Acts 19

Hausa Arabic 2020 (أَتَّوْرَتْ دَ أَنَّبَاوَا)

← Chapter 18 Jump to: Chapter 20 →

1أَ لُواْكَثِنْ دَ أَڢُواْلُّواسْ يَكٜىٰ أَ كُواْرِنْتِ، بُلُسْ يَظَظْذَاغَ ثِكِنْ ڧَسَرْ حَرْ يَكَيْ أَڢِسَ، عِنْدَ يَتَرَرْ دَ وَطَنْسُ أَلْمَجِرَيْ؞

2سَيْ يَثٜىٰ مُسُ «كُنْ كَرْٻِ رُوحُ مَيْ ڟَرْكِے لُواْكَثِنْ دَ كُكَ بَادَ غَسْكِيَ؟» سُكَثٜىٰ مَسَ «بَمُ مَا سَنْ أَݣَويْ رُوحُ مَيْ ڟَرْكِے بَ؞»

3سَيْ يَثٜىٰ «ذُوَا ثِكِنْ مٜىٰ عَكَيِ مُكُ بَڢْتِسْمَ؟» سُكَثٜىٰ «ذُوَا ثِكِنْ بَڢْتِسْمَ تَ يَحْيَى ثٜىٰ؞»

4بُلُسْ يَثٜىٰ «أَيْ، يَحْيَى يَيِ بَڢْتِسْمَ دُواْمِنْ عَتُوبَنٜىٰ، يَنَ ڢَطَا وَمُتَنٜىٰ سُغَسْكَتَادَ وَنْدَ ذَيْذُواْ بَايَنْسَ، وَتُواْ عِيسَىٰ ؞»

5دَ سُكَجِ حَكَ، سَيْ عَكَيِ مُسُ بَڢْتِسْمَ ثِكِنْ سُونَنْ عُبَنْ‌غِجِ عِيسَىٰ ؞

6دَ بُلُسْ يَسَا مُسُ حَنُّنْ أَلْبَرْكَ، رُوحُ مَيْ ڟَرْكِے كُوَ يَسَوْكُواْ مُسُ، سُكَ كُوَيِ مَغَنَ دَ وَطَنْسُ هَرْسُنَ، سُنَ أَنَّبْثِ؞

7سُو وَجٜىٰنْ مُتُمْ غُواْمَشَا بِيُ نٜىٰ دُكَ؞

8سَيْ بُلُسْ يَشِغَ مَجَمِعَ يَنَ وَعَظِ بَابُ ڟُواْرُواْ، يَكُمَيِ وَتَا عُكُ يَنَ كَٰوُاْ مُسُ دَلِيلَيْ، يَنَ رِنْجَيَرْسُ عَكَنْ شَعَنِنْ مُلْكٍ اللَّهْ ؞

9عَمَّا وَطَنْسُنْسُ سُكَ نُونَ تَوْرِنْ كَيْ سُكَڧِ سُغَسْكَتَ، حَرْ سُكَيِ وَوَنَّنْ حَنْيَرْ عُبَنْ‌غِجِ بَڧَرْ مَغَنَ أَغَبَنْ جَمَعَ؞ دُواْمِنْ حَكَ بُلُسْ يَرَبُ دَسُو، يَتَڢِے دَ مَاسُبِے، يَنَ تَكُواْيَرْوَا كُواْوَثٜىٰ رَانَ أَ مَكَرَنْتَرْ تِرَنُسْ؞

10حَكَ يَيِتَيِ حَرْ شٜىٰكَرَا بِيُ، حَرْ دُكَنْ مَاسُ ذَمَ عَڧَسَرْ أَسِيَ سُكَجِ كَلْمَرْ عُبَنْ‌غِجِ ، يَهُودَاوَا دَ وَطَنْدَ بَا يَهُودَاوَا بَ دُكَ؞

11تَهَنُّنْ بُلُسْ كُمَ اللَّهْ يَيِ وَطَنْسُ مَنْيَنْ أَيُّكَنْ بَنْ مَامَاكِنْ دَ بَعَسَابَا غَنِبَ،

12يَدَّ حَرْ مَا عِدَنْ عَكَ طَوْكِ حَنْكِثِ نَاسَ كُواْ رِغَرْ دَ تَتَٻَ جِكِنْسَ، عَكَ كَيْوَ وَطَنْدَ بَاسُدَ لَاڢِيَ، سَيْ سُوَرْكٜىٰ، مُوغَيٜىٰنْ رُوحُواْحِ كُمَ سُرَبُ دَسُو؞

13سَيْ وَطَنْسُ يَهُودَاوَا مَاسُ يَٰوُاْ غَرِ غَرِ سُنَ ڢِتَرْدَ مُوغَيٜىٰنْ رُوحُواْحِ سُكَيِ ڧُواْڧَرِ سُيِ أَمْڢَانِ دَ سُونَنْ عُبَنْ‌غِجِ عِيسَىٰ عَكَنْ مَاسُ مُوغَيٜىٰنْ رُوحُواْحِ؞ سُنَ ثٜىٰوَ «نَا عُمَرْثٜىٰكُ دَ سُونَنْ عِيسَىٰ نَّنْ دَ بُلُسْ يَكٜىٰ وَعَظِنْسَ؞»

14عَثِكِنْسُ أَݣَويْ وَطَنْسُ یَیَ بَݣَويْ مَظَا نَوَنِ بَبَّنْ ڢِرِسْتِ نَ يَهُودَاوَا، مَيْ سُونَ سِكٜىٰبَ، دُكَنْسُ سُنَيِنْ حَكَ؞

15عَمَّا مُوغُنْ رُوحٌ يَأَمْسَ مُسُ يَثٜىٰ « عِيسَىٰ دَيْ نَسَنْشِ، نَكُمَ سَنْ بُلُسْ، تُواْ، كُو كُمَ كُو وَنٜىٰنٜىٰ؟»

16سَيْ مُتُمِنَّنْ مَيْ مُوغُنْ رُوحُ يَيِ ڟَلّٜىٰ، يَهَوْ مُسُ، يَشَا ڧَرْڢِنْسُ دُكَنْسُ، حَرْ سُكَ ڢِتَ دَغَ غِدَنْ أَغُجٜىٰ ڟِرَرَ دَ جِكِنْسُ دُكْ رَوْنِ؞

17دَ دُكَنْ مَاسُ ذَمَ أَعَڢِسَ، يَهُودَاوَا دَ وَطَنْدَ بَا يَهُودَاوَا بَ، سُكَجِ لَابَرِنْ وَنَّنْ أَبِنْدَ يَڢَرُ، سَيْ ڟُواْرُواْ يَكَامَسُ، سُكَ كُوَ طَوْكَكَ سُونَنْ عُبَنْ‌غِجِ عِيسَىٰ ؞

18دَ يَوَ كُمَ دَ سُكَ بَادَ غَسْكِيَ سُكَذُواْ سُنَ ڢَطِنْ مُوغَيٜىٰنْ أَيُّكَنْسُ أَ ڢِيلِ؞

19مُتَنٜىٰ دَيَوَ كُوَ مَاسُ يِنْ سِحِرِ، سُكَ تَتَّارُواْ لِتَّتَّڢَنْسُ سُكَ ڧُواْنٜىٰسُ أَغَبَنْ جَمَعَ دُكَ؞ دَ سُكَيِ لِسَّڢِنْ كُطِنْ لِتَّتَّڢَنْ، سَيْ سُكَغَ يَكَيْ أَظُرْڢَا دُبُو حَمْسِنْ؞

20تَهَكَ كَلْمَرْ عُبَنْ‌غِجِ تَڧَارَ بَظُوَ، تَكُمَيِ ڧَرْڢِے سُواْسَيْ؞

21بَايَنْ وَطَنَّنْ أَبُبُوَ، بُلُسْ يَشِرْيَ أَ رَنْسَ ثٜىٰوَ عِدَنْ يَا ظَظْذَاغَ ڧَسَرْ مَكِدُواْنِيَ دَ تَ عَكَيَ، ذَيْجٜىٰ عُرُوشَلِيمَ؞ يَكُمَثٜىٰ «بَايَنْدَ نَتَڢِے ثَنْ كُوَ دُواْلٜىٰنٜىٰ إِنْجٜىٰ إِنْ غَا بِرْنِنْ رُواْمَ؞»

22بَايَنْدَ يَعَيْكَ دَ مَاسُ تَيْمَكُوانْسَ بِيُ، وَتُواْ تِمُواْتِ دَ أَرَسْتُسْ، ذُوَا مَكِدُواْنِيَ، شِيكُوَ يَطَنْ ڟَيَ عَڧَسَرْ أَسِيَ؞

23أَ لُواْكَثِنَّنْ عَكَيِ وَنِ بَبَّنْ تَاشِنْ حَنْكَلِ غَمٜىٰدَ وَنَّنْ حَنْيَ؞

24وَنَّنْ تَاشِنْ حَنْكَلِ يَڢَارَ دَ وَنِ مَڧٜىٰرِ مَيْ سُونَ دِمِتِرِيُسْ وَنْدَ يَكٜىٰ أَمْڢَانِ دَ أَظُرْڢَا يَنَ ڧٜىٰرَ صِڢَّرْ هَيْكَلِنْ أَرْتٜىٰمِسْ؞ شِے دَ مَعَيْكَتَنْسَ سُنَ سَامُنْ كُطِ تَوَنَّنْ سَنَعَرْسُ بَكَطَنْبَ؞

25سَيْ يَتَرَسُ دَ دُكْ مَاسُ يِنْ إِرِنْ وَنَّنْ عَيْكِ، يَثٜىٰ «كُو جَمَعَ، كُنْ سَنِ ڢَا دَ سَنَعَرْ نَنْ مُكٜىٰيِنْ أَرْزِڧِ؞

26كُمَ كُنَجِ كُنَ غَنِ، بَ أَنَنْ أَڢِسَ كَطَيْبَ، كُسَنْ دُكْ ڧَسَرْ أَسِيَ مَا، بُلُسْ طِنَّنْ يَرِنْجَيِ مُتَنٜىٰ دَيَوَ سُواْسَيْ؞ يَجُويَرْ دَسُو، يَنَثٜىٰ وَ أَلُّواْلِنْدَ عَكَيِ دَ حَنُّ بَ أَلُّواْلِ بَنٜىٰ؞

27تُواْ، أَݣَويْ حَڟَرِ ڢَا؞ ذَاعَ ٻَاتَ سُونَنْ عَيْكِنْمُ؞ بَنْدَ حَكَمَا، حَرْ دَ هَيْكَلِنْ بَبَّنْ أَلِّيَ أَرْتٜىٰمِسْ ذَاعَ مَيْدَشِ بَنْظَ، حَرْ كُمَ أَ رَبَ أَلِّيَرْ دَ دَرَجَرْتَ، عِتَ وَدَّ دُكْ ڧَسَرْ أَسِيَ، كَيْ، حَرْ مَا دُكَنْ دُونِيَا تَكٜىٰ بَوْتَا مَتَ؞»

28دَ سُكَجِ حَكَ، سَيْ سُكَ ثِكَ دَ ڢُشِے سُواْسَيْ، سُكَ طَغَ مُرْيَ غَبَاطَيَ سُنَ ثٜىٰوَ «غِرْمَ يَتَبَّتَا غَ أَرْتٜىٰمِسْ تَ أَڢِسَاوَا!»

29سَيْ غَارِينْ دُكْ يَرُوطٜىٰ، جَمَعَ سُكَ رُوغَ ذُوَا ڢِيلِنْ تَارُواْ، سُكَ كَامَ غَايُسْ دَ أَرِسْتَرْكُسْ، مُتَنٜىٰنْ مَكِدُواْنِيَ، وَطَنْدَ سُكٜىٰ أَبُواْكَنْ تَڢِيَرْ بُلُسْ؞

30بُلُسْ يَسُواْ يَشِغَ تَارُواْنَّنْ، عَمَّا مَاسُبِے سُكَ حَنَ شِ؞

31وَطَنْسُ مَنْيَنْ هَكِمَيْ نَڧَسَرْ أَسِيَ، وَطَنْدَ سُكٜىٰ أَبُواْكَنْسَ، سُو مَا سُكَ عَيْكَ مَسَ، سُكَ ضُواْڧٜىٰشِ كَدَ يَكُسْكُرَ يَشِغَ وَجٜىٰنْ تَارُواْنَّنْ؞

32مُتَنٜىٰنْ دَ سُكَ تَارُ كُوَ دُكْ مَا أَ ضِكِثِے سُكٜىٰ، غَمَا بَسُ مَا سَنْ أَبِنْدَ يَسَا سُكَ تَارُبَ؞ وَطَنْسُ سُنَ تَادَ مُرْيَ سُنَ ڢَطِنْ وَنَّنْ أَبُ، وَطَنْسُ كُمَ سُنَ ڢَطِنْ وَنْثَنْ؞

33وَطَنْسُ يَهُودَاوَا سُكَ تُورَ وَنِ مَيْ سُونَ إِسْكَنْدَرِ غَبَ، شِيكُوَ يَطَغَ حَنُّ عَيِ شِضُ دُواْمِنْ يَيِ مُسُ بَيَانِ؞

34عَمَّا دَ سُكَ غَانٜىٰ ثٜىٰوَ شِ بَيَهُودٜىٰ نٜىٰ، سُكَ طَغَ مُرْيَ غَبَاطَيَ سُنَ ثٜىٰوَ «غِرْمَ يَا تَبَّتَا غَ أَرْتٜىٰمِسْ تَ أَڢِسَاوَا!» سُنْيِ حَكَ حَرْ وَجٜىٰنْ أَوَ بِيُ؞

35عَڧَرْشٜىٰ دَ مَرُبُوثِنْ غَرِنْ يَسَا سُكَيِ شِضُ، سَيْيَثٜىٰ «كُو مُتَنٜىٰنْ أَڢِسَ! أَيْ، كُواْوَ يَسَنْ ثٜىٰوَ بِرْنِنْ أَڢِسَ نٜىٰ تَكٜىٰ كُلَ دَ هَيْكَلِنْ مَيْغِرْمَ أَرْتٜىٰمِسْ دَ كُمَ دُوڟٜىٰ مَيْ ڟَرْكِنَّنْ دَيَڢَاطُواْ دَغَ سَمَ؞

36تُواْ، تُنْدَيَكٜىٰ بَا دَامَ عَيِمُسُونْ وَطَنَّنْ أَبُبُوَ، أَيْ، يَا كَمَاتَ كُنَڟُ، كَدَ كُيِ كُواْمٜىٰ دَ غَضَجٜىٰ؞

37غَاشِ كُوَ مُتَنٜىٰنَّنْ دَ كُكَ كَٰوُاْ أَنَنْ، بَسُيِسَاتَا أَ هَيْكَلِنْ أَلِّيَرْمُ أَرْتٜىٰمِسْ بَ، بَسُ كُمَيِ مَتَ مَغَنَرْ صَاٻُوابَ؞

38عَمَّا عِدَنْ دِمِتِرِيُسْ دَ أَبُواْكَنْ سَنَعَرْسَ سُنَدَ وَتَ دَامُوَ غَمٜىٰدَ وَنِ، أَيْ، غَا طَاكِنْ شَرِيعَ عَبُوطٜىٰ، غَا كُمَ مَاسُ شَرِيعَ، سَيْسُكَيْ ڧَارَ؞

39عَمَّا عِدَنْ أَݣَويْ وَنِ أَبُ دَبَمْ دَ كُكٜىٰسُواْ كُسَنِ، أَيْ، سَيْ أَدَيْدَيْتَ أَ مَجَلِسَ؞

40حَڧِيڧَ مُنَ ثِكِنْ حَڟَرِنْ أَمْسَرْ ڧَارَ عَكَنْ تَاوَيٜىٰنْ يَوْ، تُنْدَيَكٜىٰ بَذَامُ عِيَ بَادَ دَلِيلِنْدَ يَسَا وَنِ تَاشِنْ حَنْكَلِ يَڢَرُبَ؞»

41دَ يَڢَطِ حَكَ سَيْ يَسَلَّمِ تَارُوانْ؞

← Chapter 18 Jump to: Chapter 20 →