Acts 27

Hausa Arabic 2020 (أَتَّوْرَتْ دَ أَنَّبَاوَا)

1دَ عَكَ شِرْيَ مُتَاشِ عَثِكِنْ جِضْغٍ ضُوَ ذُوَا ڧَسَرْ إِتَالِيَ، سَيْ سُكَ دَنْڧَ بُلُسْ دَ وَطَنْسُ یَنْ سَرْڧَ أَ حَنُّنْ وَنِ بَبَّنْ سُواْجَنْ رُواْمَ، مَيْ سُونَ يُلِيُسْ، طَيَ دَغَ ثِكِنْ سُواْجُواْجِنْ ڧُنْ‌غِيَرْ كَيْسَرْ أَوْغُسْتُسْ؞

2دَ مُكَ شِغَ وَنِ جِضْغِ نَ أَدِرَمِتِيُمْ، مَيْشِرِنْ تَاشِ ذُوَا وَطَنْسُ غَرُضُوً دَسُكٜىٰ غٜىٰڢٜىٰنْ أَسِيَ، مُكَ ڢَارَ تَڢِيَ؞ أَرِسْتَرْكُسْ، وَنِ مُتُمِنْ تَسَلُواْنِكَ تَڧَسَرْ مَكِدُواْنِيَ، يَنَ تَرٜىٰدَمُو؞

3وَشٜىٰغَرِ سَيْغَامُ أَ سِدُوانْ؞ يُلِيُسْ كُوَ يَيِ وَ بُلُسْ أَلْحٜىٰرِ، يَبَرْشِ يَجٜىٰ يَغَ أَبُواْكَنْسَ سُبِيَ مَسَ بُڧَاتَرْسَ؞

4دَ مُكَتَاشِ دَغَ نَنْ أَجِضْغٍ ضُوَ، إِسْكَ تَنَ غَابَادَمُو؞ سَبُواْدَ حَكَ مُكَ ذَاغَ تَبَايَنْ ڟِبِرِنْ سَيِڢُرُسْ عِنْدَ إِسْكَ بَاتَدَ ڧَرْڢِے؞

5بَايَنْدَ مُكَ ڧٜىٰتَرٜىٰ تٜىٰكُنْ دَتَكٜىٰ كُسَدَ ڧَسَرْ كِلِكِيَ دَ ڢَمْڢِيلِيَ، مُكَ إِسَ مِرَ تَڧَسَرْ لِكِيَ؞

6أَ نَنْ بَبَّنْ سُواْجَنْ رُواْمَ يَسَامِ وَنِ جِضْغٍ إِسْكَنْدَارِيَا مَيْ ذُوَا ڧَسَرْ إِتَالِيَ، يَسَامُ عَثِكِ؞

7مُكَيِ ݣُونَ دَ ݣُونَكِے مُنَ تَڢِيَ أَ حَنْكَلِ، حَرْ دَݣَرْ مُكَ كَيْ كُسَدَ غَرِنْ كِنِدُسْ؞ دَ إِسْكَ تَحَنَ مُثِيغَبَ، سَيْ مُكَ ذَاغَيَ غٜىٰڢٜىٰنْ دَ بَ إِسْكَ، وَتُواْ تَبَايَنْ ڟِبِرِنْ كِرِتْ كُسَدَ سَلْمُواْنِ؞

8مُكَ وُثٜىٰشِ دَݣَرْ، حَرْ مُكَ إِسَ وَنِ وُرِنْ دَ عَكٜىٰثٜىٰ دَشِ أَمِنْتَثِّيَرْ مَڢَكَا، كُسَدَ بِرْنِنْ لَسِيَ؞

9دَيَكٜىٰ أَنْٻَاتَ لُواْكَثِ دَيَوَ، تَڢِيَرْ مَا تَذَمَ دَ حَڟَرِ، غَمَا أَ لُواْكَثِنْ نٜىٰ شٜىٰكَرَا تَيِ نٜىٰسَ حَرْ أَظُمِ نَ رَانَرْ طَوْكَرْ أَلْحَكِنْ ذُنُوبِ تَوُثٜىٰ؞ سَيْ بُلُسْ يَبَاسُ شَوَرَا

10يَثٜىٰ مُسُ «رَنْكُ يَدَطٜىٰ، نَغَ ڢَا تَڢِيَرْ نَنْ ذَاتَذَمَ دَ حَڟَرِ دَ كُمَ هَسَرَ مَيْ يَوَ، بَا هَسَرَرْ كَايَ دَ جِضْغٍ كَوَيْبَ، حَرْ مَا دَ رَايُكَنْمُ؞»

11عَمَّا بَبَّنْ سُواْجَنَّنْ بَيْ يَرْدَ دَ أَبِنْدَ بُلُسْ يَڢَطَابَ، أَمَيْمَكُوانْ حَكَ يَسَوْرَرِ مَغَنَرْ مَيْ تُوڧِنْ جِضْغٍ دَ كُمَ تَمَيْ جِضْغٍ؞

12دَيَكٜىٰ مَڢَكَرْ لَسِيَ بَيْيِݣَوْ جِضَاغٜىٰ سُثِ دَامِنَ أَنَنْبَ، سَيْ يَوَنْثِنْسُ سُكَ يَرْدَ عَثِيغَبَدَ تَڢِيَ، عَكُمَيِ ڧُواْڧَرِ عَكَيْ ڢِنِكسْ، إِنْ يَيِوُ، دُواْمِنْ سُثِ دَامِنَ عَثَنْ؞ ڢِنِكسْ كُوَ وَتَ تَشَرْ جِضْغِ ثٜىٰ عَڟِبِرِنْ كِرِتْ وَدَّ تَكٜىٰ ڢُسْكَنْتَرْ أَرٜىٰوَ تَوَجٜىٰنْ يَمَّ دَ كُمَ كُدُ تَوَجٜىٰنْ يَمَّ؞

13دَ إِسْكَ تَڢَارَ هُورَاوَ دَغَ كُدُ كَطَنْ كَطَنْ، سَيْ مُتَنٜىٰنْ سُكَيِ ڟَمَّنِ بُڧَاتَرْسُ تَبِيَ، سَيْ سُكَ جَٰوُاْ ڧَرْڢٜىٰنْ دَيَكٜىٰ رِڧٜىٰ جِضْغٍ، سُكَبِے غٜىٰڢٜىٰنْ ڟِبِرِنْ كِرِتْ، كُسَدَ بَاكِنْ تٜىٰكُ؞

14بَ دَ جِمَاوَابَ سَيْغَا وَتَ بَبَّرْ إِسْكَ دَغَ أَرٜىٰوَ تَغَبَسْ تَبُغُواْ دَغَ ڟِبِرِنْ؞

15دَ إِسْكَرْ تَبُغُواْ جِضْغٍ، حَرْ يَكَاسَ ڢُسْكَنْتَرْ إِسْكَرْ، سَيْ مُكَ بَرِ كَوَيْ إِسْكَرْ تَيِ تَتُورَمُ؞

16دَ مُكَبِے تَبَايَنْ وَنِ طَنْ ڟِبِرِے مَيْ سُونَ كَوْدَ، عِنْدَ إِسْكَ تَرَغُ دَݣَرْ مُكَ جَٰوُاْ ڧَرَمِنْ جِضْغٍ أَ سَا شِ عَكَنْ بَبَّنْ؞

17بَايَنْدَ سُكَ جَٰوُاْ ڧَرَمِنْ جِضْغٍ ذُوَا ثِكِنْ بَبَّنْ جِضْغٍ، سُكَيِ دَبَرَ سُكَ طَطَّوْرَ إِغِيُواْيِ كٜىٰوَيٜىٰ دَ بَبَّنْ جِضْغٍ، دُواْمِنْ كَدَ يَڢَرْڢَشٜىٰ؞ سُكَ كُمَ سَوْكَرْ دَ ذَنٜىٰنْ جِضْغٍ دُواْمِنْ سُبَرْ إِسْكَ تَتُورَ جِضْغٍ غَمَا بَسُ عِيَ تُوڧِنْسَبَ؞ سُنْيِ حَكَ دُواْمِنْ سُنَ ڟُواْرُواْ كَدَ أَجٜىٰڢَسُ عَيَشِنْ سِرْتِسْ مَيْ حَطِيٜىٰ كُواْمٜىٰ؞

18سَبُواْدَ ضُوً يَنَ هَوْكَ، يَنَ جِجِّغَمُ سُواْسَيْ، سَيْ وَشٜىٰغَرِ سُكَ ڢَارَ ݣُوشِ كَايَنْ دَيَكٜىٰ عَثِكِنْ جِضْغٍ، سُكَجٜىٰڢَ عَثِكِنْ ضُوَ؞

19أَ رَانَ تَ عُكُ كُمَ، سُو دَ حَنُّوَنْسُ سُكَجٜىٰڢَرْ دَ وَطَنْسُ كَايَنْ عَيْكِنْ جِضْغٍ؞

20دَ دَيْ مُكَيِ ݣُونَ دَ ݣُونَكِے بَمُغَا رَانَ كُواْ تَوْرَرِبَ، كُمَ بَبَّنْ هَدَرِ مَيْ إِسْكَ يَنَ تَدُوكَنْمُ، سَيْ مُكَ ڢِدَّ ذُوثِيَا ذَامُ ڟِيرَا؞

21دَيَكٜىٰ سُنْ دَطٜىٰ بَسُثِ عَبِنْثِبَ، سَيْ بُلُسْ يَتَاشِ ڟَيٜىٰ أَڟَكِيَرْسُ، يَثٜىٰ «جَمَعَ دَ كُنْجِ مَغَنَاتَ ثٜىٰوَ كَدَ كُتَاشِ دَغَ ڟِبِرِنْ كِرِتْ دَ بَكُ ڢَاطِ عَثِكِنْ وَنَّنْ حَڟَرِ دَ مَسِيڢَبَ؞

22عَمَّا يَنْذُ إِنَ يِمُكُ غَرْغَطِے كُيِ ڧَرْڢِنْ حَلِ، دُوانْ بَاوَنْدَ ذَيْ يِ هَسَرَرْ رَنْسَ عَثِكِنْكُ، سَيْدَيْ عَيِ هَسَرَرْ جِضْغٍ؞

23غَمَا أَدَرٜىٰنْ جِيَ وَنِ مَلاَىِٕكَنْ اللَّهْ وَنْدَ نَكٜىٰ نَاسَ، وَنْدَ نَكٜىٰ كُمَ بَوْتَا مَسَ، يَڟَيَ كُسَدَنِے،

24يَثٜىٰ، ‹كَدَ كَجِڟُواْرُواْ، بُلُسْ؞ لَلَّيْ ذَاكَ ڟَيَ أَغَبَنْ كَيْسَرْ؞ غَاشِ كُمَ تَدَلِيلِنْكَ اللَّهْ ثِكِنْ أَلْحٜىٰرِنْسَ ذَيْثٜىٰثِ أَبُواْكَنْ تَڢِيَرْكَ؞›

25سَبُواْدَ حَكَ سَيْ كُيِ ڧَرْڢِنْ حَلِ، كُو جَمَعَ، غَمَا نَا غَسْكَتَ اللَّهْ عَكَنْ ثٜىٰوَ يَدَّ عَكَ ڢَطَا مِنِ طِنَّنْ، حَكَ ذَيْ ذَمَ؞

26عَمَّا ڢَا دُواْلٜىٰنٜىٰ إِسْكَ تَجٜىٰڢَرْ دَمُو عَيَشِنْ وَنِ ڟِبِرِے؞»

27أَ دَرٜىٰ نَغُواْمَشَا حُطُ، أَنَ تَتُورَمُ دَيْ عَتٜىٰكُنْ مٜىٰدِتٜىٰرٜىٰنِيَ؞ وَجٜىٰنْ ڟَكِيَرْ دَرٜىٰ سَيْ مَاسُ تُوڧِنْ جِضْغٍ سُكَيِ ڟَمَّنِ مُنْيِ كُسَدَ ڧَسَا؞

28سَيْ سُكَ ڠُودَ ظُرْڢِنْ ضُوً سُكَغَ يَكَيْ ڧَڢَا طَرِے دَ عَشِرِنْ؞ دَ مُكَثِيغَبَ كَطَنْ، سَيْ سُكَسَاكٜىٰ ڠُودَاوَا، سُكَ سَامِ ڧَڢَا ثَسَعِنْ؞

29دُوانْ ڟُواْرُواْ كَدَ جِضْغِنْمُ يَيِكَرُواْ دَ دُوَڟُو، سَيْ سُكَ سَكِ ڧَرَڢَ مَاسُ نَوْيِ غُدَا حُطُ تَبَايَنْ جِضْغٍ دُواْمِنْ أَ حَنَ جِضْغٍ تَڢِيَ؞ سَيْ سُكَ ظُبَ عِدُواْ سُكَ ضُواْڧِ اللَّهْ غَرِ يَوَايٜىٰ دَ سَوْرِ؞

30عَمَّا مَاسُ تُوڧِنْ جِضْغٍ سُنْيِ ڧُواْڧَرِ سُغُدُ؞ سَيْ سُكَ سَوْكَرْ دَ ڧَرَمِنْ جِضْغٍ سُنَ وَيُواْ كَمَرْ ذَاسُ سَوْكَرْ دَ ڧَرْڢٜىٰ مَيْ نَوْيِ دَغَ غَبَنْ بَبَّنْ جِضْغٍ؞

31سَيْ بُلُسْ يَثٜىٰ وَبَبَّنْ سُواْجَنْ رُواْمَ دَ كُمَ سُواْجُواْجِنْ «عِدَنْ مُتَنٜىٰنَّنْ بَسُ ڟَيَ عَثِكِنْ جِضْغِنَّنْ بَ، بَايَدَّ ذَاكُ ڟِيرَا؞»

32دَجِنْ حَكَ سَيْ سُواْجُواْجِنْ سُكَ يَيَّنْكٜىٰ إِغِيُواْيِنْ ڧَرَمِنْ جِضْغٍ، سُكَبَرْشِ يَبِے ضُوَ؞

33دَ غَرِ يَكُسَنْ وَايٜىٰوَ، سَيْ بُلُسْ يَضُواْڧٜىٰسُ سُطَنْثِ عَبِنْثِ، يَثٜىٰ «يَوْ ڢَا، ݣُونَ غُواْمَشَا حُطُ كٜىٰنَنْ كُكٜىٰ ذَمَنْ ڟَمَّنِ، بَكُثِ وَنِ أَبُبَ؞

34سَبُواْدَ حَكَ إِنَضُواْڧُوانْكُ كُثِ عَبِنْثِ دُوانْ لَاڢِيَرْكُ، تُنْدَيَكٜىٰ بَا وَنِ عَثِكِنْكُ وَنْدَ ذَيْ رَسَ كُواْ غَاشِنْ كَنْسَ غُدَا طَيَ؞»

35دَ يَڢَطِ حَكَ، سَيْ يَطَوْكِ غُرَاسَ، يَيِ غُواْدِيَ غَ اللَّهْ أَغَبَنْسُ دُكَ، يَرَرَّبَ يَڢَارَ ثِ؞

36سَيْ دُكَ سُكَ سَامِ ڧَرْڢَڢَاوَا، سُو مَا سُكَثِ عَبِنْثِ؞

37مُو دُكَ عَثِكِنْ جِضْغٍ كُوَ مُتُمْ طَرِے بِيُ دَ سَبَعِنْ دَ شِدَ نٜىٰ؞

38دَ سُكَثِ سُكَ ڧُواْشِ، سَيْ سُكَ رَغٜىٰوَ جِضْغٍ نَوْيِ تَظُبَرْدَ أَلْكَمَ ثِكِنْ ضُوَ؞

39دَ غَرِ يَوَايٜىٰ مَاسُ تُوڧِنْ جِضْغٍ بَسُ عِيَ غَانٜىٰ دَ ڧَسَرْدَ سُكٜىٰبَ، عَمَّا دَيْ سُنْ لُورَ دَ وَنِ لُنْ‌غُ مَيْ يَشِ؞ سَيْ سُكَيِ شِرِ سُكَيْ جِضْغٍ كَنْ يَشِ عِدَنْ ذَيْ يِوُ؞

40سَيْ سُكَ يَنْكٜىٰ إِغِيُواْيِ نَدُكَنْ ڧَرَڢَ مَاسُ نَوْيِنْ، سُكَبَرْسُ أَ ضُوَ؞ أَ دَيْدَيْ لُواْكَثِنْ كُمَ سُكَ ٻَلّٜىٰ مَطَوْرِنْ أَبِنْ جُويَ جِضْغٍ؞ سَعَنً كُمَ سُكَتَادَ ذَنُّوَنْ دَسُكٜىٰ غَبَنْ جِضْغٍ دَيْدَيْ يَدَّ إِسْكَ ذَاتَ تُورَشِ غَبَ؞ سَيْ سُكَسَا كَيْ ذُوَا غٜىٰڢٜىٰنْ تٜىٰكُ؞

41عَمَّا دَمُكَ إِسَ وَنِ وُرِنْ دَ ضُوً يَكٜىٰ حَطُوَ، سَيْ جِضْغٍ يَبُغَ يَشِ، حَرْ كَنْ جِضْغٍ يَشِغَ ثِكِنْ يَشِنْ يَكَاسَ مُواْڟِ؞ سَيْ جِضْغٍ كُمَ يَڢَارَ ڢَرْڢَشٜىٰوَ تَبَايَ سَبُواْدَ هَوْكَنْ رَاڧُمَنْ ضُوَ؞

42سَيْ سُواْجُواْجِنْ سُكَيِ شِرِ سُكَكَّشٜىٰ یَنْ كُرْكُكُنْ، دُواْمِنْ كَدَ وَنِنْسُ يَيِ إِيُواْ يَغُدُ؞

43عَمَّا دَيَكٜىٰ بَبَّنْ سُواْجَنْ رُواْمَ يَسُواْ يَثٜىٰثِ بُلُسْ، سَيْ يَهَنَاسُ؞ يَكُمَ بَادَ عُمَرْنِ ثٜىٰوَ دُكَنْ وَطَنْدَ سُكَ عِيَ ضُوَ سُڢَارَ ڟَلّٜىٰ سُشِغَ ثِكِنْ ضُوَ سُيِ إِيُواْ ذُوَا غٜىٰڢٜىٰنْ تٜىٰكُ؞

44سَوْرَنْ كُوَ سُهَوْ كَتَكَيْ، كُواْ سُهَوْ تَرْكَثٜىٰنْ جِضْغٍ؞ دَ حَكَ دُكَ سُكَ كَيْ غٜىٰڢٜىٰنْ تٜىٰكُ لَاڢِيَلَوْ؞

← Chapter 26 Jump to: Chapter 28 →