Genesis 39

Hausa Arabic 2020 (أَتَّوْرَتْ دَ أَنَّبَاوَا)

← Chapter 38 Jump to: Chapter 40 →

1عَكَ كُوَ غَنْ‌غَرَ دَ يُوسُڢَ ذُوَا مَصَرْ؞ سَيْ ڢُواْتِڢَرْ مُتُمِنْ مَصَرْ، شُوغَبَنْ یَنْ غَادِنْ سَرْكِے ڢِرْعَوْنَ، يَسَيٜىٰشِ دَغَ حَنُّنْ إِسْمَٰعِيلَاوَا، وَطَنْدَ سُكَ غَنْ‌غَرُواْ دَشِ ذُوَا ثَنْ؞

2يَهْوٜىٰهْ كُوَ يَنَ تَرٜىٰدَ يُوسُڢَ، حَرْ يَذَمَ مُتُمْ مَيْ نَصَرَا ثِكِنْ غِدَنْ مَيْغِدَنْسَ مُتُمِنْ مَصَرْ؞

3مَيْغِدَنْ يُوسُڢَ كُوَ يَا غَانٜىٰ ثٜىٰوَ يَهْوٜىٰهْ يَنَ تَرٜىٰدَ يُوسُڢَ؞ دُكَنْ أَبِنْدَ يُوسُڢَ يَيِ، يَهْوٜىٰهْ يَكَنْسَا أَبِنْ يَيَلْوَتَ أَ حَنُّنْسَ؞

4يُوسُڢَ كُوَ يَا سَامِ ڢَضٍ جِنِ أَعِدُوانْ مَيْغِدَنْسَ، يَنَيِ مَسَ حِدِمَ؞ ڢُواْتِڢَرْ كُوَ يَا سَا يَذَمَ شُوغَبَا بِسَ غِدَنْسَ، كُمَ دُكَنْ أَبِنْدَ يَكٜىٰدَشِ يَا دَنْڧَ أَ حَنُّنْسَ؞

5دَغَ لُواْكَثِنْ دَ ڢُواْتِڢَرْ مُتُمِنْ مَصَرْ نَنْ يَا سَا يُوسُڢَ يَذَمَ شُوغَبَا بِسَ غِدَنْسَ دَ دُكَنْ أَبِنْدَ يَكٜىٰدَشِ، يَهْوٜىٰهْ يَا أَلْبَرْكَثِ غِدَنْ ڢُواْتِڢَرْ سَبُواْدَ يُوسُڢَ؞ أَلْبَرْكَرْ يَهْوٜىٰهْ كُوَ تَنَ عَبِسَ دُكَنْ أَبِنْدَ يَكٜىٰدَشِ، نَغِدَا دَ نَڢِيلَيٜىٰ؞

6يَا كُوَ بَرْ دُكَنْ أَبِنْدَ يَكٜىٰدَشِ أَ حَنُّنْ يُوسُڢَ؞ بَا يَتُنَانِنْ كُواْمٜىٰ، سَيْدَيْ عَبِنْثِنْ دَ ذَيْثِ؞ يُوسُڢَ ڢَا ݣَكْݣَاوَا نٜىٰ، مَيْ ݣَنْ غَنِ؞

7وَتَرَانَ، مَاتَرْ مَيْغِدَنْسَ تَا سَا عِدُوانْتَ عَكَنْ يُوسُڢَ سَيْ تَثٜىٰ «كَݣُونَ دَنِے!»

8عَمَّا يُوسُڢَ يَڧِ، يَثٜىٰ وَ مَاتَرْ مَيْغِدَنْسَ «دُوبَ ڢَا، مَيْغِدَانَ بَا يَتُنَانِنْ كُواْمٜىٰ عَثِكِنْ غِدَنَّنْ، كُمَ كُواْوَنٜىٰ أَبِنْدَ يَكٜىٰدَشِ يَا بَرْ شِ أَ هَنُّونَ؞

9شِے بَيْ ڢِينِ إِيكُواْ أَغِدَنَّنْبَ، بَيْ كُمَ حَنَ مِنِ كُواْمٜىٰبَ سَيْ كٜىٰ دَيَكٜىٰ كٜىٰثٜىٰ مَاتَرْسَ؞ دُوانْمٜىٰ ذَنْيِ وَنَّنْ بَبَّرْ مُغُنْتَا، إِنْيِ وَ اللَّهْ ذُنُوبِ؟»

10كُواْدَيَكٜىٰ تَايِتَيِ وَ يُوسُڢَ مَغَنَ كُواْوَثٜىٰ رَانَ، عَمَّا بَيْ سَوْرَرٜىٰتَبَ، بَلّٜىٰ يَيَرْدَ يَݣُونَ دَ عِتَ كُواْ يَذَوْنَ تَرٜىٰدَ عِتَ؞

11وَتَرَانَ، يُوسُڢَ يَا شِغَ غِدَنْ دُواْمِنْ يَيِ عَيْكِ، كُمَ بَابُ كُواْوَ دَغَ ثِكِنْ مَظَا مَاسُ عَيْكِ أَغِدَنْ،

12سَيْ تَكَامَ رِغَرْسَ، تَنَ ثٜىٰوَ «كَݣُونَ دَنِے؞» سَيْ يَبَرْ مَتَ رِغَرْ أَ حَنُّنْتَ، يَغُدُ وَجٜىٰ؞

13دَ تَغَ يَا بَرْ رِغَرْسَ أَ حَنُّنْتَ يَا غُدُ يَا ڢِتَ وَجٜىٰ،

14سَيْ تَيِ تَ إِيهُ، تَكِرَا مُتَنٜىٰنْ غِدَنْ، تَثٜىٰمُسُ «كُدُوبَ كُغَنِ، مِجِنَ يَا كَٰوُاْ مَنَ طَنْ إِبْرَانِيَاوَا، غَاشِ يَنَ ثِنْ مُتُنْثِنْمُ! يَا ذُواْ وُرِينَ دُواْمِنْ يَݣُونَ دَنِے، سَيْنَيِ إِيهُ دَ ڧَرْڢِے؞

15دَيَجِ نَتَادَ مُرْيَتَ نَيِ إِيهُ، سَيْ يَبَرْ مِنِ رِغَرْسَ يَغُدُ يَتَڢِے وَجٜىٰ؞»

16سَيْ تَ أَجِيٜىٰ رِغَرْ أَوُرِنْتَ حَرْ مَيْغِدَنْ يُوسُڢَ يَدَاوُاْ غِدَا؞

17سَيْ تَمَيَرْ مَسَ دَ مَغَنَرْ حَكَ، تَنَ ثٜىٰوَ «بَاوَنَّنْ، طَنْ إِبْرَنِيَاوَنْ دَ كَكَٰوُاْ مَنَ، يَا ذُواْ وُرِينَ دُواْمِنْ يَثِ مُتُنْثِنَ؞

18عَمَّا دَظَرَرْ نَا تَادَ مُرْيَتَ نَايِ إِيهُ، سَيْ يَغُدُ يَبَرْ رِغَرْسَ أَ هَنُّونَ، يَغُدُ ذُوَا وَجٜىٰ؞»

19بَايَنْدَ مَيْغِدَنْ يُوسُڢَ يَجِ مَغَنَرْ مَاتَرْسَ ثٜىٰوَ «أَبِنْدَ بَاوَنْكَ يَيِ دَنِے كٜىٰنَنْ،» سَيْ ڢُشِنْسَ يَتَاشِ سُواْسَيْ؞

20سَيْ مَيْغِدَنْ يُوسُڢَ يَطَوْكٜىٰشِ يَجٜىٰڢَ شِ عَكُرْكُكُ عِنْدَ عَكٜىٰ كُلّٜىٰ یَنْ كُرْكُكُنْ سَرْكِے؞ يُوسُڢَ يَذَوْنَ عَكُرْكُكُنْ؞

21عَمَّا يَهْوٜىٰهْ يَا كَسَنْثٜىٰ تَرٜىٰ دَشِ؞ يَا نُونَ مَسَ ڧَوْنَرْسَ، يَبَا شِ ڢَضٍ جِنِ أَعِدُوانْ شُوغَبَنْ مَاسُ غَادِنْ یَنْ كُرْكُكُنْ؞

22سَيْ شُوغَبَنْ مَاسُ غَادِنْ یَنْ كُرْكُكُنْ يَدَنْڧَ وَ يُوسُڢَ سَوْرَنْ یَنْ كُرْكُكُنْ أَ حَنُّ؞ دُكْ أَبِنْدَ ذَاعَيِ أَوُرِنْ، يُوسُڢَ نٜىٰ يَكٜىٰيِ مُسُ جَغُواْرَ؞

23شُوغَبَنْ مَاسُ غَادِنْ یَنْ كُرْكُكُنْ، بَيْدَامُبَ عَكَنْ أَبُبُوَنْ دَسُكٜىٰ عَڧَرْڧَشِنْ يُوسُڢَ، غَمَا يَهْوٜىٰهْ يَنَ تَرٜىٰدَ يُوسُڢَ؞ كُمَ دُكَنْ أَبِنْدَ يَيِ، يَهْوٜىٰهْ يَكَنْ بَاشِ نَصَرَا؞

← Chapter 38 Jump to: Chapter 40 →