Genesis 44

Hausa Arabic 2020 (أَتَّوْرَتْ دَ أَنَّبَاوَا)

← Chapter 43 Jump to: Chapter 45 →

1يُوسُڢَ يَا عُمَرْثِ شُوغَبَنْ غِدَنْسَ يَثٜىٰ «كَثِثِّكَ بُهُنَنْ مُتَنٜىٰنَّنْ دَ إِيَاكَرْ عَبِنْثِنْ دَ ذَاسُ عِيَ طَوْكَوَ؞ كَكُمَسَا كُطِنْ كُواْوَ عَبَاكِنْ بُهُنْسَ؞

2كَسَا ݣُوڢْ نَوَ نَأَظُرْڢَا عَبَاكِنْ بُهُنْ أَوْتَنْسُ تَرٜىٰدَ كُطِنْسَ نَهَڟِنْ؞» سَيْ يَيِ يَدَّ يُوسُڢَ يَعُمَرْثٜىٰشِ؞

3غَرِ يَنَ وَايٜىٰوَ عَكَ سَلَّمِ مُتَنٜىٰنْ دَ جَاكُنَنْسُ؞

4سَعَدَّ سُكَ ڢِتَ غَرِنْ سُكَيِ نِيسَ كَطَنْ، سَيْ يُوسُڢَ يَثٜىٰ وَشُوغَبَنْ غِدَنْسَ «تَاشِ، كَبِے بَايَنْ مُتَنٜىٰنَّنْ؞ عِدَنْ كَسَامٜىٰسُ، سَيْ كَثٜىٰ مُسُ، ‹دُوانْمٜىٰ كُكَ رَامَ أَلْحٜىٰرِ دَ مُغُنْتَا؟

5دُوانْمٜىٰ كُكَ سَاثِ ݣُوڢْ نَأَظُرْڢَا نَمَيْغِدَنَ؟ بَشِينٜىٰ ݣُوڢْ دَ مَيْغِدَانَ يَكٜىٰ شَنْ ضُوَ دَشِيبَ؟ بَشِينٜىٰ كُمَ يَكٜىٰيِنْ دُوبَادَشِيبَ؟ وَنَّنْ مُوغُنْ أَبُ نٜىٰ كُكَ عَيْكَتَ؞› »

6سَعَدَّ يَسَامٜىٰسُ، سَيْ يَيِ مُسُ مَغَنَ حَكَ؞

7سَيْ سُكَ أَمْسَ سُكَثٜىٰ «رَنْكَيَدَطٜىٰ، دُوانْمٜىٰ ذَاكَيِ مَغَنَ حَكَ؟ اللَّهْ يَسَوَّڧٜىٰ بَايِنْكَ سُأَيْكَتَ وَنَّنْ أَبُ!

8غَاشِ، كُطِنْ دَ مُكَ سَامُ عَبَاكِنْ بُهُنَنْمُ، بَمُنْ مَيَرْ مَكَ شِ دَغَ ڧَسَرْ كَنْعَنَ بَ؟ تَيَيَا ذَامُسَاثِ أَظُرْڢَا كُواْ ظِينَارِيَ دَغَ غِدَنْ مَيْغِدَنْكَ؟

9رَنْكَيَدَطٜىٰ، دُكْ وَنْدَ عَكَ سَامِ ݣُوڢْ أَ حَنُّنْسَ، بَرِ عَكَشٜىٰشِ، سَوْرَنْمُ كُمَ ذَامُ ذَمَ بَايِنْكَ؞»

10مُتُمِنْ يَثٜىٰ «بَرِ يَذَمَ يَدَّ كُكَثٜىٰ، شِے وَنْدَ عَكَ سَامِ ݣُوڢْ أَ حَنُّنْسَ ذَيْ ذَمَ بَاوَنَ، سَوْرَنْكُ كُوَ بَابُ لَيْڢِے؞»

11نَنْ دَ نَنْ كُواْوَنّٜىٰنْسُ يَسَوْكَرْ دَ بُهُنْسَ ڧَسَا؞

12سَيْ يَڢَارَ نٜىٰمَ دَغَ بَبَّنْسُ حَرْ يَڧَارَسَ دَ ڧَرَمِنْسُ؞ عَكَ كُوَ سَامِ ݣُوڢْ طِنْ عَبُهُنْ بِلِيَامِنُ؞

13سَعَنً سُكَ يَيَّاغٜىٰ رِيغُنَنْسُ؞ سَيْ كُواْوَ يَيِ لُواْدِنْ كَايَ أَ جَاكِنْسَ، سُكَ كُواْمَ ثِكِنْ بِرْنِ؞

14سَعَدَّ يَهُودَ دَ یَنْعُوَنْسَ سُكَسَاكٜىٰ كُواْمَاوَا أَغِدَنْ يُوسُڢَ، سُنْ سَامٜىٰشِ يأَنَانً حَرْ يَنْذُ أَوُرِنْ؞ سُكَ ڢَاطِ رُبْ دَ ثِكِ عَڧَسَا أَغَبَنْسَ؞

15سَيْ يُوسُڢَ يَثٜىٰ مُسُ «مٜىٰ كُكَيِ كٜىٰنَنْ؟ بَكُسَنِ ثٜىٰوَ مُتُمْ مَيْ مَڟَيِنَ ذَيْ عِيَ كَامَكُ تَهَنْيَرْ دُوبَابَ؟»

16سَيْ يَهُودَ يَثٜىٰ «رَنْكَيَدَطٜىٰ! مٜىٰ ذَامُثٜىٰ؟ وَثٜىٰ مَغَنَ ذَامُيِ؟ كُواْ كُوَ تَيَيَا ذَامُ وَنْكٜىٰ كَنْمُ؟ يَا شُوغَبَنَ، اللَّهْ نٜىٰ يَتُواْنَ لَيْڢِنْ بَايِنْكَ؞ غَا مُو، مُو بَايِنْكَ نٜىٰ دَمُو دَ وَنْدَ عَكَ سَامِ ݣُوڢْ طِنْ أَ حَنُّنْسَ؞»

17عَمَّا يُوسُڢَ يَثٜىٰ « اللَّهْ يَسَوَّڧٜىٰ مِنِ إِنْيِ وَنِ أَبُ حَكَ! مُتُمِنْ دَ عَكَ سَامُواْ ݣُوڢْ طِنْ أَ حَنُّنْسَ كَطَيْ ذَيْ ذَمَ بَاوَنَ؞ عَمَّا سَوْرَنْكُ كُنَ عِيَ كُواْمَاوَا ثِكِنْ سَلَمَ وُرِنْ بَابَنْكُ؞»

18سَعَنً يَهُودَ يَغُسُواْ وُرِنْسَ يَثٜىٰ مَسَ «رَنْكَيَدَطٜىٰ، إِنَ ضُواْڧُواْ، بَرِ بَاوَنْكَ يَيِ مَغَنَ عَكُنّٜىٰنْكَ؞ يَا شُوغَبَنَ، كَدَ كَيِ ڢُشِے دَنِے، كُواْدَيَكٜىٰ دَيْدَيْ كَكٜىٰ دَ ڢِرْعَوْنَ كَنْسَ؞

19رَنْكَيَدَطٜىٰ، لُواْكَثِنْدَ كَتَمْبَيٜىٰمُ كَثٜىٰ، ‹كُنَدَ بَابَ كُواْ طَنْعُوَ؟›

20سَيْ مُكَ أَمْسَ مَكَ، رَنْكَيَدَطٜىٰ، مُكَثٜىٰ، ‹مُنَدَ بَابَ ڟُواْهُواْ دَ طَنْ دَ عَكَ حَيْڢَ مَسَ أَڟُوڢَرْسَ، طَنْ أَوْتَنْمُ، وَنْدَ طَنْعُوَنْسَ يَا رِغَا يَا مُتُ؞ شِينٜىٰ كَطَيْ يَضَغٜىٰ ثِكِنْ یَیَنْ مَامَرْسَ، كُمَ بَابَنْسَ يَنَ ڧَوْنَرْسَ ڨُورَيْ؞›

21سَيْ كَثٜىٰ وَبَايِنْكَ، ‹كُكَٰوُاْشِ وُرِينَ دُواْمِنْ إِنْ‌غَنْشِ؞›

22رَنْكَيَدَطٜىٰ، مُنْثٜىٰ مَكَ أَ لُواْكَثِنْ، ‹يَرُوانْ بَذَيْ عِيَ رَبُوَ دَ بَابَنْسَبَ، دُواْمِنْ بَابَنْ ذَيْ مُتُ؞›

23سَيْ كَأَمْسَ وَبَيِنْكَ كَثٜىٰ، ‹إِنْ بَ أَوْتَنْكُ يَذُواْ تَرٜىٰدَكُوبَ، بَذَاكُ ڧَارَ غَنِنْ ڢُسْكَتَبَ؞›

24«دَ مُكَ كُواْمَ غِدَا وُرِنْ بَاوَنْكَ بَابَنْمُ، مُكَ ڢَطَا مَسَ مَغَنَرْكَ؞

25سَعَدَّ بَابَنْمُ يَسَاكٜىٰ ثٜىٰوَ ‹كُكُواْمَ كُسَيُواْ مَنَ طَنْ عَبِنْثِ،›

26سَيْ مُكَثٜىٰ مَسَ، ‹بَذَامُ عِيَ غَنْ‌غَرَبَ؞ عِدَنْ أَوْتَنْمُ يَنَ تَرٜىٰدَمُو، ذَامُ غَنْ‌غَرَ؞ غَمَا بَذَامُ عِيَ غَنِنْ ڢُسْكَرْ مُتُمِنْبَ، عِدَنْ أَوْتَنْمُ بَايَ تَرٜىٰدَمُو؞›

27سَعَنً بَاوَنْكَ بَابَنْمُ يَثٜىٰ مَنَ، ‹كُنْ سَنْ ثٜىٰوَ یَیَ بِيُ نٜىٰ مَاتَتَ تَحَيْڢَ مِنِ؞

28طَيَ يَا ڢِتَ دَغَ وُرِينَ، نَا كُوَ طَوْكَ حَڧِيڧَ أَنْيَيَّاغٜىٰشِ كَثَ كَثَ، غَمَا بَنْڧَارَ غَنِنْسَبَ؞

29إِنْ كُكَطَوْكِ وَنَّنْ كُمَ دَغَ غَرٜىٰنِ، عِدَنْ كُوَ وَنِ أَبُ يَا سَامٜىٰشِ أَ حَنْيَ عَثِكِنْ تَڢِيَرْكُ، ذَاكُ سَلَّمِ ڢَضٍ كَيْ نَنْ نَوَ ذُوَا وُرِنْ ذَمَنْ مَتَتُّو ثِكِنْ بَڧِنْ ثِكِ؞›

30«رَنْكَيَدَطٜىٰ، سَبُواْدَ حَكَ بَذَنْ عِيَ كُواْمَاوَا وُرِنْ بَاوَنْكَ بَابَنَ بَاتَرٜىٰدَ يَرُوانْبَ؞ غَمَا بَابَنْمُ يَنَ ڧَوْنَرْ يَرُوانْ كَمَرْ رَنْسَ؞

31عِدَنْ بَابَ بَيْ غَنْمُ تَرٜىٰدَ يَرُوانْبَ، ذَيْ مُتُ؞ مُو بَايِنْكَ كُوَ ذَيْ كَسَنْثٜىٰ مُنْ سَلَّمِ بَاوَنْكَ بَابَنْمُ ذُوَا وُرِنْ ذَمَنْ مَتَتُّو ثِكِنْ بَڧِنْ ثِكِ؞

32بَنْدَ حَكَمَا، أَغَبَنْ بَابَنَ نِے بَاوَنْكَ نَاطَوْكِ ضَنْڟُوَارْ لُورَ دَ يَرُوانْ ثٜىٰوَ ‹عِدَنْ بَنْدَاوُاْ مَكَ دَشِيبَ، أَعِدُوانْكَ أَلْحَكِنْسَ ذَيْ كَسَنْثٜىٰ عَكَيْنَ حَرْ أَبَدَا؞›

33سَبُواْدَ حَكَ إِنَ ضُواْڧُواْ، رَنْكَيَدَطٜىٰ، بَرِ إِنْذَمَ بَاوَنْكَ أَمَدَدِنْ يَرُوانْ، سَيْ يَرُوانْ يَكُواْمَ تَرٜىٰدَ سَوْرَنْ یَنْعُوَنْسَ؞

34غَمَا تَيَيَا ذَنْهَوْرَ وُرِنْ بَابَنَ إِنْ بَاتَرٜىٰدَ يَرُوانْبَ؟ بَانَسُواْ إِنْ‌غَا مُوغُنْ أَبِنْدَ ذَيْسَامِ بَابَنَ؞»

← Chapter 43 Jump to: Chapter 45 →