Acts 28

Hausa Arabic 2020 (أَتَّوْرَتْ دَ أَنَّبَاوَا)

← Chapter 27 Jump to:

1بَايَنْدَ مُكَ ڟِيرَا سَيْ مُكَجِ، أَشٜىٰ، سُونَنْ ڟِبِرِنَّنْ مَلْتَ نٜىٰ؞

2مُتَنٜىٰنْ وُرِنْ كُوَ سُنْيِ مَنَ أَلْحٜىٰرِ ڨُورَيْ دَ غَسْكٜىٰ؞ سَيْ سُكَ كَرْٻٜىٰمُ دُكَ، سُكَ هُورَ مَنَ وُتَا غَمَا أَنَ ضُوَ أَنَ كُمَ سَنْيِ؞

3بُلُسْ يَتَتَّارُواْ إِتَاثٜىٰ يَنَ سَاوَا أَوُتَرْ، سَيْ وَنِ مَثِيجِ مَيْ دَڢِ يَڢِتُواْ سَبُواْدَ ذَاڢِنْ وُتَرْ، يَثَڢْكٜىٰ حَنُّنْ بُلُسْ؞

4دَ مُتَنٜىٰنْ وُرِنْ سُكَغَ مَثِيجِنْ يَنَ لِلُواْ أَ حَنُّنْ بُلُسْ، سَيْ سُكَثٜىٰ وَجُونَنْسُ «لَلَّيْ مُتُمِنَّنْ مَيْ كِسَنْ كَيْنٜىٰ! غَاشِ، كُواْدَيَكٜىٰ يَڟِيرَا دَغَ تٜىٰكُ، دُكْدَهَكَ أَلْحَكِ يَنَ بِنْسَ سَيْ يَمُتُ؞»

5بُلُسْ كُوَ يَجِجِّغَ حَنُّنْسَ يَجٜىٰڢَ مَثِيجِنْ ثِكِنْ وُتَا، بَيْ كُوَجِ ثِيوُاْبَ؞

6سُنَ ڟَمَّنِ ذَيْ كُمْبُرَ كُواْ يَڢَاطِ نَنْ تَكٜىٰ يَمُتُ، عَمَّا دَ سُكَ دَطٜىٰ بَسُغَ وَنِ أَبُ يَڢَرُ دَشِ بَ، سَيْ سُكَسَاكٜىٰ تُنَانِ سُكَثٜىٰ شِ وَنِ اللَّهْ نٜىٰ؞

7نَنْ كُسَ كُوَ أَݣَويْ ڢِيلَيٜىٰ نَشُوغَبَنْ ڟِبِرِنَّنْ، مَيْ سُونَ ڢُبِلِيُسْ؞ شِينٜىٰ يَكَرْٻٜىٰمُ، يَبَامُ مَسَوْكِ مَيْݣَوْ، حَرْ ݣُونَ عُكُ؞

8بَابَنْ ڢُبِلِيُسْ كُوَ يَنَ ݣُونْثٜىٰ يَنَ ڢَامَ دَ ظَظْذَاٻِ دَ أَتِنِ؞ سَيْ بُلُسْ يَشِغَ وُرِنْسَ يَيِ مَسَ أَدُّعَ، يَسَا حَنُّ عَكَنْسَ، مُتُمِنْ كُوَ يَوَرْكٜىٰ؞

9دَ حَكَ يَڢَرُ، سَيْ دُكَنْ سَوْرَنْ مَرَسَ لَاڢِيَ عَڟِبِرِنْ سُكَ دِنْ‌غَ ذُوَا أَنَ وَرْكَرْ دَسُو؞

10سُكَيِ مَنَ ݣَوْتَا مَيْ يَوَ؞ دَ ذَامُ تَاشِ أَجِضْغٍ ضُوَ كُمَ، سُكَ تَتَّارَ مَنَ دُكْ أَبُبُوَنْ دَمُكٜىٰ بُڧَاتَ؞

11بَايَنْ وَتَا عُكُ، مُكَتَاشِ دَغَ ڟِبِرِنْ مَلْتَ ثِكِنْ جِضْغٍ إِسْكَنْدَارِيَا وَنْدَ يَثِ دَامِنَ أَوَنَّنْ ڟِبِرِے؞ أَنْ كُوَيِ مَسَ عَلَمَرْ صِڢَّرْ تَڠُويٜىٰنْ أَلُّواْلِ؞

12دَ مُكَ ذُواْ سِرَكُسْ مُكَيِ ݣُونَ عُكُ أَوُرِنْ؞

13دَغَ نَنْ كُمَ مُكَ تَڢِے، سَيْغَامُ أَ رِغِيُمْ؞ بَايَنْ ݣُونَ طَيَ، إِسْكَ تَتَاسُواْ دَغَ كُدُ، وَشٜىٰغَرِنْ كُمَ مُكَ كَيْ ڢُتِيُواْلِ؞

14أَ نَنْ مُكَ سَدُ دَ وَطَنْسُ یَنْعُوَ مَاسُبِے، سُكَ ضُواْڧٜىٰمُ مُيِ ݣُونَ بَݣَويْ تَرٜىٰدَسُو؞ دَهَكَ دَيْ مُكَ كَيْ رُواْمَ؞

15دَ مَاسُبِے نَ رُواْمَ سُكَجِ لَابَرِنْمُ، سَيْ سُكَذُواْ سُمَرَبْثٜىٰمُ حَرْ أَ كَاسُوَرْ أَڢِّيُسْ دَ كُمَ وُرِنَّنْ دَ عَكٜىٰثٜىٰ دَشِ مَسَوْكِ عُكُ؞ دَ بُلُسْ يَغَنْسُ كُوَ يَيِ غُواْدِيَ غَ اللَّهْ ، يَكُمَ ڧَارَ سَامُنْ ڧَرْڢِنْ ڠُوِوَ؞

16دَ مُكَ شِغَ رُواْمَ عَكَ يَرْدَ وَ بُلُسْ يَجٜىٰ يَذَوْنَ أَغِدَنْ هَيَ تَرٜىٰدَ سُواْجَنْ دَيَكٜىٰ غَادِنْسَ؞

17بَايَنْ ݣُونَ عُكُ، بُلُسْ يَكِرَا مَنْيَنْ يَهُودَاوَا؞ دَسُكَ تَارُ سَيْيَثٜىٰمُسُ «كُو یَنْعُوَ، كُواْدَيَكٜىٰ بَنْيِ وَجَمَعَرْمُ وَنِ لَيْڢِے بَ، كُواْ لَيْڢِے غَمٜىٰدَ أَلْعَادُنْ كَاكَنِّنْمُ، دُكْدَهَكَ أَنْكَامَنِ أَ عُرُوشَلِيمَ عَكَ بَادَنِ غَ رُواْمَاوَا أَطَوْرٜىٰ؞

18سُو كُوَ دَ سُكَ بِنْثِكٜىٰنِ، سُنَ سُواْ سُسَكٜىٰنِ، دُواْمِنْ بَسُ سَامٜىٰنِ دَ وَنِ لَيْڢِنْدَ يَ إِسَ عَكَشٜىٰنِبَ؞

19عَمَّا دَ يَهُودَاوَا سُكَڧِ يَرْدَ، سَيْ يَذَمَ مِنِ دُواْلٜىٰ إِنْ طَوْكَكَ ڧَارَتَ ذُوَا غَبَنْ كَيْسَرْ، كُواْدَيَكٜىٰ بَوَيْ إِنَ ڧَارَرْ جَمَعَرْمُ بَنٜىٰ؞

20شِيَسَا نَنٜىٰمِ إِنْ‌غَنْكُ، إِنْكُمَ تَتَّوْنَ دَكُو تُنْدَيَكٜىٰ دَيْ سَبُواْدَ دَشِ وَنَّنْ دَ إِسْرَٰٓءِيلَاوَا سُكٜىٰسَا ذُوثِيَارْ ذُوَانْسَ نٜىٰ عَكَ طَوْرٜىٰنِ دَ سَرْڧَرْ نَنْ؞»

21سَيْ سُكَثٜىٰ مَسَ «مُو دَيْ بَمُسَامِ وَتَ وَسِيڧَ دَغَ يَنْكِنْ يَهُودِيَ غَمٜىٰ دَكَيْبَ، بَا كُوَ وَنِ طَنْعُوَنْمُ دَ يَذُواْ نَنْ يَكَٰوُاْ لَابَرِنْكَ، كُواْ يَڢَطَا وَتَ مَغَنَ مَرَرْ ݣَوْ غَمٜىٰ دَكَيْ؞

22عَمَّا مُنَسُواْ مُجِ رَعَيِنْكَ دَغَ بَاكِنْكَ، دُواْمِنْ أَبِنْدَ مُكَ سَنِ دَيْ شِينٜىٰ، سَابُوَرْ ڧُنْ‌غِيَرْ ڧَضْيَارْ نَنْ كُواْوَ يَنَ مُوغُوَرْ مَغَنَ عَكَنْتَ؞»

23دَسُكَسَا رَانَرْ دَ ذَاسُ حَطُ، سَيْ سُكَذُواْ مَسَوْكِنْسَ، سُنْ كُوَذُواْ دَيَوَ سُواْسَيْ؞ دَغَ سَڢٜىٰ حَرْ ذُوَا يَمَّ يَيِتَيِ مُسُ بَيَانِ يَنَ شَيْدَ مُسُ عَكَنْ مُلْكٍ اللَّهْ ، يَنَ ڧُواْڧَرِنْ يَجَٰوُاْسُ ذُوَا وُرِنْ عِيسَىٰ تَهَنْيَرْ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا؞

24وَطَنْسُ سُكَ يَرْدَ دَ أَبِنْدَ يَڢَطَا، عَمَّا وَطَنْسُ بَسُ غَسْكَتَبَ؞

25سَبُواْدَ حَكَ بَسُ يَرْدَ دَ جُونَبَ؞ كَاڢِنْ سُبَرْ وُرِنْ سَيْ بُلُسْ يَيِمُسُ مَغَنَ طَيَ يَثٜىٰ «أَشٜىٰ كُوَ، رُوحُ مَيْ ڟَرْكِے يَڢَطِ غَسْكِيَ دَ يَيِ وَكَاكَنِّنْكُ مَغَنَ تَبَاكِنْ أَنَّبِے عِشَايَ ثٜىٰوَ

26« ‹كَجٜىٰ وُرِنْ جَمَعَرْ نَنْ، كَثٜىٰ، جِ كَمْ، ذَاكُ دِنْ‌غَجِ، عَمَّا بَذَاكُ ڢَهِمْتَبَ سَمْ، غَنِ كَمْ، ذَاكُ دِنْ‌غَ غَنِ، عَمَّا بَذَاكُ غَانٜىٰبَ سَمْ؞

27دُوانْ ذُوثِيَارْ جَمَعَرْ نَنْ تَايِ تَوْرِ، سُنْ تُواْشٜىٰ كُنُّوَنْسُ، سُنْ رُڢٜىٰ عِدَنُونْسُ، دُواْمِنْ كَدَ سُغَنِ دَ عِدَنُونْسُ، سُكُمَجِ دَ كُنُّوَنْسُ، سُكُمَ غَانٜىٰ دَ ذُوثِيَارْسُ، حَرْ سُجُويُواْ وُرِينَ إِنْ وَرْكَرْ دَسُو؞›

28«تُواْ، سَيْ كُسَنِ ڢَا، اللَّهْ يَعَيْكَ دَ لَابَرِنْ ثٜىٰتُواْ حَرْ ذُوَاغَ وَطَنْدَ بَا يَهُودَاوَا بَ؞ سُو كُوَ ذَاسُ سَوْرَرَ؞»

29دَيَڢَطَا حَكَ، سَيْ يَهُودَاوَا سُكَتَاشِ دَغَ وُرِنْ سُنَ غَرْدَمَ مَيْ ذَاڢِ أَڟَكَانِنْسُ؞

30بُلُسْ يَذَوْنَ أَوَنَّنْ غِدَنْ دَيَكٜىٰ هَيَ حَرْ شٜىٰكَرَا بِيُ، يَنَ كَرْٻَرْ دُكْ وَطَنْدَ سُكَذُواْ وُرِنْسَ؞

31دَيَكٜىٰ بَعَهَنَشِ وَعَظِبَ، يَيِتَيِنْ وَعَظِنْ مُلْكٍ اللَّهْ ، يَنَ كُواْيَرْوَا عَكَنْ عُبَنْ‌غِجِ عِيسَىٰ أَلْمَسِيحُ بَابُ ڟُواْرُواْ؞

← Chapter 27 Jump to: