Genesis 37

Hausa Arabic 2020 (أَتَّوْرَتْ دَ أَنَّبَاوَا)

← Chapter 36 Jump to: Chapter 38 →

1يَعْڧُوبَ يَاذَوْنَ عَڧَسَرْ كَنْعَنَ عِنْدَ بَابَنْسَ يَيِ ذَمَنْ بَڧُنْثِ؞

2غَا تَارِيحِنْ ذُرِيَرْ يَعْڧُوبَ؞ يُوسُڢَ، سَوْرَيِ نٜىٰ مَيْ شٜىٰكَرَا غُواْمَشَا بَݣَويْ؞ شِ دَ وَطَنْسُ یَنْعُوَنْسَ، وَتُواْ یَیَ مَظَا نَ بِلْهَ دَ نَ ظِلْڢَ، مَاتَانْ بَابَنْسَ، سُكَنْيِ كِيوُانْ غَرْكٜىٰنْ دَبُّواْبِے تَرٜىٰ؞ يُوسُڢَ يَكَنْ بَا بَابَنْسَ لَابَرِ غَمٜىٰدَ مُوغَيٜىٰنْ أَيُّكَنْ دَ یَنْعُوَنْسَ سُكَنْ عَيْكَتَ؞

3إِسْرَٰٓءِيلَ كُوَ يَنَ ڧَوْنَرْ يُوسُڢَ ڢِيٜىٰدَ سَوْرَنْ یَیَنْسَ مَظَا، غَمَا أَنْحَيْڢِ يُوسُڢَ أَڟُوڢَرْسَ؞ إِسْرَٰٓءِيلَ يَيِ وَ يُوسُڢَ رِغَا مَيْ أَدُواْ؞

4عَمَّا دَ یَنْعُوَنْسَ سُكَ لُورَ ثٜىٰوَ بَابَنْسُ يَاڢِ ڧَوْنَرْ يُوسُڢَ ڢِيٜىٰدَ كُواْوَنّٜىٰنْسُ، سَيْ سُكَڧِ غَنِنْ يُوسُڢَ؞ بَاسَيِ مَسَ مَغَنَرْ أَلْحٜىٰرِ؞

5وَتَرَانَ يُوسُڢَ يَيِ مَڢَرْكِ، عَمَّا سَعَدَّ يَڢَطَا وَ یَنْعُوَنْسَ، سَيْ سُكَڧَارَ ڧِنْسَ؞

6يَثٜىٰ مُسُ «كُجِ وَنَّنْ مَڢَرْكِنْدَ نَيِ؞

7مُنَ طَوْرَ دَمُّنَنْ أَلْكَمَ أَغُواْنَ، سَيْغَاشِ دَمِنَ يَا تَاشِ يَا مِيڧٜىٰ أَڟَيٜىٰ؞ سَيْغَا نَاكُ دَمُّنَ سُنْ تَارُ كٜىٰوَيٜىٰ دَ نَوَ، سُكَ رُسُنَ وَ دَمِنَ؞»

8یَنْعُوَنْسَ سُكَثٜىٰ «كَنَ نُڢِ ذَاكَ ذَمَ سَرْكِے عَبِسَنْمُ؟ كُواْ كُوَ ذَاكَيِ مُلْكِ عَكَنْمُ؟» سَيْ سُكَڧَارَ ڧِنْسَ سَبُواْدَ مَڢَرْكَنْسَ دَ كُمَ مَغَنْ‌غَنُنْسَ؞

9سَيْ يُوسُڢَ يَسَاكٜىٰيِنْ وَنِ مَڢَرْكِ، يَكُمَ ڢَطَا وَیَنْعُوَنْسَ؞ يَثٜىٰ مُسُ «غَاشِ، نَسَاكٜىٰيِنْ وَنِ مَڢَرْكِ؞ نَغَ رَانَ دَ وَتَ دَ تَوْرَرِ غُواْمَشَا طَيَ سُنَ رُسُنَ مِنِ؞»

10عَمَّا سَعَدَّ يُوسُڢَ يَڢَطَا وَبَابَنْسَ دَ یَنْعُوَنْسَ، سَيْ بَابَنْسَ يَا ڟَاوَتَا مَسَ يَثٜىٰ «وَنٜىٰ إِرِنْ مَڢَرْكِ كٜىٰنَنْ كَيِ؟ كَنَ نُڢِ نِے دَ مَامَرْكَ دَ یَنْعُوَنْكَ ذَامُذُواْ غَبَنْكَ مُرُسُنَ مَكَ دَ ڢُسْكُواْكِنْمُ حَرْ ڧَسَا؟»

11یَنْعُوَنْ يُوسُڢَ سُكَيِ كِيشِنْسَ، عَمَّا بَابَنْ يَا ٻُواْيٜىٰ ذَنْثٜىٰنْ أَ ذُوثِيَارْسَ؞

12أَنَانً سَيْ یَنْعُوَنْسَ سُكَ تَڢِے كِيوُانْ غَرْكٜىٰنْ دَبُّواْبِنْ بَابَنْسُ كُسَدَ شٜىٰكٜىٰمْ؞

13سَيْ إِسْرَٰٓءِيلَ يَثٜىٰ وَ يُوسُڢَ «نَجِ یَنْعُوَنْكَ سُنَكِيوُاْ أَ شٜىٰكٜىٰمْ، ذُواْ إِنْ عَيْكٜىٰكَ وُرِنْسُ؞» سَيْ يُوسُڢَ يَأَمْسَ «غَانِ؞»

14بَابَنْسَ يَثٜىٰ وَ يُوسُڢَ «كَتَڢِے شٜىٰكٜىٰمْ وُرِنْ دَ یَنْعُوَنْكَ سُكٜىٰيِنْ كِيوُاْ، كَتَبَّتَرْ دَ لَاڢِيَرْسُ دَ تَدَبُّواْبِنْ، سَيْ كَدَاوُاْ مِنِ دَ لَابَرِنْسُ؞» دَغَ ݣُورِنْ هٜىٰبْرُوانْ نٜىٰ بَابَنْسَ يَعَيْكٜىٰشِ؞ يُوسُڢَ كُوَ يَا إِسَ شٜىٰكٜىٰمْ،

15يَنَ تَيَٰوُاْ أَدَاجِ، حَرْ سَيْ دَ وَنِ مُتُمْ يَسَامٜىٰشِ يَتَمْبَيٜىٰشِ «مٜىٰكَكٜىٰ نٜىٰمَ؟»

16يُوسُڢَ يَأَمْسَ «إِنَ نٜىٰمَنْ یَنْعُوَنَ وَطَنْدَ سُكٜىٰ كِيوُاْ أَنَنْ؞ كُواْ ذَاكَ عِيَ ڢَطَا مِنِ عِنْدَ سُكٜىٰ كِيوُاْ يَنْذُ؟»

17سَيْ مُتُمِنْ يَثٜىٰ «أَيْ، سُنْ تَڢِے كُواْ؞ غَمَا نَاجِ سُنَ ثٜىٰوَ ذَاسُتَڢِے دُواْتَنْ؞» سَيْ يُوسُڢَ يَبِے یَنْعُوَنْسَ ذُوَا دُواْتَنْ، يَكُوَ سَامٜىٰسُ أَوُرِنْ؞

18سَعَدَّ سُكَ هَنْ‌غُواْ شِ دَغَ نٜىٰسَ تُنْ بَيْذُواْ كُسَدَسُوبَ، سَيْ سُكَ حَطَ بَاكِ سُكَشٜىٰشِ؞

19سُكَثٜىٰ وَجُونَ «تُواْ، غَا سَرْكِنْ مَڢَرْكَنَّنْ ذُوَا؞

20ذُواْ مُكَشٜىٰشِ، مُجٜىٰڢَشِ عَثِكِنْ رِجِيَ مَرَرْ ضُوَ؞ سَعَنً سَيْمُثٜىٰ نَامَنْ دَاجِ نٜىٰ يَثِنْيٜىٰشِ؞ سَيْ مُغَ أَبِنْدَ ذَيْ ڢَرُ دَ مَڢَرْكَنْسَ؞»

21عَمَّا دَ رَعُبَيْنُ يَجِ حَكَ، سَيْ يَيِ ڧُواْڧَرِ يَكُٻُتَرْ دَشِ دَغَ حَنُّنْ یَنْعُوَنْ؞ يَثٜىٰمُسُ «كَدَ مُكَشٜىٰشِ؞»

22رَعُبَيْنُ يَكُمَ ثٜىٰ مُسُ «كَدَ مُظُبْدَ جِنِ؞ مُجٜىٰڢَشِ عَثِكِنْ رِجِيَ مَرَرْ ضُوَ أَنَنْ ثِكِنْ دَاجِنْ؞ عَمَّا كُواْ كَطَنْ كَدَ حَنُّنْكُ يَتَٻَ شِ؞» يَايِ حَكَ دَ نُڢِنْ يَجُويَ يَڢِتَرْ دَ يُوسُڢَ، يَمَيَرْ دَشِ وُرِنْ بَابَنْسَ؞

23سَعَدَّ يُوسُڢَ يَكَيْ وُرِنْ یَنْعُوَنْسَ، سُكَ تُوٻٜىٰ رِغَرْسَ، وَنَّنْ رِغَا مَيْ أَدُواْ وَدَّ يَسَا؞

24سَيْ سُكَ طَوْكٜىٰشِ سُكَجٜىٰڢَ شِ عَثِكِنْ وَتَ رِجِيَ مَرَرْ ضُوَ؞

25سَعَنً سُكَ ذَوْنَ دُواْمِنْ سُثِ عَبِنْثِ؞ عَمَّا دَسُكَ طَغَ عِدَنُونْسُ، سَيْ سُكَ حَنْ‌غِ ڧُنْ‌غِيَرْ إِسْمَٰعِيلَاوَا سُنَ ذُوَا دَغَ غِلٜىٰيَدْ، تَرٜىٰدَ رَاڧُمَنْسُ سُنَ طَوْكٜىٰ دَ كَايَنْ ڧَنْشِ إِرِ إِرِ، وَتُواْ نَمَاغَنِ دَ نَتُرَارٜىٰ، سُنَ حَنْيَ ذَاسُ غَنْ‌غَرَ دَسُو ذُوَا مَصَرْ؞

26سَعَنً يَهُودَ يَثٜىٰ وَیَنْعُوَنْسَ «مٜىٰ ذَيْ أَمْڢَانٜىٰمُ عِدَنْ مُكَ كَشٜىٰ طَنْعُوَنْمُ، مُكَ ٻُواْيٜىٰ أَسِيرِنْ ظُبْدَ جِنِنْسَ؟

27ذُواْ مُسَيَرْ دَشِ غَ إِسْمَٰعِيلَاوَنْ نَنْ؞ كَدَ مُبَرْ حَنُّوَنْمُ سُتَٻَشِ، غَمَا شِے ڢَا طَنْعُوَنْمُ نٜىٰ، جِنِنْمُ كُمَ؞» یَنْعُوَنْسَ كُوَ سُكَ يَرْدَ دَ شَوَرَرْسَ؞

28دَ یَنْ كَاسُوَ نَ إِسْمَٰعِيلَاوَا دَغَ مَدْيَنَ سُكَذُواْ وُثٜىٰوَ سَيْ یَنْعُوَنْ يُوسُڢَ سُكَ ڢِتَرْدَشِ دَغَ رِجِيَرْ؞ سُكَ سَيَرْ دَشِ غَ إِسْمَٰعِيلَاوَنْ نَنْ عَكَنْ كُطِنْ أَظُرْڢَا عَشِرِنْ؞ عَكَ طَوْكٜىٰشِ ذُوَا مَصَرْ؞

29لُواْكَثِنْ دَ رَعُبَيْنُ يَدَاوُاْ وُرِنْ رِجِيَرْ يَغَ بَابُ يُوسُڢَ، سَيْ يَيَيَّاغٜىٰ رِيغُنَنْسَ دُواْمِنْ بَڧِنْ ثِكِ؞

30يَكُواْمَ وُرِنْ یَنْعُوَنْسَ يَثٜىٰ مُسُ «يَرُوانْ بَايَنَنْ؞ نِے كُمَ، مٜىٰ ذَنْيِ؟»

31سَيْ سُكَ طَوْكِ رِغَرْ يُوسُڢَ سُكَ كَشٜىٰ عَكُيَ، سُكَ ڟُواْمَ رِغَرْ عَثِكِنْ جِنِنْ؞

32سُكَ كَٰوُاْ رِغَا مَيْ أَدُواْ دَ جِنِنْ عَكَيْ وُرِنْ بَابَنْسُ، سُكَثٜىٰ «مُنْ سَامِ وَنَّنْ، دُوبَ، كُواْ رِغَرْ طَنْكَ نٜىٰ كُواْ بَابُ؞»

33يَعْڧُوبَ يَاغَانٜىٰ رِغَرْ، سَيْيَثٜىٰ «رِغَرْ طَانَنٜىٰ! نَامَنْ دَاجِ يَاثِنْيٜىٰشِ! بَاشَكَّ أَنْيَيَّاغٜىٰ يُوسُڢَ!»

34سَيْ يَعْڧُوبَ يَيَيَّاغٜىٰ رِغَرْسَ، يَسَا رِيغُنَنْ نُونَ بَڧِنْ ثِكِ؞ يَاطَوْكِ ڟَوُانْ لُواْكَثِ يَنَ كُوكَا دُواْمِنْ طَنْسَ؞

35دُكَنْ یَیَنْسَ مَظَا دَ مَاتَا سُكَتَاشِ دُواْمِنْ سُتَعَظَنْتَرْ دَشِ؞ عَمَّا يَا ڧِ تَعَظِيَّرْسُ، يَثٜىٰ «ذَنْيِ تَكُوكَنْسَ حَرْ سَيْ نَغَنْ‌غَرَ ذُوَا وُرِنْ طَانَ أَوُرِنْ ذَمَنْ مَتَتُّو؞» تَهَكَ كُوَ بَابَنْ يُوسُڢَ يَثِيغَبَدَ مَكُواْكِنْسَ؞

36أَنَ حَكَ، أَشٜىٰ، إِسْمَٰعِيلَاوَا دَغَ مَدْيَنَ سُنْرِغَا سُنْسَيَرْ دَ يُوسُڢَ غَ ڢُواْتِڢَرْ شُوغَبَنْ یَنْ غَادِنْ سَرْكِے ڢِرْعَوْنَ نَ مَصَرْ؞

← Chapter 36 Jump to: Chapter 38 →