Genesis 35

Hausa Arabic 2020 (أَتَّوْرَتْ دَ أَنَّبَاوَا)

← Chapter 34 Jump to: Chapter 36 →

1سَيْ اللَّهْ يَثٜىٰ وَ يَعْڧُوبَ «كَتَاشِ كَتَڢِے بٜىٰتٜىٰلْ كَذَوْنَ أَوُرِنْ؞ سَيْ كَغِنَ بَغَدٜىٰ غَ اللَّهْ وَنْدَ يَبَيَّنَ غَرٜىٰكَ سَعَدَّ كَكٜىٰ غُدُ دَغَ طَنْعُوَنْكَ إِسُوَ؞»

2سَيْ يَعْڧُوبَ يَثٜىٰ وَ عِيَلِنْسَ دَ دُكْ وَطَنْدَ سُكٜىٰ تَرٜىٰ دَشِ «كُواْوَ يَكَوَرْدَ غُمَكَنْ أَلُّواْلِنْ ڧَبِيلُنْ دَسُكٜىٰ وُرِنْكُ، كُڟَبْتَثٜىٰ كَنْكُ كُثَنْجَ رِيغُنَنْكُ؞

3سَعَنً مُتَاشِ مُهَوْرَ ذُوَا بٜىٰتٜىٰلْ، دُواْمِنْ إِنْ غِنَا بَغَدٜىٰ أَوُرِنْ غَ اللَّهْ وَنْدَ يَأَمْسَ أَدُّعَتَ أَ رَانَرْ دَ نَكٜىٰ ثِكِنْ دَامُوَ، وَنْدَ كُمَ يَكَسَنْثٜىٰ تَرٜىٰدَنِ دُكْ عِنْدَ نَتَڢِے؞»

4دُكَنْسُ كُوَ سُكَبَا يَعْڧُوبَ دُكَنْ غُمَكَنْ أَلُّواْلِنْ ڧَبِيلُنْ دَسُكٜىٰ أَ حَنُّوَنْسُ دَ ذُواْبٜىٰنْ دَسُكٜىٰ عَكُنُّوَنْسُ؞ يَعْڧُوبَ يَبِنّٜىٰسُ عَڧَرْڧَشِنْ إِتَاثٜىٰنْ ڟَاڢِ وَنْدَ يَكٜىٰ كُسَدَ شٜىٰكٜىٰمْ؞

5سَعَدَّ سُكٜىٰ ثِيغَبَدَ تَڢِيَ، سَيْ بَبَّنْ ڟُواْرُواْ دَغَ وُرِنْ اللَّهْ يَڢَاطُواْوَ دُكَنْ غَرُضُوً دَسُكٜىٰ كٜىٰوَيٜىٰ دَسُو؞ مُتَنٜىٰنْ غَرُضُوً كُوَ بَسُ نٜىٰمَ سُيِ ڢَطَ دَ يَعْڧُوبَ دَ یَیَنْسَبَ؞

6يَعْڧُوبَ كُوَ يَ إِسُواْ تَرٜىٰدَ دُكَنْ مُتَنٜىٰنْسَ أَ لُظْ، وَتُواْ بٜىٰتٜىٰلْ، نَڧَسَرْ كَنْعَنَ؞

7أَوُرِنْ يَغِنَ بَغَدٜىٰ، يَكِرَا وُرِنْ دَ سُونَ عٜىٰلْ بٜىٰتٜىٰلْ، وَتُواْ اللَّهْ نَ بٜىٰتٜىٰلْ، غَمَا أَوُرِنْ نٜىٰ اللَّهْ يَبَيَّنَ كَنْسَ غَرٜىٰشِ، لُواْكَثِنْ دَيَكٜىٰ غُدُ دَغَ ڢُسْكَرْ طَنْعُوَنْسَ؞

8أَ نَنْ دٜىٰبُواْرَ، ڟُواْهُوَرْ مَاتَرْ نَنْ دَ تَيِ غُواْيُوانْ رِڢْكَتُ، تَا مُتُ، سَيْ عَكَ بِنّٜىٰتَ عَڧَرْڧَشِنْ إِتَاثٜىٰنْ ڟَاڢِ؞ سَبُواْدَ حَكَ عَكَ كِرَا سُونَنْ إِتَاثٜىٰنْ «إِتَاثٜىٰنْ ڟَاڢِ نَكُوكَا»؞

9اللَّهْ كُمَ يَا سَاكٜىٰ بَيَّنَ غَ يَعْڧُوبَ سَعَدَّ يَدَاوُاْ دَغَ ڢَدَّنْ أَرَمْ؞ اللَّهْ يَا سَا مَسَ أَلْبَرْكَ؞

10اللَّهْ كُوَ يَثٜىٰ مَسَ «سُونَنْكَ يَعْڧُوبَ نٜىٰ، عَمَّا دَغَ يَنْذُ بَذَاعَ ڧَارَ كِرَا سُونَنْكَ يَعْڧُوبَ بَ، عَمَّا إِسْرَٰٓءِيلَ؞» سَبُواْدَ حَكَ عَكَ كِرَا سُونَنْسَ إِسْرَٰٓءِيلَ؞

11اللَّهْ يَثٜىٰ «نِنٜىٰ اللَّهْ مَيْ إِيكُواْ دُكَ ؞ كَيِ تَحَيْڢُوَ سُواْسَيْ كَيَلْوَتَ؞ أَلْعُمَّ دَ تَارُوانْ أَلْعُمَّيْ ذَاسُ ڢِتُواْ دَغَ غَرٜىٰكَ؞ سَرَاكُنَ كُمَ ذَاسُ ڢِتُواْ دَغَ ذُرِيَرْكَ؞

12ڧَسَرْدَ نَبَا إِبْرَٰهِيمْ دَ إِسْحَٰڧَ، ذَنْبَاكَ عِتَ، كُمَ غَ ذُرِيَرْكَ ذَنْبَادَ ڧَسَرْ؞»

13سَعَنً اللَّهْ يَهَوْ يَبَرْ شِ عِنْدَ يَيِ مَغَنَ دَشِ؞

14سَيْ يَعْڧُوبَ يَتَادَ دُوڟٜىٰنْ تُنَاوَا أَوُرِنْ دَ اللَّهْ يَيِ مَغَنَ دَشِ؞ يَظُبَ مَسَ هَدَايَ تَأَبِنْ شَا دَ كُمَ مَنْ ظَيْتُنْ؞

15سَيْ يَعْڧُوبَ يَكِرَا سُونَنْ وُرِنْ دَ اللَّهْ يَيِ مَغَنَ دَشِ بٜىٰتٜىٰلْ؞

16سَيْ سُكَ ثِيغَبَدَ تَڢِيَ دَغَ بٜىٰتٜىٰلْ، تُنْ سُنَ طَنْ نِيسَ دَ عٜىٰڢْرَتَ، سَيْ لُواْكَثِنْ حَيْڢُوَ يَظُواْوَ رَحِيلَةُ؞ تَا كُوَ شَا وَهَلَ ثِكِنْ ذَاڢِنْ حَيْڢُوَ؞

17سَعَدَّ تَكٜىٰ ثِكِنْ ذَاڢِنْ حَيْڢُوَ، سَيْ مَثٜىٰ مَيْ كَرْٻَرْ حَيْڢُوَ تَثٜىٰمَتَ «كَدَ كِجِڟُواْرُواْ، غَمَا يَنْذُ كِنْ سَامِ وَنِ طَا؞»

18عَمَّا يَايِنْ دَ رَنْتَ يَكٜىٰ ڢِتُواْوَ، كَاڢِنْ تَمُتُ، سَيْ تَكِرَا شِ بٜىٰنُواْنِ، عَمَّا بَابَنْ يَا كِرَا سُونَنْسَ بِلِيَامِنُ؞

19سَيْ رَحِيلَةُ تَمُتُ، عَكَ بِنّٜىٰتَ أَ حَنْيَ ذُوَا عٜىٰڢْرَتَ، وَتُواْ بَيْتَلَحْمِ كٜىٰنَنْ؞

20يَعْڧُوبَ كُوَ يَا تَادَ دُوڟٜىٰنْ تُنَاوَا بِسَ كَبَرِنْتَ؞ وَنَّنْ نٜىٰ دُوڟٜىٰنْ تُنَاوَا نَكَبَرِنْ رَحِيلَةُ، وَنْدَ يَكٜىٰ وُرِنْ هَرْوَيَوْ؞

21سَعَنً إِسْرَٰٓءِيلَ يَثِيغَبَدَ تَڢِيَ؞ يَكَڢَ تٜىٰنْتِنْسَ عَڧٜىٰتَرٜىٰنْ غِنِ مَيْ ڟَوُاْ نَمَكِيَايَ أَ عٜىٰدٜىٰرْ؞

22سَعَدَّ إِسْرَٰٓءِيلَ يَكٜىٰ ذَمَ عَڧَسَرْ، سَيْ رَعُبَيْنُ طَنْ ڢَارِنْسَ يَشِغَ يَݣُونَ دَ بِلْهَ، مَثٜىٰنْ دَ بَابَنْسَ إِسْرَٰٓءِيلَ يَ أَجِيٜىٰ؞ إِسْرَٰٓءِيلَ كُوَ يَاجِ لَابَرِنْ؞ يَعْڧُوبَ يَنَدَ یَیَ مَظَا غُواْمَشَا بِيُ؞

23یَیَ مَظَا نَ لَيْعَتُ سُونٜىٰ رَعُبَيْنُ طَنْ ڢَضٍ يَعْڧُوبَ دَ سِمٜىٰيُوانْ، دَ لَوِ دَ يَهُودَ دَ إِسَّكَرْ دَ كُمَ ظٜىٰبُلُنْ؞

24یَیَ مَظَا نَ رَحِيلَةُ سُونٜىٰ يُوسُڢَ دَ بِلِيَامِنُ؞

25یَیَ مَظَا نَ بِلْهَ بَيْوَرْ رَحِيلَةُ سُونٜىٰ دَنْ دَ نَڢْتَلِ؞

26یَیَ مَظَا نَ ظِلْڢَ بَيْوَرْ لَيْعَتُ سُونٜىٰ غَدْ دَ أَشٜىٰرْ؞ وَطَنَّنْ نٜىٰ یَیَ مَظَا نَ يَعْڧُوبَ وَطَنْدَ عَكَ حَيْڢَ مَسَ أَ ڢَدَّنْ أَرَمْ؞

27يَعْڧُوبَ يَا تَڢِے وُرِنْ بَابَنْسَ إِسْحَٰڧَ أَ مَمْرٜىٰ كُسَدَ كِرِيَتْ أَرْبَ، وَتُواْ هٜىٰبْرُوانْ، عِنْدَ إِبْرَٰهِيمْ دَ إِسْحَٰڧَ سُكَ ذَوْنَ دَا؞

28ݣُونَكِنْ إِسْحَٰڧَ كُوَ شٜىٰكَرَا ثٜىٰ طَرِے دَ تَمَٰنِنْ؞

29سَيْ إِسْحَٰڧَ يَجَا نُمْڢَشِنْسَ نَڧَرْشٜىٰ، يَمُتُ ثِكِنْ ڟُوڢَ سُواْسَيْ، يَكُواْمَ غَ كَاكَنِّنْسَ؞ یَیَنْسَ مَظَا، وَتُواْ إِسُوَ دَ يَعْڧُوبَ، سُكَ بِنّٜىٰشِ؞

← Chapter 34 Jump to: Chapter 36 →