John 4 — Hausa Arabic 2020 (أَتَّوْرَتْ دَ أَنَّبَاوَا)

6أَوَنَّنْ وُرِے نٜىٰ رِجِيَرْ يَعْڧُوبَ تَكٜىٰ؞ دَ عِيسَىٰ يَغَجِ دَ تَڢِيَ، سَيْ يَذَوْنَ عَبَاكِنْ رِجِيَرْ؞ وَنَّنْ يَڢَرُ وَجٜىٰنْ ڟَكَرْ رَانَ نٜىٰ؞

7سَيْغَا وَتَ مَثٜىٰ یَرْ سَمَرِيَ تَذُواْ طِبَنْ ضُوَ؞ عِيسَىٰ يَثٜىٰ مَتَ «بَانِ ضُوَ إِنْ شَا؞»

8أَلْمَجِرَنْسَ كُوَ سُنْ شِغَ ثِكِنْ غَرِ دُواْمِنْ سَيٜىٰنْ عَبِنْثِ؞

9سَيْ مَثٜىٰنَّنْ بَسَمَرِيَ تَثٜىٰ وَ عِيسَىٰ «يَيَ كَيْ بَيَهُودٜىٰ ذَاكَ ضُواْڧٜىٰنِ ضُوً شَا، نِے دَ نَكٜىٰ مَثٜىٰ دَغَ سَمَرِيَ؟» غَمَا يَهُودَاوَا بَاسَ حَطَ عِدُواْ دَ سَمَارِيَاوَا؞

10عِيسَىٰ يَأَمْسَ مَتَ يَثٜىٰ «دَ كِنْ سَنْ ݣَوْتَرْ اللَّهْ دَ كُمَ وَنْدَ يَكٜىٰثٜىٰ مِكِ، ‹بَا نِے ضُوَ إِنْ شَا،› أَيْ دَ كِنْ ضُواْڧٜىٰشِ، شِيكُوَ ذَيْبَاكِ ضُوَ مَيْ بَادَ رَيْ؞»

11سَيْ مَثٜىٰنْ تَثٜىٰوَ عِيسَىٰ «مَيْغِرْمَ، أَيْ، بَاكَ دَ غُغَ، رِجِيَرْ كُوَ دَ ظُرْڢِ؞ تُواْ، عَ إِنَا نٜىٰ ذَاكَسَامِ وَنَّنْ ضُوَ مَيْ بَادَ رَيْ؟

12كُواْ كَاڢِ عُبَنْمُ يَعْڧُوبَ نٜىٰ، وَنْدَ يَبَرْ مَنَ رِجِيَرْ، حَرْ شِ دَكَنْسَ دَ یَیَنْسَ دَ دَبُّواْبِنْسَ، سُكَشَا ضُوَ دَغَ ثِكِ؟»

13عِيسَىٰ يَأَمْسَ يَثٜىٰ «دُكْ وَنْدَ يَشَا وَنَّنْ ضُوَ ذَيْسَاكٜىٰ جِنْ ڧِشِ؞

14عَمَّا دُكْ وَنْدَ يَشَا ضُوً دَ ذَنْبَاشِ، بَذَيْ ڧَارَ جِنْ ڧِشِبَ حَرْ أَبَدَا؞ ضُوً دَ ذَنْبَاشِ ذَيْ ذَمَ مَسَ مَٻُٻُّغَرْ ضُوَ وَدَّ يَكٜىٰ ٻُلْٻُلُّواْوَ ذُوَاغَ رَيْ نَهَرْ أَبَدَا؞»

15سَيْ مَثٜىٰنْ تَثٜىٰمَسَ «مَيْغِرْمَ، كَبَانِ ضُوًنَنْ، دُوانْ كَدَ إِنْڧَارَ جِنْ ڧِشِ، دُواْمِنْ كَدَ كُمَ إِنْدِنْ‌غَ ذُوَا نَنْ دُواْمِنْ طِبَنْ ضُوَ؞»

16سَيْ عِيسَىٰ يَثٜىٰ مَتَ «كِجٜىٰ كِكِرَا مِجِنْكِ كُظُواْنَنْ؞»

17سَيْ تَأَمْسَ تَثٜىٰ «أَيْ، بَانِدَ مِجِ؞» عِيسَىٰ يَثٜىٰ مَتَ «كِنْ ڢَطِ غَسْكِيَ دَ كِكَثٜىٰ بَاكِدَ مِجِ؞

18دُوانْ عَيْنِحِنْ غَسْكِيَرْ كُوَ شِينٜىٰ، كِنْ عَوْرِ مَظَا بِيَرْ، وَنْدَ كُكٜىٰ تَرٜىٰ يَنْذُ كُوَ بَمِجِنْكِ بَنٜىٰ؞»

19سَيْ مَثٜىٰنْ تَثٜىٰ وَ عِيسَىٰ «مَيْغِرْمَ، إِنَ غَنِ كَيْ أَنَّبِے نٜىٰ؞

20كَاكَنِّنْمُ سُنْيِ وَ اللَّهْ سُجَّدَ عَبَبَّنْ تُدُنَّنْ؞ عَمَّا كُو يَهُودَاوَا كُنْثٜىٰ أَ عُرُوشَلِيمَ نٜىٰ يَا كَمَاتَ عَيِ وَ اللَّهْ سُجَّدَ؞»

21سَيْ عِيسَىٰ يَأَمْسَ مَتَ يَثٜىٰ «عُوَرْغِدَا، كِبَادَ غَسْكِيَ غَ أَبِنْدَ نَكٜىٰ ڢَطِ، غَمَا لُواْكَثِ يَنَ ذُوَا دَ مُتَنٜىٰ بَذَاسُيِ وَ عُبَا سُجَّدَ عَبَبَّنْ تُدُنَّنْ، كُواْ أَ عُرُوشَلِيمَ بَ؞

22كُو مُتَنٜىٰنْ سَمَرِيَ كُنَيِ وَ أَبِنْدَ بَكُ سَنِبَ سُجَّدَ؞ عَمَّا مُو يَهُودَاوَا مُنْ سَنْ أَبِنْدَ مُكٜىٰيِوَ سُجَّدَ، غَمَا ثٜىٰتُواْ يَڢِتُواْ دَغَ يَهُودَاوَا نٜىٰ؞

23عَمَّا لُواْكَثِ يَنَ ذُوَا، حَرْ مَا يَارِغَا يَاذُواْ دَ مَاسُ سُجَّدَ نَغَسْكِيَ ذَاسُيِ وَ عُبَا سُجَّدَ ثِكِنْ رُوحُ دَ كُمَ غَسْكِيَ، غَمَا عُبَا يَنَ نٜىٰمَنْ إِرِنْ وَطَنَّنْ نٜىٰ سُيِ مَسَ سُجَّدَ؞

24اللَّهْ رُوحُ نٜىٰ، مَاسُ يِمَسَ سُجَّدَ كُمَ سَيْ سُيِ مَسَ سُجَّدَ ثِكِنْ رُوحُ دَ ثِكِنْ غَسْكِيَ كُمَ؞»

25سَيْ مَثٜىٰنْ تَثٜىٰ وَ عِيسَىٰ «نَا سَنِ أَلْمَسِيحُ وَنْدَ عَكٜىٰثٜىٰ دَشِ كِرِسْتِ يَنَ ذُوَا؞ عِدَنْ يَا ذُواْ ذَيْ بَيَّنَ مَنَ دُكَنْ كُواْمٜىٰ؞»

26عِيسَىٰ يَثٜىٰ مَتَ «نِے مَيْ مَغَنَ دَكٜىٰ، نِينٜىٰشِ؞»

27سُنَ غَمَ مَغَنَ كٜىٰنَنْ سَيْغَا أَلْمَجِرَنْسَ سُكَ دَاوُاْ، سُكَ كُوَيِ مَامَاكِنْ غَنِنْ يَنَ مَغَنَ دَ مَثٜىٰ؞ عَمَّا بَابُوَنْدَ يَثٜىٰ مَتَ «مٜىٰكِكٜىٰ بُڧَاتَ؟» كُواْ كُمَ يَتَمْبَيٜىٰشِ «مٜىٰيَسَا كَكٜىٰ مَغَنَ دَ عِتَ؟»

28سَيْ مَثٜىٰنَّنْ تَبَرْ تُلُنْتَ أَوُرِنْ تَجٜىٰ ثِكِنْ غَرِ تَثٜىٰ وَمُتَنٜىٰ،

29«كُذُواْ، كُغَ مُتُمِنْدَ يَغَيَ مِنِ دُكْ أَبِنْدَ نَتَٻَ يِ! كُواْ يَيِوُ وَنَّنْ شِينٜىٰ أَلْمَسِيحُنْ؟»

30سَيْ مُتَنٜىٰ سُكَ ڢِڢِّتُواْ دَغَ ثِكِنْ غَرِ سُكَذُواْ وُرِنْ عِيسَىٰ ؞

31أَنَ ثِكِنْ وَنَّنْ كٜىٰنَنْ، سَيْ أَلْمَجِرَنْ عِيسَىٰ سُكَ ضُواْڧٜىٰشِ سُكَثٜىٰ «مَلَمْ، كَثِ عَبِنْثِ؞»

32عَمَّا عِيسَىٰ يَثٜىٰ مُسُ «إِنَدَ وَنِ عَبِنْثِنْ دَ بَكُسَنْ كُواْمٜىٰ عَكَيْبَ؞»

33سَيْ أَلْمَجِرَنْسَ سُكَ تَمْبَيِ جُونَ سُكَثٜىٰ «كُواْ وَنِ يَكَٰوُاْ مَسَ عَبِنْثِنٜىٰ؟»

34عَمَّا عِيسَىٰ يَثٜىٰ «عَبِنْثِنَ شِينٜىٰ إِنْيِ نُڢِنْ وَنْدَ يَعَيْكُواْ نِے، إِنْكُمَ غَمَ عَيْكِنْسَ؞

35بَكُنَ ثٜىٰوَ سَوْرَنْ وَتَنِّ حُطُ عَيِ غِرْبِبَ؟ عَمَّا إِنَ غَيَ مُكُ ڢَا، كُدُوبِے غُواْنَكِ دَݣَوْ، سُنْ نُونَ، سُنْ كُمَ إِسَ غِرْبِے؞

36مَيْ غِرْبِے يَنَ سَامُنْ لَادَ، يَنَ كُمَ تَارَ أَمْڢَانِ ذُوَا رَيْ نَهَرْ أَبَدَا، دُواْمِنْ مَيْ شُوكَ دَ مَيْ غِرْبِے سُيِ ڢَضٍ ثِكِ تَرٜىٰ؞

37أَ نَنْ كَمْ، كَرِنْ مَغَنَرْ نَنْ غَسْكِيَ نٜىٰ، ثٜىٰوَ ‹وَنِ يَيِ شُوكَ، وَنِ يَيِ غِرْبِے؞›

38نَا عَيْكٜىٰكُ غِرْبِنْ أَبِنْدَ بَكُيِ وَهَلَرْسَبَ؞ وَطَنْسُ سُنْيِ وَهَلَ، كُو كُوَ كُنْ مُواْضِ رِيبَرْ وَهَلَرْسُ؞»

39مُتَنٜىٰنْ سَمَرِيَ دَيَوَ دَغَ وَنَّنْ غَرِ سُكَ بَادَ غَسْكِيَ غَ عِيسَىٰ سَبُواْدَ مَغَنَرْ مَاتَنَّنْ دَ تَثٜىٰ «يَغَيَ مِنِ دُكْ أَبِنْدَ نَتَٻَيِ؞»

40دَ مُتَنٜىٰنْ سَمَرِيَ سُكَذُواْ وُرِنْ عِيسَىٰ ، سَيْ سُكَ ضُواْڧٜىٰشِ يَذَوْنَ تَرٜىٰدَسُو، سَيْ يَكُوَ ذَوْنَ ݣُونَ بِيُ؞

41مُتَنٜىٰ دَيَوَ كُمَ سُكَ بَادَ غَسْكِيَ غَ عِيسَىٰ سَبُواْدَ مَغَنَرْسَ؞

42سَعَنً مُتَنٜىٰنْ سَمَرِيَ سُكَثٜىٰ وَمَثٜىٰنْ «يَنْذُ كَمْ، مُنْ بَادَ غَسْكِيَ، بَ دُوانْ مَا أَبِنْدَ كِكَ ڢَطَا كَوَيْبَ، عَمَّا سَبُواْدَ مُو مَا مُنْجِ دَ كَنْمُ، مُنْ كُمَ تَبَّتَا لَلَّيْ وَنَّنْ مُتُمْ نٜىٰ مَيْ ثٜىٰتُوانْ دُونِيَا؞»

43بَايَنْ ݣُونَ بِيُنَّنْ سَيْ عِيسَىٰ يَتَاشِ دَغَ يَنْكِنْ سَمَرِيَ ذُوَا غَلِيلِ؞

44غَمَا عِيسَىٰ دَ كَنْسَ يَتَٻَ ڢَطَا ثٜىٰوَ «أَنَّبِے بَاشِ دَ دَرَجَ عَڧَسَرْسَ»؞

45دَ يَكَيْ غَلِيلِ، سَيْ مُتَنٜىٰنْ غَلِيلِ سُكَ كَرْٻٜىٰشِ حَنُّ بِيُ بِيُ دُواْمِنْ سُو مَا سُنْجٜىٰ بِكٍ ڧٜىٰتَرٜىٰوَ أَ عُرُوشَلِيمَ، سُكَ كُمَ غَ دُكْ أَبِنْدَ عِيسَىٰ يَيِ؞

46سَيْ عِيسَىٰ يَسَاكٜىٰ كُواْمَ غَرِنْ كَنَ تَ غَلِيلِ، وَتُواْ عِنْدَ يَمَيْدَ ضُوَ يَذَمَ ضُوً إِنَبِے؞ أَوُرِنْ كُوَ أَݣَويْ وَنِ مَعَيْكَثِنْ حُكُمَ وَنْدَ يَرُوانْسَ أَ كَڢَرْنَهُمْ بَاشِ دَ لَاڢِيَ؞

47دَ وَنَّنْ مُتُمِنْ يَجِ ثٜىٰوَ عِيسَىٰ يَدَاوُاْ غَلِيلِ دَغَ يَهُودِيَ، سَيْ يَتَڢِے وُرِنْسَ يَضُواْڧٜىٰشِ يَجٜىٰ يَوَرْكَرْدَ طَنْسَ وَنْدَ يَكٜىٰ بَاكِنْ مُتُوَ؞

48عِيسَىٰ يَأَمْسَ مَسَ يَثٜىٰ «عِدَنْ بَكُغَ عَلَمُ دَ أَيُّكَنْ بَنْ مَامَاكِبَ، بَذَاكُ بَادَ غَسْكِيَابَ كُواْ كَطَنْ؞»

49سَيْ مَعَيْكَثِنْ حُكُمَرْ نَنْ يَثٜىٰ وَ عِيسَىٰ «مَيْغِرْمَ، كَذُواْ مُتَڢِے كَاڢِنْ يَرُواْنَ يَمُتُ؞»

50عِيسَىٰ يَثٜىٰ مَسَ «كَتَڢِے، غَمَا يَرُوانْكَ ذَيْ رَايُ؞» مُتُمِنْ كُوَ يَغَسْكَتَادَ أَبِنْدَ عِيسَىٰ يَڢَطَا مَسَ، سَيْ يَيِ تَڢِيَرْسَ؞

51يَنَ كَنْ حَنْيَرْسَ ذُوَا غِدَا كٜىٰنَنْ، سَيْغَا بَايِنْسَ سُكَ غَمُ دَشِ، سُكَثٜىٰ مَسَ «يَرُوانْكَ يَنَ سَامُنْ سَوْڧِ؞»

52سَيْ يَتَمْبَيٜىٰسُ عَيْنِحِنْ لُواْكَثِنْدَ يَڢَارَ سَامُنْ سَوْڧِنْ؞ سَيْ سُكَثٜىٰ مَسَ «جِيَ دَ ڧَرْڢٜىٰ طَيَ نَرَانَ نٜىٰ ظَظْذَاٻِنْ يَسَكٜىٰ شِ؞»

53سَيْ بَابَنْ يَرُوانْ يَغَانٜىٰ ثٜىٰوَ أَدَيْدَيْ وَنَّنْ لُواْكَثِ نٜىٰ عِيسَىٰ يَثٜىٰ مَسَ «كَتَڢِے، غَمَا يَرُوانْكَ ذَيْ رَايُ؞» سَيْ مُتُمِنْ دَ دُكَنْ عِيَلِنْسَ سُكَ بَادَ غَسْكِيَ غَ عِيسَىٰ؞

54وَنَّنْ نٜىٰ عَيْكِنْ بَنْ مَامَاكِ نَبِيُ دَ عِيسَىٰ يَيِ بَايَنْدَ يَبَرْ يَهُودِيَ يَتَڢِے غَلِيلِ؞