John 21

Hausa Arabic 2020 (أَتَّوْرَتْ دَ أَنَّبَاوَا)

← Chapter 20 Jump to:

1بَايَنْ حَكَ عِيسَىٰ يَسَاكٜىٰ بَيَّنَ كَنْسَ غَ أَلْمَجِرَنْسَ عَبَاكِنْ تٜىٰكُنْ تِبَرِيَ؞ كُمَ غَا يَدَّ يَبَيَّنَ كَنْسَ؞

2سِيمَنْ بِتْرُسْ دَ تُواْمَ وَنْدَ عَكٜىٰثٜىٰدَشِ یَنْ بِيُ دَ نَتَعَالَ دَغَ كَنَ تَ غَلِيلِ دَ یَیَنْ ظَبَدِ دَ كُمَ وَطَنْسُ أَلْمَجِرَنْ بِيُ دُكْ سُنَانَنْ تَرٜىٰ؞

3سَيْ بِتْرُسْ يَثٜىٰ «ذَانِ كَامُنْ كِيڢِ؞» سَوْرَنْ أَلْمَجِرَنْ سُكَثٜىٰ «مُو مَا ذَامُ تَڢِے تَرٜىٰدَكَيْ؞» سَيْ سُكَ ڢِتَ سُكَ شِغَ جِضْغٍ ضُوَ سُكَ تَڢِے؞ عَمَّا أَوَنَّنْ دَرٜىٰ بَسُ كَامَ كُواْمٜىٰبَ؞

4غَرِ يَنَ وَايٜىٰوَ كٜىٰنَنْ، سَيْغَا عِيسَىٰ أَڟَيٜىٰ عَبَاكِنْ تٜىٰكُنْ، عَمَّا أَلْمَجِرَنْ بَسُ غَانٜىٰ عِيسَىٰ نٜىٰبَ؞

5سَيْ عِيسَىٰ يَثٜىٰ مُسُ «سَمَارِ، كُنَدَ كِيڢِ؟» سُكَ أَمْسَ مَسَ سُكَثٜىٰ «أَعَ؞»

6عِيسَىٰ يَثٜىٰ مُسُ «كُجٜىٰڢَ رَاغَرْ كَامُنْ كِيڢِنْكُ أَ حَنُّنْ دَامَ نَجِضْغٍ، ذَاكُ سَامُ؞» سُكَ جٜىٰڢَشِ كَمَرْ يَدَّ عِيسَىٰ يَڢَطَا، سُكَ كَامَ كِيڢِ دَيَوَ حَرْ سُكَ كَاسَ جَٰوُاْ رَاغَرْ كَامُنْ كِيڢِنْ ذُوَا ثِكِنْ جِضْغٍ؞

7سَيْ أَلْمَجِرِنَّنْ دَ عِيسَىٰ يَكٜىٰ ڧَوْنَ يَثٜىٰ وَ بِتْرُسْ «أَيْ، عُبَنْ‌غِجِ نٜىٰ!» دَ سِيمَنْ بِتْرُسْ يَجِ ثٜىٰوَ عُبَنْ‌غِجِ نٜىٰ، سَيْ يَطَوْكِ رِغَرْسَ يَسَا، دُواْمِنْ تُنْدَا مَا عَتُوٻٜىٰ يَكٜىٰ؞ سَعَنً يَيِ ڟَلّٜىٰ يَشِغَ ثِكِنْ ضُوً؞

8سَوْرَنْ أَلْمَجِرَنْ كُوَ سُكَذُواْ بَاكِنْ تٜىٰكُنْ عَثِكِنْ جِضْغٍ، سُنَ جَنْ رَاغَرْ كَامُنْ كِيڢِنْ ثِكٜىٰ دَ كِيڢِ؞ دُوانْ دَا مَا بَاسُ دَنِيسَ دَ بَاكِنْ تٜىٰكُنْ، مِصَالِ ڧَڢَا طَرِے عُكُنٜىٰ؞

9دَ ڢِتُواْوَرْسُ بَاكِنْ ضُوَ، سَيْ سُكَغَ غَرْوَشِنْ وُتَا أَوُرِنْ دَ كِيڢِ عَكَيْ دَ غُرَاسَ كُمَ؞

10عِيسَىٰ يَثٜىٰ مُسُ «كُكَٰوُاْ وَطَنْسُ كِيڢِ دَغَ ثِكِنْ وَطَنْدَ كُكَ كَامَ يَنْذُ؞»

11سَيْ سِيمَنْ بِتْرُسْ يَهَوْ جِضْغٍ ضُوً، يَجَٰوُاْ رَاغَرْ كَامُنْ كِيڢِنْ ذُوَا بَاكِنْ ضُوَ؞ رَاغَرْ كَامُنْ كِيڢِنْ يَنَ كُوَ ثِكٜىٰ دَ مَنْيَنْ كِيڢَيٜىٰ طَرِے دَ حَمْسِنْ دَ عُكُ؞ عَمَّا دُكْ دَ يَوَنْسُ حَكَ، رَاغَرْ كَامُنْ كِيڢِ بَيْ يَاغٜىٰبَ؞

12سَيْ عِيسَىٰ يَثٜىٰ مُسُ «كُذُواْ كُثِ عَبِنْثِنْ سَڢٜىٰ؞» عَثِكِنْ أَلْمَجِرَنْ كُوَ بَاوَنْدَ يَيِ ڧَرْڢِنْ حَلِ يَتَمْبَيٜىٰشِ كُواْوَنٜىٰنٜىٰ شِ، دُواْمِنْ سُنْ سَنْ ثٜىٰوَ عُبَنْ‌غِجِ نٜىٰ؞

13سَيْ عِيسَىٰ يَذُواْ يَطَوْكِ غُرَاسَرْ يَبَاسُ، يَكُمَ طَوْكِ كِيڢِنْ يَبَاسُ؞

14وَنَّنْ شِينٜىٰ سَوْ نَعُكُ دَ عِيسَىٰ يَبَيَّنَ كَنْسَ غَ أَلْمَجِرَنْ بَايَنْدَ عَكَ تَاشٜىٰشِ دَغَ مَتَتُّو؞

15دَسُكَ غَمَ ثِنْ عَبِنْثِنْ سَڢٜىٰ، سَيْ عِيسَىٰ يَتَمْبَيِ سِيمَنْ بِتْرُسْ يَثٜىٰ «سِيمَنْ طَنْ يَحْيَى، كَنَ ڧَوْنَتَ ڢِيٜىٰدَ وَطَنَّنْ؟» سَيْ بِتْرُسْ يَأَمْسَ مَسَ يَثٜىٰ «عِ، عُبَنْ‌غِجِ ، أَيْ، كَا سَنْ يَدَّ نَكٜىٰسُوانْكَ؞» عِيسَىٰ يَثٜىٰمَسَ «كَاثِيَرْدَ تُمَكِينَ؞»

16سَيْ عِيسَىٰ يَسَاكٜىٰ تَمْبَيَرْسَ سَوْ نَبِيُ يَثٜىٰ «سِيمَنْ طَنْ يَحْيَى، كَنَ ڧَوْنَتَ؟» يَأَمْسَ يَثٜىٰ «عِ، عُبَنْ‌غِجِ ، أَيْ، كَا سَنْ إِنَ سُوانْكَ؞» عِيسَىٰ يَثٜىٰ مَسَ «كَيِ كِيوُانْ تُمَكِينَ؞»

17عِيسَىٰ يَتَمْبَيٜىٰشِ سَوْ نَعُكُ يَثٜىٰ «سِيمَنْ طَنْ يَحْيَى، كَنَ سُواْنَ؟» سَيْ بِتْرُسْ يَيِ بَڧِنْ ثِكِ، دُوانْ عَتَمْبَيَ تَ عُكُ عِيسَىٰ يَثٜىٰ «كَنَ سُواْنَ؟» سَيْ شِيكُوَ يَأَمْسَ يَثٜىٰ «يَا عُبَنْ‌غِجِ ، أَيْ، كَا سَنْ دُكَنْ كُواْمٜىٰ، كَا سَنْ إِنَ سُوانْكَ؞» عِيسَىٰ يَثٜىٰ مَسَ «تُواْ، كَاثِيَرْدَ تُمَكِينَ؞

18حَڧِيڧَ، إِنَ غَيَ مَكَ، لُواْكَثِنْ دَ كَكٜىٰ سَوْرَيِ كَكَنْ سَا وَكَنْكَ سُتُورَ كَجٜىٰ دُكْ عِنْدَ كَغَ دَامَ، عَمَّا إِنْ كَا ڟُوڢَ ذَاكَ مِيڧٜىٰ حَنُّوَنْكَ، وَنِ يَسَا مَكَ سُتُورَ، يَكَيْكَ عِنْدَ بَاكَاسُواْ كَتَڢِے؞»

19عِيسَىٰ يَڢَطِ وَنَّنْ نٜىٰ دُواْمِنْ يَنُونَ إِرِنْ مُتُوَرْ دَ بِتْرُسْ ذَيْ يِ دُوانْ يَطَوْكَكَ اللَّهْ ؞ بَايَنْ وَنَّنْ مَغَنَ، عِيسَىٰ يَثٜىٰ وَ بِتْرُسْ «بِينِ؞»

20بِتْرُسْ يَجُويَ يَدُوبِے بَايَ، سَيْ يَغَ أَلْمَجِرِنَّنْ دَ عِيسَىٰ يَكٜىٰ ڧَوْنَ يَنَ بِنْسُ؞ وَنَّنْ شِينٜىٰ أَلْمَجِرِنْدَ يَجِنْ‌غِنَ عَڧِرْجِنْ عِيسَىٰ أَ لُواْكَثِنْ ثِنْ عَبِنْثِنْ بِكٍ ڧٜىٰتَرٜىٰوَ؞ شِينٜىٰ وَنْدَ يَتَمْبَيِ عِيسَىٰ يَثٜىٰ «يَا عُبَنْ‌غِجِ ، وَنٜىٰنٜىٰ ذَيْ بَاشٜىٰكَ؟»

21دَ بِتْرُسْ يَغَنْ شِ، سَيْ يَتَمْبَيِ عِيسَىٰ يَثٜىٰ « عُبَنْ‌غِجِ ، وَنَّنْ مُتُمْ ڢَا؟»

22سَيْ عِيسَىٰ يَثٜىٰ مَسَ «عِدَنْ نُڢِينَ نٜىٰ يَرَايُ حَرْ إِنْ دَاوُاْ، إِنَا ضُوَنْكَ؟ كَيْ دَيْ، كَبِينِ!»

23سَبُواْدَ حَكَ وَنَّنْ لَابَرِ يَيِ تَبَظُوَ ثِكِنْ مَاسُبِنْ عِيسَىٰ ثٜىٰوَ أَلْمَجِرِنَّنْ بَذَيْ مُتُبَ؞ عَمَّا عِيسَىٰ بَيْثٜىٰ بَذَيْ مُتُبَ؞ يَا دَيْ ثٜىٰ «عِدَنْ نُڢِينَ نٜىٰ يَرَايُ حَرْ إِنْ دَاوُاْ، إِنَا ضُوَنْكَ؟»

24وَنَّنْ شِينٜىٰ أَلْمَجِرِنْ دَيَكٜىٰ بَادَ شَيْدَ عَكَنْ وَطَنَّنْ أَبُبُوَ، يَكُمَسَاسُ أَرُبُوثٜىٰ؞ مُنْ كُمَ سَنْ ثٜىٰوَ شَيْدَرْسَ غَسْكِيَثٜىٰ؞

25أَݣَويْ وَطَنْسُ أَبُبُوَ دَيَوَ كُمَ وَطَنْدَ عِيسَىٰ يَيِ دَاعَثٜىٰ ذَاعَ رُبُوتَ دُكَ، إِنَ ڟَمَّنِ كُواْ دُونِيَا كَنْتَ بَذَاتَ عِيَ طَوْكَرْ لِتَّتَّڢَنْ دَ ذَاعَ رُبُوتَبَ؞

← Chapter 20 Jump to: