John 6 — Hausa Arabic 2020 (أَتَّوْرَتْ دَ أَنَّبَاوَا)

5دَ عِيسَىٰ يَطَغَ عِدُواْ يَغَ تَارُواْ مَيْ يَوَ سُنَ تَظُوَ وُرِنْسَ، سَيْيَثٜىٰ وَ ڢِلِبُسْ «إِنَا ذَامُ سَيُواْ إِسَشّٜىٰنْ عَبِنْثِنْ دَ مُتَنٜىٰنَّنْ ذَاسُثِ؟»

6عِيسَىٰ يَيِ وَ ڢِلِبُسْ وَنَّنْ تَمْبَيَ نٜىٰ دُواْمِنْ دَيْ يَڠُودَ شِ، غَمَا عِيسَىٰ يَارِغَا يَسَنْ أَبِنْدَ ذَيْ يِ؞

7ڢِلِبُسْ يَأَمْسَ يَثٜىٰ «أَيْ، كُواْ عَبِنْثِ نَيَوَنْ كُطِنْ دَ لٜىٰبُرَ ذَيْسَامُ أَ رَانَكُو طَرِے بِيُ مَا بَذَيْ إِسَ كُواْوَنّٜىٰنْسُ يَسَامِ كَطَنْبَ؞»

8سَيْ طَيَ دَغَ ثِكِنْ أَلْمَجِرَنْ مَيْ سُونَ أَنْدَرَوُسْ، طَنْعُوَنْ سِيمَنْ بِتْرُسْ، يَثٜىٰ وَ عِيسَىٰ ،

9«غَا وَنِ طَنْ يَرُواْ نَنْ دَ دُنْڧُلٜىٰنْ غُرَاسَ بِيَرْ نَغَارِنْ بَلٜىٰ دَ كُمَ كِيڢِ بِيُ؞ عَمَّا مٜىٰ وَطَنَّنْ ذَاسُيِ وَمُتَنٜىٰ مَاسُيَوَ حَكَ؟»

10عِيسَىٰ يَثٜىٰ وَ أَلْمَجِرَنْسَ «كُڢَطَا وَمُتَنٜىٰ سُذَوْنَ؞» أَوَنَّنْ وُرِے كُوَ أَݣَويْ ثِيَوَ دَيَوَ؞ سَيْ مَظَا سُكَ ظَظْذَوْنَ، سُنْ كَيْ وَجٜىٰنْ دُبُو بِيَرْ؞

11عِيسَىٰ يَطَوْكِ دُنْڧُلٜىٰنْ غُرَاسَرْ، بَايَنْدَ يَيِ غُواْدِيَ غَ اللَّهْ كُمَ، سَيْ يَرَرَّبَ وَمُتَنٜىٰنْ دَسُكٜىٰ ظَوْنٜىٰ، يَبَاسُ دُكْ أَبِنْدَ ذَيْ إِشٜىٰسُ؞ حَكَكُمَ يَيِ دَ كِيڢِنْ؞

12دَ سُكَثِ سُكَ ڧُواْشِ، سَيْيَثٜىٰ وَ أَلْمَجِرَنْسَ «كُتَتَّارَ غُڟَڟَّرِنْ دَ سُكَ رَغُ دُواْمِنْ كَدَ كُواْمٜىٰ يَلَلَثٜىٰ؞»

13سَيْ أَلْمَجِرَنْ سُكَ تَتَّارَ غُڟَڟَّرِنْ غُرَاسَرْ سُكَ ثِكَ ݣُونْدُنَ غُواْمَشَا بِيُ، وَتُواْ غُڟَڟَّرِنَّنْ دَغَ دُنْڧُلٜىٰنْ غُرَاسَ بِيَرْ نَبَلٜىٰ نَنْ وَطَنْدَ سُكَ ضَغٜىٰ بَايَنْدَ مُتَنٜىٰ سُكَثِ؞

14دَ جَمَعَ سُكَغَ وَنَّنْ عَلَمَرْ بَنْ مَامَاكِنْ دَ عِيسَىٰ يَيِ، سَيْ سُكَثٜىٰ «بَاشَكَّ، وَنَّنْ شِينٜىٰ أَنَّبِنَّنْ مَيْ ذُوَا دُونِيَا؞»

15دَ عِيسَىٰ يَغَانٜىٰ مُتَنٜىٰنْ سُنَ شِرِنْ ذُوَا سُطَوْكٜىٰشِ ڧَرْڢِے دَ يَجِ سُنَطَشِ سَرْكِے، سَيْ يَسَاكٜىٰ كُواْمَاوَ كَنْ بَبَّنْ تُدُ شِ كَطَيْ؞

16دَ يَمَّ تَيِ، سَيْ أَلْمَجِرَنْ عِيسَىٰ سُكَ غَنْ‌غَرَ ذُوَا تٜىٰكُ؞

17أَ لُواْكَثِنْ نٜىٰ وُرِے يَڢَارَ دُهُ، كُمَ عِيسَىٰ بَيْ رِغَا يَاذُواْ وُرِنْسُ بَ تُكُنَ؞ سَيْ أَلْمَجِرَنْسَ سُكَ شِغَ جِضْغٍ ضُوَ سُكَ ڢَارَ ڧٜىٰتَرٜىٰ تٜىٰكُنْ ذُوَا كَڢَرْنَهُمْ؞

18سَيْ تٜىٰكُنْ تَڢَارَ هَوْكَ سَبُواْدَ وَتَ إِسْكَ مَيْ ڧَرْڢِے تَكٜىٰ بُوسَوَ؞

19بَايَنْ سُنْيِ تُوڧِ وَجٜىٰنْ كِلُواْمِتَ بِيَرْ كُواْ شِدَ، سَيْ سُكَغَ عِيسَىٰ يَنَ تَڢِيَ عَكَنْ ضُوَ، يَنَ تَظُوَ كُسَدَ جِضْغٍ؞ سَيْ أَلْمَجِرَنْ سُكَ ڢِرْغِتَ؞

20عَمَّا عِيسَىٰ يَثٜىٰ مُسُ «نِنٜىٰ، كَدَ كُجِڟُواْرُواْ؞»

21سَعَنً سُكَ يَرْدَ سُكَ كَرْٻٜىٰشِ ثِكِنْ جِضْغٍ؞ نَنْ دَ نَنْ جِضْغٍ يَكَيْ وُرِنْ دَ ذَاسُ؞

22دَ غَرِ يَوَايٜىٰ سَوْرَنْ مُتَنٜىٰنْ دَسُكٜىٰ ظَوْنٜىٰ عَڧٜىٰتَرٜىٰنْ تٜىٰكُنْ سُكَ لُورَ ثٜىٰوَ دَا مَا جِضْغِ طَيَ نٜىٰ كُرُمْ يَذُواْ وُرِنْ، سُكَ كُمَ لُورَ عِيسَىٰ بَيْ شِغَ ثِكِنْ جِضْغٍ تَرٜىٰدَ أَلْمَجِرَنْسَبَ، أَلْمَجِرَنْسَ نٜىٰ كَطَيْ سُكَ تَڢِے؞

23عَمَّا أَݣَويْ وَطَنْسُ جِضَاغٜىٰنْ دَ سُكَذُواْ دَغَ تِبَرِيَ سُكَ ڟَيَ كُسَدَ وُرِنْ دَ مُتَنٜىٰنْ سُكَثِ غُرَاسَ بَايَنْدَ عِيسَىٰ يَيِ غُواْدِيَ غَ اللَّهْ ؞

24دَ مُتَنٜىٰنْ سُكَغَ ثٜىٰوَ عِيسَىٰ دَ أَلْمَجِرَنْسَ بَاسَ نَنْ أَوُرِنْ، سَيْ سُكَ شِغَ جِضَاغٜىٰنْ ضُوً، سُكَ تَڢِے كَڢَرْنَهُمْ سُنَ نٜىٰمَنْ عِيسَىٰ؞

25دَ سُكَ سَامٜىٰشِ عَڧٜىٰتَرٜىٰنْ تٜىٰكُنْ، سُكَثٜىٰ مَسَ «مَلَمْ، يَوْشٜىٰ كَا ذُواْ نَنْ؟»

26عِيسَىٰ يَأَمْسَ مُسُ يَثٜىٰ «حَڧِيڧَ، إِنَغَيَ مُكُ، كُنَ نٜىٰمَنَ نٜىٰ دُوانْ كُنْثِ غُرَاسَ نَنْ كُنْ ڧُواْشِ، عَمَّا بَ دُواْمِنْ كُنْ غَانٜىٰ عَلَمُنْ بَنْ مَامَاكِ دَ نَيِ بَنٜىٰ؞

27كَدَ كُيِ وَهَلَرْ عَيْكِ عَكَنْ نٜىٰمَنْ عَبِنْثِ مَيْ لَلَثٜىٰوَ عَمَّا كُيِ عَيْكِ عَكَنْ عَبِنْثِنْ دَ ذَيْ دَوَّمَ ذُوَاغَ رَيْ نَهَرْ أَبَدَا؞ وَنَّنْ شِينٜىٰ عَبِنْثِنْ دَ طَنْ مُتُمْ ذَيْبَاكُ؞ دُواْمِنْ عَكَنْ طَنْ مُتُمْ نٜىٰ اللَّهْ عُبَا يَارِغَا يَسَا عَلَمَرْ شَيْدَرْسَ تَنُونَ يَرْدَ؞»

28سَيْ مُتَنٜىٰنْ سُكَ تَمْبَيِ عِيسَىٰ سُكَثٜىٰ «مٜىٰ ذَامُيِ دُوانْ مُثِكَ أَيُّكَنْ دَ اللَّهْ يَكٜىٰسُواْ؟»

29سَيْ عِيسَىٰ يَأَمْسَ مُسُ يَثٜىٰ «وَنَّنْ شِينٜىٰ أَبِنْدَ اللَّهْ يَكٜىٰسُواْ كُيِ، وَتُواْ كُبَادَ غَسْكِيَ غَ وَنْدَ يَعَيْكُواْ؞»

30سَيْ مُتَنٜىٰنْ سُكَ تَمْبَيِ عِيسَىٰ كُمَ سُكَثٜىٰ «تُواْ، وَثٜىٰ عَلَمَرْ بَنْ مَامَاكِ ثٜىٰ ذَاكَيِ دُواْمِنْ مُغَنِ مُبَادَ غَسْكِيَ غَرٜىٰكَ؟ مٜىٰ ذَاكَيِ؟

31كَاكَنِّنْ كَاكَنِّنْمُ سُنْثِ مَنَّ أَدَاجِ، يَدَّ يَكٜىٰ أَرُبُوثٜىٰ عَثِكِنْ رُبُوتَثِّيَرْ مَغَنَرْ اللَّهْ ثٜىٰوَ ‹يَبَاسُ عَبِنْثِ دَغَ سَمَ دُواْمِنْ سُثِ؞› »

32سَعَنً عِيسَىٰ يَأَمْسَ مُسُ يَثٜىٰ «حَڧِيڧَ، إِنَغَيَ مُكُ، بَ مُوسَٰى نٜىٰ يَبَاكُ عَبِنْثِنَّنْ دَغَ سَمَبَ، عُبَانَ نٜىٰ يَكٜىٰبَاكُ عَبِنْثِ نَغَسْكِيَ دَغَ سَمَ؞

33أَيْ، عَبِنْثِنْ اللَّهْ شِينٜىٰ وَنْدَ يَكٜىٰ سَوْكُواْوَ دَغَ سَمَ يَنَبَا دُونِيَا رَيْ؞»

34سَيْ سُكَثٜىٰ مَسَ «مَيْغِرْمَ، كَدِنْ‌غَ بَامُ إِرِنْ وَنَّنْ عَبِنْثِ كُلُّمْ!»

35عِيسَىٰ يَأَمْسَ مُسُ يَثٜىٰ «نِنٜىٰ عَبِنْثِ مَيْ بَادَ رَيْ، وَنْدَ يَذُواْ وُرِينَ بَذَيْ ڧَارَجِنْ يُنْوَبَ، وَنْدَ يَغَسْكَتَادَ نِے كُمَ بَذَيْ تَٻَ جِنْ ڧِشِنْ ضُوَبَ؞

36عَمَّا كَمَرْ يَدَّ دَيْ نَڢَطَا مُكُ، كُنْ غَنِّ، دُكْدَهَكَ بَكُ بَادَ غَسْكِيَابَ؞

37دُكْ وَطَنْدَ عُبَا يَبَانِ، ذَاسُذُواْ وُرِينَ، وَنْدَ كُمَ يَذُواْ وُرِينَ كُوَ بَذَنْ كُواْرٜىٰشِبَ؞

38غَمَا نَا سَوْكُواْ دَغَ سَمَ، بَدُواْمِنْ إِنْيِ نُڢِينَبَ، سَيْدَيْ إِنْيِ نُڢِنْ وَنْدَ يَعَيْكُواْنِ؞

39كُمَ نُڢِنْ وَنْدَ يَعَيْكُواْنِ شِينٜىٰ، كَدَ إِنْٻَاتَرْ دَ كُواْ طَيَ دَغَ ثِكِنْ دُكَنْ وَطَنْدَ يَبَا نِے، عَمَّا دَيْ إِنْ تَاشٜىٰسُ أَ رَانَرْ ڧَرْشٜىٰ؞

40دُواْمِنْ وَنَّنْ شِينٜىٰ نُڢِنْ عُبَانَ ثٜىٰوَ دُكْ وَنْدَ يَكٜىٰ دُوبَنْ طَنْ، يَكٜىٰ كُمَ غَسْكَتَاوَا دَشِ يَنَدَ رَيْ نَهَرْ أَبَدَا، نِے كُمَ ذَنْ تَاشٜىٰشِ أَ رَانَرْ ڧَرْشٜىٰ؞»

41سَيْ يَهُودَاوَا سُكَيِ غُنَغُنِ غَمٜىٰدَ عِيسَىٰ دُواْمِنْ يَثٜىٰ «نِنٜىٰ عَبِنْثِنْدَ يَسَوْكُواْ دَغَ سَمَ؞»

42يَهُودَاوَنْ سُكَثٜىٰ «أَشٜىٰ، وَنَّنْ بَ عِيسَىٰ نٜىٰ بَ، طَنْ يُوسُڢَ، وَنْدَ مُنْ سَنْ دُكْ بَابَنْسَ دَ مَامَرْسَ؟ تُواْ، يَيَ يَنْذُ ذَيْثٜىٰ، ‹نَسَوْكُواْ نٜىٰ دَغَ سَمَ›؟»

43عِيسَىٰ يَأَمْسَ مُسُ يَثٜىٰ «كُبَرْ يِنْ غُنَغُنِ أَڟَكَانِنْكُ؞

44بَا مَيْ عِيَ ذُوَا وُرِينَ، سَيْدَيْ إِنْ عُبَا وَنْدَ يَعَيْكُواْ نِنٜىٰ يَجَٰوُاْشِ، نِے كُوَ ذَنْتَادَ وَنَّنْ مُتُمْ أَ رَانَرْ ڧَرْشٜىٰ؞

45أَنْ رُبُوتَ عَثِكِنْ لِتَّتَّڢَنْ أَنَّبَاوَا ثٜىٰوَ ‹دُكَنْسُ اللَّهْ نٜىٰ ذَيْ كُواْيَ مُسُ؞› تُواْ، دُكْ وَنْدَ يَجِ، يَكُمَ كُواْيَ أَوُرِنْ عُبَنْ، يَكَنْ ذُواْ وُرِينَ؞

46بَاوَنْدَ يَتَٻَ غَنِنْ عُبَنْ سَيْدَيْ وَنْدَ يَڢِتُواْ دَغَ وُرِنْ اللَّهْ ، شِينٜىٰ كَطَيْ يَتَٻَ غَنِنْ عُبَنْ؞

47حَڧِيڧَ، إِنَ غَيَ مُكُ، دُكْ وَنْدَ يَبَادَ غَسْكِيَ يَنَدَ رَيْ نَهَرْ أَبَدَا؞

48نِنٜىٰ عَبِنْثِ مَيْ بَادَ رَيْ؞

49كَاكَنِّنْ كَاكَنِّنْكُ سُنْثِ مَنَّ أَدَاجِ، عَمَّا دُكْدَهَكَ سُكَ مُتُ؞

50عَمَّا غَ عَبِنْثِ مَيْ سَوْكُواْوَ دَغَ سَمَ، دُواْمِنْ دُكْ وَنْدَ يَثِ وَنَّنْ عَبِنْثِ، بَذَيْ مُتُبَ؞

51نِنٜىٰ عَبِنْثِنْ رَيْ دَ يَسَوْكُواْ دَغَ سَمَ؞ دُكْ وَنْدَ يَثِ وَنَّنْ عَبِنْثِ، ذَيْ رَايُ حَرْ أَبَدَا؞ وَنَّنْ عَبِنْثِ نَامَنْ جِكِينَ نٜىٰ، وَنْدَ ذَنْ بَايَرْ دُواْمِنْ دُونِيَا تَسَامِ رَيْ؞»

52سَيْ يَهُودَاوَا سُكَ شِغَ غَرْدَمَ مَيْ ذَاڢِ أَڟَكَانِنْسُ، سُنَ ثٜىٰوَ «يَيَ مُتُمِنَّنْ ذَيْبَامُ نَامَنْ جِكِنْسَ مُثِ؟»

53سَيْ عِيسَىٰ يَثٜىٰ مُسُ «حَڧِيڧَ، إِنَغَيَ مُكُ، إِنْ بَكُنْثِ نَامَنْ جِكِنْ طَنْ مُتُمْ كُنْ كُمَشَا جِنِنْسَبَ، بَاكُ دَرَيْ عَثِكِنْكُ كٜىٰنَنْ؞

54دُكْ وَنْدَ يَكٜىٰثِنْ نَامَنْ جِكِينَ، يَكٜىٰشَنْ جِنِنَ كُمَ، يَنَدَ رَيْ نَهَرْ أَبَدَا، ذَنْ كُوَ تَاشٜىٰشِ أَ رَانَرْ ڧَرْشٜىٰ؞

55دُواْمِنْ نَامَنْ جِكِينَ عَبِنْثِ نٜىٰ نَغَسْكِيَ، جِنِنَ كُمَ، أَبِنْ شَا نٜىٰ نَغَسْكِيَ؞

56دُكْ وَنْدَ يَكٜىٰ ثِنْ نَامَنْ جِكِينَ، يَكٜىٰ كُمَ شَنْ جِنِنَ، يَنَ رَايُوَا عَثِكِنَ، نِے كُوَ عَثِكِنْسَ؞

57كَمَرْ يَدَّ عُبَا مَيْ رَيْ يَعَيْكُواْنِ، سَبُواْدَ شِينٜىٰ كُمَ نَكٜىٰ رَايُوَا، حَكَنٜىٰ كُمَ وَنْدَ يَمَيْدَنِ عَبِنْثِنْسَ ذَيْ رَايُ سَبُواْدَنِ؞

58نِنٜىٰ عَبِنْثِنْ دَ يَسَوْكُواْ دَغَ سَمَ؞ كَاكَنِّنْ كَاكَنِّنْكُ سُنْثِ مَنَّ، عَمَّا دُكْدَهَكَ سُكَ مُتُ، عَمَّا دُكْ مُتُمِنْدَ يَثِ وَنَّنْ عَبِنْثِ ذَيْ رَايُ حَرْ أَبَدَا؞»

59عِيسَىٰ يَڢَطِ دُكَنْ وَطَنَّنْ أَبُبُوَ نٜىٰ أَ لُواْكَثِنْ دَيَكٜىٰ كُواْيَرْوَا عَثِكِنْ مَجَمِعَ أَ كَڢَرْنَهُمْ؞

60دَجِنْ حَكَ، سَيْ دَيَوَ دَغَ ثِكِنْ أَلْمَجِرَنْسَ سُكَثٜىٰ «وَنَّنْ مَغَنَ مَيْ وُيَ ثٜىٰ، وَ ذَيْ عِيَ يَكَرْٻٜىٰتَ؟»

61عِيسَىٰ كُوَ دَيَكٜىٰ يَسَنِ ثٜىٰوَ أَلْمَجِرَنْسَ سُنَ غُنَغُنِ عَكَنْ وَنَّنْ كُواْيَرْوَا، سَيْيَثٜىٰ مُسُ «وَنَّنْ كُواْيَرْوَا تَا ٻَاتَ مُكُ رَيْ نٜىٰ؟

62تُواْ، يَيَ رَنْكُ ذَيْ ذَمَ كٜىٰنَنْ إِنْ كُكَغَ طَنْ مُتُمْ يَنَ هَوَ ذُوَا عِنْدَ يَڢِتُواْ؟

63رُوحُ نٜىٰ يَكٜىٰ بَادَ رَيْ؞ جِكِے بَاشِ دَ إِيكُوانْ يِنْ كُواْمٜىٰ؞ كَلْمُواْمِنْدَ نَڢَطَا مُكُ رُوحُ نٜىٰ دَ كُمَ رَيْ؞

64عَمَّا أَݣَويْ وَطَنْسُنْكُ دَ بَسُ بَادَ غَسْكِيَابَ؞» غَمَا تُنْ ڢَرْكُواْ عِيسَىٰ يَسَنْ وَطَنْدَ بَسُ بَادَ غَسْكِيَابَ دَ كُمَ وَنْدَ ذَيْ بَاشٜىٰشِ؞

65سَيْ عِيسَىٰ يَڧَارَ دَ ثٜىٰوَ «شِيَسَا نَغَيَ مُكُ ثٜىٰوَ ‹بَابُوَنْدَ ذَيْ عِيَ ذُوَا وُرِينَ، سَيْدَيْ عُبَنْ يَبَاشِ إِيكُواْ؞› »

66بَايَنْ وَنَّنْ مَغَنَرْ دَ عِيسَىٰ يَيِ، سَيْ دَيَوَ دَغَ ثِكِنْ مُتَنٜىٰنْ دَسُكٜىٰ بِنْسَ سُكَ بَرْشِ، سُكَ كُمَ دَيْنَ بِنْسَ؞

67سَيْ عِيسَىٰ يَتَمْبَيِ شَا بِيُنَّنْ يَثٜىٰ «كُو مَا كُنَسُواْ كُتَڢِنٜىٰ؟»

68سِيمَنْ بِتْرُسْ يَأَمْسَ مَسَ يَثٜىٰ « عُبَنْ‌غِجِ ، وُرِنْ وَنٜىٰنٜىٰ ذَامُجٜىٰ؟ أَيْ، كَيْنٜىٰ كَكٜىٰ دَ مَغَنَ مَيْ بَادَ رَيْ نَهَرْ أَبَدَا؞

69مُو كُوَ مُنْ بَادَ غَسْكِيَ، مُنْ كُمَ سَنِ ثٜىٰوَ كَيْنٜىٰ مَيْ ڟَرْكِنَّنْ نَ اللَّهْ ؞»

70سَيْ عِيسَىٰ يَأَمْسَ يَثٜىٰ «نَذَاٻِ دُكَنْكُ غُواْمَشَا بِيُ، عَمَّا طَيَنْكُ شَيْطَنْ نٜىٰ؞»

71وَتُواْ، يَنَ نُڢِنْ يَهُودَ، طَنْ سِيمَنْ إِسْكَرِيُواْتِ، دُوانْ شِينٜىٰ ذَيْ بَاشٜىٰشِ، كُواْدَيَكٜىٰ شِے طَيَ دَغَ ثِكِنْ شَا بِيُنَّنْ نٜىٰ؞