John 9

Hausa Arabic 2020 (أَتَّوْرَتْ دَ أَنَّبَاوَا)

1عِيسَىٰ يَنَ وُثٜىٰوَ كٜىٰنَنْ، سَيْ يَغَ وَنِ مُتُمْ وَنْدَ تُنْ حَيْڢُوَرْسَ مَكَهُواْ نٜىٰ؞

2سَيْ أَلْمَجِرَنْسَ سُكَ تَمْبَيٜىٰشِ سُكَثٜىٰ «مَلَمْ، ذُنُوبِنْ وَنٜىٰنٜىٰ يَسَا أَنْحَيْڢِ وَنَّنْ مُتُمْ مَكَهُواْ؟ ذُنُوبِنْسَ نٜىٰ، كُواْ ذُنُوبِنْ إِيَايٜىٰنْسَ؟»

3عِيسَىٰ يَأَمْسَ يَثٜىٰ «بَا وَيْ سَبُواْدَ مُتُمِنَّنْ كُواْ إِيَايٜىٰنْسَ سُنْيِ ذُنُوبِ بَنٜىٰ، عَمَّا أَنْحَيْڢٜىٰشِ مَكَهُواْ نٜىٰ دُواْمِنْ أَ نُونَ إِيكُوانْ عَيْكِنْ اللَّهْ عَكَنْسَ؞

4دُواْلٜىٰنٜىٰ مُثِيغَبَدَ يِنْ عَيْكِنْ وَنْدَ يَعَيْكُواْ نِے تُنْدَ سَوْرَنْ رَانَ؞ أَيْ دَرٜىٰ يأَنَانً ذُوَا، أَ لُواْكَثِنْ دَ بَاوَنْدَ ذَيْ عِيَ عَيْكِ؞

5مُدِّنْ إِنَانَنْ عَدُونِيَا، نِنٜىٰ حَصْكٜىٰنْ دُونِيَا؞»

6دَ يَڢَطِ حَكَ سَيْ يَتُواْڢَ مِيَوْ عَڧَسَا، يَݣُوٻَ ڧَسَا دَشِ، سَيْ يَطٜىٰبِے ڧَسَرْ نَنْدَ يَݣُوٻَ، يَشَاڢَ أَعِدَانُنْ مُتُمِنْ؞

7يَثٜىٰ وَمُتُمِنْ «جٜىٰكَ، كَوَنْكٜىٰ عِدُواْ أَ ضُوً تَڢْكِنْ سِلُوَمْ؞» وَنَّنْ كَلْمَ كُوَ تَنَ نُڢِنْ «عَيْكَ»؞ سَيْ مُتُمِنْ يَجٜىٰ يَوَنْكٜىٰ عِدُواْ، يَدَاوُاْ عِدَنُونْسَ سُنَ غَنِ؞

8مَڨُوبْتَنْسَ دَ وَطَنْدَ سُكَ سَابَا غَنِنْسَ يَنَ بَرَ أَدَا، سُكَثٜىٰ «أَشٜىٰ، بَوَنَّنْ نٜىٰ يَكَنْ ذَوْنَ يَنَ بَرَبَ؟»

9وَطَنْسُ سُكَثٜىٰ «شِينٜىٰ مَنَ؞» وَطَنْسُ كُوَ سُكَثٜىٰ «أَعَ، سُنْ دَيْ يِكَمَ نٜىٰ كَوَيْ؞» عَمَّا مُتُمِنْ دَ كَنْسَ يَثٜىٰ «أَيْ، نِنٜىٰ مُتُمِنْ؞»

10سَيْ سُكَ تَمْبَيٜىٰشِ سُكَثٜىٰ «تُواْ، يَيَ عَكَيِ عِدَنُونْكَ سُكَ بُوطٜىٰ؟»

11يَأَمْسَ يَثٜىٰ «مُتُمِنَّنْ دَ عَكٜىٰ ثٜىٰ دَشِ عِيسَىٰ نٜىٰ يَݣُوٻَ ڧَسَا يَشَاڢَ مِنِ أَعِدَانُو، يَثٜىٰ مِنِ، ‹جٜىٰكَ كَوَنْكٜىٰ عِدُواْ أَ ضُوً سِلُوَمْ؞› نَا كُوَ جٜىٰ نَا وَنْكٜىٰ، سَيْ نَسَامِ غَنِ؞»

12سُكَ تَمْبَيٜىٰشِ سُكَثٜىٰ «إِنَا مُتُمِنْ يَكٜىٰ؟» سَيْ يَثٜىٰ «بَنْ سَنِبَ؞»

13سَيْ مُتَنٜىٰنْ سُكَ كَيْ وَ ڢَرِسِيَاوَا مُتُمِنْ دَيَكٜىٰ مَكَهُواْ أَدَا؞

14تُواْ، أَ رَانَرْ هُوتُ تَمَكُواْ نٜىٰ عِيسَىٰ يَݣُوٻَ ڧَسَا يَبُوطٜىٰ وَمُتُمِنْ عِدُواْ؞

15سَبُواْدَ حَكَ ڢَرِسِيَاوَا سُكَ تَمْبَيٜىٰشِ يَدَّ عَكَيِ يَسَامِ غَنِ؞ سَيْ مُتُمِنْ يَثٜىٰ «يَݣُوٻَ ڧَسَا نٜىٰ يَشَاڢَ مِنِ أَعِدُواْنَ، نَوَنْكٜىٰ، يَنْذُ إِنَ غَنِ؞»

16وَطَنْسُ ڢَرِسِيَاوَا سُكَثٜىٰ «مُتُمِنَّنْ بَ دَغَ وُرِنْ اللَّهْ يَڢِتُواْ بَ، دُوانْ بَايَ كِيَايٜىٰ رَانَرْ هُوتُ تَمَكُواْ؞» عَمَّا وَطَنْسُ سُكَيِ تَمْبَيَ سُكَثٜىٰ «يَيَ مُتُمْ مَيْ ذُنُوبِ ذَيْ عِيَيِنْ عَلَمُنْ بَنْ مَامَاكِ حَكَ؟» سَيْ رَعَيِنْسُ يَرَبُ؞

17سَيْ سُكَسَاكٜىٰ تَمْبَيِ مُتُمِنْ سُكَثٜىٰ «مٜىٰنٜىٰنٜىٰ رَعَيِنْكَ غَمٜىٰدَ وَنَّنْ مُتُمْ، تُنْدَيَكٜىٰ كَيْنٜىٰ يَبُوطٜىٰ مَكَ عِدُواْ؟» مُتُمِنْ يَأَمْسَ مُسُ يَثٜىٰ «أَيْ، أَنَّبِے نٜىٰ شِ؞»

18شُوغَبَنِّنْ يَهُودَاوَنْ كَمْ، بَسُ بَادَ غَسْكِيَابَ ثٜىٰوَ مُتُمِنَّنْ مَكَهُواْ نٜىٰ أَدَا، كُمَ يَنْذُ يَنَ غَنِ؞ سَبُواْدَ حَكَ سُكَ عَيْكَ عَكَ كِرَا إِيَايٜىٰنْسَ؞

19سُكَ تَمْبَيٜىٰسُ سُكَثٜىٰ «وَنَّنْ طَنْكُ نٜىٰ؟ كُنْثٜىٰ أَنْحَيْڢٜىٰشِ مَكَهُواْ؟ تُواْ، تَيَيَا يَ عِيَ غَنِ يَنْذُ؟»

20سَيْ إِيَايٜىٰنْ سُكَ أَمْسَ سُكَثٜىٰ «مُنْ دَيْ سَنْ وَنَّنْ طَنْمُ نٜىٰ، كُمَ أَنْحَيْڢٜىٰشِ مَكَهُواْ نٜىٰ؞

21عَمَّا مَا كَمْ، بَمُسَنْ يَدَّ عَكَيِ يَنَ غَنِ يَنْذُ بَ، بَمُ مَا سَنْ وَنْدَ يَبُوطٜىٰ مَسَ عِدُواْبَ؞ كُتَمْبَيٜىٰشِ، أَيْ، شِے بَ يَرُواْ بَنٜىٰ، ذَيْ ڢَطَا دَ بَاكِنْسَ؞»

22إِيَايٜىٰنْسَ سُنْ ڢَطِ حَكَنٜىٰ دُواْمِنْ ڟُواْرُوانْ شُوغَبَنِّنْ يَهُودَاوَا، دُوانْ دَا مَا يَهُودَاوَا سُنْ شِرْيَ ثٜىٰوَ دُكْ وَنْدَ يَثٜىٰ عِيسَىٰ نٜىٰ أَلْمَسِيحُ ، ذَاعَ كُواْرٜىٰشِ دَغَ مَجَمِعَ؞

23شِيَسَا إِيَايٜىٰنْسَ سُكَثٜىٰ «أَيْ، شِے بَ يَرُواْ بَنٜىٰ، كُتَمْبَيٜىٰشِ؞»

24سَيْ ڢَرِسِيَاوَنْ سُكَسَاكٜىٰ كِرَا مُتُمِنَّنْ دَيَكٜىٰ مَكَهُواْ أَدَا، سُكَثٜىٰ مَسَ «كَڢَطِ غَسْكِيَ دُوانْ كَطَوْكَكَا اللَّهْ ؞ مُو كَمْ، مُنْسَنْ مُتُمِنَّنْدَ يَوَرْكَرْ دَكَيْ مَيْ ذُنُوبِ نٜىٰ؞»

25سَيْ يَأَمْسَ يَثٜىٰ «كُواْ مَيْ ذُنُوبِ نٜىٰ، نِے بَنْ سَنِبَ؞ أَبُ طَيَ كَمْ نَسَنِ، دَا نِے مَكَهُواْ نٜىٰ، يَنْذُ كُوَ إِنَ غَنِ؞»

26سُكَ تَمْبَيٜىٰشِ كُمَ سُكَثٜىٰ «مٜىٰيَيِ مَكَ؟ تَيَيَا يَبُوطٜىٰ مَكَ عِدُواْ؟»

27يَأَمْسَ مُسُ يَثٜىٰ «نَارِغَا نَا ڢَطَا مُكُ، بَكُجِنِ بَنٜىٰ؞ دُوانْمٜىٰ كُكٜىٰسُواْ كُسَاكٜىٰجِ؟ كُواْ كُو مَا كُنَ سُواْ كُذَمَ أَلْمَجِرَنْسَ نٜىٰ؟»

28سَيْ سُكَ ذَاغِ مُتُمِنْ سُكَثٜىٰ «كَيْ نٜىٰ دَيْ أَلْمَجِرِنْسَ، عَمَّا مُو كَمْ، أَلْمَجِرَنْ مُوسَٰى نٜىٰ؞

29مُنْ دَيْ سَنِ اللَّهْ يَيِ مَغَنَ دَ مُوسَٰى، عَمَّا وَنَّنْ مُتُمْ كَمْ بَمُسَنْ عِنْدَ يَڢِتُواْبَ؞»

30سَيْ مُتُمِنْ يَأَمْسَ مُسُ يَثٜىٰ «يَوْ غَا أَبِنْ مَامَاكِ! بَكُسَنْ عِنْدَ يَڢِتُواْ بَ، غَاشِ كُوَ يَبُوطٜىٰ مِنِ عِدُواْ!

31مُنْ سَنِ اللَّهْ بَايَ سَوْرَرُوانْ مَاسُ ذُنُوبِ، عَمَّا يَنَ سَوْرَرُوانْ دُكْ وَنْدَ يَكٜىٰيِ مَسَ سُجَّدَ، يَنَ كُمَيِ مَسَ بِيَيَّ؞

32تُنْ ڢَرْكُوانْ دُونِيَا بَعَتَٻَ جِنْ وَنِ يَبُوطٜىٰ عِدُوانْ وَنْدَ عَكَ حَيْڢَ مَكَهُواْبَ؞

33أَيْ دَ مُتُمِنَّنْ بَ دَغَ وُرِنْ اللَّهْ يَڢِتُواْ بَ دَ بَذَيْ عِيَيِنْ كُواْمٜىٰبَ؞»

34سُكَ أَمْسَ مَسَ سُكَثٜىٰ «كَيْ دَ عَكَ حَيْڢٜىٰكَ ثِكِنْ ذُنُوبِ، كَنَ ڧُواْڧَرِ كَكُواْيَ مَنَ نٜىٰ؟» سَيْ سُكَ كُواْرٜىٰشِ؞

35عِيسَىٰ يَجِ لَابَرِ ثٜىٰوَ سُنْ كُواْرِ مُتُمِنْ؞ دَ يَسَامٜىٰشِ، سَيْ يَتَمْبَيٜىٰشِ يَثٜىٰ «كَبَادَ غَسْكِيَ غَ طَنْ اللَّهْ ؟»

36مُتُمِنْ يَأَمْسَ يَثٜىٰ «مَيْغِرْمَ، وَنٜىٰنٜىٰ شِ؟ كَڢَطَا مِنِ دُوانْ إِنْ بَادَ غَسْكِيَ غَرٜىٰشِ؞»

37عِيسَىٰ يَثٜىٰ مَسَ «أَيْ، كَغَنْ شِ، شِينٜىٰ مَا مَيْ مَغَنَ دَكَيْ؞»

38سَيْ مُتُمِنْ يَثٜىٰ « عُبَنْ‌غِجِ ، نَبَادَ غَسْكِيَ؞» يَكُمَيِ مَسَ سُجَّدَ؞

39عِيسَىٰ يَثٜىٰ «نَشِغُواْ دُونِيَرْ نَنْ نٜىٰ دُواْمِنْ إِنْيِ شَرِيعَ، دُواْمِنْ وَطَنْدَ بَاسَ غَنِ سُسَامِ غَنِ، وَطَنْدَ سُكٜىٰ غَنِ كُمَ سُذَمَ مَكَڢِ؞»

40دَ ڢَرِسِيَاوَنْ دَسُكٜىٰ كُسَدَشِ سُكَجِ حَكَ، سَيْ سُكَثٜىٰ مَسَ «وَتُواْ، كَنَ ثٜىٰوَ مُو مَا مَكَڢِ كٜىٰنَنْ؟»

41عِيسَىٰ يَثٜىٰمُسُ «أَيْ دَ مَكَڢِ نٜىٰ كُو دَ بَاكُ دَ أَلْحَكِنْ ذُنُوبِ؞ عَمَّا دَيَكٜىٰ كُنْثٜىٰ كُنَغَنِ، تُواْ، أَلْحَكِنْ ذُنُبَنْكُ يأَنَانً دَرَمْ؞

← Chapter 8 Jump to: Chapter 10 →