John 18

Hausa Arabic 2020 (أَتَّوْرَتْ دَ أَنَّبَاوَا)

1بَايَنْدَ عِيسَىٰ يَغَمَ وَنَّنْ أَدُّعَ، سَيْ يَڧٜىٰتَرٜىٰ رَاڢِنْ كِدْرُوانْ ذُوَا وَنْثَنْ ڧٜىٰتَرٜىٰ تَرٜىٰدَ أَلْمَجِرَنْسَ؞ عَڧٜىٰتَرٜىٰنْ رَاڢِنْ كُوَ أَݣَويْ وَتَ غُواْنَ، سَيْ عِيسَىٰ دَ أَلْمَجِرَنْسَ سُكَ شِغَ ثِكِ؞

2يَهُودَ، أَلْمَجِرِنْدَ يَبَادَ عِيسَىٰ يَسَنْ وُرِنْ دُواْمِنْ عِيسَىٰ يَسَابَا حَطُوَ دَ أَلْمَجِرَنْسَ عَثَنْ؞

3سَيْ يَهُودَ يَطَوْكُواْ ڧُنْ‌غِيَرْ سُواْجَ دَ مَاسُ غَادِنْ هَيْكَلِ وَطَنْدَ مَنْيَنْ ڢِرِسْتُواْثِے دَ ڢَرِسِيَاوَا سُكَ عَيْكَ، سُكَ تَڢِے غُواْنَرْ، سُنَ رِڧٜىٰ دَ ڢِتِلُ دَ سَنْدُنَ مَاسُ وُتَادَ كُمَ كَايَنْ يَاڧِ؞

4عِيسَىٰ كُوَ دَ يَسَنْ دُكْ أَبِنْدَ ذَيْسَامٜىٰشِ، سَيْ يَڢِتُواْ، يَثٜىٰ مُسُ «وَ كُكٜىٰ نٜىٰمَ؟»

5سُكَ أَمْسَ سُكَثٜىٰ « عِيسَىٰ بَنَظَرٜىٰتْ؞» عِيسَىٰ يَثٜىٰ مُسُ «نِنٜىٰ؞» يَهُودَ وَنْدَ يَبَادَ عِيسَىٰ كُوَ يَنَ ڟَيٜىٰ تَرٜىٰدَسُو؞

6دَ عِيسَىٰ يَثٜىٰ مُسُ «نِنٜىٰ»، سَيْ مُتَنٜىٰنْ سُكَ جَا دَ بَايَ حَرْ سُكَ ڢَاطِ عَڧَسَا؞

7عِيسَىٰ يَسَاكٜىٰ تَمْبَيَرْسُ يَثٜىٰ «وَ كُكٜىٰ نٜىٰمَ؟» سَيْ سُكَثٜىٰ « عِيسَىٰ بَنَظَرٜىٰتْ؞»

8عِيسَىٰ يَأَمْسَ يَثٜىٰ «أَيْ، نَا غَيَ مُكُ ثٜىٰوَ نِنٜىٰ شِ؞ إِنْ كُوَ نِے كُكٜىٰ نٜىٰمَ، تُواْ، كُبَرْ وَطَنَّنْ مُتَنٜىٰ سُتَڢِے؞»

9وَنَّنْ يَڢَرُ نٜىٰ دُواْمِنْ مَغَنَرْ دَ عِيسَىٰ يَرِغَا يَايِ تَثِكَ؞ غَمَا دَا يَثٜىٰ «عَثِكِنْ مُتَنٜىٰنْدَ كَبَانِ بَاوَنْدَ يَٻَثٜىٰ؞»

10سِيمَنْ بِتْرُسْ كُوَ وَنْدَ يَكٜىٰدَ تَكُواْبِے، يَظَرُواْ شِ يَسَارِ بَاوَنْ بَبَّنْ ڢِرِسْتِ، حَرْ يَيَنْكٜىٰ مَسَ كُنّٜىٰ نَدَمَ؞ سُونَنْ وَنَّنْ بَاوَنْ كُوَ مَلْكُسْ نٜىٰ؞

11سَيْ عِيسَىٰ يَثٜىٰ وَ بِتْرُسْ «كَمَيْدَ تَكُواْبِنْكَ ثِكِنْ غِدَنْسَ؞ بَذَنْ شَا دَغَ ثِكِنْ ݣُوڢْ دَ عُبَا يَبَانِ إِنْشَا بَ؟»

12سَيْ ڧُنْ‌غِيَرْ سُواْجَ دَ شُوغَبَنْسُ دَ مَاسُ غَادِنْ هَيْكَلِنَّنْ نَ يَهُودَاوَا سُكَ كَامَ عِيسَىٰ ، سُكَ طَوْرٜىٰ شِ؞

13دَ ڢَرْكُواْ سُكَ كَيْ شِ وُرِنْ هَنَّنَ، غَمَا شِے بَابَنْ مَتَنْ كَيَڢَ نٜىٰ؞ كَيَڢَ كُوَ شِينٜىٰ بَبَّنْ ڢِرِسْتِ أَوَنَّنْ شٜىٰكَرَا؞

14شِينٜىٰ يَبَا يَهُودَاوَا شَوَرَا ثٜىٰوَ يَڢِ ݣَوْ مُتُمْ طَيَ يَمُتُ سَبُواْدَ سَوْرَنْ مُتَنٜىٰ؞

15سَيْ سِيمَنْ بِتْرُسْ دَ وَنِ دَغَ ثِكِنْ أَلْمَجِرَنْ عِيسَىٰ سُكَبِے عِيسَىٰ عَبَايَ؞ وَنَّنْ أَلْمَجِرِنْ كُوَ بَبَّنْ ڢِرِسْتِ يَسَنْ شِ، شِيكُمَ يَشِغَ ڢِيلِنْ غِدَنْ بَبَّنْ ڢِرِسْتِ طِنْ تَرٜىٰدَ عِيسَىٰ؞

16عَمَّا بِتْرُسْ يَڟَيَ عَبَاكِنْ ڧُواْڢَ دَغَ وَجٜىٰ؞ سَيْ أَلْمَجِرِنَّنْ دَ بَبَّنْ ڢِرِسْتِ يَوَايٜىٰشِ يَڢِتَ يَيِ مَغَنَ دَ يَارِنْيَ مَيْغَادِنْ ڧُواْڢَ، سَعَنً يَشِغُواْ دَ بِتْرُسْ؞

17يَارِنْيَرْ دَتَكٜىٰ غَادِنْ ڧُواْڢَرْ تَثٜىٰ وَ بِتْرُسْ «أَنْيَ! بَ كَنَ ثِكِنْ أَلْمَجِرَنْ مُتُمِنَّنْ بَ؟» بِتْرُسْ يَأَمْسَ يَثٜىٰ «أَعَ، بَانَ ثِكِ؞»

18أَنَ سَنْيِ، سَبُواْدَ حَكَ بَايِ دَ مَاسُ غَادِ سُكَ هُورَ وُتَادَ غَاوَايِ، سُنَ ڟَيْڟَيٜىٰ، سُنَ جِنْ طُمِنْ وُتَرْ؞ بِتْرُسْ مَا يَنَ ڟَيٜىٰ تَرٜىٰدَسُو يَنَ جِنْ طُمِنْ وُتَرْ؞

19سَيْ بَبَّنْ ڢِرِسْتِ يَيِ وَ عِيسَىٰ تَمْبَيُواْيِ عَكَنْ أَلْمَجِرَنْسَ دَ كُمَ كُواْيَرْوَرْسَ؞

20عِيسَىٰ يَأَمْسَ مَسَ يَثٜىٰ «أَيْ، نَا يِمَغَنَ أَ ڢِيلِ أَغَبَنْ كُواْوَ، نَكُمَيِ تَكُواْيَرْوَا أَ مَجَمِعُ دَ هَيْكَلِ، عِنْدَ يَهُودَاوَا سُكَنْ تَارُ دُكَ؞ بَنْ تَٻَ ڢَطَرْ كُواْمٜىٰ عَٻُواْيٜىٰبَ؞

21تُواْ، مٜىٰيَسَا كَكٜىٰيِ مِنِ تَمْبَيُواْيِ؟ أَيْ، سَيْ كَيِ وَمُتَنٜىٰنْ دَ سُكَ سَوْرَرَتَ تَمْبَيُواْيِ عَكَنْ أَبِنْدَ نَڢَطَا مُسُ، غَمَا سُنْ سَنْ أَبِنْدَ نَڢَطَا؞»

22دَ يَڢَطِ حَكَ، سَيْ وَنِ دَغَ ثِكِنْ مَيْ غَادِنْ دَيَكٜىٰ ڟَيٜىٰ يَمَرِ عِيسَىٰ ، يَثٜىٰ «حَكَ ذَاكَ أَمْسَ وَ بَبَّنْ ڢِرِسْتِ؟»

23عِيسَىٰ يَأَمْسَ يَثٜىٰ «إِنْ دَيْ نَڢَطَا وَنِ أَبُ نٜىٰ وَنْدَ بَ دَيْدَيْبَ، تُواْ، سَيْ كَنُونَ يَدَّ يَكٜىٰ؞ عَمَّا إِنْ أَبِنْدَ نَڢَطِ غَسْكِيَ نٜىٰ، تُواْ، مٜىٰيَسَا كَا مَرٜىٰنِ؟»

24سَيْ هَنَّنَ يَسَا عَكَ كَيْ عِيسَىٰ أَطَوْرٜىٰ وُرِنْ كَيَڢَ، بَبَّنْ ڢِرِسْتِ؞

25حَرْ يَنْذُ بِتْرُسْ كُوَ يَنَ ڟَيٜىٰ يَنَ جِنْ طُمِنْ وُتَا، سَيْ وَطَنْسُ سُكَ تَمْبَيٜىٰشِ سُكَثٜىٰ «أَنْيَ! كَيْ مَا بَ ثِكِنْ أَلْمَجِرَنْسَ كَكٜىٰبَ؟» سَيْ بِتْرُسْ يَيِ مُسُو يَثٜىٰ «بَانَ ثِكِ؞»

26وَنِ دَغَ ثِكِنْ بَايِنْ بَبَّنْ ڢِرِسْتِ يأَنَانً؞ وَنَّنْ بَاوَ كُوَ دَنْ‌غِنْ وَنْدَ بِتْرُسْ يَيَنْكٜىٰ مَسَ كُنّٜىٰ نٜىٰ، سَيْيَثٜىٰ وَ بِتْرُسْ «أَشٜىٰ، بَنْ‌غَنْكَ تَرٜىٰ دَشِ أَغُواْنَرْ بَ؟»

27سَيْ بِتْرُسْ يَسَاكٜىٰيِنْ مُسُو؞ نَنْ دَ نَنْ كُوَ ظَكَرَ يَيِ ثَارَ؞

28تُنْدَ سَسَّڢٜىٰ سُكَ ڢِتَرْدَ عِيسَىٰ دَغَ غِدَنْ كَيَڢَ ذُوَا ڢَادَرْ ڠُومْنَنْ رُواْمَ؞ عَمَّا سُكَڧِ شِغَ ثِكِنْ ڢَادَرْ، وَيْ دُواْمِنْ كَدَ سُڧَظَنْتُ أَغَبَنْ اللَّهْ حَرْ سُكَاسَ ثِنْ عَبِنْثِنْ بِكٍ ڧٜىٰتَرٜىٰوَ؞

29سَبُواْدَ حَكَ بِلَتُسْ يَڢِتُواْ وَجٜىٰ يَسَامٜىٰسُ، يَثٜىٰ «وَثّٜىٰ ڧَارَثٜىٰ كُكَ كَٰوُاْ غَمٜىٰدَ مُتُمِنَّنْ؟»

30سَيْ سُكَ أَمْسَمَسَ سُكَثٜىٰ «دَا وَنَّنْ بَا مَيْ لَيْڢِے بَنٜىٰ، أَيْ دَ بَمُ كَٰوُاْشِ وُرِنْكَبَ؞»

31بِلَتُسْ يَثٜىٰمُسُ «كُتَڢِے دَشِ دَكَنْكُ مَنَ، كُحُكُنْتَ شِ بِسَغَ كُواْيَرْوَرْكُ؞» سَيْ يَهُودَاوَا سُكَثٜىٰ مَسَ «أَيْ، بَعَبَامُ إِيكُوانْ يَنْكٜىٰوَ وَنِ حُكُنْثِنْ كِسَابَ؞»

32وَنَّنْ يَڢَرُ نٜىٰ كُوَ دُواْمِنْ عَثِكَ مَغَنَرْ دَ عِيسَىٰ يَيِ وَدَّ تَݣُوتَنْتَا إِرِنْ مُتُوَرْ دَ ذَيْ يِ؞

33سَيْ بِلَتُسْ يَكُواْمَ ثِكِنْ ڢَادَرْ، سَعَنً يَكِرَا عِيسَىٰ يَتَمْبَيٜىٰشِ يَثٜىٰ «كَيْ نٜىٰ سَرْكِنْ يَهُودَاوَا؟»

34عِيسَىٰ يَأَمْسَ يَثٜىٰ «وَنَّنْ تَمْبَيَ عَكَنْكَ نٜىٰ، كُواْ كُوَ وَطَنْسُ نٜىٰ سُكَيِ مَكَ مَغَنَ عَكَيْنَ؟»

35بِلَتُسْ يَأَمْسَ يَثٜىٰ «أَيْ، نِے بَ بَيَهُودٜىٰ بَنٜىٰ، مُتَنٜىٰنْكَ نٜىٰ دَ مَنْيَنْ ڢِرِسْتُواْثِے سُكَ كَٰوُاْكَ أَوُرِينَ؞ مٜىٰ كَيِ؟»

36عِيسَىٰ يَأَمْسَ يَثٜىٰ «مُلْكِنَ بَ إِرِنَّدُونِيَا بَنٜىٰ؞ دَ مُلْكِنَ إِرِنَّوَنَّنْ دُونِيَا نٜىٰ دَ مَاسُ يِمِنِ حِدِمَ ذَاسُيِ يَاڧِ دُواْمِنْ كَدَ عَبَاشٜىٰنِ غَ يَهُودَاوَا؞»

37سَيْ بِلَتُسْ يَثٜىٰ «أَشٜىٰ، كَيْ سَرْكِے نٜىٰ؟» عِيسَىٰ يَأَمْسَ مَسَ يَثٜىٰ «كَيْ نٜىٰ دَكَنْكَ كَثٜىٰ نِے سَرْكِے نٜىٰ؞ وَنَّنْ شِينٜىٰ دَلِيلِنْ دَ عَكَ حَيْڢٜىٰنِ، شِينٜىٰ كُمَ دَلِيلِنْدَ نَشِغُواْ دُونِيَا، دُواْمِنْ إِنْبَادَ شَيْدَ غَ غَسْكِيَ؞ كُمَ دُكْ وَنْدَ يَكٜىٰ نَغَسْكِيَ، يَكَنْ سَوْرَرِ مُرْيَتَ؞»

38بِلَتُسْ يَتَمْبَيٜىٰشِ يَثٜىٰ «مٜىٰثٜىٰثٜىٰ غَسْكِيَ؟» بَايَنْدَ يَيِ وَنَّنْ تَمْبَيَ، سَيْ يَسَاكٜىٰ ڢِتُواْوَ وُرِنْ يَهُودَاوَا يَثٜىٰ مُسُ «نِے كَمْ، بَنْ سَامٜىٰشِ دَ وَنِ لَيْڢِے بَ؞

39عَمَّا دَيْ كُنَدَ وَتَ أَلْعَادَا، إِنْ دَيْ بِكٍ ڧٜىٰتَرٜىٰوَ يَيِ، نَكَنْ سَكَرْ مُكُ دَ طَنْ كُرْكُكُ غُدَا؞ تُواْ، كُنَسُواْ إِنْسَكَرْ مُكُ دَ سَرْكِنْ يَهُودَاوَا؟»

40سُكَ سَاكٜىٰ أَمْسَاوَا، سُكَيِ إِيهُ سُنَ ثٜىٰوَ «أَعَ، بَ وَنَّنْ ذَاكَ سَكٜىٰبَ، سَيْدَيْ كَسَكِ بَرَبَّسْ!» بَرَبَّسْ كُوَ وَنِ طَنْ ڢَشِنٜىٰ؞

← Chapter 17 Jump to: Chapter 19 →