John 12

Hausa Arabic 2020 (أَتَّوْرَتْ دَ أَنَّبَاوَا)

1بِكٍ ڧٜىٰتَرٜىٰوَ يَضَغٜىٰ سَوْرَنْ ݣُونَ شِدَ كٜىٰنَنْ، سَيْ عِيسَىٰ يَجٜىٰ بٜىٰتَنِ، وَتُواْ، عِنْدَ لِعَظَرُ، مُتُمِنْ دَ عِيسَىٰ يَتَادَشِ دَغَ مَتَتُّو يَكٜىٰدَ ذَمَ؞

2نَنْ عَكَيِ مَسَ عَبِنْثِنْ دَرٜىٰ، مَرْتَ ثٜىٰ كُوَ تَرَبَ عَبِنْثِنْ، لِعَظَرُ كُوَ يَنَ طَيَ دَغَ ثِكِنْ مُتَنٜىٰنْ دَ سُكَثِ عَبِنْثِنْ تَرٜىٰدَ عِيسَىٰ ؞

3سَيْ مَرْيَمُ تَطَوْكِ ݣُولَبَ ثِكٜىٰ دَ وَجٜىٰنْ رَبِنْ لِتَ نَنَرْدِ، مَنْ ڧَنْشِ مَيْ ڟَادَ، تَجُويٜىٰ عَڧَڢَاڢُنْ عِيسَىٰ ، سَعَنً تَشَارٜىٰ ڧَڢَاڢُنْ دَ غَاشِنْ كَنْتَ؞ ڧَنْشِ مَيْ دَاطِے نَوَنَّنْ مَيْ يَثِكَ دُكَنْ غِدَنْ؞

4عَمَّا يَهُودَ إِسْكَرِيُواْتِ، طَيَ دَغَ ثِكِنْ أَلْمَجِرَنْسَ، وَتُواْ وَنْدَ ذَيْ بَاشٜىٰشِ، يَثٜىٰ،

5«مٜىٰيَسَا بَعَسَيَرْ دَ مَنَّنْ عَكَنْ يَوَنْ كُطِنْ دَ لٜىٰبُرَ ذَيْسَامُ أَ رَانَكُو طَرِے عُكُ، سَعَنً عَبَا مَاسُ بُڧَاتَ كُطِنْبَ؟»

6يَهُودَ يَڢَطِ وَنَّنْ مَغَنَنٜىٰبَ دُواْمِنْ يَنَ كُلَ دَ مَاسُ بُڧَاتَبَ، عَمَّا دُواْمِنْ شِے ٻَرَوُاْ نٜىٰ؞ غَمَا شِينٜىٰ مَيْ رِڧٜىٰ جَكَرْ كُطِنْسُ، كُمَ يَكَنْ سَاتَادَغَ ثِكِ؞

7سَيْ عِيسَىٰ يَثٜىٰ «ڨَلٜىٰتَ، دَا مَا تَ أَجِيٜىٰشِ دُواْمِنْ شِرِنْ رَانَرْ دَ ذَاعَ بِنّٜىٰنِ؞

8أَيْ، كُلُّمْ مَاسُ بُڧَاتَ سُنَ تَرٜىٰدَكُو، عَمَّا بَكُلُّمْ كُكٜىٰ تَرٜىٰدَنِيبَ؞»

9دَ تَارُوانْ يَهُودَاوَا مَيْيَوَ سُكَجِ لَابَرِ ثٜىٰوَ عِيسَىٰ يَنَنً، سَيْ سُكَذُواْ، بَ دُوانْ عِيسَىٰ شِ كَطَيْبَ، عَمَّا دُواْمِنْ سُغَ لِعَظَرُ مَا وَنْدَ عِيسَىٰ يَتَاشٜىٰشِ دَغَ مَتَتُّو؞

10سَيْ مَنْيَنْ ڢِرِسْتُواْثِے سُكَيِ شَوَرَا سُكَشٜىٰ لِعَظَرُ شِے مَا،

11دُواْمِنْ تَدَلِيلِنْ لِعَظَرُ نٜىٰ يَهُودَاوَا دَيَوَ سُنَ رَبُوَ دَ ڢِرِسْتُواْثِنْ سُنَ بَادَ غَسْكِيَ غَ عِيسَىٰ ؞

12وَشٜىٰغَرِ مُتَنٜىٰ دَيَوَ وَطَنْدَ سُكَذُواْ بِكٍ ڧٜىٰتَرٜىٰوَ، سُكَجِ ثٜىٰوَ عِيسَىٰ يَنَ كَنْ حَنْيَ ذُوَا عُرُوشَلِيمَ؞

13سَيْ سُكَ طَطَّوْكِ رَسَّنْ عِتَتُوَنْ دَبِينُواْ سُكَ ڢِڢِّتَ، سُكَ كَرْٻٜىٰشِ، سُنَ تَادَ مُرْيَ سُنَ ثٜىٰوَ «هُواْسَنَّ! أَلْبَرْكَ تَا تَبَّتَا غَ مَيْ ذُوَا عَثِكِنْ سُونَنْ عُبَنْ‌غِجِ! أَلْبَرْكَ تَا تَبَّتَا غَ سَرْكِنْ إِسْرَٰٓءِيلَ!»

14دَ عِيسَىٰ يَسَامِ وَنِ طَنْ جَاكِ سَيْ يَهَوْ، كَمَرْ يَدَّ عَكَ رُبُوتَ ثٜىٰوَ

15«كَدَ كُجِڟُواْرُواْ، يَا كٜىٰ ذُوثِيَاتَ سِهِيُواْنَ؞ غَا سَرْكِنْكُ يَنَ ذُوَا عَكَنْ طَنْ جَاكِ!»

16دَ ڢَرْكُواْ أَلْمَجِرَنْسَ بَسُ غَانٜىٰ أَبِنَّنْبَ، عَمَّا بَايَنْدَ عَكَ طَوْكَكَ عِيسَىٰ ، سُكَ تُنَ ثٜىٰوَ أَنْيِ وَنَّنْ رُبُوتُو عَكَنْسَ، كُمَ أَبُبُوَنْ سُنْ ڢَرُ دَيْدَيْ كَمَرْ يَدَّ عَكَ رُبُوتَ؞

17مُتَنٜىٰنْ دَسُكٜىٰ تَرٜىٰ دَشِ أَ لُواْكَثِنْدَ يَكِرَا لِعَظَرُ يَڢِتُواْ دَغَ كَبَرِ، يَكُمَ تَاشٜىٰشِ دَغَ مَتَتُّو، سُكَيِ تَڢَطَا وَمُتَنٜىٰ أَبِنْدَ عِيسَىٰ يَيِ؞

18مُتَنٜىٰ دَيَوَ سُنْ تَڢِے سُكَرْٻِ عِيسَىٰ نٜىٰ دُواْمِنْ سُنْجِ وَنَّنْ عَلَمَرْ بَنْ مَامَاكِنْ دَ يَيِ؞

19سَيْ ڢَرِسِيَاوَا سُكَيِ مَغَنَ دَ جُونَ سُكَثٜىٰ «كُدُوبَ ڢَا، بَكُيِ نَصَرَا كُواْ كَطَنْ بَ، غَاشِ دُكَنْ دُونِيَا تَنَ بِنْسَ!»

20تُواْ، عَثِكِنْ وَطَنْدَ سُكَذُواْ بِكٍ دُواْمِنْ يِنْ سُجَّدَ أَݣَويْ وَطَنْسُ هٜىٰلٜىٰنَاوَا؞

21سَيْ سُكَذُواْ وُرِنْ ڢِلِبُسْ، مُتُمِنْ بٜىٰڟَيْدَ تَ غَلِيلِ، سُكَثٜىٰ مَسَ «مَيْغِرْمَ، مُنَ بُڧَاتَ مُتَتَّوْنَ دَ عِيسَىٰ ؞»

22ڢِلِبُسْ يَجٜىٰ يَغَيَ وَ أَنْدَرَوُسْ، سَيْ سُو بِيُ سُكَ تَڢِے سُكَ ڢَطَا وَ عِيسَىٰ ؞

23سَيْ عِيسَىٰ يَأَمْسَ مُسُ يَثٜىٰ «لُواْكَثِ يَيِ دَ ذَاعَ طَوْكَكَ طَنْ مُتُمْ؞

24حَڧِيڧَ، إِنَ غَيَ مُكُ، إِنْ بَ دَيْ أَنْبِنّٜىٰ ڨُويَرْ أَلْكَمَ تَا مُتُبَ، ذَاتَ ذَوْنَ عِتَ كَطَيْ؞ عَمَّا إِنْ تَمُتُ سَيْ تَبَادَ یَیَ دَيَوَ؞

25دُكْ وَنْدَ يَكٜىٰ ڧَوْنَرْ رَنْسَ ذَيْ رَسَشِ؞ دُكْ وَنْدَ يَڧِ رَنْسَ عَدُونِيَرْ نَنْ، ذَيْ كِيَايٜىٰشِ كٜىٰنَنْ غَ رَيْ نَهَرْ أَبَدَا؞

26دُكْ وَنْدَ ذَيْ يِمِنِ حِدِمَ، دُواْلٜىٰنٜىٰ يَبِينِ؞ أَ دُكْ عِنْدَ نَكٜىٰ كُوَ مَيْيِ مِنِ حِدِمَ ذَيْ كَسَنْثٜىٰ تَرٜىٰدَنِ؞ عُبَانَ كُوَ ذَيْ غِرْمَمَ دُكْ وَنْدَ يَكٜىٰيِمِنِ حِدِمَ؞»

27«يَنْذُ إِنَ جِنْ نَوْيِ أَ رَيْنَ؞ مٜىٰ ذَنْثٜىٰ كٜىٰنَنْ؟ إِنْثٜىٰ، ‹يَا عُبَا، كَطَوْكٜىٰ مِنِ وَنَّنْ لُواْكَثِ؟› أَعَ، أَيْ، دَا مَا نَذُواْ مُسَمَّنْ دُواْمِنْ وَنَّنْ لُواْكَثِنٜىٰ؞

28يَا عُبَا، كَطَوْكَكَا سُونَنْكَ؞» سَيْ مُرْيَ تَڢِتُواْ دَغَ سَمَ تَثٜىٰ «أَيْ، نَارِغَا نَا طَوْكَكَاشِ، ذَنْ ڧَارَ طَوْكَكَاشِ كُمَ؞»

29دَ مُتَنٜىٰنْ دَسُكٜىٰ ڟَيٜىٰ أَوُرِنْ سُكَجِ مُرْيَرْ، سُكَثٜىٰ «أَنْيِڟَاوَ؞» وَطَنْسُ كُوَ سُكَثٜىٰ «مَلاَىِٕكَنٜىٰ يَيِ مَسَ مَغَنَ؞»

30عِيسَىٰ يَثٜىٰ مُسُ «وَنَّنْ مُرْيَ تَذُواْ دُواْمِنْكُنٜىٰ، عَمَّا بَسَبُواْدَنِبَ؞

31يَنْذُ نٜىٰ ذَاعَيِ وَدُونِيَرْ نَنْ شَرِيعَ، يَنْذُ نٜىٰ كُمَ ذَاعَ تُمْٻُكٜىٰ مَيْ مُلْكٍ دُونِيَرْ نَنْ؞

32سَعَدَّ أَنْطَغَ نِے دَغَ ڧَسَا كُوَ، ذَنْ جَٰوُاْ دُكَنْ مُتَنٜىٰ ذُوَا وُرِينَ؞»

33عِيسَىٰ يَڢَطِ وَنَّنْ نٜىٰ دُواْمِنْ يَنُونَ إِرِنْ مُتُوَرْ دَ ذَيْ يِ؞

34سَيْ مُتَنٜىٰنْ سُكَثٜىٰ وَ عِيسَىٰ «أَيْ، كُواْيَرْوَرْمُ تَغَيَ مَنَ ثٜىٰوَ أَلْمَسِيحُنْ ذَيْ رَايُ حَرْ أَبَدَا؞ تُواْ، يَيَ ذَاكَثٜىٰ لَلَّيْ نٜىٰ أَطَغَ طَنْ مُتُمْ؟ وَنٜىٰنٜىٰ طَنْ مُتُمْ طِنْ؟»

35عِيسَىٰ يَثٜىٰ مُسُ «حَصْكٜىٰنْ يَنَ تَرٜىٰدَكُو نَطَنْ ڧَرَمِنْ لُواْكَثِ؞ كُيِ تَڢِيَ تُنْ حَصْكٜىٰنْ يَنَ تَرٜىٰدَكُو، كَدَ دُهُ يَسَامٜىٰكُ؞ مَيْ تَڢِيَ ثِكِنْ دُهُ بَيْ سَنْ عِنْدَ ذَاشِبَ؞

36كُغَسْكَتَادَ حَصْكٜىٰنْ، تُنْ كُنَ تَرٜىٰ دَشِ، دُواْمِنْ كُذَمَ یَیَنْ حَصْكٜىٰ؞» بَايَنْدَ عِيسَىٰ يَيِ وَنَّنْ مَغَنَ، سَيْ يَتَڢِے يَٻُواْيٜىٰ كَنْسَ دَغَ غَرٜىٰسُ؞

37كُواْدَيَكٜىٰ عِيسَىٰ يَشَا يِنْ عَلَمُنْ بَنْ مَامَاكِ دَيَوَ أَغَبَنْسُ، دُكْدَهَكَ بَسُ بَادَ غَسْكِيَ غَرٜىٰشِبَ؞

38وَنَّنْ يَڢَرُ نٜىٰ دُواْمِنْ عَثِكَ أَبِنْدَ أَنَّبِے عِشَايَ يَڢَطَا ثٜىٰوَ «يَا عُبَنْ‌غِجِ ، وَ يَغَسْكَتَ سَڧُوانْمُ، غَ وَ كُمَ عَكَ بَيَّنَ مَسَ أَبِنْدَ حَنُّنْ عُبَنْ‌غِجِ يَعَيْكَتَ؟»

39شِيَسَا بَسُ عِيَ بَادَ غَسْكِيَابَ، كَمَرْ يَدَّ عِشَايَ يَكُمَ ڢَطَا أَوَنِ وُرِے ثٜىٰوَ

40«يَمَيْدَسُو مَكَڢِ، يَكُمَ تَوْرَرَ ذُوثِيَارْسُ، دُواْمِنْ كَدَ سُغَنِ دَ عِدَنُونْسُ، سُكُمَ غَانٜىٰ أَ ذُوثِيَا، حَرْ سُجُويُواْ وُرِينَ إِنْ وَرْكَرْ دَسُو؞»

41عِشَايَ يَڢَطِ حَكَنٜىٰ دُواْمِنْ يَغَ طَوْكَكَرْ عِيسَىٰ ، يَكُمَ بَادَ لَابَرِنْسَ؞

42دُكْدَهَكَ مُتَنٜىٰ دَيَوَ سُنْ بَادَ غَسْكِيَ غَ عِيسَىٰ ، حَرْ مَا دَيَوَ دَغَ ثِكِنْ شُوغَبَنِّنْسُ سُكَ بَادَ غَسْكِيَ غَرٜىٰشِ؞ عَمَّا دُوانْ ڟُواْرُوانْ ڢَرِسِيَاوَا بَسُڢَطَا سُنْ غَسْكَتَبَ دُواْمِنْ كَدَ عَكُواْرٜىٰسُ دَغَ مَجَمِعَ؞

43غَمَا سُنْڢِے سُوانْ يَبُواْ دَغَ بَاكِنْ مُتَنٜىٰ ڢِيٜىٰدَ يَبُواْ دَغَ وُرِنْ اللَّهْ ؞

44سَيْ عِيسَىٰ يَطَغَ مُرْيَ يَثٜىٰ «دُكْ وَنْدَ يَكٜىٰ بَادَ غَسْكِيَ غَرٜىٰنِ، بَ غَرٜىٰنِ يَكٜىٰ بَادَ غَسْكِيَ كَطَيْبَ، عَمَّا غَ وَنْدَ يَعَيْكُواْ نِنٜىٰ؞

45دُكْ وَنْدَ يَكٜىٰ دُوبَنَ، يَنَ كُمَ غَنِنْ وَنْدَ يَعَيْكُواْ نِنٜىٰ؞

46نَذُواْ كَمَرْ حَصْكٜىٰ نٜىٰ عَثِكِنْ دُونِيَا دُواْمِنْ كَدَ دُكْ وَنْدَ يَكٜىٰ بَادَ غَسْكِيَ غَرٜىٰنِ يَذَوْنَ عَثِكِنْ دُهُ؞

47«دُكْ وَنْدَ يَجِ كُواْيَرْوَاتَا، بَيْ كُوَ كِيَايٜىٰتَبَ، بَا نِنٜىٰ مَيْيِ مَسَ حُكُنْثِبَ؞ غَمَا بَدُوانْ إِنْيِ وَدُونِيَا حُكُنْثِ نَذُوابَ، عَمَّا دُواْمِنْ إِنْثٜىٰثِ دُونِيَا نٜىٰ؞

48وَنْدَ يَڧِنِ، بَيْ كُمَ كَرْٻِ مَغَنَاتَبَ، يَنَدَ مَيْيِ مَسَ حُكُنْثِ، مَغَنَرْدَ نَڢَطَا، عِتَ ذَاتَ حُكُنْتَشِ أَ رَانَرْ ڧَرْشٜىٰ؞

49أَبُبُوَنْ دَ نَكٜىٰ كُواْيَرْوَا بَادَغَ وُرِينَ بَنٜىٰ، عُبَانَ دَيَعَيْكُواْ نِنٜىٰ يَعُمَرْثٜىٰنِ غَمٜىٰدَ أَبِنْدَ ذَنْ ڢَطَا دَ مَغَنَرْ دَ ذَنْيِ؞

50نَكُمَ سَنِ رَيْ نَهَرْ أَبَدَا أَنَ سَامُنْسَ نٜىٰ دَغَ عُمَرْنِنْ دَ عُبَا يَبَايَرْ؞ سَبُواْدَ حَكَ دُكْ أَبِنْدَ نَڢَطَا، نَاڢَطَا دَيْدَيْ يَدَّ عُبَا يَغَيَ مِنِ إِنْڢَطَا نٜىٰ؞»

← Chapter 11 Jump to: Chapter 13 →