John 10 — Hausa Arabic 2020 (أَتَّوْرَتْ دَ أَنَّبَاوَا)

1«حَڧِيڧَ، إِنَ غَيَ مُكُ، دُكْ وَنْدَ بَيْ شِغَ وُرِنْ دَ عَكٜىٰ أَجِيٜىٰ تُمَكِ تَڧُواْڢَبَ، عَمَّا يَهَوْرَ يَشِغَ ثِكِ تَوَنِ غٜىٰڢٜىٰ، تُواْ، شِے ٻَرَوُاْ نٜىٰ، طَنْ ڢَشِنٜىٰ كُمَ؞

2وَنْدَ يَشِغَ تَڧُواْڢَرْ كُوَ، شِينٜىٰ مَكِيَايِنْ تُمَكِنْ؞

3مَيْغَادِنْ ڧُواْڢَرْ يَكَنْ بُوطٜىٰ مَسَ؞ تُمَكِنْ كُمَ سُكَنْ سَوْرَرِ مُرْيَرْ مَكِيَايِنْ؞ يَكَنْ كِرَا تُمَكِنْسَ دَ سُونَيٜىٰنْسُ يَبِيدَسُو يَكَيْسُ وَجٜىٰ؞

4بَايَنْدَ يَڢِتَرْدَ دُكَنْ نَاسَ وَجٜىٰ، سَيْ يَيِ تَڢِيَ أَغَبَ، تُمَكِنْ كُمَ سُنَ بِنْسَ عَبَايَ دُواْمِنْ سُنْ سَنْ مُرْيَرْسَ؞

5بَذَاسُبِے بَڧُواْبَ، سَيْدَيْ سُغُجٜىٰشِ، دُوانْ بَسُسَنْ مُرْيَرْ بَڧُواْبَ؞»

6عِيسَىٰ يَڢَطَا وَمُتَنٜىٰنْ وَنَّنْ مِصَالِ، عَمَّا بَسُغَانٜىٰ أَبِنْدَ يَكٜىٰ ڢَطَا مُسُبَ؞

7دُواْمِنْ حَكَ عِيسَىٰ يَسَاكٜىٰثٜىٰ مُسُ «حَڧِيڧَ، إِنَ غَيَ مُكُ، نِنٜىٰ ڧُواْڢَرْ تُمَكِنْ؞

8دُكْ وَطَنْدَ سُكَذُواْ كَاڢِنْ نِے ٻَرَيِ نٜىٰ دَ یَنْ ڢَشِ، كُمَ تُمَكِنْ مَا بَسُجِيسُبَ؞

9نِنٜىٰ ڧُواْڢَرْ، وَنْدَ يَشِغَ تَوُرِينَ ذَيْسَامِ ثٜىٰتُواْ، ذَيْ شِغَ يَكُمَ ڢِتَ يَنَ كِيوُاْ؞

10ٻَرَوُاْ يَكَنْذُواْ نٜىٰ كَوَيْ دُوانْ سَاتَادَ كِسَا دَ كُمَ هَلَّكَرْوَ؞ عَمَّا نَذُواْ نٜىٰ دُواْمِنْ سُسَامِ رَيْ، سُكُمَ سَامٜىٰشِ ثِكَكّٜىٰ؞

11«نِنٜىٰ مَكِيَايِ مَيْݣَوْ؞ مَكِيَايِ مَيْݣَوْ كُوَ شِينٜىٰ يَكَنْ بَادَ رَنْسَ دُواْمِنْ تُمَكِنْ؞

12طَنْ هَيَرْ دَ عَكَيِ هَيَرْسَ دُوانْ كِيوُاْ، شِے بَمَكِيَيِ بَنٜىٰ، تُمَكِنْ كُمَ بَنَاسَ بَنٜىٰ؞ سَبُواْدَ حَكَ دَ غَنِنْ ݣَرْكٜىٰثِ يَنَ ذُوَا دَ غُدُ، سَيْ يَبَرْ تُمَكِنْ يَغُدُ؞ ݣَرْكٜىٰثِ كُوَ يَكَامَ تُمَكِنْ يَكُمَ وَرْوَاڟَرْدَ سَوْرَنْ؞

13مُتُمِنْ يَغُدُ نٜىٰ دُواْمِنْ عَيْكِنْ كُطِ نٜىٰ كَوَيْ يَكٜىٰيِ، كُمَبَا أَبِنْدَ يَدَامٜىٰشِ دَ تُمَكِنْ؞

14«نِنٜىٰ مَكِيَايِ مَيْݣَوْ؞ نَسَنْ نَوَ، نَوَ كُمَ سُنْسَنْ نِے،

15كَمَرْ يَدَّ دَيْ نَسَنْ عُبَا، عُبَنْ كُمَ يَسَنْ نِے؞ إِنَ كُمَ بَادَ رَيْنَ دُواْمِنْ تُمَكِنْ؞

16إِنَدَ وَطَنْسُ تُمَكِ كُمَ وَطَنْدَ بَنَوَنَّنْ غَرْكٜىٰ بَنٜىٰ؞ سُو مَا دُواْلٜىٰنٜىٰ إِنْكَٰوُاْسُ؞ ذَاسُ كُوَ سَوْرَرِ مُرْيَتَ، ذَاسُ ذَمَ غَرْكٜىٰ طَيَ، مَكِيَايِ طَيَ كُمَ؞

17أَبِنْ دَ يَسَا عُبَا يَنَ ڧَوْنَتَ كٜىٰنَنْ، سَبُواْدَ إِنَبَادَ رَيْنَ دُواْمِنْ إِنْ سَاكٜىٰ طَوْكُواْ شِ كُمَ؞

18بَا مَيْ ڨُوثٜىٰ مِنِ رَيْ، دُواْمِنْ نِے دَكَيْنَ نَكٜىٰ بَادَشِ؞ إِنَدَ إِيكُواْ إِنْبَادَشِ، إِنَدَ إِيكُواْ إِنْ طَوْكُواْ شِ كُمَ؞ أَبِنْ دَ عُبَانَ يَعُمَرْثٜىٰنِ إِنْيِ كٜىٰنَنْ؞»

19سَبُواْدَ وَنَّنْ مَغَنَرْ دَ عِيسَىٰ يَيِ، سَيْ يَهُودَاوَا سُكَ شِغَ مُهَوَرَ دَ جُونَ كُمَ؞

20دَ يَوَ دَغَ ثِكِنْسُ، سُكَثٜىٰ «أَيْ، يَنَدَ أَلْجَنِ نٜىٰ، شِيَسَا يَكٜىٰ هَوْكَ؞ دُوانْمٜىٰ ذَاكُ سَوْرَرٜىٰشِ؟»

21عَمَّا وَطَنْسُ كُوَ سُكَثٜىٰ «أَعَ، أَيْ، وَنَّنْ مَغَنَ بَتَمَيْ أَلْجَنِ بَثٜىٰ؞ أَشٜىٰ، أَلْجَنِ ذَيْ عِيَ بُوطٜىٰوَ مَكَهُواْ عِدُواْ؟»

22لُواْكَثِنْ سَنْيِ نٜىٰ أَنَ كُمَ بِكٍ مِيڧَاوَرْ هَيْكَلِ أَ عُرُوشَلِيمَ؞

23عِيسَىٰ كُوَ يَنَ ذَاغَيَ أَ ذَوْرٜىٰنْ سُلَيْمَٰنُ عَثِكِنْ هَيْكَلِ،

24سَيْ يَهُودَاوَا سُكَ كٜىٰوَيٜىٰشِ، سُكَثٜىٰ مَسَ «حَرْ يَوْشٜىٰ ذَاكَبَرْمُ ثِكِنْ شَكَّ؟ إِنْ دَيْ كَيْنٜىٰ أَلْمَسِيحُنْ كَغَيَ مَنَ أَ ڢِيلِ؞»

25عِيسَىٰ يَأَمْسَ مُسُ يَثٜىٰ «أَيْ، نَارِغَا نَا غَيَ مُكُ بَكُبَادَ غَسْكِيَابَ؞ أَيُّكَنْ دَ نَكٜىٰيِ عَثِكِنْ سُونَنْ عُبَانَ سُونٜىٰ سُكٜىٰ نُونَ كُواْوَنٜىٰنٜىٰنِ؞

26عَمَّا بَكُ بَادَ غَسْكِيَابَ، دُواْمِنْ كُو بَا تُمَكِينَ بَنٜىٰ؞

27غَمَا تُمَكِينَ سُكَنْيِ بِيَيَّ دَ أَبِنْدَ نَكٜىٰ ڢَطَا، نَسَنْسُ، سُنَ بِنَ كُمَ؞

28إِنَبَاسُ رَيْ نَهَرْ أَبَدَا، كُمَ بَذَاسُ تَٻَ مُتُوَبَ، كُمَ بَاوَنْدَ ذَيْڨُوثٜىٰسُ دَغَ هَنُّونَ؞

29عُبَانَ وَنْدَ يَبَانِ تُمَكِنْ يَڢِ دُكَ غِرْمَ، بَا كُوَ مَيْ عِيَ ڨُوثٜىٰ تُمَكِينَ دَغَ حَنُّنْسَ؞

30دَنِے دَ عُبَنْ، طَيَنٜىٰ؞»

31سَيْ يَهُودَاوَا سُكَسَاكٜىٰ طٜىٰبُواْ دُوَڟُو دُواْمِنْ سُجٜىٰجّٜىٰڢٜىٰشِ؞

32سَيْ عِيسَىٰ يَأَمْسَ مُسُ يَثٜىٰ «نَيِ مُكُ أَيُّكَ مَاسُ ݣَوْ مَاسُيَوَ كُمَ دَغَ وُرِنْ عُبَا، عَكَنْ وَنّٜىٰ عَثِكِنْسُ ذَاكُ جٜىٰجّٜىٰڢٜىٰنِ؟»

33يَهُودَاوَا سُكَ أَمْسَ مَسَ سُكَثٜىٰ «أَيْ، بَدُوانْ وَنِ عَيْكِ مَيْݣَوْ دَكَيِ نٜىٰ ذَامُ جٜىٰجّٜىٰڢٜىٰكَبَ، عَمَّا دُوانْ مَغَنَرْ صَاٻُواْ غَ اللَّهْ نٜىٰ؞ كَيْ دَكَكٜىٰ مُتُمْ كَوَيْ كَنَ مَيْدَ كَنْكَ دَيْدَيْ دَ اللَّهْ ؞»

34عِيسَىٰ يَأَمْسَ مُسُ يَثٜىٰ «أَيْ، أَرُبُوثٜىٰ يَكٜىٰ أَ كُواْيَرْوَرْكُ ثٜىٰوَ اللَّهْ يَثٜىٰ، ‹نَثٜىٰ كُو أَلُّواْلِ نٜىٰ؞›

35مُنْ دَيْ سَنْ ثٜىٰوَ رُبُوتَثِّيَرْ مَغَنَرْ اللَّهْ بَاتَڧَضْيَا؞ عِدَنْ عُبَنْ‌غِجِ يَثٜىٰ دَ وَطَنْدَ سُكَجِ سَڧُوانْسَ ‹أَلُّواْلِ›،

36تُواْ، نِے وَنْدَ عُبَا يَكٜىٰٻٜىٰ يَكُمَ عَيْكُواْ نِے دُونِيَا، مَغَنَرْ رٜىٰنِ غَ اللَّهْ نَكٜىٰيِ كٜىٰنَنْ دَنَثٜىٰ، ‹نِے طَنْ اللَّهْ نٜىٰ›؟

37إِنْ بَ أَيُّكَنْ دَ عُبَانَ يَكٜىٰيِ سُو نَكٜىٰيِبَ، تُواْ، كَدَ كُغَسْكَتَادَنِے؞

38عَمَّا إِنْ سُو نَكٜىٰيِ، كُواْ بَكُغَسْكَتَادَنِے بَ، كُغَسْكَتَادَ أَيُّكَنْ، دُوانْ كُسَنِ، كُكُمَ غَانٜىٰ ثٜىٰوَ عُبَنْ يَنَ ثِكِنَ، نِے كُمَ إِنَ ثِكِنْ عُبَنْ؞»

39سَيْ سُكَسَاكٜىٰيِنْ ڧُواْڧَرِنْ كَامَ عِيسَىٰ ، عَمَّا يَڢِتَ دَغَ حَنُّنْسُ؞

40سَعَنً عِيسَىٰ يَسَاكٜىٰ كُواْمَاوَا ڧٜىٰتَرٜىٰنْ كُواْغِنْ يُواْدَنْ وُرِنْ دَ يَحْيَى يَيِ بَڢْتِسْمَ دَ ڢَرْكُواْ، يَذَوْنَ عَثَنْ؞

41سَيْ مُتَنٜىٰ دَيَوَ سُكَذُواْ وُرِنْسَ؞ مُتَنٜىٰنْ سُكَ دِنْ‌غَ ثٜىٰوَ «أَيْ، يَحْيَى بَيْتَٻَيِنْ عَلَمَرْ بَنْ مَامَاكِ بَ، عَمَّا دُكْ أَبِنْدَ يَڢَطَا غَمٜىٰدَ وَنَّنْ مُتُمْ غَسْكِيَ نٜىٰ؞»

42أَوَنَّنْ وُرِے كُوَ مُتَنٜىٰ دَيَوَ سُكَ بَادَ غَسْكِيَ غَ عِيسَىٰ ؞