John 19

Hausa Arabic 2020 (أَتَّوْرَتْ دَ أَنَّبَاوَا)

1سَعَنً بِلَتُسْ يَسَا عَيِ وَ عِيسَىٰ بُلَلَ؞

2سَيْ سُواْجُواْجِ سُكَيِ وَتَ هُولَرْ مُلْكِ تَرٜىٰشٜىٰنْ إِتَاثٜىٰنْ ڧَيَ سُكَسَاشِ عَكَنْ عِيسَىٰ ، سَعَنً سُكَسَا مَسَ وَتَ رِغَا مَيْ كَلَرْ جَرْ غَرُورَا إِرِنْ تَسَرَاكُنَ؞

3سُكَيِ تَظُوَ وُرِنْسَ، سُنَ تَمَرِنْسَ سُنَ ثٜىٰوَ «رَنْكَيَدَطٜىٰ، سَرْكِنْ يَهُودَاوَا!»

4سَيْ بِلَتُسْ يَسَاكٜىٰ ڢِتُواْوَ، يَثٜىٰ وَ يَهُودَاوَا «غَاشِ ڢَا ذَنْ ڢِتُواْ مُكُ دَ عِيسَىٰ ، دُوانْ إِنَ سُواْكُسَنِ ثٜىٰوَ بَنْ سَامٜىٰشِ دَ وَنِ لَيْڢِے بَ؞»

5سَعَنً عِيسَىٰ يَڢِتُواْ دَ هُولَرْ مُلْكِ تَڧَيَ عَكَنْسَ دَ كُمَ رِغَا مَيْ كَلَرْ جَرْ غَرُورَا؞ سَيْ بِلَتُسْ يَثٜىٰ مُسُ «تُواْ، غَ مُتُمِنْ؞»

6دَ مَنْيَنْ ڢِرِسْتُواْثِے دَ مَاسُ غَادِنْ هَيْكَلِ سُكَغَ عِيسَىٰ ، سَيْ سُكَيِ إِيهُ سُنَ ثٜىٰوَ «أَغِثِّيٜىٰشِ! أَغِثِّيٜىٰشِ!» عَمَّا بِلَتُسْ يَثٜىٰ مُسُ «كُجٜىٰ كُغِثِّيٜىٰشِ دَ كَنْكُ، دُواْمِنْ نِے بَنْ سَامٜىٰشِ دَ وَنِ لَيْڢِے بَ؞»

7يَهُودَاوَنْ سُكَ أَمْسَ مَسَ سُكَثٜىٰ «أَيْ، مُنَدَ كُواْيَرْوَا، كُمَ بِسَغَ كُواْيَرْوَرْ يَا كَمَاتَ عَكَشٜىٰشِ، غَمَا يَا مَيْدَ كَنْسَ طَنْ اللَّهْ ؞»

8دَ بِلَتُسْ يَجِ وَنَّنْ مَغَنَ سَيْ يَڧَارَ جِنْ ڟُواْرُواْ؞

9سَيْ يَسَاكٜىٰ شِغَ ثِكِنْ ڢَادَرْ، يَتَمْبَيِ عِيسَىٰ ثٜىٰوَ «دَغَ إِنَا نٜىٰ كَڢِتُواْ؟» عَمَّا عِيسَىٰ بَيْ بَاشِ وَتَ أَمْسَبَ؞

10سَبُواْدَ حَكَ بِلَتُسْ يَثٜىٰ مَسَ «كَڧِ كَيِ مَغَنَ دَنِے كُواْ؟ بَكَ سَنِ ثٜىٰوَ إِنَدَ إِيكُواْ إِنْ سَكٜىٰكَ، كُواْ إِنْ غِثِّيٜىٰكَبَ؟»

11عِيسَىٰ يَأَمْسَ مَسَ يَثٜىٰ «أَيْ، إِيكُوانْ دَ كَكٜىٰ دَشِ عَكَيْنَ إِيكُواْ وَنْدَ اللَّهْ يَبَاكَ نٜىٰ كَوَيْ؞ مُتُمِنْدَ يَسَانِ أَ حَنُّنْكَ يَڢِيكَ ذُنُوبِ؞»

12عَكَنْ وَنَّنْ مَغَنَ بِلَتُسْ يَنٜىٰمَ يَسَكِ عِيسَىٰ ، عَمَّا يَهُودَاوَا سُكَ طَغَ مُرْيَرْسُ سُكَيِ إِيهُ سُنَ ثٜىٰوَ «إِنْ دَيْ كَا سَكِ وَنَّنْ، تُواْ، كَيْ بَا أَبُواْكِنْ كَيْسَرْ بَنٜىٰ؞ أَيْ، دُكْ وَنْدَ يَمَيْدَ كَنْسَ سَرْكِے، يَنَيِ وَ كَيْسَرْ تَاوَيٜىٰ كٜىٰنَنْ؞»

13دَ بِلَتُسْ يَجِ وَنَّنْ أَبِنْدَ سُكَ ڢَطَا، يَڢِتُواْ دَ عِيسَىٰ ؞ سَيْ شِ بِلَتُسْ يَذَوْنَ عَكُجٜىٰرَرْ شَرِيعَ أَوَنِ وُرِنْ دَ عَكَ كِرَا دَٻٜىٰنْ دُوَڟُو؞ دَيَرٜىٰنْ أَرَمَيَ كُوَ أَنَثٜىٰ دَشِ غَبَّتَ؞

14رَانَرْ نَنْ كُوَ رَانَرْ شِرِنْ بِكٍ ڧٜىٰتَرٜىٰوَ ثٜىٰ، وَجٜىٰنْ ڟَكَرْ رَانَ؞ سَيْ شِے بِلَتُسْ يَثٜىٰ وَ يَهُودَاوَا «غَا سَرْكِنْكُ!»

15عَمَّا يَهُودَاوَا سُكَيِ إِيهُ سُنَ ثٜىٰوَ «عَكَشٜىٰشِ! عَكَشٜىٰشِ! أَغِثِّيٜىٰشِ!» سَيْ بِلَتُسْ يَتَمْبَيٜىٰسُ يَثٜىٰ «كُنَسُواْ إِنْ‌غِثِّيٜىٰ سَرْكِنْكُ نٜىٰ؟» سَيْ مَنْيَنْ ڢِرِسْتُواْثِے سُكَ أَمْسَ سُكَثٜىٰ «أَيْ، مُو بَامُدَ وَنِ سَرْكِے سَيْ كَيْسَرْ؞»

16سَعَنً بِلَتُسْ يَطَوْكِ عِيسَىٰ يَبَا يَهُودَاوَا دُواْمِنْ سُغِثِّيٜىٰشِ؞

17سَيْ سُواْجُواْجِ سُكَ تَڢِے دَ عِيسَىٰ؞ عِيسَىٰ يَكُوَ ڢِتَ دَغَ ثِكِنْ غَرِنْ يَنَ طَوْكٜىٰ دَ غِثِّيٜىٰنْسَ دَ كَنْسَ ذُوَا وَنِ وُرِنْ دَ عَكٜىٰثٜىٰ دَشِ وُرِنْ ڧُواْڧُوانْ كَيْ؞ دَيَرٜىٰنْ أَرَمَيَ كُوَ أَنَثٜىٰ دَ وَنَّنْ وُرِے غُوالْغُواْتَ؞

18أَوُرِنْ نٜىٰ ڢَا عَكَ غِثِّيٜىٰ عِيسَىٰ ، تَرٜىٰدَ وَطَنْسُ مُتَنٜىٰ بِيُ، طَيَ أَدَمَنْسَ، طَيَ كُمَ أَ هَغُنْسَ؞

19بِلَتُسْ كُمَ يَرُبُوتَ وَتَ سَنَرْوَ، وَدَّ عَكَ مَنّٜىٰ عَكَنْ غِثِّيٜىٰنْ؞ أَبِنْدَ عَكَ رُبُوتَ كُوَ شِينٜىٰ، « عِيسَىٰ بَنَظَرٜىٰتْ، سَرْكِنْ يَهُودَاوَا؞»

20يَهُودَاوَا دَيَوَ سُنْ كَرَنْتَ وَنَّنْ سَنَرْوَ دُواْمِنْ وُرِنْ دَ عَكَ غِثِّيٜىٰ عِيسَىٰ كُسَدَ بِرْنِ نٜىٰ؞ وَنَّنْ رُبُوتُو كُوَ أَنْيِشِ دَ يَرٜىٰنْ أَرَمَيَ دَ رُواْمَنْثِ دَ كُمَ هٜىٰلٜىٰنَنْثِ؞

21سَيْ مَنْيَنْ ڢِرِسْتُواْثِنْ يَهُودَاوَا سُكَثٜىٰ وَ بِلَتُسْ «كَدَ كَرُبُوتَ، ‹سَرْكِنْ يَهُودَاوَا›، عَمَّا كَرُبُوتَ، ‹وَنَّنْ مُتُمْ يَثٜىٰ وَيْ شِينٜىٰ سَرْكِنْ يَهُودَاوَا›؞»

22بِلَتُسْ يَأَمْسَ يَثٜىٰ «أَبِنْ دَ نَارِغَا نَا رُبُوتَ، نَا رُبُوتَ كٜىٰنَنْ؞»

23بَايَنْدَ سُواْجُواْجِنْ سُكَ غِثِّيٜىٰ عِيسَىٰ ، سُكَ طِبِے تُڢَاڢِنْسَ، سُكَ رَبَ كَشِ حُطُ، كُواْوَنّٜىٰ سُواْجَ يَطَوْكِ كَشِ طَيَ؞ سُنْ كُمَ طَوْكِ دُواْغُوَرْ رِغَرْسَ وَدَّ بَعَطِنْكَ تَبَ، عَمَّا أَنْسَاڧَتَ نٜىٰ تُنْدَغَ سَمَ حَرْ ذُوَا ڧَسَا؞

24سَيْ سُكَثٜىٰ وَجُونَ «كَدَ مُيَاغٜىٰ وَنَّنْ رِغَا، عَمَّا مُيِ ڧُرِعَ عَكَنْتَ، مُغَ وَنْدَ ذَيْثِ؞» وَنَّنْ يَڢَرُنٜىٰ دُواْمِنْ عَثِكَ أَبِنْدَ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ «سُكَ رَرَّبَ رِيغُنَنَ أَڟَكَانِنْسُ، سُكَجٜىٰڢَ ڧُرِعَ عَكَنْ رِغَاتَ؞» أَبِنْ دَ سُواْجُواْجِنْ سُكَيِ كٜىٰنَنْ؞

25تُواْ، وَطَنْدَ سُكَ ڟَيَ كُسَدَ غِثِّيٜىٰنْ عِيسَىٰ كُوَ سُونٜىٰ مَامَرْسَ تَرٜىٰدَ یَرْعُوَرْتَ دَ مَرْيَمُ مَاتَرْ كِلُواْبَسْ دَ كُمَ مَرْيَمُ دَغَ مَغَدَلَ؞

26دَ عِيسَىٰ يَغَ مَامَرْسَ دَ أَلْمَجِرِنَّنْ دَيَكٜىٰ ڧَوْنَ ڟَيٜىٰ كُسَ، سَيْيَثٜىٰ وَ مَامَرْسَ «مَثٜىٰ، غَا طَنْكِ!»

27سَعَنً يَثٜىٰ وَ أَلْمَجِرِنْ «وَنَّنْ تَاذَمَ مَامَرْكَ؞» تُنْدَغَ لُواْكَثِنَّنْ ڢَا أَلْمَجِرِنْ يَكَيْ مَامَرْ عِيسَىٰ غِدَنْسَ تَذَوْنَ تَرٜىٰ دَشِ؞

28عِيسَىٰ يَسَنْ ثٜىٰوَ أَوَنَّنْ لُواْكَثِ يَغَمَ دُكَنْ كُواْمٜىٰ، كُمَ دُواْمِنْ عَثِكَ أَبِنْدَ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ سَيْيَثٜىٰ «إِنَجِنْ ڧِشِنْ ضُوَ؞»

29تُواْ، أَݣَويْ وَنِ غُواْرَ ثِكٜىٰ دَ ضُوً إِنَبِے مَيْ ڟَامِ عَ أَجِيٜىٰ أَوُرِنْ؞ سَيْ سُكَ جِڧَ سُواْسُواْ دَ ضُوً إِنَبِے مَيْ ڟَامِنْ، سُكَ سُواْكَ سُواْسُوانْ أَ سَنْدَنْ إِظُوابْ سُكَ طَغَ سُكَ كَيْ بَاكِنْ عِيسَىٰ ؞

30دَ عِيسَىٰ يَكَرْٻِ ضُوً ڟَامِنَّنْ سَيْيَثٜىٰ «أَنْ‌غَمَ!» سَعَنً يَسُنْكُيَرْدَ كَنْسَ يَسَكِ رَنْسَ؞

31سَعَنً شُوغَبَنِّنْ يَهُودَاوَا سُكَ ضُواْڧِ بِلَتُسْ يَبَادَ إِظْنِ عَكَكَّرْيَ ڧَڢَاڢُنْ مُتَنٜىٰنْ دَ عَكَ غِثِّيٜىٰ، عَكُمَ سَوْكُواْ دَ جِكُنَنْسُ دَغَ غِثِّيٜىٰ؞ سُنْيِ وَنَّنْ ضُواْڧُواْ نٜىٰ دُواْمِنْ رَانَرْ شِرِ ثٜىٰ، كُمَ بَاسَسُواْ جِكُنَنْ سُكَسَنْثٜىٰ عَكَنْ غِثِّيٜىٰ أَ رَانَرْ هُوتُ تَمَكُواْ؞ رَانَرْ هُوتُنَّنْ مَيْ ذُوَا كُوَ هُوتُ نٜىٰ نَمُسَمَّنْ؞

32سَيْ سُواْجُواْجِنْ سُكَذُواْ وُرِنْ مُتَنٜىٰنْ دَ عَكَ غِثِّيٜىٰ تَرٜىٰدَ عِيسَىٰ سُكَ كَكَّرْيَ ڧَڢَاڢُنْ مُتُمْ نَڢَرْكُواْ، سَعَنً سُكَجٜىٰ سُكَ كَكَّرْيَ ڧَڢَاڢُنْ مُتُمْ نَبِيُنْ؞

33عَمَّا دَ سُكَذُواْ وُرِنْ عِيسَىٰ ، بَسُ كَكَّرْيَ ڧَڢَاڢُنْسَبَ دُواْمِنْ سُنْ غَ يَارِغَا يَمُتُ؞

34سَيْ دَيْ طَيَ دَغَ ثِكِنْ سُواْجُواْجِنْ يَسُواْكِ عِيسَىٰ دَ مَاشِ أَغٜىٰڢٜىٰ، وَجٜىٰنْ هَڧَرْڧَرِنْسَ، سَيْ نَنْ دَنَنْ جِنِ دَ ضُوَ سُكَ ڢِتُواْ؞

35شِے وَنْدَ يَغَ أَبِنْدَ يَڢَرُ نٜىٰ يَڢَطِ وَنَّنْ، كُمَ دُكْ أَبِنْدَ يَڢَطِ غَسْكِيَ نٜىٰ؞ كُمَ شِے مَا دَ كَنْسَ يَسَنْ غَسْكِيَ يَكٜىٰ ڢَطِ، كُمَ يَنَ ڢَطِنْسَ نٜىٰ دُواْمِنْ كُو مَا كُبَادَ غَسْكِيَ؞

36وَنَّنْ يَڢَرُ نٜىٰ دُواْمِنْ أَبِنْدَ يَكٜىٰ عَثِكِنْ رُبُوتَثِّيَرْ مَغَنَرْ اللَّهْ يَثِكَ، وَتُواْ «بَ كُواْ ڧَشِنْسَ طَيَ دَ ذَاعَ كَرْيَ؞»

37وَتَ رُبُوتَثِّيَرْ مَغَنَرْ اللَّهْ كُمَ تَثٜىٰ «ذَاسُ دُوبِے وَنْدَ سُكَ سُواْكَ؞»

38بَايَنْ حَكَ يُوسُڢَ مُتُمِنْ أَرِمَتِيَ، وَنْدَ يَكٜىٰ أَلْمَجِرِنْ عِيسَىٰ نٜىٰ، عَمَّا عَٻُواْيٜىٰ دُواْمِنْ ڟُواْرُوانْ يَهُودَاوَا، يَضُواْڧِ بِلَتُسْ إِظْنِ دُواْمِنْ يَطَوْكِ جِكِنْ عِيسَىٰ؞ بِلَتُسْ كُوَ يَيَرْدَ مَسَ، يَكُوَجٜىٰ يَطَوْكِ جِكِنْ عِيسَىٰ؞

39نِكُواْدِمُسْ مُتُمِنْدَ يَتَٻَ ذُوَا وُرِنْ عِيسَىٰ دَ دَرٜىٰ، يَتَڢِے تَرٜىٰدَ يُوسُڢَ، يَنَ كُمَ رِڧٜىٰ دَ كَايَنْ ڧَنْشِ، وَتُواْ مُرْ دَ أَلُواسْ أَغَوْرَايٜىٰ، وَجٜىٰنْ كِلُواْ تَلَاتِنْ؞

40سَيْ مُتَنٜىٰنَّنْ بِيُ سُكَ طَوْكِ جِكِنْ عِيسَىٰ سُكَ نَنَّطٜىٰ دَ يَدِنْ لِيلِنْ تَرٜىٰدَ كَايَنْ ڧَنْشِنَّنْ بِسَغَ أَلْعَادَرْ يَهُودَاوَا تَبِنّٜىٰوَ؞

41أَوُرِنْ دَ عَكَ غِثِّيٜىٰشِ كُوَ أَݣَويْ وَتَ غُواْنَ، عَثِكِنْ غُواْنَرْ كُمَ أَݣَويْ وَنِ سَابُوانْ كَبَرِ وَنْدَ بَعَتَٻَسَا كُواْوَ عَثِكِيبَ؞

42دَيَكٜىٰ رَانَرْ شِرِ ثٜىٰ تَ يَهُودَاوَا، كُمَ كَبَرِنْ يأَنَانً كُسَ سَيْ مُتَنٜىٰنَّنْ سُكَسَا جِكِنْ عِيسَىٰ أَنَنْ وُرِنْ؞

← Chapter 18 Jump to: Chapter 20 →