىٰنْ مِجِنْتَ؞

11سَيْ بَبَّنْ ڟُواْرُواْ يَكَامَ دُكَنْ جَمَعَرْ مَاسُبِے دَ دُكْ وَطَنْدَ سُكَجِ لَابَرِنْ وَطَنَّنْ أَبُبُوَ؞

12تُواْ، أَنْيِ عَلَمُ دَ أَيُّكَنْ مَامَاكِ مَاسُيَوَ ثِكِنْ مُتَنٜىٰ تَوُرِنْ مَنْذَنِّے؞ دُكَنْ مَاسُبِے كُوَ سُكَنْ تَارُ أَ ذَوْرٜىٰنْ سُلَيْمَٰنُ أَ ڢِيلِنْ هَيْكَلِ؞

13عَمَّا عَثِكِنْ سَوْرَنْ مُتَنٜىٰ، بَاوَنْدَ يَيِ ڧَرْڢِنْ حَلِنْ شِغَ ثِكِنْسُ، كُواْدَيَكٜىٰ جَمَعَ سُنَبَاسُ غِرْمَ؞

14دُكْدَهَكَ مَاسُ بَادَ غَسْكِيَ غَ عُبَنْ‌غِجِ سُكَيِ تَڧَارُوَ دَ جَمَعَ مَاسُيَوَنْ غَسْكٜىٰ نٜىٰ، مَظَا دَ مَاتَا؞

15حَرْ مَا يَكَيْ غَ مُتَنٜىٰ سُنَ ڢِتُواْ دَ مَرَسَ لَاڢِيَ تِيتِ تِيتِ، سُنَ شِمْڢِطَاسُ عَكَنْ غَدَجٜىٰ دَ تَبَرْمِ؞ سُنَ ڢَتَ ثٜىٰوَ عِدَنْ بِتْرُسْ يَذُواْ وُثٜىٰوَ كُواْ إِنُوَرْسَ مَا تَبِتَ كَنْ وَطَنْسُنْسُ؞

16مُتَنٜىٰ دَيَوَ كُوَ سُكَيِ تَتَارُوَ دَغَ غَرُضُوً دَسُكٜىٰ كٜىٰوَيٜىٰنْ عُرُوشَلِيمَ، سُنَ تَكَٰوُاْ مَرَسَ لَاڢِيَ دَ وَطَنْدَ ڧَظَامَنْ رُوحُواْحِ سُكٜىٰبَاسُ وَهَلَ، دُكَنْسُ كُوَ عَكَ وَرْكَرْ دَسُو؞

17سَيْ بَبَّنْ ڢِرِسْتِ تَرٜىٰدَ دُكَنْ وَطَنْدَ سُكٜىٰ تَرٜىٰدَشِ، وَتُواْ یَنْ ڧُنْ‌غِيَرْ سَدُوكِيَاوَا، سُنْ جِكِيشِنْ مَنْذَنِّےنْ سُواْسَيْ؞

18سَبُواْدَ حَكَ سُكَ تَاسُواْ سُكَ كَامَ مَنْذَنِّےنْ، سُكَسَاسُ عَكُرْكُكُ؞

19عَمَّا دَ دَرٜىٰ سَيْ وَنِ مَلاَىِٕكَنْ عُبَنْ‌غِجِ يَبُوطٜىٰ ڧُواْڢُواْڢِنْ كُرْكُكُنْ، يَڢِتُواْ دَسُو، يَثٜىٰ،

20«كُجٜىٰ كُڟَيَ ثِكِنْ هَيْكَلِ كُڢَطَا وَمُتَنٜىٰ دُكَنْ مَغَنَرْ وَنَّنْ سَابُوانْ رَيْ؞»

21دَسُكَجِ حَكَ، سُكَ شِغَ هَيْكَلِنْ دَ سَسَّڢٜىٰ، سُنَ كُواْيَرْوَا؞ سَعَدَّ بَبَّنْ ڢِرِسْتِ دَ وَطَنْدَ سُكٜىٰ تَرٜىٰ دَشِ سُكَ تَارُ، سُكَ كِرَا مَجَلِسَ دَ دُكَنْ شُوغَبَنِّنْ إِسْرَٰٓءِيلَ، سُكَ عَيْكَ ذُوَا كُرْكُكُ عَكَٰوُاْ مَنْذَنِّےنْ؞

22عَمَّا دَ مَاسُ غَادِنْ هَيْكَلِ سُكَجٜىٰ، بَسُ سَامٜىٰسُ عَكُرْكُكُنْ بَ، سُكَ دَاوُاْ سُكَ بَادَ لَابَرِ، سُكَثٜىٰ،

23«مُنْ سَامِ كُرْكُكُنْ عَكُلّٜىٰ سُواْسَيْ، مَاسُ غَادِ كُمَ سُنَ غَادِنْ بَاكِنْ ڧُواْڢُواْڢِنْ، عَمَّا دَ مُكَ بُوطٜىٰ، سَيْ مُكَ سَامُ بَا كُواْوَ عَثِكِ؞»

24دَ شُوغَبَنْ مَاسُ غَادِنْ هَيْكَلِ دَ مَنْيَنْ ڢِرِسْتُواْثِے سُكَجِ حَكَ، سُكَ ضِكِثِے سُواْسَيْ، سُنَ تُنَانِنْ أَبِنْدَ وَنَّنْ ذَيْ كَٰوُاْ؞

25سَيْ وَنِ يَذُواْ يَثٜىٰمُسُ «أَيْ، غَاشِ، مُتَنٜىٰنَّنْ دَ كُكَسَا عَكُرْكُكُ سُنَ ڟَيٜىٰ أَ هَيْكَلِ، سُنَ كُواْيَرْ دَ جَمَعَ؞»

26سَيْ مَاسُ غَادِنْ هَيْكَلِنْ تَرٜىٰدَ شُوغَبَنْسُ سُكَجٜىٰ سُكَ كَٰوُاْ مَنْذَنِّےنْ، عَمَّا ڢَا بَدَڧَرْڢِبَ، دُوانْ شُوغَبَنِّنْ سُنَ ڟُواْرُواْ كَدَ جَمَعَ سُجٜىٰجّٜىٰڢٜىٰسُ دَدُوَڟُو؞

27دَسُكَ كَٰوُاْ مَنْذَنِّےنْ، سُكَسَا سُكَ ڟَيَ أَغَبَنْ مَجَلِسَ؞ سَيْ بَبَّنْ ڢِرِسْتِ يَتَمْبَيٜىٰسُ،

28يَثٜىٰ «مُنْجَا مُكُ كُنّٜىٰ سُواْسَيْ كَدَ كُڧَارَيِنْ كُواْيَرْوَا ثِكِنْ سُونَنَّنْ، عَمَّا غَاشِ كُنْ ثِكَ عُرُوشَلِيمَ دُكْ دَ كُواْيَرْوَرْكُ، حَرْ مَا كُنَ نٜىٰمَ كُتُورَ مَنَ أَلْحَكِنْ جِنِنْ مُتُمِنَّنْ؞»

29عَمَّا بِتْرُسْ دَ مَنْذَنِّےنْ سُكَ أَمْسَ سُكَثٜىٰ «دُواْلٜىٰنٜىٰ مُيِ وَ اللَّهْ بِيَيَّ ڢِيٜىٰدَ مُيِ وَمُتُمْ؞

30اللَّهْ نَكَاكَنِّنْمُ يَتَادَ عِيسَىٰ ، وَنْدَ كُكَ كَشٜىٰ تَوُرِنْ غِثِّيٜىٰشِ عَكَنْ غُنْ‌غُمٜىٰنْ إِتَاثٜىٰ؞

31شِينٜىٰ اللَّهْ يَطَوْكَكَ غَ دَامَنْسَ يَذَمَ شُوغَبَادَ كُمَ مَيْ ثٜىٰتُواْ، دُواْمِنْ يَبُوطٜىٰوَ إِسْرَٰٓءِيلَ حَنْيَرْ تُوبَ، سُكُمَ سَامِ غَاڢَرَرْ ذُنُبَنْسُ؞

32مُو كُوَ شَيْدُنٜىٰ غَ وَطَنَّنْ أَبُبُوَ، حَكَكُمَ رُوحُ مَيْ ڟَرْكِے ، وَنْدَ اللَّهْ يَبَا مَاسُ يِمَسَ بِيَيَّ؞»

33دَ شُوغَبَنِّنْ سُكَجِ حَكَ، سَيْ سُكَجِ ڢُشِے سُواْسَيْ، حَرْ سُكَسُواْ سُكَشٜىٰ مَنْذَنِّےنْ؞

34عَمَّا وَنِ بَڢَرِسِيٜىٰ مَيْ سُونَ غَمَلِيٜىٰلْ، مَلَمِنْ كُواْيَرْوَرْ مُوسَٰى، وَنْدَ دُكَنْ جَمَعَ سُنَ بَاشِ غِرْمَ، يَتَاشِ ڟَيٜىٰ ثِكِنْ مَجَلِسَ، يَبَادَ عُمَرْنِ أَ ڢِتَرْدَ مُتَنٜىٰنَّنْ وَجٜىٰ تُكُنَ؞

35سَعَنً يَثٜىٰ وَیَنْ مَجَلِسَ «كُو یَنْعُوَ إِسْرَٰٓءِيلَاوَا، كُكُلَ ڢَا دَ أَبِنْدَ كُكٜىٰسُواْ كُيِ وَمُتَنٜىٰنَّنْ؞

36شٜىٰكَرُنْ بَايَ وَنِ مُتُمْ يَٻُلُّواْ، مَيْ سُونَ تُدَسْ، يَطَوْكِ كَنْسَ كَمَرْ وَنِ أَبُ؞ وَجٜىٰنْ مُتُمْ طَرِے حُطُ سُكَبِيشِ، عَمَّا عَكَ كَشٜىٰشِ، عَكَ كُوَ وَاڟَرْدَ مَاسُبِنْسَ، وَنَّنْ كُوَ يَذَمَ ڧَرْشٜىٰنْسُ؞

37بَايَنْ وَنَّنْ كُمَ، وَنِ مَيْ سُونَ يَهُودَ، مُتُمِنْ غَلِيلِ يَٻُلُّواْ، لُواْكَثِنْ دَ عَكٜىٰ ڧِرْغَرْ مُتَنٜىٰ، يَسَا مُتَنٜىٰ سُكَبِيشِ؞ شِمَا يَهَلَّكَ، مَاسُبِنْسَ مَا دُكَ عَكَ وَاڟَرْ دَسُو؞

38تُواْ، يَنْذُ مَا، إِنَ غَيَ مُكُ، كُڢِتَ دَغَ حَنْيَرْ مُتَنٜىٰنَّنْ، كُبَرْسُ؞ عِدَنْ دَيْ نِيَّرْسُ، كُواْ عَيْكِنْسُ نَمُتُمْ نٜىٰ، أَيْ، ذَيْ رُشٜىٰ؞

39عَمَّا عِدَنْ عَيْكِنَّنْ نَ اللَّهْ نٜىٰ، بَذَاكُ عِيَ حَنَ مُتَنٜىٰنَّنْ بَ؞ كَدَ ڢَا أَ سَامٜىٰكُ كُنَ غَابَادَ اللَّهْ ؞» سَيْ سُكَ يَرْدَ دَ شَوَرَرْسَ،

40سُكَ كُمَ كِرَوُاْ مَنْذَنِّےنْ، سُكَيِ مُسُ بُلَلَ، سُكَجَا مُسُ كُنّٜىٰ كَدَ سُڧَارَ يِنْ مَغَنَ ثِكِنْ سُونَنْ عِيسَىٰ ؞ سَعَنً سُكَ سَكٜىٰسُ؞

41مَنْذَنِّےنْ سُكَتَاشِ دَغَ غَبَنْ مَجَلِسَرْ سُنَ ڢَضٍ ثِكِ عَكَنْ أَنْ‌غَ سُنْ إِسَ سُشَا وُلَڧَنْثِ سَبُواْدَ سُونَنْ عِيسَىٰ ؞

42كُواْوَثٜىٰ رَانَ كُوَ، كُواْ أَ هَيْكَلِ، كُواْ أَغِدَا، بَسُ دَيْنَ كُواْيَرْوَا دَ بَادَ لَابَرِ مَيْ دَاطِے نَثٜىٰوَ عِيسَىٰ شِينٜىٰ أَلْمَسِيحُ بَ؞

← Chapter 4 Jump to: Chapter 6 →