Genesis 49

Hausa Arabic 2020 (أَتَّوْرَتْ دَ أَنَّبَاوَا)

← Chapter 48 Jump to: Chapter 50 →

1سَيْ يَعْڧُوبَ يَتَارَ یَیَنْسَ مَظَا يَثٜىٰ «كُتَتَّارُ وُرِينَ إِنْ ڢَطَا مُكُ أَبِنْدَ ذَيْسَامٜىٰكُ عَكْوَانَكِے مَاسُ ذُوَا؞

2«كُتَارُ كُجِ، يَا كُو یَیَ مَذَنْ يَعْڧُوبَ، كُكَسَ كُنّٜىٰ غَ إِسْرَٰٓءِيلَ بَابَنْكُ؞

3«كَيْ رَعُبَيْنُ كَيْنٜىٰ طَنْ ڢَارِنَ، ڧَرْڢِينَ دَ طَنْ ڢَارِ نَمَظَنْتَكَتَ مَڢِے مَڟَيِ كُمَ مَڢِے إِيكُواْ؞

4مَرَرْ كَمٜىٰ كَيْ نٜىٰ كَيْ كَمَرْ أَمْبَلِيَرْ ضُوَ، بَذَاكَ ڧَارَ ذَمَ نَڢَرْكُواْبَ؞ غَمَا كَا هَوْ غَدُوانْ بَابَنْكَ، كَا هَوْ كَا ڧَظَنْتَرْ دَشِ!

5«كَيْ سِمٜىٰيُوانْ، كَيْ لَوِ، كُو یَنْعُوَ نٜىٰ؞ تَكُبَنْكُ كَايَنْ تَادَ حَنْكَلِ نٜىٰ؞

6يَا رَيْنَ، كَدَ كَشِغَ ڧُلّٜىٰ ڧُلّٜىٰنْسُ، كُواْ دَرَجَتَ تَشِغَ تَارُوانْسُ؞ غَمَا ثِكِنْ ڢُشِنْسُ سُكَ كَشٜىٰ مُتَنٜىٰ، ثِكِنْ ذَاڢِنْ كَنْسُ سُكَ غُرْغُنْتَ بِجِمِ؞

7لَعَنَنّٜىٰ نٜىٰ ڢُشِنْسُ مَيْ ذَاڢِ، حَكَمَا هَوْشِنْسُ مَرَرْ تَوْسَيِ! ذَنْ رَرَّبَسُ ثِكِنْ دُكَنْ ڧَسَرْ يَعْڧُوبَ، إِنْ وَرْوَاڟَرْدَ ذُرِيَرْسُ عَ إِسْرَٰٓءِيلَ؞

8«كَيْ يَهُودَ، یَنْعُوَنْكَ ذَاسُ يَبٜىٰكَ؞ حَنُّنْكَ ذَيْ كَامَ وُيَنْ مَاسُ ڧِنْكَ؞ یَیَنْ بَابَنْكَ ذَاسُ رُسُنَ أَغَبَنْكَ؞

9كَيْ يَهُودَ طَنْ ذَاكِنٜىٰ، طَانَ، كَكَشٜىٰ نَامَ كَثِ كَدَاوُاْ كُواْغُوانْكَ؞ كَمَرْ ذَاكِ كَݣُونْتَ أَ مِيڧٜىٰ، كَمَرْ سَرْكِنْ نَمُواْمِنْ دَاجِ، وَ ذَيْ ڟُواْكَنٜىٰكَ؟

10كَيْ يَهُودَ، سَنْدَنْ إِيكُواْ بَذَيْ رَبُ دَ حَنُّنْكَبَ، كُواْ سَنْدَنْ مُلْكِ دَغَ ذُرِيَرْكَ، دُواْمِنْ عَكَٰوُاْ مَكَ هَرَاجِ، ڧَبِيلُ كُمَ سُيِ مَكَ بِيَيَّ؞

11إِتَاثٜىٰنْ إِنَبِے ذَاسُ يَلْوَتَ، حَرْ مَا أَطَوْرَ جَاكِنْكَ عَكَيْ؞ ضُوً إِنَبِے جَاوُرْ كَمَرْ جِنِ ذَاكَ عِيَ وَنْكٜىٰ رِيغُنَ ثِكِنْ يَوَنْسَ؞

12عِدَنُونْكَ سُيِ جَاوُرْ سَبُواْدَ يَوَنْ ضُوً إِنَبِے؞ هَڧُواْرَنْكَ سُيِ ڢَرِ ڢَتْ سَبُواْدَ يَوَنْ مَدَرَ؞

13«كَيْ ظٜىٰبُلُنْ، عَبَاكِنْ تٜىٰكُ ذَاكَ ذَوْنَ، بَاكِنْ تٜىٰكُنْكَ تَشَرْ جِضَاغٜىٰنْ ضُوَنٜىٰ، إِيَاكَرْ يَنْكِنْكَ ذَاتَ كَيْ حَرْ سِدُوانْ؞

14«كَيْ إِسَّكَرْ، كَيْ كَمَرْ جَاكِ مَيْ ڧَرْڢِينٜىٰ ݣُونْثٜىٰ دَ ݣُونْدُنَنْ كَايَ؞

15كَغَا وُرِنْ هُوتَوَا مَيْݣَوْ، ڧَسَرْ مَيْ بَنْ شَعَوَ؞ كَبَادَ كَنْكَ دُواْمِنْ طَوْكَرْ كَايَ، كَذَمَ بَاوَ مَيْيِنْ عَيْكِنْ دُواْلٜىٰ؞

16«كَيْ دَنْ، ذَاكَ شَرْعَنْتَ مُتَنٜىٰنْكَ كَمَرْ طَيَ ثِكِنْ ذُرِيَرْ إِسْرَٰٓءِيلَ؞

17دَنْ ذَيْ ذَمَ مَثِيجِ عَبَاكِنْ حَنْيَ، مَثِيجِ مَيْ دَڢِ عَكَنْ حَنْيَ، مَيْ سَارَنْ ڧَڢَرْ دُواْكِ دُواْمِنْ مَيْ هَوَنْ يَڢَاطِ دَ بَايَ؞

18«يَا يَهْوٜىٰهْ ، إِنَ ظُبَ عِدُواْ غَ ثٜىٰتُوانْكَ؞

19«كَيْ غَدْ، مَاسُ هَرِ ذَاسُ كَيْ مَكَ هَرِ، عَمَّا كَيْ ذَاكَ كَيْ هَرِ غَ تَڢِنْ ڧَڢَرْسُ؞

20«كَيْ أَشٜىٰرْ، أَمْڢَانِنْ غُواْنَرْكَ ذَيْ يِيَوَ، أَمْڢَانِنْ غُواْنَرْ دَ يَدَاثٜىٰ دَ سَرَاكُنَ؞

21«كَيْ نَڢْتَلِ كَمَرْ بَرٜىٰوَ ثٜىٰ دَ عَكَ سَكٜىٰ، مَيْ حَيْڢُوَرْ ݣَوَوَنْ یَیَ؞

22«كَيْ يُوسُڢَ، طَا نٜىٰ مَيْ بَادَ یَیَ؞ إِتَاثٜىٰ عَبَاكِنْ مَٻُٻُّغَرْ ضُوَ مَيْ بَادَ یَیَ عَيَلْوَثٜىٰ؞

23مَاسُ هَرْبِے سُكَ كَيْ مَكَ هَرِ، سُكَ هَرْبٜىٰكَ، سُكَ ڟَنَنْتَ مَكَ؞

24دُكْدَهَكَ بَكَنْكَ يَڟَيَ دَرَمْ، حَنُّوَنْكَ سُكَ سَامِ ڧَرْڢِے تَوُرِنْ حَنُّنْ اللَّهْ مَيْ إِيكُواْ نَ يَعْڧُوبَ، تَوُرِنْ مَكِيَايِ، دُوڟٜىٰنْ إِسْرَٰٓءِيلَ،

25تَوُرِنْ اللَّهْ نَبَابَنْكَ، مَيْ تَيْمَكُوانْكَ، مَڢِے إِيكُواْ دُكَ مَيْسَا مَكَ أَلْبَرْكَ، أَلْبَرْكُنْ ضُوً سَمَ دَ ضُوً ظُرْڢَڢَّنْ ڧَسَا، أَلْبَرْكُنْ حَيْڢُوَرْ یَیَ دَ دَبُّواْبِے؞

26أَلْبَرْكُنْ بَابَنْكَ سُڢِ أَلْبَرْكُنْ دُوَڟُو مَاسُ دَوَّمَ دَ أَلْحٜىٰرَنْ تُدَّيْ نَتُنْتُنِ؞ بَرِ سُكَسَنْثٜىٰ عَبِسَ كَنْكَ، يُوسُڢَ، أَغُواْشِنْ وَنْدَ عَكَ كٜىٰٻٜىٰ، وَنْدَ عَكَ كٜىٰٻٜىٰ دَغَ یَنْعُوَنْسَ؞

27«كَيْ بِلِيَامِنُ، كَمَرْ ݣَرْكٜىٰثِ مَيْ ڟَنَنِنْ يُنْوَ نٜىٰ؞ دَ سَڢٜىٰ تَنَ تَثِ دَ ݣُوطَيِ، دَ يَمَّ تَكَنْ رَبَ رَبُوانْتَ؞»

28وَطَنَّنْ نٜىٰ دُكَنْ ذُرِيَرْ إِسْرَٰٓءِيلَ غُواْمَشَا بِيُ؞ مَغَنَرْ نَنْ نٜىٰ كُمَ بَابَنْسُ يَيِ مُسُ يَايِنْ دَ يَكٜىٰسَا مُسُ أَلْبَرْكَ؞ يَا سَا وَكُواْوَنّٜىٰنْسُ أَلْبَرْكَرْ دَ تَدَاثٜىٰ دَشِ؞

29سَيْ يَعْڧُوبَ يَعُمَرْثِ یَیَنْسَ يَثٜىٰ «نِے نَايِ كُسَ إِنْمُتُ إِنْبِے كَاكَنِّنَ؞ كُبِنّٜىٰنِ تَرٜىٰدَ كَاكَنِّنَ عَكُواْغُوانْ دَيَكٜىٰ أَغُواْنَرْ عٜىٰڢْرُوانْ مُتُمِنْ هِتِّ،

30وَتُواْ كُواْغُوانْ دَيَكٜىٰ أَغُواْنَرْ مَكْڢٜىٰلَ، غَبَسْ دَ مَمْرٜىٰ عَڧَسَرْ كَنْعَنَ؞ كُبِنّٜىٰنِ عَكُواْغُوانْ دَ إِبْرَٰهِيمْ يَسَيُواْ تَرٜىٰدَ غُواْنَ دَغَ حَنُّنْ عٜىٰڢْرُوانْ مُتُمِنْ هِتِّ، دُواْمِنْ يَذَمَ أَبِنْ غَادُواْ دُواْمِنْ بِنّٜىٰوَرْ مُتَنٜىٰنْسَ؞

31أَوُرِنْ نٜىٰ عَكَ بِنّٜىٰ إِبْرَٰهِيمْ دَ مَاتَرْسَ سَارَةُ؞ أَوُرِنْ عَكَ بِنّٜىٰ إِسْحَٰڧَ دَ مَاتَرْسَ رِڢْكَتُ؞ أَوُرِنْ نٜىٰ نَا بِنّٜىٰ لَيْعَتُ؞

32كُبِنّٜىٰنِ أَوُرِنْ، وَتُواْ عَكُواْغُوانْ دَيَكٜىٰ أَغُواْنَرْ دَ عَكَ سَيَ دَغَ هِتِّيَاوَا؞»

33سَعَدَّ يَعْڧُوبَ يَغَمَ بَا یَیَنْسَ عُمَرْنِنَّنْ، سَيْ يَسَاكٜىٰ ݣُونْتَاوَ أَغَدُواْ، يَجَا نُمْڢَشِنْسَ نَڧَرْشٜىٰ، يَمُتُ يَكُواْمَ غَ كَاكَنِّنْسَ؞

← Chapter 48 Jump to: Chapter 50 →