Psalms 106

Hausa Arabic 2020 (أَتَّوْرَتْ دَ أَنَّبَاوَا)

← Chapter 105 Jump to: Chapter 107 →

1يَبِے يَهْوٜىٰهْ! كُيِ غُواْدِيَ غَ يَهْوٜىٰهْ غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ!

2وَ ذَيْ عِيَ ڢَطَرْ مَنْيَنْ أَيُّكَنْ يَهْوٜىٰهْ ؟ وَ ذَيْ عِيَ شٜىٰلَرْ ثِكَكّٜىٰنْ يَبُوانْسَ؟

3مَاسُ أَلْبَرْكَ نٜىٰ مَاسُ كِيَايٜىٰ غَسْكِيَ، مَاسُ يِنْ أَبِنْدَ يَكٜىٰ دَيْدَيْ عَكُواْوَنٜىٰ لُواْكَثِ؞

4تُنَ دَنِے، يَا يَهْوٜىٰهْ ، أَ لُواْكَثِنْ أَلْحٜىٰرِنْكَ غَ جَمَعَرْكَ؞ كَسَا نِے عَثِكِنْسُ أَ لُواْكَثِنْ ثٜىٰتُوانْكَ،

5إِنْ غَ ثِيغَبَنْ ذَاٻَٻُّنْكَ، إِنْيِ مُرْنَ ثِكِنْ ڢَضٍ ثِكِنْ جَمَعَرْكَ، إِنْجِوَ كَيْنَ دَاطِے ثِكِنْ جَمَعَرْ غَادُوانْكَ؞

6دَ مُو دَ كَاكَنِّنْمُ مُنْيِ ذُنُوبِ، مُنْيِ لَيْڢِے، مُنْيِ مُغُنْتَا؞

7دَ كَاكَنِّنْمُ سُنَ أَ مَصَرْ، بَسُيِ تُنَانِ عَكَنْ أَيُّكَنْ بَنْ مَامَاكِ نَ يَهْوٜىٰهْ بَ، بَسُ تُنَ دَ يَوَنْ ڧَوْنَرْسَ مَرَرْ ثَنْجَاوَابَ، سُكَيِ مَسَ تَاوَيٜىٰ عَبَاكِنْ تٜىٰكُنْ ثِيَوَرْ إِوَ؞

8يَثٜىٰثٜىٰسُ دُواْمِنْ أَغِرْمَمَ سُونَنْسَ، دُواْمِنْ أَ سَنَرْدَ إِيكُوانْسَ مَيْغِرْمَ؞

9يَ عُمَرْتَ، سَيْ تٜىٰكُنْ ثِيَوَرْ إِوَ تَبُوشٜىٰ، يَڧٜىٰتَرٜىٰ دَسُو تَتٜىٰكُ عَبُوسَشِّيَرْ ڧَسَا؞

10يَثٜىٰثٜىٰسُ دَغَ حَنُّنْ مَاسُ ڧِنْسُ، يَڢَنْشٜىٰسُ دَغَ حَنُّنْ أَبُواْكَنْ غَابَنْسُ؞

11ضُوَيٜىٰ سُكَ رُڢٜىٰ مَاسُ مُسُ دَنِّيَ، كُواْ طَيَ بَيْ كُٻُتَبَ؞

12سَعَنً سُكَ أَمِنْثٜىٰ دَ مَغَنَرْسَ، سُكَيِ وَاڧُواْڧِنْ يَبُوانْسَ؞

13بَادَ دَطٜىٰوَبَ سُكَ مَنْتَادَ أَيُّكَنْسَ، بَسُجِرَا شَوَرَرْسَبَ؞

14ݣُوطَيِ يَشَا ڧَرْڢِنْسُ أَدَاجِ، سُكَ ڠُودَ اللَّهْ أَ هَمَادَ؞

15سَيْ يَبَاسُ أَبِنْدَ سُكَ ضُواْڧَا، عَمَّا يَعَيْكَ مُسُ دَ ثِيوُانْ رَمٜىٰوَ؞

16أَ ذَنْ‌غُوانْسُ سُكَجِ كِيشِنْ مُوسَٰى، دُكْ دَ هَٰرُونَ، ڟَرْكَكَا نَ يَهْوٜىٰهْ ؞

17سَيْ ڧَسَا تَبُوطٜىٰ تَهَطِيٜىٰ دَتَنْ، تَكُمَ رُڢٜىٰ ڧُنْ‌غِيَرْ أَبِرَمْ؞

18وُتَا تَثِ ڧُنْ‌غِيَرْسُ، هَرْشٜىٰنْ وُتَا تَثِنْيٜىٰ مُوغَيٜىٰ؞

19سُكَيِ صِڢَّرْ طَنْ بِجِمِ عَبَبَّنْ تُدُنْ هُواْرٜىٰبْ، سُكَ كُوَيِ سُجَّدَ غَ غُنْكِنْ دَ عَكَ ڧٜىٰرَ؞

20أَ مَيْمَكُوانْ سُجَّدَ غَ اللَّهْ اللَّهْ وَنْدَ شِينٜىٰ طَوْكَكَرْسُ، سُكَيِ سُجَّدَ غَ صِڢَّرْ بِجِمِ، بِجِمِ مَيْ ثِنْ ثِيَوَ؞

21سُكَ مَنْتَادَ اللَّهْ مَيْ ثٜىٰتُوانْسُ وَنْدَ يَعَيْكَتَ مَنْيَنْ أَبُبُوَ أَ مَصَرْ،

22أَيُّكَنْ بَنْ مَامَاكِ عَڧَسَرْ هَمْ، أَبُبُوَنْ بَنْ ڟُواْرُواْ عَتٜىٰكُنْ ثِيَوَرْ إِوَ؞

23دُواْمِنْ حَكَ يَثٜىٰ ذَيْ هَلَكَاسُ، عَمَّا مُوسَٰى ذَاٻَٻّٜىٰنْسَ يَڟَيَ ڟَكَانِنْسُ يَڢُسْكَنْثٜىٰ شِ، يَحَنَ ڢُشِنْسَ يَهَلَكَاسُ؞

24سَيْ سُكَڧِ ڧَسَرْ نَنْ مَيْ دَاطِے، بَسُ أَمِنْثٜىٰ دَ مَغَنَرْسَبَ؞

25سُكَيِ غُنَغُنِ ثِكِنْ تٜىٰنْتُنَنْسُ، بَسُ كُوَ جِ مُرْيَرْ يَهْوٜىٰهْ بَ؞

26سَيْ يَطَغَ حَنُّنْسَ ثِكِنْ ضَنْڟُوَا ثٜىٰوَ ذَيْسَا سُمُتُ أَدَاجِ،

27ذَيْ وَاڟَرْدَ ذُرِيَرْسُ عَثِكِنْ أَلْعُمَّيْ، ذَيْسَا سُبَظُو عَثِكِنْ ڧَسَاشٜىٰنْ دَ بَنَاسُبَ؞

28سُكَ حَطَ كَنْسُ دَ غُنْكِ بَعَلْ نَڢٜىٰيُوارْ، سُكَثِ هَدَايُ، هَدَايُنْ دَ عَكَ مِيڧَا وَمَتَتُّو؞

29سُكَسَا يَهْوٜىٰهْ يَيِ ڢُشِے سَبُواْدَ أَيُّكَنْسُ، سَيْ بَلَعِ يَٻُلُّواْ عَثِكِنْسُ؞

30ڢِنٜىٰهَسْ يَمِيڧٜىٰ ڟَيٜىٰ يَطَوْكِ مَتَاكِ، سَيْ بَلَعِنْ يَڟَيَ؞

31شِيَسَا عَكَ لِسَّڢْتَا وَنَّنْ أَدَلْثِے نٜىٰ غَرٜىٰشِ دَغَ ڟَارَا ذُوَا ڟَارَا حَرْ أَبَدَا؞

32سُكَ جَٰوُاْ ڢُشِنْ يَهْوٜىٰهْ أَوَجٜىٰنْ ضُوَيٜىٰنْ مٜىٰرِبَ، مُوسَٰى كُوَ يَشِغَ عُكُ سَبُواْدَسُو،

33غَمَا سُنْ سَاشِ ٻَثِنْ رَيْ، حَرْ مَغَنَ مَرَرْ حَنْكَلِ تَڢِتَ دَغَ بَاكِنْسَ؞

34بَسُ هَلَّكَ ڧَبِيلُنْ يَدَّ يَهْوٜىٰهْ يَعُمَرْثٜىٰسُبَ،

35عَمَّا سُكَ شِغَ عَوْرٜىٰ عَوْرٜىٰ دَ ڧَبِيلُنْ، سُكَ كُوَ كُواْيِ إِرِنْ رَايُوَرْسُ؞

36سُكَيِ وَغُمَكَنْ ڧَبِيلُ حِدِمَ، وَنْدَ يَذَمَ تَرْكُواْ أَغَرٜىٰسُ؞

37سُكَ مِيڧَ یَیَنْسُ مَظَا دَ مَاتَا هَدَايُ غَ أَلْجَنُ؞

38سُكَ ظُبْدَ جِنِنْ مَرَسَ لَيْڢِے، جِنِنْ یَیَنْسُ مَظَا دَ مَاتَا، وَطَنْدَ سُكَ مِيڧَ هَدَايَ غَ غُمَكَنْ كَنْعَنَ، سُكَ ڧَظَنْتَرْدَ ڧَسَرْدَ جِنِ؞

39سُكَ ذَمَ ڧَظَنْتَتُّ تَوُرِنْ أَيُّكَنْسُ، مَرَسَ أَمِنْثِ كَمَرْ كَارُوَيْ تَوُرِنْ أَيُّكَنْ حَنُّوَنْسُ؞

40يَهْوٜىٰهْ يَايِڢُشِے دَ جَمَعَرْسَ، حَرْ مَا يَجِ ڨَمَرْ غَادُوانْسَ؞

41يَمِيڧَسُ أَ حَنُّنْ أَلْعُمَّيْ، دُوانْ مَاسُ ڧِنْسُ سُيِ مُلْكِ عَكَنْسُ؞

42أَبُواْكَنْ غَابَنْسُ سُكَ دَنّٜىٰسُ، سُنْ ڧَسْڧَنْتَرْدَ مُتَنٜىٰنْ اللَّهْ عَڧَرْڧَشِنْ حَنُّوَنْسُ؞

43سَوْ دَيَوَ يَهْوٜىٰهْ يَكُٻُتَرْ دَسُو، عَمَّا سُكَ ذَاٻَا سُيِ مَسَ تَاوَيٜىٰ، سُكَ نُڟٜىٰ ثِكِنْ لَيْڢِنْسُ؞

44سَعَدَّ يَغَ وَهَلَرْسُ، دَ يَجِ كُوكَنْسُ،

45يَتُنَ دَ يَرْجٜىٰجٜىٰنِيَرْسَ دَسُو، يَجِ تَوْسَيِنْسُ بِسَغَ ڧَوْنَرْسَ مَرَرْ ثَنْجَاوَا؞

46يَسَ دُكَنْ وَطَنْدَ سُكَ كَامَسُ سُجِ تَوْسَيِنْسُ؞

47ثٜىٰثٜىٰمُ، يَا يَهْوٜىٰهْ اللَّهْ نْمُ، كَتَتَّرَامُ دَغَ ثِكِنْ أَلْعُمَّيْ دُوانْ مُيِغُواْدِيَ غَ سُونَنْكَ مَيْ ڟَرْكِے، مُيِتَاڧَمَ عَثِكِنْ يَبُوانْكَ؞

48أَلْبَرْكَ تَا تَبَّتَا غَ يَهْوٜىٰهْ ، اللَّهْ نَ إِسْرَٰٓءِيلَ، مَرَرْ ڢَرْكُواْ مَرَرْ ڧَرْشٜىٰ؞ بَرِ دُكَنْ مُتَنٜىٰ سُثٜىٰ «أَمِينْ!» يَبِے يَهْوٜىٰهْ!

← Chapter 105 Jump to: Chapter 107 →