John 1 — Hausa Arabic 2020 (أَتَّوْرَتْ دَ أَنَّبَاوَا)

7يَذُواْ يَشَيْدَ وَمُتَنٜىٰ غَسْكِيَ غَمٜىٰدَ حَصْكٜىٰنْ، دُوانْ تَوُرِنْ شَيْدَرْسَ دُكَنْ مُتَنٜىٰ سُجِ لَابَرِنْ حَصْكٜىٰنْ سُكُمَ بَادَ غَسْكِيَ؞

8بَ يَحْيَى نٜىٰ حَصْكٜىٰنْبَ، عَمَّا يَذُواْ نٜىٰ دُواْمِنْ يَيِ شَيْدَ غَمٜىٰدَ حَصْكٜىٰنْ؞

9حَصْكٜىٰ نَغَسْكِيَ وَنْدَ يَكٜىٰ بَادَ حَصْكٜىٰ غَ دُكَنْ مُتَنٜىٰ يَنَ ذُوَا ثِكِنْ دُونِيَا؞

10أَ دَا كَلْمَنْ يَنَ ثِكِنْ دُونِيَا، كُمَ كُواْدَيَكٜىٰ تَوُرِنْسَ نٜىٰ عَكَيِ دُونِيَا، دُكْدَهَكَ دُونِيَا بَتَسَنْ شِيبَ؞

11يَذُواْ ڧَسَرْسَ، عَمَّا مُتَنٜىٰنْسَ بَسُ كَرْٻٜىٰشِيبَ؞

12عَمَّا دُكَنْ وَطَنْدَ سُكَ كَرْٻٜىٰشِ، سُكَ كُمَ بَادَ غَسْكِيَ غَرٜىٰشِ، يَبَاسُ إِيكُواْ سُذَمَ یَیَنْ اللَّهْ ؞

13بَسُذَمَ یَیَنْسَ تَهَنْيَ إِرِنْ تَیَنْ أَدَمْ بَ، بَكُوَ تَوُرِنْ نُڢِنْ جِكِے كُواْ كُمَ نُڢِنْ مُتُمْبَ، عَمَّا تَوُرِنْ نُڢِنْ اللَّهْ نٜىٰ؞

14كَلْمَنَّنْ يَذَمَ مُتُمْ، يَكُوَ يِ وُرِنْ ذَمَنْسَ عَثِكِنْمُ؞ مُنْ غَا طَوْكَكَرْسَ، طَوْكَكَرْ دَتَكٜىٰ تَمَكَطَيْثِنْ طَا دَغَ وُرِنْ عُبَا، يَنَ كُمَ ثِكٜىٰدَ أَلْحٜىٰرِ دَ غَسْكِيَ؞

15يَحْيَى يَيِ شَيْدَ عَكَنْسَ، يَكُمَ طَغَ مُرْيَ يَثٜىٰ «وَنَّنْ شِينٜىٰ مُتُمِنْ دَ نَكٜىٰ مَغَنَ عَكَنْسَ أَ لُواْكَثِنْدَ نَثٜىٰ، ‹شِے وَنْدَ ذَيْذُواْ بَايَنَ يَڢِينِ، غَمَا كَاڢِنْ نِے يأَنَانً؞› »

16سَبُواْدَ يَوَنْ أَلْحٜىٰرِنْسَ نٜىٰ يَ أَلْبَرْكَثٜىٰمُ دُكَ، يَنَ كُمَ بَامُ أَلْبَرْكُ بَابُ ڢَاسَوَ؞

17اللَّهْ يَبَادَ كُواْيَرْوَا تَوُرِنْ مُوسَٰى، عَمَّا يَبَادَ أَلْحٜىٰرِ دَ غَسْكِيَ تَوُرِنْ عِيسَىٰ أَلْمَسِيحُ ؞

18بَا مُتُمِنْدَ يَتَٻَ غَنِنْ اللَّهْ ؞ مَكَطَيْثِنْ طَنْسَ وَنْدَ شِے اللَّهْ نٜىٰ، يَكٜىٰ كُمَ تَرٜىٰدَ عُبَا، يَبَيَّنَ مَنَ شِ؞

19غَا شَيْدَرْ دَ يَحْيَى يَبَايَرْ أَ لُواْكَثِنْ دَ يَهُودَاوَا سُكَ عَيْكِ ڢِرِسْتُواْثِے دَ لَوِيَاوَا دَغَ عُرُوشَلِيمَ سُتَمْبَيٜىٰشِ «وَنٜىٰنٜىٰ كَيْ؟»

20يَحْيَى بَيْيِ مُسُو بَ، عَمَّا يَڢَطَا أَ ڢِيلِ ثٜىٰوَ «بَ نِنٜىٰ أَلْمَسِيحُ بَ»؞

21سَيْ سُكَ تَمْبَيٜىٰشِ سُكَثٜىٰ «تُواْ، وَنٜىٰنٜىٰ كَيْ؟ كَيْ نٜىٰ إِلْيَاسُ؟» سَيْ يَأَمْسَ مُسُ يَثٜىٰ «أَعَ، نِے بَشِ بَنٜىٰ؞» «كَيْ نٜىٰ أَنَّبِنْ نَنْ؟» يَسَاكٜىٰ أَمْسَوَ يَثٜىٰ «أَعَ؞»

22سَيْ سُكَثٜىٰ مَسَ «تُواْ، وَنٜىٰنٜىٰ كَيْ؟ كَبَامُ أَمْسَرْ دَ ذَامُ مَيَرْ وَ وَطَنْدَ سُكَ عَيْكُواْمُ؞ مٜىٰ كَكٜىٰثٜىٰ دَ كَنْكَ؟»

23يَحْيَى يَأَمْسَ مُسُ بِسَغَ أَنَّبْثِنْ عِشَايَ يَثٜىٰ، «نِنٜىٰ مُرْيَ مَيْ كِرَا أَدَاجِ ثٜىٰوَ ‹كُڠَرَ حَنْيَ دُواْمِنْ عُبَنْ‌غِجِ!› »

24سَيْ وَطَنْسُ ڢَرِسِيَاوَا وَطَنْدَ عَكَ عَيْكُواْ

25سُكَ تَمْبَيِ يَحْيَى سُكَثٜىٰ «عِدَنْ كَيْ بَ أَلْمَسِيحُ بَنٜىٰ، كَيْ بَ إِلْيَاسُ بَنٜىٰ، كَيْ كُمَ بَ أَنَّبِنَّنْ بَ، تُواْ، دُوانْمٜىٰ كَكٜىٰيِنْ بَڢْتِسْمَ؟»

26سَيْ يَحْيَى يَأَمْسَ مُسُ يَثٜىٰ «نِے كَمْ دَ ضُوَ نَكٜىٰيِنْ بَڢْتِسْمَ، عَمَّا أَݣَويْ وَنِ عَثِكِنْكُ، وَنْدَ بَكُسَنْ شِيبَ؞

27شِينٜىٰ مَيْ ذُوَا عَبَايَنَ، وَنْدَ نِے بَنْ إِسَ إِنْ كُنْثٜىٰ إِغِيَرْ تَاكَلْمِنْسَبَ؞»

28دُكَنْ وَنَّنْ يَڢَرُ نٜىٰ أَ بٜىٰتَنِ، عَڧٜىٰتَرٜىٰنْ كُواْغِنْ يُواْدَنْ، عِنْدَ يَحْيَى يَكٜىٰيِ وَمُتَنٜىٰ بَڢْتِسْمَ؞

29وَشٜىٰغَرِ يَحْيَى يَغَ عِيسَىٰ يَنَ ذُوَا وُرِنْسَ؞ سَيْ يَحْيَى يَثٜىٰ «دُوبَ، غَا طَنْ ضَغُواْ نَ اللَّهْ وَنْدَ يَكٜىٰ طَوْكٜىٰ دَ ذُنُوبِنْ دُونِيَا!

30وَنَّنْ شِينٜىٰ وَنْدَ نَثٜىٰ، ‹أَݣَويْ وَنِ وَنْدَ يَكٜىٰ ذُوَا بَايَنَ وَنْدَ يَڢِينِ، غَمَا يأَنَانً كَاڢِنْ أَحَيْڢٜىٰنِ؞›

31أَ دَا نِے مَا بَنْسَنْ شِيبَ، عَمَّا نَذُواْ إِنَيِنْ بَڢْتِسْمَ دَ ضُوَ نٜىٰ دُواْمِنْ عَبَيَّنَشِ غَ مُتَنٜىٰنْ إِسْرَٰٓءِيلَ؞»

32سَيْ يَحْيَى يَبَادَ وَنَّنْ شَيْدَ ثٜىٰوَ «نَغَ رُوحُ يَنَ سَوْكُواْوَ عَكَمَنِّنْ كُرْثِيَ دَغَ سَمَ، يَكُمَ ذَوْنَ عَكَنْسَ؞

33أَ دَا نِے مَا بَنْسَنْ شِيبَ، سَيْدَيْ اللَّهْ وَنْدَ يَعَيْكُواْ نِے إِنْيِ بَڢْتِسْمَ دَ ضُوَ، شِينٜىٰ يَثٜىٰ مِنِ، ‹مُتُمِنْدَ كَغَا رُوحُ يَنَ سَوْكُواْ مَسَ يَكُمَ ذَوْنَ عَكَنْسَ، تُواْ، شِينٜىٰ مَيْيِنْ بَڢْتِسْمَ دَ رُوحُ مَيْ ڟَرْكِے ؞›

34نَاكُوَغَا حَكَ يَڢَرُ، نَكُمَيِ شَيْدَ ثٜىٰوَ وَنَّنْ مُتُمْ طَنْ اللَّهْ نٜىٰ؞»

35وَشٜىٰغَرِ كُمَ يَحْيَى يَنَ ڟَيٜىٰ أَوُرِنْ تَرٜىٰدَ مُتُمْ بِيُ دَغَ ثِكِنْ أَلْمَجِرَنْسَ؞

36سَيْ يَحْيَى يَغَ عِيسَىٰ يَنَ وُثٜىٰوَ سَيْيَثٜىٰ «دُوبَ، غَا طَنْ ضَغُواْ نَ اللَّهْ!»

37دَ أَلْمَجِرَنَّنْ بِيُ سُكَجِ مَغَنَرْ يَحْيَى، سَيْ سُكَبِے عِيسَىٰ ؞

38دَ عِيسَىٰ يَجُويَ يَغَ سُنَ بِنْسَ، سَيْ يَتَمْبَيٜىٰسُ يَثٜىٰ «مٜىٰكُكٜىٰ نٜىٰمَ؟» سُكَثٜىٰ مَسَ «رَبِّے» وَتُواْ، مَلَمْ «إِنَا كَكٜىٰ دَ ذَمَ؟»

39سَيْ عِيسَىٰ يَأَمْسَ مُسُ يَثٜىٰ «كُذُواْ كُغَنِ؞» وَجٜىٰنْ ڧَرْڢٜىٰ حُطُ كٜىٰنَنْ نَيَمَّ، سَيْ أَلْمَجِرَنَّنْ سُكَجٜىٰ سُكَغَ عِنْدَ يَكٜىٰدَ ذَمَ، سُكَ كُوَ ذَوْنَ أَوُرِنْ تَرٜىٰ دَشِ أَدُكَنْ يِنِ؞

40أَنْدَرَوُسْ، طَنْعُوَنْ سِيمَنْ بِتْرُسْ، يَنَ طَيَ دَغَ ثِكِنْ مُتَنٜىٰ بِيُنَّنْ دَ سُكَبِے عِيسَىٰ بَايَنْدَ سُكَجِ مَغَنَرْ يَحْيَى عَكَنْ عِيسَىٰ؞

41سَيْ أَنْدَرَوُسْ يَڢَارَ نٜىٰمَنْ طَنْعُوَنْسَ سِيمَنْ، يَثٜىٰ مَسَ «أَيْ، مُنْ سَامِ أَلْمَسِيحُنْ،» وَتُواْ، كِرِسْتِ؞

42سَيْ يَكَيْ سِيمَنْ أَوُرِنْ عِيسَىٰ ؞ عِيسَىٰ يَدُوبٜىٰشِ، يَثٜىٰ «كَيْ نٜىٰ سِيمَنْ طَنْ يَحْيَى؟ ذَاعَثٜىٰ دَكَيْ كٜىٰڢَسْ؞» كُواْ كُمَ بِتْرُسْ مَيْ مَعَنَ «دُوڟٜىٰ»؞

43وَشٜىٰغَرِ كُمَ عِيسَىٰ يَيِ نِيَّرْ ذُوَا غَلِيلِ؞ سَيْ يَسَامِ ڢِلِبُسْ، يَثٜىٰ مَسَ «كَبِينِ؞»

44ڢِلِبُسْ مُتُمِنْ بٜىٰڟَيْدَ نٜىٰ، غَرِنْ سُو أَنْدَرَوُسْ دَ بِتْرُسْ؞

45ڢِلِبُسْ يَسَامِ نَتَعَالَ، يَثٜىٰ مَسَ «مُنْ سَامِ مُتُمِنْ دَ عَكَ رُبُوتَ لَابَرِنْسَ أَ كُواْيَرْوَرْ مُوسَٰى دَ لِتَّتَّڢَنْ أَنَّبَاوَا وَتُواْ، عِيسَىٰ بَنَظَرٜىٰتْ، طَنْ يُوسُڢَ؞»

46سَيْ نَتَعَالَ يَيِ تَمْبَيَ يَثٜىٰ «وَنِ أَبِنْ كِرْكِ ذَيْ عِيَ ڢِتُواْوَ دَغَ نَظَرٜىٰتْ كُوَ؟» ڢِلِبُسْ يَثٜىٰ مَسَ «كَذُواْ كَغَنِ؞»

47عِيسَىٰ يَغَ نَتَعَالَ يَنَ ذُوَا وُرِنْسَ، سَيْيَثٜىٰ «كُغَ مُتُمِنْ إِسْرَٰٓءِيلَ نَغَسْكٜىٰ، وَنْدَ بَاشِ دَ ڧَضْيَا عَثِكِنْسَ؞»

48سَيْ نَتَعَالَ يَتَمْبَيِ عِيسَىٰ يَثٜىٰ «تَيَيَا كَسَنِّ؟» عِيسَىٰ يَأَمْسَ مَسَ يَثٜىٰ «نَغَنْكَ تُنْ كَنَ غِنْدِنْ إِتَاثٜىٰنْ ٻَوْرٜىٰ، كَاڢِنْ مَا ڢِلِبُسْ يَكِرَاكَ؞»

49سَيْ نَتَعَالَ يَثٜىٰ وَ عِيسَىٰ «مَلَمْ، كَيْنٜىٰ طَنْ اللَّهْ! كَيْ نٜىٰ سَرْكِنْ إِسْرَٰٓءِيلَ!»

50عِيسَىٰ يَثٜىٰ وَ نَتَعَالَ «كَا بَادَ غَسْكِيَ نٜىٰ غَمَا نَا غَيَ مَكَ ثٜىٰوَ نَغَنْكَ أَغِنْدِنْ إِتَاثٜىٰنْ ٻَوْرٜىٰ؟ أَيْ، ذَاكَغَ أَبُبُوَنْ دَ سُكَڢِے وَطَنَّنْ؞»

51سَيْ عِيسَىٰ يَڧَارَ ڢَطَا مُسُ ثٜىٰوَ «حَڧِيڧَ إِنَ غَيَ مُكُ، ذَاكُغَ سَمَ عَبُوطٜىٰ، مَلاَىِٕكُنْ اللَّهْ كُمَ سُنَ هَوَ سُنَ سَوْكَ عَكَنْ طَنْ مُتُمْ؞»