Psalms 89 — Hausa Arabic 2020 (أَتَّوْرَتْ دَ أَنَّبَاوَا)

7اللَّهْ بَبَّنْ أَبِنْ ڟُواْرُواْ نٜىٰ عَثِكِنْ ڧُنْ‌غِيَرْ حَلِتُّو مَاسُ ڟَرْكِے، أَبِنْ ڟُواْرُواْنٜىٰ ڢِيٜىٰدَ وَطَنْدَ سُكٜىٰ كٜىٰوَيٜىٰ دَشِ؞

8يَا يَهْوٜىٰهْ اللَّهْ مَيْ ضُنْدُنَا، وَ يَكٜىٰدَ ڧَرْڢِے كَمَرْكَ؟ أَمِنْثِ شِينٜىٰ عَيْنِحِنْ حَلِنْكَ، يَا يَهْوٜىٰهْ!

9كَيْ كَكٜىٰ مُلْكٍ تٜىٰكُ مَيْهَوْكَ، سَعَدَّ رَاڧُمَنْ ضُوَ سُكَتَاشِ، كَكَنْ ݣُونْتَرْدَسُو؞

10كَا نِڧَ دُواْدُواْنَّنْ رَاهَڢْ كَاكَشٜىٰشِ؞ كَاوَاڟَرْدَ أَبُواْكَنْ غَابَنْكَ دَ ڧَرْڢِنْ حَنُّنْكَ؞

11سَمَّيْ نَاكَنٜىٰ، حَكَكُمَ ڧَسَا، دُونِيَا دَ دُكَنْ أَبِنْدَ يَكٜىٰ ثِكِنْتَ، كَيْ كَا كَڢَتَ؞

12أَرٜىٰوَ دَ كُدُ، كَيْ كَاحَلِثّٜىٰسُ، بَبَّنْ تُدُنْ تَبُوارْ دَ نَ هَرْمُوانْ سُنَ يَبُوانْ سُونَنْكَ دُوانْ ڢَضٍ ثِكِ؞

13حَنُّنْكَ مَيْ إِيكُواْ نٜىٰ، مَيْ ڧَرْڢِے نٜىٰ كُوَ حَنُّنْكَ، حَنُّنْ دَامَنْكَ يَتَاشِ دَ إِيكُواْ؞

14أَنْ كَڢَ تُوشٜىٰنْ مُلْكِنْكَ عَكَنْ أَدَلْثِے دَ شَرِيعَرْ غَسْكِيَ، ڧَوْنَ مَرَرْ ثَنْجَاوَا دَ أَمِنْثِ كُوَ سُنْشَا غَبَنْكَ سُڠَرَ مَكَ حَنْيَ؞

15مَاسُ أَلْبَرْكَ نٜىٰ وَطَنْدَ سُكَ سَنْ يِمَكَ كِرَرِ، وَطَنْدَ سُكٜىٰ تَڢِيَ كَنَ دُوبَنْسُ دَ ڢُسْكَرْ أَلْحٜىٰرِ، يَا يَهْوٜىٰهْ!

16عَثِكِنْ سُونَنْكَ سُنْيِ مُرْنَ دُكَنْ يِنِ، تَوُرِنْ أَدَلْثِنْكَ عَكَ طَوْكَكَسُ؞

17غَمَا دَرَجَرْسُ دَ ڧَرْڢِنْسُ دَغَ غَرٜىٰكَ سُكٜىٰ، تَوُرِنْ أَلْحٜىٰرِنْكَ ڧَرْڢِنْسُ يَسَامِ طَوْكَكَ؞

18حَڧِيڧَ دَغَ يَهْوٜىٰهْ غَرْكُوَرْمُ تَكٜىٰ، دَغَ مَيْ ڟَرْكِے نَ إِسْرَٰٓءِيلَ سَرْكِنْمُ يَكٜىٰ؞

19أَ دَا كَيِ مَغَنَ عَثِكِنْ رُعُيَ غَ مَاسُ حَلِ إِرِنَّاكَ، كَثٜىٰ «نَا بَا بَبَّنْ سُواْجَ ڧَرْڢِے، نَا طَوْكَكَ وَنْدَ نَاذَاٻَا دَغَ ثِكِنْ مُتَنٜىٰ؞

20نَا سَامِ دَاوُدَ بَاوَنَ، نَكٜىٰٻٜىٰشِ دَ مَنْ ڟَرْكِے؞

21هَنُّونَ ذَيْ كَسَنْثٜىٰ دَشِ، حَڧِيڧَ، إِيكُواْنَ ذَيْ ڧَرْڢَڢَشِ؞

22بَا أَبُواْكِنْ غَابَنْدَ ذَيْدَنّٜىٰشِ، بَا مُوغُنْدَ ذَيْشَا ڧَرْڢِنْسَ؞

23أَ عِدُوانْسَ ذَنْ نِڧَ أَبُواْكَنْ غَابَنْسَ، ذَنْ كُمَ بُغِ مَاسُ ڧِنْسَ؞

24أَمِنْثِنَ دَ ڧَوْنَتَ مَرَرْ ثَنْجَاوَا ذَاسُ كَسَنْثٜىٰ دَشِ، تَوُرِنْ سُونَنَ ڧَرْڢِنْسَ ذَيْسَامِ طَوْكَكَ؞

25ذَنْسَا حَنُّنْ مُلْكِنْسَ يَمِيڧٜىٰ دَغَ تٜىٰكُنْ مٜىٰدِتٜىٰرٜىٰنِيَ عَيَمَّ حَرْ ذُوَا كُواْغُنَنْ تَيْغِرِسْ دَ يُڢِرٜىٰتِسْ أَغَبَسْ؞

26ذَيْ كِرَا نِے يَثٜىٰ، ‹بَابَنَ نٜىٰ كَيْ، اللَّهْ نَا، كُمَ دُوڟٜىٰنْ ثٜىٰتُواْنَ!›

27حَڧِيڧَ ذَنْ مَيْدَشِ طَنْ ڢَارِنَ، مَڢِے طَوْكَكَ ثِكِنْ سَرَاكُنَنْ دُونِيَا؞

28ڧَوْنَتَ مَرَرْ ثَنْجَاوَا ذُوَا غَرٜىٰشِ ذَاتَ دَوَّمَ، يَرْجٜىٰجٜىٰنِيَتَ دَشِ ذَاتَ كَسَنْثٜىٰ حَرْ أَبَدَا؞

29ذَنْ كَڢَ مُلْكٍ ذُرِيَرْسَ حَرْ أَبَدَا، كُجٜىٰرَرْ مُلْكِنْسَ كُوَ حَرْ إِيَاكَرْ ݣُونَكِنْ سَمَّيْ؞

30«عِدَنْ یَیَنْسَ سُنْڧِے بِنْ كُواْيَرْوَاتَا، بَسُ كُوَيِ تَڢِيَ بِسَغَ عُمَرْنَيْنَبَ،

31عِدَنْ سُنْكَرْيَ ڧَٰعِدُواْدِنَ، بَسُ كُمَ كِيَايٜىٰ عُمَرْنَيْنَبَ،

32ذَنْ حُكُنْتَسُ سَبُواْدَ ذُنُبَنْ غَنْ‌غَنْثِنْسُ، ذَنْ بُلَلٜىٰسُ سَبُواْدَ لَيْڢِنْسُ؞

33عَمَّا بَذَنْ جَنْيٜىٰ ڧَوْنَتَ مَرَرْ ثَنْجَاوَا عَكَنْسَبَ، بَذَنْ كَاسَ نُونَ مَسَ أَمِنْثِنَبَ؞

34بَذَنْ كَرْيَ يَرْجٜىٰجٜىٰنِيَتَبَ، كُواْ إِنْثَنْجَ مَغَنَرْ بَاكِنَبَ؞

35سَوْ طَيَ بَا ڧَارِ نَا ضَنْڟٜىٰ بِسَ ڟَرْكِنَ، بَذَنْيِ وَ دَاوُدَ ڧَضْيَابَ؞

36ذُرِيَرْسَ ذَاتَ كَسَنْثٜىٰ حَرْ أَبَدَا، كُجٜىٰرَرْ مُلْكِنْسَ ذَاتَ دَوَّمَ كَمَرْ رَانَ أَغَبَنَ؞

37ذَيْكَڢُ حَرْ أَبَدَا كَمَرْ وَتَ، شَيْدَرْ نَنْ مَيْ أَمِنْثِ أَسَرَرِنْ سَمَ؞»

38عَمَّا يَنْذُ كَيْ كَايِ ڢُشِے دَ وَنْدَ كَكٜىٰٻٜىٰ، كَاڧِيشِ كُمَ كَيَاشٜىٰشِ؞

39كَاكَرْيَ يَرْجٜىٰجٜىٰنِيَرْكَ دَ بَاوَنْكَ، كَا جٜىٰڢَرْ دَ هُولَرْ مُلْكِنْدَ كَكٜىٰٻٜىٰ ڧَسَا؞

40كَا رُرُّشٜىٰ بَنْ‌غُوانْ بِرْنِنْسَ، كَا مَيْدَ وُرِنْ ٻُيَنْسَ كُڢَيْ؞

41دُكَنْ مَيْ وُثٜىٰوَ يَنَ سَاتَا مَسَ كَايَنْسَ، يَذَمَ أَبِنْ دَارِيَا غَ مَڨُوبْتَنْسَ؞

42كَا بَا حَنُّنْ دَامَنْ مَاسُڧِنْسَ إِيكُواْ، كَا سَا دُكَنْ أَبُواْكَنْ غَابَنْسَ سُنَ ڢَضٍ ثِكِ؞

43عِ، كَامَيْدَ بَاكِنْ تَكُواْبِنْسَ يَذَمَ بَنْظَ، بَكَغُواْيِ بَايَنْسَ عَيَاڧِبَ؞

44كَا طَوْكِ سَنْدَنْ مُلْكِنْسَ، كُجٜىٰرَرْ مُلْكِنْسَ كَطَوْكَ كَبُغَ عَڧَسَا؞

45كَا سَا يَڟُوڢَ كَاڢِنْ ݣُونَكِنْسَ، كَكُمَ رُڢٜىٰشِ دَ كُنْيَا؞

46يَا يَهْوٜىٰهْ ، حَرْ يَوْشٜىٰ وَنَّنْ ذَيْثِيغَبَ؟ ذَاكَٻُواْيٜىٰ كَنْكَ حَرْ أَبَدَا نٜىٰ؟ ڢُشِنْكَ ذَيْ يِتَثِ كَمَرْ وُتَا؟

47تُنَ يَدَّ ݣُونَكِنَ كَطَنْ نٜىٰ؞ دُوانْمٜىٰ كَحَلِثِّ یَنْ أَدَمْ بَا أَمْڢَانِ؟

48وَنٜىٰ مَيْرَيْ نٜىٰ بَذَيْ غَا مُتُوَبَ؟ وَ ذَيْثٜىٰثِ رَنْسَ دَغَ حَنُّنْ مُتُوَ؟

49يَا عُبَنْ‌غِجِ ، إِنَا ڧَوْنَرْكَ مَرَرْ ثَنْجَاوَا تَدَا؟ إِنَا ڧَوْنَرْكَ دَ كَرَنْڟٜىٰوَ دَاوُدَ ثِكِنْ أَمِنْثِنْكَ؟

50تُنَ، يَا عُبَنْ‌غِجِ ، يَدَّ نِے بَاوَنْكَ نَكٜىٰشَنْ وُلَڧَنْثِ، يَدَّ نَكٜىٰجِمْرٜىٰ دَ ذَاغٜىٰ ذَاغٜىٰ وَنْدَ مُتَنٜىٰ سُكٜىٰيِ مِنِ،

51يَدَّ أَبُواْكَنْ غَابَنْكَ سُنَ ذَاغٜىٰ ذَاغٜىٰ، يَا يَهْوٜىٰهْ ، يَدَّ سُكٜىٰ ذَاغٜىٰ ذَاغٜىٰنْ وَنْدَ كَكٜىٰٻٜىٰ دُكْ عِنْدَ يَتَڢِے؞

52أَلْبَرْكَ تَا تَبَّتَا غَ يَهْوٜىٰهْ حَرْ أَبَدَا! أَمِينْ! أَمِينْ!