Genesis 42

Hausa Arabic 2020 (أَتَّوْرَتْ دَ أَنَّبَاوَا)

← Chapter 41 Jump to: Chapter 43 →

1لُواْكَثِنْ دَ يَعْڧُوبَ يَجِ ثٜىٰوَ أَݣَويْ حَڟِ أَ مَصَرْ، سَيْيَثٜىٰ وَیَیَنْسَ «دُوانْمٜىٰ كُكٜىٰ ذَمَ كُنَ كَلُّوانْ جُونَ حَكَ؟

2غَاشِ نَجِ ثٜىٰوَ أَݣَويْ حَڟِ أَ مَصَرْ؞ كُغَنْ‌غَرَ وُرِنْ كُسَيُواْ مَنَ، دُواْمِنْ مُسَامُ مُرَايُ كَدَ مُمُتُ؞»

3سَيْ یَنْعُوَنْ يُوسُڢَ غُواْمَ سُكَ غَنْ‌غَرَ ذُوَا مَصَرْ، دُواْمِنْ سُسَيُواْ حَڟِ؞

4عَمَّا يَعْڧُوبَ بَيْ عَيْكِ بِلِيَامِنُ تَرٜىٰدَ سَوْرَنْ یَنْعُوَنْ يُوسُڢَ بَ، غَمَا يَنَ ڟُواْرُواْ كَدَ وَنِ أَبُ يَڢَرُ دَشِ؞

5تَهَكَ یَیَنْ يَعْڧُوبَ سُكَ إِسَ مَصَرْ تَرٜىٰدَ سَوْرَنْ مُتَنٜىٰنْ دَ سُكَ تَڢِے دُواْمِنْ سَيٜىٰنْ حَڟِ، غَمَا يُنْوَرْ تَا كَيْ يَنْكِنْ كَنْعَنَ؞

6يُوسُڢَ كُوَ شِينٜىٰ ڠُومْنَنْ ڧَسَرْ، شِينٜىٰ كُمَ مَيْسَيَرْ دَ حَڟِ غَ دُكَنْ مُتَنٜىٰنْ ڧَسَرْ؞ سَيْ یَنْعُوَنْ يُوسُڢَ سُكَذُواْ غَبَنْسَ سُكَ رُسُنَ دَ ڢُسْكُواْكِنْسُ حَرْ ڧَسَا؞

7دَ يُوسُڢَ يَغَ یَنْعُوَنْسَ سَيْ يَغَانٜىٰ دَسُو، عَمَّا يَا مَيْدَسُو كَمَرْ بَاڧِ، يَيِ مُسُ مَغَنَ دَ ذَاڢِ؞ يَثٜىٰ مُسُ «دَغَ إِنَا كُكَ ڢِتُواْ؟» سُكَثٜىٰ «دَغَ ڧَسَرْ كَنْعَنَ دُواْمِنْ مُسَيِ عَبِنْثِ؞»

8كُواْدَيَكٜىٰ يُوسُڢَ يَاغَانٜىٰ دَ یَنْعُوَنْسَ، سُو بَسُ غَانٜىٰ شِيبَ؞

9سَيْ يُوسُڢَ يَغَانٜىٰ دَ مَڢَرْكَنْ دَ دَا يَيِ عَكَنْسُ؞ يَثٜىٰ مُسُ «كُو مَاسُ لٜىٰڧٜىٰنْ أَسِيرِ نٜىٰ، كُنْذُواْ نٜىٰ دُواْمِنْ كُغَ عِنْدَ بَامُ دَ ڧَرْڢِے عَڧَسَرْ؞»

10سُكَثٜىٰ وَ يُوسُڢَ «أَعَ، رَنْكَيَدَطٜىٰ، مُنْ ذُواْ نٜىٰ دُواْمِنْ مُسَيِ عَبِنْثِ؞

11مُو دُكَ یَیَنْ مُتُمْ غُدَا نٜىٰ، مَاسُ غَسْكِيَ، مُو كُمَ بَ یَنْ لٜىٰڧٜىٰنْ أَسِيرِ بَنٜىٰ؞»

12يُوسُڢَ يَثٜىٰ «أَعَ! كُو دَيْ كُنْذُواْ كُغَ عِنْدَ ڧَسَرْمُ بَاتَ دَڧَرْڢِے نٜىٰ؞»

13سَيْ سُكَثٜىٰ «رَنْكَيَدَطٜىٰ، مُو بَايِنْكَ یَنْعُوَ نٜىٰ غُواْمَشَا بِيُ، كُمَ یَیَنْ مُتُمْ غُدَا عَڧَسَرْ كَنْعَنَ؞ أَوْتَنْمُ يَنَ تَرٜىٰدَ بَابَنْمُ، طَيَنْمُ كُمَ بَاشِ دَ رَيْ؞»

14عَمَّا يُوسُڢَ يَثٜىٰ مُسُ «كَمَرْ يَدَّ دَيْ نَڢَطَا مُكُ، كُو یَنْ لٜىٰڧٜىٰنْ أَسِيرِ نٜىٰ!

15غَا يَدَّ ذَنْ ڠُودَكُ، نَا ضَنْڟٜىٰ دَ رَنْ ڢِرْعَوْنَ، بَذَاكُ ڢِتَ دَغَ وُرِنَّنْ بَ، سَيْ أَوْتَنْكُ يَا ذُواْ نَنْ؞

16كُ عَيْكِ طَيَ دَغَ ثِكِنْكُ يَكَٰوُاْ طَنْعُوَنْكُ؞ عَمَّا سَوْرَنْكُ، ذَاعَ كُلّٜىٰكُ دُواْمِنْ عَتَبَّتَرْ دَ مَغَنَرْكُ، كُواْ أَݣَويْ غَسْكِيَ عَثِكِنْكُ؞ عِدَنْ بَهَكَبَ، نَا ضَنْڟٜىٰ دَ رَنْ ڢِرْعَوْنَ، كُو یَنْ لٜىٰڧٜىٰنْ أَسِيرِ نٜىٰ!»

17سَيْ يَكُلّٜىٰسُ دُكَ ثِكِنْ كُرْكُكُ حَرْ ݣُونَ عُكُ؞

18أَ رَانَ تَ عُكُ سَيْ يُوسُڢَ يَثٜىٰ مُسُ «تُواْ، غَا أَبِنْدَ ذَاكُيِ دُواْمِنْ كُرَايُ، غَمَا نِے مَيْ ڟُواْرُوانْ اللَّهْ نٜىٰ؞

19عِدَنْ كُو مَاسُ غَسْكِيَ نٜىٰ، بَرِ طَيَ دَغَ ثِكِنْكُ يَذَوْنَ أَنَنْ كُرْكُكُ، سَعَنً سَوْرَنْ سُكَيْوَ عِيَلَنْكُ دَسُكٜىٰ ثِكِنْ يُنْوَ حَڟِ؞

20سَعَنً سَيْ كُكَٰوُاْ مِنِ أَوْتَنْكُ؞ عِدَنْ كُكَيِ حَكَ ذَنْ تَبَّتَرْ دَ مَغَنَرْكُ، بَذَاعَ كُوَ كَشٜىٰكُبَ؞» حَكَ كُوَ سُكَ يَرْدَ سُيِ؞

21سَيْ سُكَثٜىٰ وَجُونَنْسُ عَيَرٜىٰنْسُ «أَ عَيْنِحِنْ غَسْكِيَ، أَلْحَكِنْ طَنْعُوَنْمُ نٜىٰ يَكٜىٰبِنْمُ دَيَكٜىٰ مُنْ غَا عَذَابَرْسَ سَعَدَّ يَكٜىٰ ضُواْڧُوانْمُ مُتَيْمَكٜىٰشِ، عَمَّا مُكَڧِ جِنْسَ؞ سَبُواْدَ حَكَنٜىٰ وَنَّنْ عَذَابَ تَسَوْكُواْ مَنَ؞»

22سَيْ رَعُبَيْنُ يَأَمْسَ مُسُ يَثٜىٰ «أَهَ! بَنْ ڢَطَا مُكُبَ ثٜىٰوَ كَدَ كُيِ وَيَرُواْنَّنْ وَنِ أَبُبَ؟ كُكَڧِ كُجِنِ؞ تُواْ، يَوْ أَلْحَكِنْ جِنِنْسَ نٜىٰ مُكٜىٰبِيَ؞»

23بَسُ سَنِبَ، أَشٜىٰ يُوسُڢَ يَنَ جِنْسُ، غَمَا دَا مَا يُوسُڢَ يَنَ مَغَنَ دَسُو تَوُرِنْ تَڢِنْتَ؞

24سَيْ يُوسُڢَ يَجُويَ وَنِ وُرِے، يَيِ كُوكَا؞ سَيْ يَسَاكٜىٰ كُواْمَاوَا وُرِنْسُ يَيِ مَغَنَ دَسُو؞ يَا طَوْكِ سِمٜىٰيُوانْ دَغَ ثِكِنْسُ يَسَا أَطَوْرٜىٰشِ أَعِدَنُونْسُ؞

25يُوسُڢَ يَا عُمَرْتَ عَثِكَ بُهُنَنْ یَنْعُوَنْسَ دَ حَڟِ، عَكُمَ مَيَرْ وَكُواْوَ كُطِنْسَ ثِكِنْ بُهُنْسَ، عَكُمَ بَاسُ عَبِنْثِ دُواْمِنْ سُثِ أَ حَنْيَ؞ حَكَ كُوَ عَكَيِ مُسُ؞

26سُكَيِ وَجَاكُنَنْسُ لُواْدِنْ حَڟِ، سُكَ كَامَ حَنْيَ؞

27دَ طَيَ عَثِكِنْسُ يَبُوطٜىٰ بُهُنْسَ، دُواْمِنْ يَبَا جَاكِنْسَ عَبِنْثِ سَعَدَّ سُكَيِ ذَنْ‌غُواْ، سَيْ يَغَ كُطِنْسَ عَبَاكِنْ بُهُنْسَ؞

28سَيْيَثٜىٰ وَیَنْعُوَنْسَ «غَاشِ، أَنْمَيَرْ مِنِ دَ كُطِنَ! يَنَنً عَبُهُنَ؞» سَيْغَابَنْسُ يَڢَاطِ، سُكَ جُويَا سُنَ كَلُّوانْ جُونَ سُنَ ضَوَرْ جِكِے سُنَثٜىٰوَ «مٜىٰ كٜىٰنَنْ اللَّهْ يَيِ مَنَ؟»

29سَعَدَّ سُكَذُواْ وُرِنْ بَابَنْسُ يَعْڧُوبَ عَڧَسَرْ كَنْعَنَ، سَيْ سُكَ ڢَطَا مَسَ دُكَنْ أَبِنْدَ يَڢَرُ دَسُو؞

30«ڠُومْنَنْ مَصَرْ يَيِ مَنَ مَغَنَ دَ ذَاڢِ، يَا طَوْكٜىٰمُ یَنْ لٜىٰڧٜىٰنْ أَسِيرِنْ ڧَسَا نٜىٰ؞

31عَمَّا مُكَثٜىٰ مَسَ، ‹مُو مُتَنٜىٰنٜىٰ مَاسُ غَسْكِيَ، بَیَنْ لٜىٰڧٜىٰنْ أَسِيرِبَ؞

32مُو یَنْعُوَ نٜىٰ، مَظَا غُواْمَشَا بِيُ عَبَابَنْمُ؞ طَيَ بَاشِ دَ رَيْ، طَنْ أَوْتَنْ كُمَ يَنَ تَرٜىٰدَ بَابَنْمُ عَڧَسَرْ كَنْعَنَ؞›

33سَيْ مُتُمِنْ، وَتُواْ ڠُومْنَنْ ڧَسَرْ، يَثٜىٰ مَنَ، ‹تُواْ، غَا يَدَّ ذَنْسَنِ كُواْ كُو مُتَنٜىٰ مَاسُ غَسْكِيَ نٜىٰ، كُبَرْ طَنْعُوَنْكُ طَيَ تَرٜىٰدَنِ، كُطَوْكِ حَڟِ دُواْمِنْ عِيَلَنْكُ وَطَنْدَ سُكٜىٰ ثِكِنْ يُنْوَ، كُتَڢِے؞

34كُكَٰوُاْ مِنِ أَوْتَنْكُ، تَهَكَ ذَنْ سَنِ ثٜىٰوَ كُو بَیَنْ لٜىٰڧٜىٰنْ أَسِيرِ بَنٜىٰ، عَمَّا مُتَنٜىٰ مَاسُ غَسْكِيَ نٜىٰ؞ ذَنْكُوَ مَيَرْ مُكُ طَنْعُوَنْكُ، كُكُمَيِ تَكَاسُوَنْثِ عَڧَسَرْ؞› »

35سَعَدَّ سُكٜىٰ جُويٜىٰ حَڟِنْ بُهُنَنْسُ، سَيْ كُواْوَ يَغَ كُطِنْسَ عَثِكِ؞ دَ سُو دَ بَابَنْسُ سُكَغَ ڧُنْشِنْ كُطَطٜىٰنْسُ، سَيْ سُكَجِڟُواْرُواْ؞

36سَيْ يَعْڧُوبَ يَثٜىٰ مُسُ «نِنٜىٰ كُكَ جَٰوُاْ مِنِ رَشِ؞ يُوسُڢَ بَايَنَنْ، سِمٜىٰيُوانْ شِے مَا بَايَ نَنْ، يَنْذُ كُمَ بِلِيَامِنُ ذَاكُطَوْكَ؞ نِنٜىٰ كَطَيْ كُوَ مَيْجِنْ دَ دَامُوَرْ نَنْ!»

37سَعَنً رَعُبَيْنُ يَيِ مَغَنَ دَ بَابَنْسَ يَثٜىٰ «بَرِ كَكَشٜىٰ یَیَنَ مَظَا بِيُ عِدَنْ بَنْدَاوُاْ تَرٜىٰدَ يَرُوانْ وُرِنْكَبَ؞ كَيْ دَيْ كَسَاشِ أَ هَنُّونَ، ذَنْ كُوَ دَاوُاْ مَكَ دَشِ؞»

38عَمَّا يَعْڧُوبَ يَثٜىٰ «طَانَ بَذَيْ غَنْ‌غَرَ تَرٜىٰدَكُوبَ؞ غَمَا طَنْعُوَنْسَ يَا مُتُ، شِينٜىٰ كَطَيْ كُوَ يَرَغُ؞ عِدَنْ كُوَ وَنِ أَبُ يَا سَامٜىٰشِ أَ حَنْيَ عَثِكِنْ تَڢِيَرْكُ، ذَاكُسَلَّمِ ڢَضٍ كَنَّنْ نَوَ ذُوَا وُرِنْ ذَمَنْ مَتَتُّو ثِكِنْ بَڧِنْ ثِكِ؞»

← Chapter 41 Jump to: Chapter 43 →