Acts 9

Hausa Arabic 2020 (أَتَّوْرَتْ دَ أَنَّبَاوَا)

1شَوُلُ كُوَ يَنَ ثِيغَبَدَ ڟَنَنْتَاوَ مَاسُبِنْ عُبَنْ‌غِجِ ڟَنَنِ سُواْسَيْ، حَرْ دَ ثٜىٰوَ ذَيْ كَشٜىٰسُ؞ سَيْ يَجٜىٰ وُرِنْ بَبَّنْ ڢِرِسْتِ،

2يَضُواْڧٜىٰشِ يَبَاشِ وَسِيڧُ ذُوَا مَجَمِعُنْ دِمَشْڧُ، دُوانْ عِدَنْ يَا سَامِ مَاسُبِنْ حَنْيَرْ عُبَنْ‌غِجِ ، مَظَا كُواْ مَاتَا، يَكَٰوُاْسُ أَطَوْرٜىٰ عَبِرْنِنْ عُرُوشَلِيمَ؞

3يَنَ ثِكِنْ تَڢِيَ كٜىٰنَنْ، يَيِ كُسَدَ دِمَشْڧُ، بَا لَابَرِ، سَيْغَا وَنِ حَصْكٜىٰ دَغَ سَمَ يَحَصْكَكَا كٜىٰوَيٜىٰ دَشِ؞

4سَيْ يَڢَاطِ عَڧَسَا، يَكُمَجِ وَتَ مُرْيَ تَنَثٜىٰمَسَ «شَوُلُ، شَوُلُ، دُوانْمٜىٰ كَكٜىٰ ڟَنَنْتَ مِنِ؟»

5شِے كُوَ يَثٜىٰ «وَنٜىٰنٜىٰ كَيْ، مَيْغِرْمَ؟» سَيْ مُرْيَرْ تَأَمْسَ ثٜىٰوَ «نِنٜىٰ عِيسَىٰ وَنْدَ كَكٜىٰ ڟَنَنْتَ مَسَ؞

6كَتَاشِ كَشِغَ ثِكِنْ غَرِ، عَثَنْ ذَاعَ ڢَطَا مَكَ أَبِنْدَ ذَاكَيِ؞»

7أَبُواْكَنْ تَڢِيَرْسَ كُوَ سُكَ كَاسَ مَغَنَ، سُنَجِنْ مُرْيَ، عَمَّا بَسُغَ كُواْوَبَ؞

8سَيْ شَوُلُ يَتَاشِ، عَمَّا دَ يَبُوطٜىٰ عِدُواْ بَيْ عِيَ غَنِبَ؞ سَيْ سُكَ رِڧٜىٰ مَسَ حَنُّ سُكَ كَٰوُاْ شِ دِمَشْڧُ؞

9يَيِ ݣُونَ عُكُ، بَايَ غَنِ، بَايَثِ، كُمَ بَايَشَا؞

10تُواْ، أَݣَويْ وَنِ مَيْبِے أَ دِمَشْڧُ، مَيْ سُونَ هَنَنِيَ؞ عُبَنْ‌غِجِ يَيِ مَسَ مَغَنَ ثِكِنْ رُعُيَ يَثٜىٰ «هَنَنِيَ!» شِے كُوَ يَأَمْسَ «غَا نِے، يَا عُبَنْ‌غِجِ ؞»

11سَيْ عُبَنْ‌غِجِ يَثٜىٰ مَسَ «تَاشِ كَتَڢِے تِيتِنَّنْ دَ عَكٜىٰثٜىٰ دَشِ مِيڧَڧّٜىٰ، كَجٜىٰ غِدَنْ يَهُودَ، كَتَمْبَيَ كُواْ أَݣَويْ وَنِ مُتُمِنْ تَرْسُسْ، مَيْ سُونَ شَوُلُ؞ غَاشِ نَنْ يَنَ أَدُّعَ أَوُرِنْ؞

12حَرْ مَا عَثِكِنْ رُعُيَ يَغَ وَنِ مُتُمْ مَيْ سُونَ هَنَنِيَ يَشِغُواْ، يَسَا مَسَ حَنُّنْ أَلْبَرْكَ دُواْمِنْ يَسَاكٜىٰ سَامُنْ غَنِنْ غَرِ؞»

13عَمَّا هَنَنِيَ يَأَمْسَ يَثٜىٰ « عُبَنْ‌غِجِ ، نَشَا جِنْ لَابَرِنْ مُتُمِنَّنْ وُرِنْ مُتَنٜىٰ دَيَوَ عَكَنْ يَوَنْ مُغُنْتَارْ دَ يَيِ وَڟَرْكَكَا أَ عُرُوشَلِيمَ؞

14غَاشِ كُمَ يَنَدَ إِظْنِ دَغَ مَنْيَنْ ڢِرِسْتُواْثِے يَكَامَ دُكْ وَنْدَ يَكٜىٰ كِرَا غَ سُونَنْكَ؞»

15عَمَّا عُبَنْ‌غِجِ يَثٜىٰ مَسَ «كَيْ دَيْ، كَجٜىٰ، دُواْمِنْ شِے مُتُمْ نٜىٰ دَ نَذَاٻَا يَيِ عَيْكِنَ دُواْمِنْ يَسَنَرْدَ سُونَنَ غَ وَطَنْدَ بَا يَهُودَاوَا بَ دَ سَرَاكُنَ دَ كُمَ إِسْرَٰٓءِيلَاوَا؞

16نِے دَكَيْنَ ذَنْ نُونَ مَسَ وُيَرْ دَ لَلَّيْ ذَيْشَا سَبُواْدَ سُونَنَ؞»

17سَيْ هَنَنِيَ يَتَڢِے يَشِغَ غِدَنْ؞ يَسَ حَنُّوَنْسَ عَكَنْ شَوُلُ، يَثٜىٰ «طَنْعُوَنَ شَوُلُ، عُبَنْ‌غِجِ نٜىٰ يَعَيْكُواْ نِے، وَتُواْ عِيسَىٰ وَنْدَ يَبَيَّنَ أَغَرٜىٰكَ عَكَنْ حَنْيَرْدَ كَبِيُواْ؞ يَعَيْكٜىٰنِ دُواْمِنْ كَسَاكٜىٰ عِيَ غَنِ، عَكُمَ ثِكَكَ دَ رُوحُ مَيْ ڟَرْكِے ؞»

18نَنْ تَكٜىٰ، سَيْ وَنِ أَبُ كَمَرْ ٻَوُاْ يَڢَاطِ دَغَ إِدَانُنْ شَوُلُ، سَيْ يَسَاكٜىٰ غَنِ؞ سَعَنً يَتَاشِ، عَكَيِ مَسَ بَڢْتِسْمَ؞

19سَيْ يَثِ عَبِنْثِ، يَسَاكٜىٰ سَامُنْ ڧَرْڢِے؞ شَوُلُ كُوَ يَيِ یَنْ ݣُونَكِے تَرٜىٰدَ سَوْرَنْ مَاسُبِنْ دَسُكٜىٰ أَ دِمَشْڧُ؞

20بَادَ دَطٜىٰوَبَ، شَوُلُ يَڢَارَ وَعَظِنْ عِيسَىٰ أَ مَجَمِعُنْ يَهُودَاوَا ثٜىٰوَ عِيسَىٰ شِينٜىٰ طَنْ اللَّهْ ؞

21دُكْ وَطَنْدَ سُكَجِيشِ كُوَ سُكَيِ مَامَاكِ، سُكَثٜىٰ «أَشٜىٰ، بَوَنَّنْ نٜىٰ يَكَكَّشٜىٰ يَكُمَ وَاڟَرْدَ مَاسُ كِرَنْ سُونَنَّنْ ثِكِنْ سُجَّدَ أَ عُرُوشَلِيمَ بَ؟ بَ يَا ذُواْ نَنْ دَ نِيَّرْ يَكَيْسُ غَبَنْ مَنْيَنْ ڢِرِسْتُواْثِے أَطَوْرٜىٰ بَنٜىٰ؟»

22عَمَّا شَوُلُ يَڧَارَ سَامُنْ ڧَرْڢِے، يَنَ تَرِكِتَرْ دَ حَنْكَلِنْ يَهُودَاوَنْ دَسُكٜىٰ ذَمَ أَ دِمَشْڧُ، يَنَ تَبَّتَرْ مُسُ ثٜىٰوَ عِيسَىٰ شِينٜىٰ أَلْمَسِيحُ ؞

23بَايَنْ یَنْ ݣُونَكِے، يَهُودَاوَا سُكَيِ شَوَرَا سُكَشٜىٰ شَوُلُ؞

24عَمَّا شِيكُوَ يَجِ لَابَرِنْ شِرِنْسُ؞ دَرٜىٰ دَ رَانَ سُنَ ظُبَ عِدُواْ عَڧُواْڢُواْڢِنْ غَرِ دُواْمِنْ سُكَشٜىٰشِ،

25عَمَّا دَ دَرٜىٰ أَلْمَجِرَنْسَ سُكَ طَوْكٜىٰشِ، سُكَ سَوْكَرْ دَشِ تَوَتَ تَغَ أَجِكِنْ بَنْ‌غُوانْ بِرْنِنْ ثِكِنْ بَبَّنْ ݣُونْدُواْ؞

26دَ شَوُلُ يَذُواْ عُرُوشَلِيمَ، يَايِ ڧُواْڧَرِ يَشِغَ ثِكِنْ أَلْمَجِرَنْ، عَمَّا دُكْ سُكَجِڟُواْرُوانْسَ، دُوانْ بَسُ يَرْدَ شِے أَلْمَجِرِ بَنٜىٰ؞

27عَمَّا بَرْنَبَ يَطَوْكٜىٰشِ يَكَيْ شِ وُرِنْ مَنْذَنِّے؞ يَڢَطَا مُسُ يَدَّ شَوُلُ يَغَ عُبَنْ‌غِجِ أَ حَنْيَ دَ يَدَّ عُبَنْ‌غِجِ يَيِ مَسَ مَغَنَ دَ كُمَ يَدَّ شَوُلُ يَيِ وَعَظِ دَ سُونَنْ عِيسَىٰ أَ دِمَشْڧُ، بَ ڟُواْرُواْ؞

28دَغَ نَنْ شَوُلُ يَدِنْ‌غَ شِغَ دَ ڢِتَ دَسُو أَ عُرُوشَلِيمَ،

29يَنَ وَعَظِ دَ سُونَنْ عُبَنْ‌غِجِ بَ ڟُواْرُواْ؞ يَكُمَ دِنْ‌غَ يِنْ مَغَنَ دَ يَهُودَاوَا مَاسُ جِنْ هٜىٰلٜىٰنَنْثِ، يَنَ كُمَ غَرْدَمَ دَسُو، عَمَّا سُكَيِ تَنٜىٰمَنْ حَنْيَ سُكَشٜىٰشِ؞

30دَ یَنْعُوَ سُكَ غَانٜىٰ حَكَ، سَيْ سُكَ كَيْ شِ كَيْسَرِيَ، سُكَ عَيْكَ دَشِ ذُوَا تَرْسُسْ؞

31سَعَنً نٜىٰ جَمَعَرْ مَاسُبِے نَدُكَنْ يَنْكِنْ يَهُودِيَ دَ غَلِيلِ دَ سَمَرِيَ، تَسَامِ ذَمَنْ سَلَمَ؞ جَمَعَرْ مَاسُبِے تَسَامِ ڧَرْڢِے تَكُمَ ڧَارُ سُواْسَيْ تَوُرِنْ تَيْمَكُوانْ رُوحُ مَيْ ڟَرْكِے ، يَايِنْ دَتَكٜىٰ رَايُوَا عَثِكِنْ ڟُواْرُوانْ عُبَنْ‌غِجِ ؞

32تُواْ دَ بِتْرُسْ يَظَظْذَاغَ يَنْكِنْ دُكَ، سَيْ يَكُمَ جٜىٰ وُرِنْ ڟَرْكَكَنَّنْ دَسُكٜىٰ ذَمَ أَ لِدَّ؞

33أَوُرِنْ يَسَدُ دَ وَنِ مُتُمْ مَيْ سُونَ إِنِيَسْ، وَنْدَ يَكٜىٰ عَݣُونْثٜىٰ شٜىٰكَرَا تَݣُوسْ دُوانْ شِے شَنْيَيّٜىٰ نٜىٰ؞

34سَيْ بِتْرُسْ يَثٜىٰ مَسَ «إِنِيَسْ، عِيسَىٰ أَلْمَسِيحُ يَوَرْكَرْ دَكَيْ؞ تَاشِ كَنَطٜىٰ أَبِنْ ݣُونْثِيَرْكَ؞» نَنْ دَنَنْ إِنِيَسْ يَتَاشِ؞

35دُكْ مُتَنٜىٰنْ غَرُضُوً لِدَّ دَ نَ شَرُوانْ كُوَ سُكَ غَنْشِ وَنْدَ يَوَرْكٜىٰ، سَعَنً سُكَ جُويُواْ غَ عُبَنْ‌غِجِ ؞

36أَ يُواْڢَّ كُوَ أَݣَويْ وَتَ مَيْبِے، مَيْ سُونَ تَبِتَ، وَتُواْ دُواْكَسْ كٜىٰنَنْ؞ مَثٜىٰنْ كُوَ تَبَادَ كَنْتَ طُنْ‌غُمْ ثِكِنْ يِنْ عَيْكِنْ كِرْكِ دَ كُمَيِنْ سَدَكَ؞

37عَݣُونَكِنْنَنْ تَيِ رَشِنْ لَاڢِيَ، تَمُتُ؞ دَ سُكَيِ مَتَ وَنْكَ، سُكَ ݣُونْتَرْدَ جِكِنْتَ أَطَاكِنْ سَمَ؞

38دَيَكٜىٰ لِدَّ تَنَ كُسَدَ يُواْڢَّ، سَعَدَّ مَاسُبِے سُكَجِ بِتْرُسْ يَنَ لِدَّ، سَيْ سُكَ عَيْكَ مُتُمْ بِيُ ذُوَا وُرِنْسَ، سُضُواْڧٜىٰشِ يَذُواْ وُرِنْسُ دَ سَوْرِ؞

39سَيْ بِتْرُسْ يَتَاشِ يَتَڢِے تَرٜىٰدَسُو؞ دَ يَ إِسُواْ، سُكَ كَيْ شِ طَاكِنْ سَمَنْ؞ دُكْ مَتَ وَطَنْدَ مَذَنْسُ سُكَ مُتُ، سُكَ ڟَيَ كُسَدَشِ، سُنَ كُكَ، سُنَ نُونَ رِيغُنَ دَ سَوْرَنْ كَايَنْ دَ دُواْكَسْ تَيِ مُسُ تُنْ تَنَ تَرٜىٰدَسُو؞

40بِتْرُسْ يَڢِتَرْ دَسُو وَجٜىٰ دُكَ، يَدُرْڧُسَ يَيِ أَدُّعَ؞ يَجُويَ وَجٜىٰنْ غَاوَرْ، يَثٜىٰ «تَبِتَ، تَاشِ؞» سَيْ تَبُوطٜىٰ عِدُواْ؞ دَ تَغَ بِتْرُسْ، سَيْ تَتَاشِ تَذَوْنَ؞

41بِتْرُسْ كُوَ يَمِيڧَ مَتَ حَنُّ يَتَيْمَكٜىٰتَ تَتَاشِ؞ سَيْ يَكِرَا مَاسُبِے دَ مَاتَنَّنْ وَطَنْدَ مَذَنْسُ سُكَ مُتُ، يَمِيڧَ مُسُ عِتَ دَ رَيْ؞

42لَابَرِنَّنْ يَبَظُو أَدُكَنْ يُواْڢَّ، مُتَنٜىٰ دَيَوَ كُوَ سُكَ غَسْكَتَادَ عُبَنْ‌غِجِ ؞

43بِتْرُسْ يَذَوْنَ ݣُونَكِے دَيَوَ أَ يُواْڢَّ، أَغِدَنْ وَنِ مَيْ عَيْكِنْ ڢَتُنْ دَبُّواْبِے، سُونَنْسَ سِيمَنْ نٜىٰ؞

← Chapter 8 Jump to: Chapter 10 →