Genesis 43

Hausa Arabic 2020 (أَتَّوْرَتْ دَ أَنَّبَاوَا)

← Chapter 42 Jump to: Chapter 44 →

1يَنْذُ يُنْوَ كُوَ تَايِ ڟَنَنِ عَڧَسَرْ؞

2سَعَدَّ سُكَ ڧَارٜىٰ ثِنْ حَڟِنْ دَ سُكَ كَٰوُاْ دَغَ مَصَرْ، سَيْ بَابَنْسُ يَثٜىٰ مُسُ «كُكُواْمَ كُسَيُواْ مَنَ طَنْ عَبِنْثِ؞»

3عَمَّا يَهُودَ يَا أَمْسَ مَسَ يَثٜىٰ «مُتُمِنْ ڢَا يَا جَا مَنَ كُنّٜىٰ سُواْسَيْ ثٜىٰوَ إِنْ بَاتَرٜىٰدَ أَوْتَنْمُ بَ، بَذَامُ غَا ڢُسْكَرْسَبَ؞

4عِدَنْ ذَاكَ عَيْكَ طَنْعُوَنْمُ تَرٜىٰدَمُو، ذَامُ غَنْ‌غَرَ مُسَيُواْ مَكَ عَبِنْثِ؞

5عَمَّا عِدَنْ بَذَاكَ تُورَشِ دَمُوبَ، بَذَامُ غَنْ‌غَرَ وُرِنْبَ، غَمَا مُتُمِنْ يَا ثٜىٰ، ‹بَذَاكُ غَا ڢُسْكَتَبَ، سَيْدَيْ كُنَ تَرٜىٰدَ أَوْتَنْكُ؞› »

6سَيْ إِسْرَٰٓءِيلَ يَثٜىٰ «دُوانْمٜىٰ كُكَ ثُوثٜىٰنِ حَكَ، مٜىٰيَسَا كُكَ ڢَطَا وَمُتُمِنَّنْ كُنَدَ وَنِ طَنْعُوَ؟»

7سُكَ أَمْسَ «أَيْ، مُتُمِنْ نٜىٰ يَيِ تَتَمْبَيَ عَكَنْمُ دَ دَنْ‌غِنْمُ يَنَ ثٜىٰوَ ‹بَابَنْكُ يَنَدَ رَيْ حَرْ يَنْذُ؟ كُنَدَ وَنِ طَنْعُوَ؟› أَبِنْ دَ مُكَ ڢَطَا مَسَ أَمْسُواْشِنٜىٰ نَوَطَنَّنْ تَمْبَيُواْيِ؞ تَيَيَا ذَامُ عِيَ سَنِ ثٜىٰوَ ذَيْثٜىٰ، ‹كُذُواْ دَ طَنْعُوَنْكُ›؟»

8سَيْ يَهُودَ يَثٜىٰ وَبَابَنْسَ «كَعَيْكَ يَارُوانْ تَرٜىٰدَنِ، مُتَاشِ مُتَڢِے مُسَامِ عَبِنْثِ مُرَايُ؞ كَدَ مُمُتُ دَ مُو دَ كَيْ دَ يَارَنْمُ ڧَنَانَا؞

9نِے ذَنْطَوْكِ تَبَّثِنْ لَاڢِيَرْسَ، أَ هَنُّونَ ذَاكَ نٜىٰمٜىٰشِ؞ عِدَنْ بَنْ كُواْمُواْ مَكَ دَشِ حَرْ نَكَٰوُاْشِ أَغَبَنْكَبَ، بَرِ أَلْحَكِنْ يَذَوْنَ عَكَيْنَ حَرْ أَبَدَا؞

10غَمَا دَبَدُواْمِنْ مُنْ ٻَاتَ لُواْكَثِبَ دَ يَنْذُ مُنْ كُواْمَ سَوْ بِيُ كُواْ!»

11سَيْ بَابَنْسُ إِسْرَٰٓءِيلَ يَثٜىٰ مُسُ «تُواْ، عِدَنْ حَكَ يَا ذَمَ دُواْلٜىٰنٜىٰ، سَيْ كُطِبِے كَايَ مَڢِے ݣَوْ نَأَلْبَرْكَرْ ڧَسَرْمُ كُسَا ثِكِنْ بُهُنَنْكُ؞ كُكَيْ مَسَ ݣَوْتَا نَكَايَنْ ڧَنْشِ نَمَاغَنِ دَ نَتُرَارٜىٰ دَ ضُوً ظُمَ دَ یَیَنْ إِتَاثٜىٰنْ ڢِسْتَاشِيُواْ دَ نَأَلْمُوانْ؞

12كُطَوْكِ كُطِ وَنْدَ يَڢِ نَڢَرْكُواْ سَوْ بِيُ؞ كُرِڧٜىٰ كُطِنْ دَ عَكَ مَيَرْ مُكُ عَبُهُنَنْكُ، وَتَڧِيلَ كُسْكُرٜىٰ نٜىٰ عَكَيِ؞

13كُكُمَ طَوْكِ طَنْعُوَنْكُ، كُتَاشِ كُسَاكٜىٰ كُواْمَاوَا وُرِنْ مُتُمِنْ؞

14بَرِ اللَّهْ مَيْ إِيكُواْ دُكَ يَسَا مُتُمِنْ يَجِ تَوْسَيِنْكُ، حَرْ دَ ذَيْ مَيَرْ مُكُ طَيَنْ طَنْعُوَنْكُ تَرٜىٰدَ بِلِيَامِنُ؞ عَمَّا نِے، عِدَنْ رَشِ يَاذُواْ مِنِ، يَاذُواْ مِنِ كٜىٰنَنْ؞»

15سَيْ مُتَنٜىٰنْ سُكَ طَوْكِ ݣَوْتَرْ دَ كُطِنْ دَ يَڢِ نَڢَرْكُوانْ سَوْ بِيُ؞ سُكَ كُمَ طَوْكِ بِلِيَامِنُ؞ سَيْ سُكَتَاشِ سُكَ غَنْ‌غَرَ ذُوَا مَصَرْ، حَرْ ذُوَا غَبَنْ يُوسُڢَ؞

16سَعَدَّ يُوسُڢَ يَغَ بِلِيَامِنُ تَرٜىٰدَسُو، يَڢَطَا وَشُوغَبَنْ غِدَنْسَ يَثٜىٰ «كَشِغَرْدَ مُتَنٜىٰنْ ثِكِنْ غِدَا، كَايَنْكَ دَبَّ كَشِرْيَ، غَمَا مُتَنٜىٰنْ ذَاسُثِ عَبِنْثِنْ رَانَ دَنِے؞»

17مُتُمِنْ كُوَ يَيِ دَيْدَيْ يَدَّ يُوسُڢَ يَعُمَرْثٜىٰشِ، يَشِغَرْدَ مُتَنٜىٰنْ أَغِدَنْ يُوسُڢَ؞

18مُتَنٜىٰنْ سُكَجِڟُواْرُواْ يَدَّ عَكَ كَٰوُاْسُ ثِكِنْ غِدَنْ يُوسُڢَ؞ سَيْ سُكَثٜىٰ «أَيْ، سَبُواْدَ كُطِنْ دَ عَكَ مَيَرْ مَنَ ثِكِنْ بُهُنَنْمُ أَ ذُوَانْمُ نَڢَرْكُواْ، شِے يَسَا عَكَ شِغَرْ دَمُو؞ يَنَسُواْ يَنٜىٰمٜىٰمُ دَ دَلِيلِ يَكَامَمُ، يَمَيْدَمُو بَايِ، يَكُمَ ڨُوثٜىٰ جَاكُنَنْمُ؞»

19دُواْمِنْ حَكَ، سُكَ تَڢِے وُرِنْ شُوغَبَنْ غِدَنْ يُوسُڢَ، سُكَيِ مَغَنَ دَشِ عَڧُواْڢَرْ غِدَنْ؞

20سُكَثٜىٰ مَسَ «رَنْكَيَدَطٜىٰ، مُنْ ذُواْ عَكَرُواْ نَڢَرْكُواْ سَيٜىٰنْ عَبِنْثِ،

21عَمَّا دَ مُكَكَيْ ذَنْ‌غُوانْمُ مُكَبُوطٜىٰ بُهُنَنْمُ، سَيْغَا كُطِنْ كُواْوَنّٜىٰنْمُ عَبَاكِنْ بُهُنْسَ؞ كُطِنْ كُوَ يأَنَانً دَيْدَيْ؞ غَا كُطِنْ أَ حَنُّنْمُ، مُنْ مَيَرْ مَكَ دَشِ؞

22غَا كُمَ وَطَنْسُ كُطِنْ دَ مُكَ غَنْ‌غَرُواْ دَسُو مُڧَارَ سَيٜىٰنْ عَبِنْثِ؞ بَمُسَنْ وَنْدَ يَسَا كُطِنْ دَ مُكَ كَٰوُاْ دَ ڢَرْكُواْ أَ نَامُ بُهُنَنْبَ؞»

23شُوغَبَنْ غِدَنْ يَأَمْسَ يَثٜىٰ «كُݣُونْتَرْ دَ حَنْكَلِنْكُ، كَدَ كُجِڟُواْرُواْ؞ وَتَڧِيلَ اللَّهْ نْكُ، اللَّهْ نَبَابَنْكُ نٜىٰ يَسَا مُكُ دُوكِيَ عَبُهُنَنْكُ؞ كُطِنْ دَ كُكَبِيَ يَا ذُواْ هَنُّونَ؞» سَيْ يَڢِتُواْ مُسُ دَ سِمٜىٰيُوانْ؞

24شُوغَبَنْ غِدَنْ يَبِدَ مُتَنٜىٰنْ ذُوَا ثِكِنْ غِدَنْ يُوسُڢَ يَبَاسُ ضُوَ سُكَ وَنْكٜىٰ ڧَڢَاڢُنْسُ؞ سَيْ يَبَا جَاكُنَنْسُ عَبِنْثِ سُكَثِ؞

25سَيْ سُكَ شِرْيَ ݣَوْتَنْسُ دُواْمِنْ يُوسُڢَ إِنْ يَا ذُواْ دَ رَانَ دَيَكٜىٰ سُنْجِ ثٜىٰوَ ذَاسُثِ عَبِنْثِ تَرٜىٰدَشِ أَوُرِنْ؞

26دَ يُوسُڢَ يَكُواْمُواْ غِدَا، سَيْ سُكَ كَٰوُاْ مَسَ ݣَوْتَنْ دَ سُكَ شِغُواْ دَسُو، سُكَ رُسُنَ مَسَ دَ ڢُسْكَرْسُ حَرْ ڧَسَا؞

27سَيْ يَتَمْبَيِ لَاڢِيَرْسُ يَثٜىٰ «بَابَنْكُ دَ كُكَيِ مَغَنَ يأَنَانً لَاڢِيَ؟ يَنَ دَ رَيْ حَرْ يَنْذُ؟»

28سُكَ أَمْسَ «بَاوَنْكَ، بَابَنْمُ يأَنَانً لَاڢِيَ؞» سَيْ سُكَ سُنْكُيَرْدَ كَوُنَنْسُ سُنَ رُسُنَ مَسَ؞

29سَيْ يُوسُڢَ يَا دُوبَ يَغَ طَنْعُوَنْسَ بِلِيَامِنُ، طَنْ دَ مَامَرْسَ تَحَيْڢَ، يَثٜىٰ «وَنَّنْ شِينٜىٰ أَوْتَنْكُ، وَنْدَ كُكَيِ مِنِ مَغَنَ عَكَنْسَ؟ اللَّهْ يَيِ مَكَ أَلْحٜىٰرِ، طَانَ!»

30دَ يُوسُڢَ يَجِ كَمَرْ ذَيْ يِكُوكَا سَبُواْدَ ذُوثِيَارْسَ تَا مُواْڟَ عَكَنْ طَنْعُوَنْسَ، سَيْ يَڢِتَ دَ سَوْرِ سَوْرِ يَنٜىٰمِ وُرِنْ يِنْ كُوكَا؞ يَا شِغَ طَاكِنْسَ، يَيِ كُوكَا؞

31سَعَنً يَاوَنْكٜىٰ ڢُسْكَرْسَ يَكُواْمُواْ وُرِنْسُ؞ يَاكَمٜىٰ كَنْسَ، يَسَا أَ رَبَ عَبِنْثِ؞

32سَيْ عَكَسَا مَسَ عَبِنْثِ أَوُرِنْسَ دَبَمْ، عَكَسَا وَیَنْعُوَنْسَ عَبِنْثِ أَوُرِنْسُ دَبَمْ، عَكَسَاوَ مَصَرَاوَا كُمَ عَبِنْثِ أَوُرِنْسُ دَبَمْ؞ سُنْيِ حَكَ غَمَا مَصَرَاوَا بَاسَثِنْ عَبِنْثِ تَرٜىٰدَ إِبْرَانِيَاوَا، سَبُواْدَ وَنَّنْ أَبِنْ ڨَمَ نٜىٰ غَ مَصَرَاوَا؞

33عَكَ ذَوْنَرْ دَ یَنْعُوَنْ يُوسُڢَ أَغَبَنْ يُوسُڢَ بِسَغَ شٜىٰكَرُنْسُ نَحَيْڢُوَ دَغَ بَبَّ ذُوَا ڧَرَمِ؞ یَنْعُوَنْ كُوَ سُكَ دُدُّوبِے جُونَ سُنَ مَامَاكِ؞

34دَغَ تٜىٰبُرِنْ دَيَكٜىٰ أَغَبَنْ يُوسُڢَ، عَكَ دِنْ‌غَ طِبَنْ رَبُوانْسُ أَنَ كَيْ مُسُ، عَمَّا رَبُوانْ بِلِيَامِنُ يَا ڢِے نَكُواْوَنّٜىٰنْسُ سَوْ بِيَرْ؞ سَيْ سُكَثِ سُكَشَا تَرٜىٰدَ يُوسُڢَ سُكَجِ وَرَنْسُ دَاطِے؞

← Chapter 42 Jump to: Chapter 44 →