Genesis 40

Hausa Arabic 2020 (أَتَّوْرَتْ دَ أَنَّبَاوَا)

← Chapter 39 Jump to: Chapter 41 →

1وَنِ لُواْكَثِ بَايَنْدَ أَبُبُوَنَّنْ سُكَ ڢَرُ، سَيْ شُوغَبَنْ مَاسُ مِيڧَا وَسَرْكِے أَبِنْ شَا دَ شُوغَبَنْ مَاسُ غَسَ وَسَرْكِے غُرَاسَ سُكَيِ وَمَيْغِدَنْسُ سَرْكِنْ مَصَرْ لَيْڢِے؞

2سَيْ سَرْكِے ڢِرْعَوْنَ يَيِ ڢُشِے دَ مَاسُ عَيْكِنَّنْ بِيُ سُواْسَيْ؞

3يَكُلّٜىٰسُ أَغِدَنْ شُوغَبَنْ یَنْ غَادِنْ سَرْكِے، عَكُرْكُكُنْ دَ عَكَ كُلّٜىٰ يُوسُڢَ؞

4سُكَ كَسَنْثٜىٰ عَكُرْكُكُ نَطَنْ ڟَوُانْ لُواْكَثِ، شُوغَبَنْ یَنْ غَادِنْ كُوَ يَسَاسُ عَڧَرْڧَشِنْ يُوسُڢَ؞

5أَ دَرٜىٰ طَيَ، سَيْ مَيْ مِيڧَا وَسَرْكِے أَبِنْ شَا دَ مَيْ غَسَ وَسَرْكِے غُرَاسَ، دُكَنْسُ بِيُ سُكَيِ مَڢَرْكِ لُواْكَثِنْ دَسُكٜىٰ ثِكِنْ كُرْكُكُ؞ كُواْوَنّٜىٰنْسُ كُوَ دَ مَڢَرْكِنْسَ دَبَمْ دَ كُمَ ڢَسَّرَرْسَ؞

6سَعَدَّ يُوسُڢَ يَذُواْ وُرِنْسُ دَ سَڢٜىٰ، يَغَنْسُ سُنْ دَامُ سُواْسَيْ؞

7سَيْ يَتَمْبَيِ مَاسُ عَيْكِنَّنْ بِيُ نَ ڢِرْعَوْنَ، وَطَنْدَ سُكٜىٰ تَرٜىٰ دَشِ عَكُرْكُكُنْ مَيْغِدَنْسَ، يَثٜىٰ «دُوانْمٜىٰ كُكَ ٻَاتَ ڢُسْكُواْكِنْكُ يَوْ حَكَ؟»

8سُكَثٜىٰ مَسَ «مُنْيِ مَڢَرْكَيْ نٜىٰ، كُمَ بَابُوَنْدَ ذَيْ يِمَنَ ڢَسَّرَرْسُ؞» سَيْ يُوسُڢَ يَأَمْسَ يَثٜىٰ «شِنْ، بَ أَوُرِنْ اللَّهْ نٜىٰ عَكَنْ سَامِ ڢَسَّرُواْرِ بَ؟ كُڢَطَا مِنِسُ، إِنَضُواْڧُوانْكُ؞»

9سَبُواْدَ حَكَ سَيْ شُوغَبَنْ مَاسُ مِيڧَا وَسَرْكِے أَبِنْ شَا يَڢَطَا وَ يُوسُڢَ مَڢَرْكِنْسَ؞ يَثٜىٰ مَسَ «أَ مَڢَرْكِنَ نَغَ إِتَاثٜىٰنْ إِنَبِے أَغَبَنَ؞

10عَ إِتَاثٜىٰنْ أَݣَويْ رٜىٰشٜىٰ عُكُ؞ دَظَرَرْ سُكَ ڢَارَ ڢِتَرْدَ غَنْيٜىٰ، سَيْ ڢُلَوَ سُكَ بَيَّنَ، كُمَ بَعَجِمَبَ سَيْغَا یَیَنْ إِنَبِے سُكَ نُونَ عَكَيْ؞

11نِے كُوَ، إِنَرِڧٜىٰ دَ ݣُوڢْ نَ ڢِرْعَوْنَ أَ هَنُّونَ؞ سَيْ نَطَوْكِ یَیَنْ إِنَبِنْ نَامَڟٜىٰ عَݣُوڢْ طِنْ، نَسَاوَ ڢِرْعَوْنَ أَ حَنُّ؞»

12سَعَنً يُوسُڢَ يَثٜىٰ مَسَ «تُواْ، غَا ڢَسَّرَرْ مَڢَرْكِنْكَ، رٜىٰشٜىٰ عُكُنَّنْ ݣُونَ عُكُنٜىٰ؞

13بَايَنْ ݣُونَ عُكُ، ڢِرْعَوْنَ ذَيْثِرُواْكَ دَغَ كُرْكُكُ، يَمَيَرْ دَكَيْ أَمَڟَيِنْكَ، ذَاكَ كُمَسَا ݣُوڢْ نَ ڢِرْعَوْنَ أَ حَنُّنْسَ كَمَرْ يَدَّ دَا كَكٜىٰيِ مَسَ؞

14عَمَّا كَتُنَ دَنِے، سَعَدَّ أَبِنْدَ نَڢَطَا يَثِكَ عَكَنْكَ؞ كَيِ مِنِ أَلْحٜىٰرِ كَيِ وَ ڢِرْعَوْنَ مَغَنَ غَمٜىٰدَنِ، دُواْمِنْ أَ ڢِتَرْ دَنِے دَغَ وَنَّنْ وُرِے؞

15غَمَا حَڧِيڧَ أَنْسَاثٜىٰنِ نٜىٰ دَغَ ڧَسَرْ إِبْرَانِيَاوَا؞ أَ نَنْ ڧَسَرْ مَصَرْ كُمَ بَنْيِ وَنِ أَبِنْدَ يَ إِسَ أَ سَانِ عَكُرْكُكُبَ؞»

16سَعَدَّ شُوغَبَنْ مَاسُ غَسَ وَسَرْكِے غُرَاسَ يَغَ ڢَسَّرَرْ نَنْ تَايِ ݣَوْ، سَيْ يَڢَطَا وَ يُوسُڢَ نَاسَ يَثٜىٰ «نِے مَا نَيِ مَڢَرْكِ؞ أَ مَڢَرْكِنَ نَغَ ݣُونْدُنَ عُكُ نَوَيْنَ عَكَيْنَ؞

17عَݣُونْدُوانْ دَيَكٜىٰ بِسَ دُكَ أَݣَويْ عَبِنْثِ إِرِ إِرِ دَ عَكَيِ دُواْمِنْ ڢِرْعَوْنَ، عَمَّا ڟُنْڟَيٜىٰ سُنَ تَثِ دَغَ ثِكِنْ ݣُونْدُوانْ دَيَكٜىٰ عَكَيْنَ؞»

18يُوسُڢَ يَأَمْسَ يَثٜىٰ «غَا ڢَسَّرَرْ مَڢَرْكِنْ، ݣُونْدُنَ عُكُنَّنْ ݣُونَ عُكُنٜىٰ؞

19عَثِكِنْ ݣُونَ عُكُ ڢِرْعَوْنَ ذَيْثِرٜىٰ كَنْكَ دَغَ جِكِنْكَ، يَرَاتَيٜىٰ جِكِنْكَ عَكَنْ إِتَاثٜىٰ؞ ڟُنْڟَيٜىٰ كُوَ ذَاسُثِ نَامَنْ جِكِنْكَ؞»

20أَ رَانَ تَ عُكُ، وَدَّ عِتَثٜىٰ رَانَرْ تُنَاوَا دَ حَيْڢُوَرْ ڢِرْعَوْنَ، ڢِرْعَوْنَ يَيِ وَدُكَنْ دَتَّاوَنْسَ بِكِ؞ سَيْ يَثِرٜىٰ شُوغَبَنْ مَاسُ مِيڧَا وَسَرْكِے أَبِنْ شَا دَ شُوغَبَنْ مَاسُ غَسَ وَسَرْكِے غُرَاسَ دَغَ كُرْكُكُ، يَكَٰوُاْسُ غَبَنْ دَتَّاوَنْسَ؞

21سَيْ يَمَيَرْ دَ شُوغَبَنْ مَاسُ مِيڧَا وَسَرْكِے أَبِنْ شَا أَمَڟَيِنْسَ نَدَا، يَا كُوَ بَا ڢِرْعَوْنَ ݣُوڢْ أَ حَنُّنْسَ؞

22عَمَّا يَا رَاتَيٜىٰ شُوغَبَنْ مَاسُ غَسَ وَسَرْكِے غُرَاسَ دَيْدَيْ يَدَّ يُوسُڢَ يَيِ مُسُ ڢَسَّرَ؞

23عَمَّا شُوغَبَنْ مَاسُ مِيڧَا وَسَرْكِے أَبِنْ شَا بَيْ كُواْ تُنَدَ يُوسُڢَ بَ، يَا مَنْتَادَشِ؞

← Chapter 39 Jump to: Chapter 41 →