John 13

Hausa Arabic 2020 (أَتَّوْرَتْ دَ أَنَّبَاوَا)

← Chapter 12 Jump to: Chapter 14 →

1أَنَانً تُنْ كَاڢِنْ بِكٍ ڧٜىٰتَرٜىٰوَ يَيِ، عِيسَىٰ كُوَ يَارِغَا يَسَنِ ثٜىٰوَ لُواْكَثِنْسَ يَيِ دَ ذَيْ بَرْ وَنَّنْ دُونِيَا يَكُواْمَ وُرِنْ عُبَا؞ دَيَكٜىٰ عِيسَىٰ يَڧَوْنَثِ مُتَنٜىٰنْسَ دَسُكٜىٰ عَدُونِيَا، يَكُمَ نُونَ مُسُ ڧَوْنَرْسَ حَرْ ذُوَا ڧَرْشٜىٰ؞

2أَ لُواْكَثِنْ دَ عِيسَىٰ دَ أَلْمَجِرَنْسَ سُكٜىٰ ثِنْ عَبِنْثِنْ دَرٜىٰ، شَيْطَنْ كُوَ يَارِغَا يَسَا أَ ذُوثِيَارْ يَهُودَ إِسْكَرِيُواْتِ طَنْ سِيمَنْ يَبَاشٜىٰ عِيسَىٰ؞

3عِيسَىٰ كُمَ يَسَنْ ثٜىٰوَ عُبَنْ يَسَا دُكَنْ كُواْمٜىٰ أَ حَنُّنْسَ، يَكُمَ سَنِ دَغَ وُرِنْ اللَّهْ يَڢِتُواْ، وُرِنْ اللَّهْ كُمَ ذَيْ كُواْمَ؞

4لُواْكَثِنْ دَسُكٜىٰ ثِنْ عَبِنْثِنْ، عِيسَىٰ يَتَاشِ يَتُوٻٜىٰ رِغَرْسَ تَوَجٜىٰ، يَطَوْكُواْ تَوُلْ يَطَوْرَا كٜىٰوَيٜىٰ دَ جِكِنْسَ؞

5سَعَنً يَظُبَ ضُوَ عَݣُونُواْ، يَڢَارَ وَنْكٜىٰ ڧَڢَاڢُنْ أَلْمَجِرَنْ، يَنَ شَارٜىٰ ڧَڢَاڢُنْسُ دَ تَوُلْ وَنْدَ يَطَوْرَا كٜىٰوَيٜىٰ دَ جِكِنْسَ؞

6سَيْ عِيسَىٰ يَذُواْ وُرِنْ بِتْرُسْ؞ بِتْرُسْ كُوَ يَثٜىٰ مَسَ «يَا عُبَنْ‌غِجِ ، كَيْنٜىٰ ذَاكَ وَنْكٜىٰ مِنِ ڧَڢَا؟»

7عِيسَىٰ يَأَمْسَ مَسَ يَثٜىٰ «يَنْذُ كَمْ، بَكَسَنْ أَبِنْدَ نَكٜىٰيِبَ، عَمَّا دَغَ بَايَ ذَاكَ غَانٜىٰ؞»

8سَيْ بِتْرُسْ يَثٜىٰ مَسَ «سَمْ! بَذَاكَ تَٻَ وَنْكٜىٰ مِنِ ڧَڢَبَ؞» عِيسَىٰ يَأَمْسَ مَسَ يَثٜىٰ «تُواْ، إِنْ بَنْ وَنْكٜىٰ مَكَ بَ، بَكَ دَ رَبُواْ أَوُرِينَ؞»

9بِتْرُسْ يَثٜىٰمَسَ «يَا عُبَنْ‌غِجِ ، بَ مَا ڧَڢَاڢُنَ كَطَيْ ذَاكَ وَنْكٜىٰبَ، عَمَّا كَوَنْكٜىٰ حَرْ دَ حَنُّوَنَ دَكَيْنَ مَا؞»

10سَيْ عِيسَىٰ يَثٜىٰ «بَايَنْدَ مُتُمْ يَيِ وَنْكَ، جِكِنْسَ يَڟَبْتَثٜىٰ كٜىٰنَنْ؞ بَايَ بُڧَاتَ وَنْكَ كُمَ سَيْدَيْ يَوَنْكٜىٰ ڧَڢَاڢُنْسَ كَوَيْ؞ غَمَا كُنَدَ ڟَبْتَ، عَمَّا بَ دُكَنْكُبَ؞»

11دُوانْ عِيسَىٰ يَسَنْ وَنْدَ ذَيْ بَاشٜىٰشِ، شِے يَسَا يَثٜىٰ «بَدُكَنْكُ نٜىٰ كُنَدَ ڟَبْتَبَ؞»

12بَايَنْدَ يَوَنْكٜىٰ ڧَڢَاڢُنْسُ، يَسَاكٜىٰسَا رِغَرْسَ، سَيْ يَكُواْمَ وَجٜىٰنْ ذَمَنْسَ يَذَوْنَ؞ سَيْ يَتَمْبَيٜىٰسُ يَثٜىٰ «كُنْ غَانٜىٰ أَبِنْدَ نَيِ مُكُ؟

13كُنَثٜىٰ دَنِے مَلَمْ دَ كُمَ عُبَنْ‌غِجِ ؞ دَيْدَيْ نٜىٰ كُوَ، دُواْمِنْ حَكَ نَكٜىٰ؞

14تُنْدَيَكٜىٰ نِے دَ نَكٜىٰ عُبَنْ‌غِجِنْكُ دَ مَلَمِنْكُ نَوَنْكٜىٰ مُكُ ڧَڢَا، أَشٜىٰ، كُو مَا يَا كَمَاتَ كُوَنْكٜىٰوَ جُونَ؞

15غَمَا نَا نُونَ مُكُ مِصَالِنٜىٰ دُواْمِنْ كُو مَا كُيِ يَدَّ نَيِ مُكُ؞

16حَڧِيڧَ، إِنَ غَيَ مُكُ، بَاوَ بَايَ ڢِنْ مَيْغِدَنْسَ، طَنْ عَيْكَ كُمَ بَايَڢِنْ وَنْدَ يَعَيْكٜىٰشِ؞

17يَنْذُ دَ كُنْ سَنْ وَطَنَّنْ أَبُبُوَ ذَاكُذَمَ مَاسُ أَلْبَرْكَ عِدَنْ كُنْيِسُ؞

18«بَا عَكَنْكُ دُكَ نَكٜىٰ مَغَنَبَ؞ نَسَنْ وَطَنْدَ نَذَاٻَا؞ وَنَّنْ كُوَ دُواْمِنْ عَثِكَ أَبِنْدَ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‹وَنْدَ يَكٜىٰ ثِنْ عَبِنْثِ تَرٜىٰ دَ نِ يَاتَيَرْ مِنِ؞›

19إِنَ غَيَ مُكُ وَنَّنْ نٜىٰ يَنْذُ كَاڢِنْ يَڢَرُ، دُواْمِنْ لُواْكَثِنْدَ يَڢَرُ كُبَادَ غَسْكِيَ ثٜىٰوَ نِنٜىٰ شِ؞

20حَڧِيڧَ، إِنَ غَيَ مُكُ، وَنْدَ يَكَرْٻِ دُكْ وَنْدَ نَعَيْكَ دَ ذُوثِيَا طَيَ، يَكَرْٻٜىٰنِنٜىٰ؞ وَنْدَ كُمَ يَكَرْٻٜىٰنِ دَ ذُوثِيَا طَيَ، يَكَرْٻِ وَنْدَ يَأَيْكُواْ نِنٜىٰ؞»

21بَايَنْدَ عِيسَىٰ يَيِ وَنَّنْ مَغَنَ، أَبِنْ يَدَامٜىٰشِ سُواْسَيْ أَ ذُوثِيَا؞ سَيْ يَڢَطَا أَ ڢِيلِ ثٜىٰوَ «غَسْكِيَ، إِنَ غَيَ مُكُ، طَيَنْكُ ذَيْبَاشٜىٰنِ؞»

22سَيْ أَلْمَجِرَنْسَ سُكَ دُدُّوبِے جُونَ، دُوانْ بَسُ سَنْ أَلْمَجِرِنْ دَ عِيسَىٰ يَكٜىٰ مَغَنَ عَكَنْسَبَ؞

23وَنِ دَغَ ثِكِنْ أَلْمَجِرَنْسَ كُوَ، وَنْدَ عِيسَىٰ يَكٜىٰ ڧَوْنَ، يَنَ ظَوْنٜىٰ كُرْكُسَدَ عِيسَىٰ؞

24سَيْ بِتْرُسْ يَيِ مَسَ مَغَنَ دَ عَلَمَرْ حَنُّ ثٜىٰوَ يَتَمْبَيِ عِيسَىٰ يَغَيَ مُسُ وَنْدَ يَكٜىٰ مَغَنَ عَكَنْسَ؞

25سَيْ أَلْمَجِرِنَّنْ يَمَڟُواْ كُسَدَ عِيسَىٰ يَتَمْبَيٜىٰشِ يَثٜىٰ «وَنٜىٰنٜىٰ شِے عُبَنْ‌غِجِ ؟»

26سَيْ عِيسَىٰ يَأَمْسَ يَثٜىٰ «ذَنْ ڟُواْمَ غُڟُرِنْ غُرَاسَرْنَنْ عَݣُونُواْ؞ وَنْدَ نَبَا شِ، شِينٜىٰ مُتُمِنْ؞» دَ عِيسَىٰ يَطَوْكِ غُڟُرِنْ غُرَاسَرْ يَڟُواْمَ، سَيْ يَبَا يَهُودَ طَنْ سِيمَنْ إِسْكَرِيُواْتِ؞

27دَ يَكَرْٻِ غُڟُرِنْ غُرَاسَرْ سَيْ شَيْطَنْ يَشِغَ ثِكِنْسَ نَنْ دَنَنْ؞ سَيْ عِيسَىٰ يَثٜىٰ وَ يَهُودَ «أَبِنَّنْ دَ ذَاكَيِ، كَيِشِ دَسَوْرِ؞»

28عَمَّا ثِكِنْ وَطَنْدَ سُكٜىٰ ثِنْ عَبِنْثِنْ، بَاوَنْدَ يَسَنْ دَلِيلِنْدَ يَسَا عِيسَىٰ يَڢَطَا مَسَ حَكَ؞

29تُنْدَ يَهُودَ نٜىٰ يَكٜىٰ رِڧٜىٰ دَ جَكَرْ كُطِنْسُ، سَيْ وَطَنْسُ دَغَ ثِكِنْ أَلْمَجِرَنْ سُكَيِ ڟَمَّنِ عِيسَىٰ يَنَ ڢَطَا مَسَ يَسَيُواْ أَبِنْدَ عَكٜىٰ بُڧَاتَ عَبِكٍ نٜىٰ، كُواْ كُمَ يَبَا تَلَكَاوَا وَنِ أَبُ؞

30شِے كُوَ دَ يَكَرْٻِ غُڟُرِنْ غُرَاسَرْ، سَيْ يَڢِتَ؞ أَ لُواْكَثِنْ كُوَ دَرٜىٰ يَايِ؞

31بَايَنْدَ يَهُودَ يَڢِتَ، عِيسَىٰ يَثٜىٰ «يَنْذُ نٜىٰ عَكَ طَوْكَكَ طَنْ مُتُمْ، عَكَ كُمَ طَوْكَكَ اللَّهْ تَوُرِنْسَ؞

32عِدَنْ اللَّهْ يَكَرْٻِ طَوْكَكَ تَوُرِنْسَ، تُواْ، اللَّهْ ذَيْبَا طَنْ طَوْكَكَ تَوُرِنْ كَنْسَ، نَنْ دَنَنْ كُوَ ذَيْسَامِ طَوْكَكَ؞

33«يَا كُو یَیَنَ ڧَنَانَا، سَوْرَ طَنْ لُواْكَثِ كَطَنْ إِنَ تَرٜىٰدَكُو؞ ذَاكُ نٜىٰمٜىٰنِ، عَمَّا كَمَرْ يَدَّ نَڢَطَا وَ يَهُودَاوَا ثٜىٰوَ ‹عِنْدَ ذَانِ بَذَاكُ عِيَ ذُوَابَ،› حَكَ نَكٜىٰ ڢَطَا مُكُ يَنْذُ؞

34«سَابُوانْ عُمَرْنِ نَكٜىٰ بَاكُ، كُڧَوْنَثِ جُونَ؞ كَمَرْ يَدَّ نَڧَوْنَثٜىٰكُ، حَكَ كُو مَا كُڧَوْنَثِ جُونَ؞

35تَهَكَ كُواْوَ ذَيْسَنِ كُو أَلْمَجِرَيْنَنٜىٰ، إِنْ دَيْ كُنَڧَوْنَرْ جُونَ؞»

36سِيمَنْ بِتْرُسْ يَتَمْبَيِ عِيسَىٰ يَثٜىٰ «يَا عُبَنْ‌غِجِ ، إِنَا ذَاكَ؟» عِيسَىٰ يَأَمْسَ يَثٜىٰ «عِنْدَ ذَانِ بَذَاكَ عِيَ بِنَ يَنْذُ بَ، عَمَّا دَغَ بَايَ ذَاكَبِينِ؞»

37سَيْ بِتْرُسْ يَثٜىٰ مَسَ «يَا عُبَنْ‌غِجِ ، مٜىٰيَسَا بَذَنْ عِيَ بِنْكَ عَيَنْظُبَ؟ أَيْ، ذَنْبَادَ رَيْنَ سَبُواْدَكَيْ؞»

38عِيسَىٰ يَأَمْسَ يَثٜىٰ «أَشٜىٰ، ذَاكَبَادَ رَنْكَ سَبُواْدَنِ؟ حَڧِيڧَ، إِنَغَيَ مَكَ، كَاڢِنْ ظَكَرَ يَيِثَارَ، ذَاكَيِ مُسُونْ سَنِنَ سَوْ عُكُ؞»

← Chapter 12 Jump to: Chapter 14 →