Genesis 38

Hausa Arabic 2020 (أَتَّوْرَتْ دَ أَنَّبَاوَا)

← Chapter 37 Jump to: Chapter 39 →

1أَنَانً سَيْ يَهُودَ يَتَاشِ دَغَ وُرِنْ یَنْعُوَنْسَ، يَغَنْ‌غَرَ يَكَڢَ تٜىٰنْتِنْسَ كُسَدَ وَنِ مُتُمِنْ ڧَوْيٜىٰنْ أَدُلَّمْ؞ سُونَنْ مُتُمِنْ كُوَ حِرَ نٜىٰ؞

2أَوُرِنْ يَهُودَ يَغَ وَتَ مَثٜىٰ یَرْ مُتُمِنْ كَنْعَنَ، مَيْ سُونَ شُوحُ؞ يَهُودَ يَا عَوْرٜىٰتَ، يَݣُونَ دَ عِتَ،

3سَيْ تَيِ ثِكِ تَحَيْڢِ طَا، تَكِرَا سُونَنْسَ عٜىٰرْ؞

4تَا سَاكٜىٰيِنْ ثِكِ تَا حَيْڢِ طَا، تَا كِرَا سُونَنْسَ عُواْنَنْ؞

5تَا كُمَيِ وَنِ ثِكِ تَا حَيْڢِ طَا، تَا كِرَا سُونَنْسَ شٜىٰلَ؞ يَهُودَ يَنَ أَ كٜىٰظِبْ لُواْكَثِنْ دَ تَحَيْڢِ شٜىٰلَ؞

6سَيْ يَهُودَ يَسَامُواْ وَطَنْ ڢَارِنْسَ عٜىٰرْ مَتَ، سُونَنْتَ تَمَرْ؞

7عَمَّا عٜىٰرْ طَنْ يَهُودَ مُوغُ نٜىٰ أَعِدُوانْ يَهْوٜىٰهْ ، سَيْ يَهْوٜىٰهْ يَكَشٜىٰشِ؞

8سَعَنً يَهُودَ يَثٜىٰ وَ عُواْنَنْ «كَشِغَ وُرِنْ مَاتَرْ طَنْعُوَنْكَ، كَثِكَ حَكِّنْكَ نَطَنْعُوَنْ مَيْغِدَنْتَ؞ تَهَكَ ذَاعَ سَامُواْوَ طَنْعُوَنْكَ یَیَ؞»

9عَمَّا ڢَا عُواْنَنْ يَا سَنِ ثٜىٰوَ یَیَنْ بَذَاسُ ذَمَ نَاسَبَ؞ سَبُواْدَ حَكَ عِدَنْ يَا شِغَ وُرِنْ مَاتَرْ طَنْعُوَنْسَ يَكَنْ ظُبَرْ دَ مَنِيِّنْسَ عَڧَسَا، دُواْمِنْ كَدَ يَبَا طَنْعُوَنْسَ ذُرِيَ؞

10عَمَّا وَنَّنْ أَبِنْدَ يَيِ مُوغُنٜىٰ أَعِدُوانْ يَهْوٜىٰهْ ، شِے مَا يَهْوٜىٰهْ يَكَشٜىٰشِ؞

11سَعَنً يَهُودَ يَثٜىٰ وَ تَمَرْ مَاتَرْ طَنْسَ «كِكُواْمَ غِدَنْ بَابَنْكِ كِيِ ذَمَنْكِ كَمَرْ مَثٜىٰنْ دَ مِجِنْتَ يَمُتُ، حَرْ طَانَ شٜىٰلَ يَيِ غِرْمَ؞» يَا ڢَطِ حَكَ غَمَا يَنَ جِنْ ڟُواْرُواْ كَدَ شٜىٰلَ كُمَ يَمُتُ كَمَرْ يَدَّ یَنْعُوَنْسَ سُكَيِ؞ تَهَكَ تَمَرْ تَا تَڢِے تَيِ ذَمَ أَغِدَنْ بَابَنْتَ؞

12أَنَانً، یَرْ شُوحُ مَاتَرْ يَهُودَ تَمُتُ؞ بَايَنْدَ ݣُونَكِنْ كُوكَنْ مُتُوَرْتَ سُكَ وُثٜىٰ، سَيْ يَهُودَ دَ أَبُواْكِنْسَ حِرَ مُتُمِنْ أَدُلَّمْ سُكَ هَوْرَ ذُوَا غَرِنْ تِمْنَ وُرِنْ دَ مَاسُ أَسْكِنْ غَاشِنْ تُمَكِنْسَ سُكٜىٰ؞

13سَعَدَّ عَكَ ڢَطَا وَ تَمَرْ ثٜىٰوَ «غَاشِ، بَابَنْ مِجِنْكِ يَنَ هَوْرَاوَا ذُوَا تِمْنَ دُواْمِنْ يَ أَسْكٜىٰ تُمَكِنْسَ،»

14سَيْ تَمَرْ تَتُوٻٜىٰ رِغَرْ جِكِنْتَ نَ مَاتَانْدَ مَذَنْسُ سُكَ مُتُ؞ تَايِ لُلُّٻِ دَ ڠَلٜىٰ، تَرُڢٜىٰ كَنْتَ، تَذَوْنَ عَبَاكِنْ ڧُواْڢَرْ عٜىٰنَيِمْ، وَدَّ تَكٜىٰ أَ حَنْيَ ذُوَا تِمْنَ؞ غَمَا تَا غَنِ ثٜىٰوَ شٜىٰلَ يَيِ غِرْمَ عَمَّا بَعَسَا تَا ذَمَ مَاتَرْسَبَ؞

15سَعَدَّ يَهُودَ يَغَنْتَ، يَا طَوْكَ كُواْ كَارُوَ ثٜىٰ، دُواْمِنْ تَا رُڢٜىٰ ڢُسْكَرْتَ؞

16سَيْ يَتَڢِے وُرِنْتَ عَبَاكِنْ حَنْيَرْ يَثٜىٰ «كِذُواْ ذَنْݣُونَ دَكٜىٰ؞» يَثٜىٰ حَكَ غَمَا بَيْسَنْ عِتَ مَاتَرْ طَنْسَ بَثٜىٰ؞ سَيْ تَثٜىٰ «تُواْ، مٜىٰ ذَاكَ بَانِ دُواْمِنْ كَݣُونَ دَنِے؟»

17سَيْ يَأَمْسَ «ذَنْ عَيْكُواْ مِكِ دَ طَنْ عَكُيَ دَغَ غَرْكٜىٰنَ؞» سَيْ تَثٜىٰ «تُواْ، كُواْ أَݣَويْ وَنِ أَبِنْ شَيْدَ وَدَّ ذَاكَبَانِ ثٜىٰوَ ذَاكَ عَيْكُواْ دَ طَنْ عَكُيَ؟»

18سَيْ يَأَمْسَ «وَثٜىٰ إِرِنْ شَيْدَثٜىٰ ذَنْبَاكِ؟» سَيْ تَثٜىٰ «هَاتِمِنْكَ وَنْدَ يَنَ أَ رَاتَيٜىٰ أَوُيَنْكَ دَ كُمَ سَنْدَنْ تَڢِيَرْكَ؞» دُواْمِنْ حَكَ يَبَاتَسُ، سَيْ يَشِغَ يَݣُونَ دَ عِتَ، تَا كُوَ طَوْكِ ثِكِنْسَ؞

19تَمَرْ تَاتَاشِ تَاتَڢِے غِدَا، تَاثِرٜىٰ ڠَلٜىٰنْتَ، تَا سَاكٜىٰسَا رِغَرْ دَ مَاتَانْدَ مَذَنْسُ سُكَ مُتُ؞

20سَعَدَّ يَهُودَ يَعَيْكَ دَ طَنْ عَكُيَ تَهَنُّنْ أَبُواْكِنْسَ مُتُمِنْ أَدُلَّمْ، دُواْمِنْ يَكَرْٻِ كَايَنْ شَيْدَرْ دَ يَبَايَرْ، بَيْ سَامٜىٰتَبَ؞

21سَيْ مُتُمِنْ أَدُلَّمْ نَنْ يَتَمْبَيِ مُتَنٜىٰنْ دَسُكٜىٰ أَوُرِنْ يَثٜىٰ «إِنَا كَارُوَ تَوُرِنْ سُجَّدَ نَنْ وَدَّ تَكٜىٰ أَ عٜىٰنَيِمْ عَبَاكِنْ حَنْيَ؟» سَيْ سُكَثٜىٰ مَسَ «بَابُوَتَ كَارُوَ وَدَّ تَتَٻَ ذَمَ أَنَنْ؞»

22سَيْ يَكُواْمَ وُرِنْ يَهُودَ يَثٜىٰ «نِے بَنْسَامٜىٰتَبَ؞ مُتَنٜىٰنْ وُرِنْ مَا سُنْثٜىٰ بَابُ كَارُوَرْ وُرِنْ سُجَّدَ أَوُرِنْ؞»

23سَيْ يَهُودَ يَثٜىٰ «بَرِ تَرِڧٜىٰ كَايَنْ دُواْمِنْ كَدَ مُذَمَ أَبِنْ دَارِيَا؞ نِے كَمْ نَا عَيْكَ دَ طَنْ عَكُيَ، عَمَّا بَعَسَامٜىٰتَبَ؞»

24بَايَنْ وَتَا عُكُ سَيْ عَكَ ڢَطَا وَ يَهُودَ ثٜىٰوَ «أَيْ، تَمَرْ مَاتَرْ طَنْكَ وَنْدَ يَمُتُ، تَايِ رَايُوَرْ كَارُوَنْثِ؞ تَا كُوَ طَوْكِ ثِكِ عَثِكِنْ كَارُوَنْثِنْتَ؞» سَيْ يَهُودَ يَثٜىٰ «أَ ڢِتَرْدَ عِتَ عَڧُواْنٜىٰتَ؞»

25سَعَدَّ عَكٜىٰ ڢِتَرْدَ عِتَ، سَيْ تَعَيْكَ دَ سَڧُواْ وَ بَابَنْ مِجِنْتَ تَثٜىٰ «مُتُمِنْ دَ يَكٜىٰدَ كَايَنَّنْ نٜىٰ يَيِ مِنِ ثِكِ؞ دُوبَ كُواْ ذَاكَ غَانٜىٰ هَاتِمِ دَ إِغِيَرْسَ دَ كُمَ سَنْدَنْ تَڢِيَرْ نَنْ، كُواْ نَوَنٜىٰنٜىٰ؞»

26سَيْ يَهُودَ يَغَانٜىٰسُ؞ سَعَنً يَثٜىٰ «عِ، تَاڢِينِ غَسْكِيَ دَيَكٜىٰ بَنْبَاتَ طَانَ شٜىٰلَ تَأَوْرَبَ؞» بَيْسَاكٜىٰ ݣُونَ دَ عِتَبَ كُمَ؞

27سَعَدَّ لُواْكَثِنْ حَيْڢُوَرْتَ يَيِ، عَكَ سَامٜىٰتَ دَ یَنْ بِيُ؞

28لُواْكَثِنْ دَتَكٜىٰ ثِكِنْ ذَاڢِنْ حَيْڢُوَ، سَيْ طَيَنْسُ يَڢِتَرْ دَ حَنُّنْسَ وَجٜىٰ؞ سَيْ مَيْ كَرْٻَرْ حَيْڢُوَرْ تَا طَوْرَ جَنْ ظَرٜىٰ أَ حَنُّنْسَ تَنَ ثٜىٰوَ «أَيْ، وَنَّنْ نٜىٰ ڢَرْكُوانْ ڢِتُواْوَ؞»

29عَمَّا يَجَنْيٜىٰ حَنُّنْسَ، سَيْغَاشِ طَنْعُوَنْسَ يَا ڢِتَ؞ سَيْ مَيْ كَرْٻَرْ حَيْڢُوَرْ تَثٜىٰ «أَعَ! حَكَ ذَاكَ ٻَرْكٜىٰ؟» سَيْ عَكَ كِرَا سُونَنْسَ ڢٜىٰرٜىٰظْ، وَتُواْ ٻَرْكٜىٰوَ؞

30بَايَنْ حَكَ سَيْ طَنْعُوَنْسَ يَڢِتُواْ دَ جَنْ ظَرٜىٰ أَ حَنُّنْسَ؞ سَيْ عَكَ كِرَا سُونَنْسَ ظٜىٰرَ، وَتُواْ جَا؞

← Chapter 37 Jump to: Chapter 39 →