Genesis 48

Hausa Arabic 2020 (أَتَّوْرَتْ دَ أَنَّبَاوَا)

← Chapter 47 Jump to: Chapter 49 →

1بَايَنْ وَنَّنْ سَيْ عَكَ ذُواْ عَكَ ڢَطَا وَ يُوسُڢَ ثٜىٰوَ «غَاشِ بَابَنْكَ يَنَ رَشِنْ لَاڢِيَ؞» سَيْ يُوسُڢَ يَا طَوْكِ یَیَنْسَ بِيُ مَظَا، وَتُواْ مَنَسّٜىٰ دَ إِڢْرَيِمْ، سُكَ تَڢِے وُرِنْ يَعْڧُوبَ؞

2لُواْكَثِنْ دَ عَكَثٜىٰ وَ يَعْڧُوبَ «طَنْكَ يُوسُڢَ يَا ذُواْ وُرِنْكَ،» سَيْ يَعْڧُوبَ يَيِ ڧُواْڧَرِ يَتَاشِ يَذَوْنَ عَكَنْ غَدُوانْ؞

3دَ سُكَيِ غَيْسُوَا، سَيْ يَعْڧُوبَ يَثٜىٰ وَ يُوسُڢَ « اللَّهْ مَيْ إِيكُواْ دُكَ يَا بَيَّنَ مِنِ أَ لُظْ عَڧَسَرْ كَنْعَنَ، يَا كُوَ أَلْبَرْكَثٜىٰنِ؞

4يَثٜىٰ مِنِ، ‹غَاشِ، ذَنْسَا كَيَلْوَتَ كَيِ تَحَيْڢُوَ سُواْسَيْ؞ ذَنْ كُمَسَا ذُرِيَرْكَ تَذَمَ تَارُوانْ ڧَبِيلُ، إِنْ بَادَ ڧَسَرْ نَنْ غَرٜىٰسُ تَذَمَ غَادُوانْسُ حَرْ أَبَدَا؞›

5«يَنْذُ دُكْ یَیَنْكَ بِيُ مَظَا وَطَنْدَ عَكَ حَيْڢَ مَكَ عَڧَسَرْ مَصَرْ كَاڢِنْ ذُوَانَ وُرِنْكَ، سُو طِنْ نَوَنٜىٰ؞ إِڢْرَيِمْ دَ مَنَسّٜىٰ ذَاسُ ذَمَ نَوَ، كَمَرْ يَدَّ رَعُبَيْنُ دَ سِمٜىٰيُوانْ سُكٜىٰ نَوَ؞

6عَمَّا یَیَنْ دَ ذَاعَ حَيْڢَ مَكَ بَايَنْسُ، ذَاسُ ذَمَ نَاكَ؞ ذَاعَ لِسَّڢْتَاسُ تَرٜىٰدَ سَوْرَنْ یَیَنَ غَمٜىٰدَ غَادُوانْسُ؞

7غَمَا سَعَدَّ نَڢِتُواْ دَغَ ڢَدَّنْ أَرَمْ مُنَ كَنْ تَڢِيَ، سَيْ رَحِيلَةُ تَمُتُ عَڧَسَرْ كَنْعَنَ، تَا كُوَ بَرْنِ ثِكِنْ بَڧِنْ ثِكِ، تُنْ بَمُ إِسَ عٜىٰڢْرَتَ بَ؞ نَا كُوَ بِنّٜىٰتَ أَ حَنْيَرْ عٜىٰڢْرَتَ، وَتُواْ بَيْتَلَحْمِ؞»

8سَعَدَّ إِسْرَٰٓءِيلَ يَغَ یَیَنْ يُوسُڢَ مَظَا، سَيْيَثٜىٰ «سُوَنٜىٰنٜىٰ وَطَنَّنْ؟»

9سَيْ يُوسُڢَ يَأَمْسَ «وَطَنَّنْ یَیَنَ نٜىٰ مَظَا وَطَنْدَ اللَّهْ يَبَانِ أَنَنْ؞» سَيْ إِسْرَٰٓءِيلَ يَثٜىٰ «كَٰوُاْسُ وُرِينَ، إِنَ ضُواْڧُوانْكَ، دُواْمِنْ إِنْسَا مُسُ أَلْبَرْكَ؞»

10إِدَانُنْ إِسْرَٰٓءِيلَ يَنْذُ سُنْيِ دُهُ سَبُواْدَ يَوَنْ ڟُوڢَرْسَ حَرْ بَا يَ عِيَ غَنِ سُواْسَيْ؞ سَيْ يُوسُڢَ يَكَٰوُاْ یَیَنْسَ كُسَدَشِ؞ سَيْ إِسْرَٰٓءِيلَ يَيِ مُسُ سُمْبَ يَضُنْ‌غُمٜىٰسُ؞

11سَعَنً إِسْرَٰٓءِيلَ يَثٜىٰ وَ يُوسُڢَ «نِے بَنْ ڟَمَّنِ ذَنْ‌غَ ڢُسْكَرْكَبَ؞ سَيْغَاشِ اللَّهْ يَا يَرْدَ مِنِ نَغَ ڢُسْكَرْكَ حَرْ دَ یَیَنْكَ؞»

12سَعَنً يُوسُڢَ يَطَغَسُ دَغَ ڠُوِوُاْيِنْ إِسْرَٰٓءِيلَ، سَيْ يُوسُڢَ يَرُسُنَ دَ ڢُسْكَرْسَ حَرْ ڧَسَا أَغَبَنْسَ؞

13يُوسُڢَ يَطَوْكٜىٰ دُكَنْسُ بِيُ، يَسَا إِڢْرَيِمْ أَ حَنُّنْسَ نَدَمَ دَيْدَيْ حَنُّنْ هَغُنْ إِسْرَٰٓءِيلَ، مَنَسّٜىٰ كُمَ يَسَاشِ أَ هَغُنْسَ دَيْدَيْ حَنُّنْ دَامَ نَ إِسْرَٰٓءِيلَ، يَا كَٰوُاْسُ كُسَدَ إِسْرَٰٓءِيلَ؞

14سَيْ إِسْرَٰٓءِيلَ يَمِيڧَ حَنُّنْسَ نَدَمَ، يَسَا بِسَ كَنْ إِڢْرَيِمْ وَنْدَ يَكٜىٰ ڧَرَمِ، حَنُّنْسَ نَهَغُ كُمَ بِسَ كَنْ مَنَسّٜىٰ، حَنُّوَنْسَ سُنْ حَيٜىٰ جُونَ؞ يَايِ حَكَ كُواْدَيَكٜىٰ مَنَسّٜىٰ شِينٜىٰ طَنْ ڢَارِنْ؞

15سَيْ يَسَاوَ يُوسُڢَ أَلْبَرْكَ يَثٜىٰ، « اللَّهْ وَنْدَ كَاكَنِّنَ إِبْرَٰهِيمْ دَ إِسْحَٰڧَ سُكَيِ تَڢِيَرْسُ أَغَبَنْسَ، اللَّهْ وَنْدَ يَجَغُواْرَنْثٜىٰنِ أَ رَايُوَتَا دُكَ حَرْ ذُوَا يَوْ،

16مَلاَىِٕكَنْ دَ يَڢَنْشٜىٰنِ دَغَ دُكَنْ مُغُنْتَا، يَسَا وَيَارَنَّنْ أَلْبَرْكَ؞ بَرِ عَيِ تَكِرَنْسُ دَ سُونَنَ، دَ سُونَنْ كَاكَنِّنَ إِبْرَٰهِيمْ دَ إِسْحَٰڧَ؞ بَرِ سُيِ تَحَيْڢُوَ سُواْسَيْ سُيِيَوَ عَدُونِيَا؞»

17سَعَدَّ يُوسُڢَ يَغَ بَابَنْسَ يَسَا حَنُّنْ دَامَنْسَ عَبِسَ كَنْ إِڢْرَيِمْ، رَنْسَ بَيْ سُواْبَ؞ سَيْ يَطَوْكٜىٰ حَنُّنْ بَابَنْسَ، دُواْمِنْ يَثِرٜىٰشِ دَغَ كَنْ إِڢْرَيِمْ يَسَا عَكَنْ مَنَسّٜىٰ؞

18يُوسُڢَ يَثٜىٰ وَبَابَنْسَ «بَهَكَ بَنٜىٰ، بَابَ! أَيْ، وَنَّنْ نٜىٰ طَنْ ڢَضٍ؞ سَا حَنُّنْكَ نَدَمَ عَبِسَ كَنْسَ؞»

19عَمَّا بَابَنْسَ يَڧِ ثٜىٰوَ «أَيْ، نَاسَنِ طَانَ، نَاسَنِ؞ شِمَا ذَيْ ذَمَ ذُرِيَ، ذَيْ ذَمَ مَيْغِرْمَ؞ دُكْدَهَكَ ڧَنٜىٰنْسَ ذَيْڢِيشِ غِرْمَ، ذُرِيَرْسَ كُمَ ذَاسُ ذَمَ تَارُوانْ أَلْعُمَّيْ؞»

20تَهَكَ إِسْرَٰٓءِيلَ يَسَا مُسُ أَلْبَرْكَ أَ رَانَرْ نَنْ يَنَ ثٜىٰوَ «دَ سُونَيٜىٰنْكُنٜىٰ إِسْرَٰٓءِيلَاوَا ذَاسُسَا أَلْبَرْكَ ثٜىٰوَ ‹بَرِ اللَّهْ يَسَا كَذَمَ كَمَرْ إِڢْرَيِمْ دَ مَنَسّٜىٰ؞› » تَهَكَ يَسَا إِڢْرَيِمْ نَڢَرْكُواْ كَاڢِنْ مَنَسّٜىٰ؞

21سَيْ إِسْرَٰٓءِيلَ يَثٜىٰ وَ يُوسُڢَ «غَاشِ، نَيِ كُسَنْ مُتُوَ، عَمَّا اللَّهْ ذَيْ كَسَنْثٜىٰ دَكَيْ، كُمَ ذَيْسَاكٜىٰ كُواْمَرْ دَكَيْ ڧَسَرْ كَاكَنِّنْكَ؞

22نِنٜىٰ نَكٜىٰبَاكَ يَنْكِنْ شٜىٰكٜىٰمْ، كَشِ طَيَ ڢِيٜىٰدَ یَنْعُوَنْكَ، وَنْدَ نَڨُوثٜىٰ دَغَ حَنُّنْ أَمُواْرِيَاوَا تَوُرِنْ تَكُواْبِنَ دَ بَكَنَ؞»

← Chapter 47 Jump to: Chapter 49 →