Psalms 68

Hausa Arabic 2020 (أَتَّوْرَتْ دَ أَنَّبَاوَا)

← Chapter 67 Jump to: Chapter 69 →

1بَرِ اللَّهْ يَتَاشِ، يَوَاڟَرْدَ أَبُواْكَنْ غَابَنْسَ، بَرِ مَاسُ ڧِنْسَ سُغُدُ دَغَ غَرٜىٰشِ!

2كَمَرْ يَدَّ إِسْكَ تَكٜىٰ هُورَ هَيَاڧِے، بَرِ يَهُورَسُ حَكَ؞ كَمَرْ يَدَّ كِڟٜىٰ يَكٜىٰ نَرْكٜىٰوَ أَغَبَنْ وُتَا، بَرِ مُوغَيٜىٰ سُهَلَّكَ حَكَ أَغَبَنْ اللَّهْ!

3عَمَّا بَرِ مَاسُ أَدَلْثِے سُيِ مُرْنَ، سُيِ ڢَضٍ ثِكِ أَغَبَنْ اللَّهْ ، بَرِ سُيِ ڟَلّٜىٰ دُوانْ مُرْنَ دَ ڢَضٍ ثِكِ!

4كُرٜىٰرَ وَاڧَا غَ اللَّهْ ، كُرٜىٰرَ يَبُواْ غَ سُونَنْسَ؞ كُشِرْيَ حَنْيَ دُواْمِنْسَ، شِے وَنْدَ يَكٜىٰ هَوَنْ غِرْغِجٜىٰ؞ سُونَنْسَ يَهْوٜىٰهْ نٜىٰ، كُيِ مُرْنَ أَغَبَنْسَ!

5اللَّهْ وَنْدَ يَكٜىٰ أَ وُرِنْ ذَمَنْسَ مَيْ ڟَرْكِے، شِينٜىٰ بَابَنْ مَرَايُ، كُمَ مَيْ لُورَ دَ مَاتَانْدَ مَذَنْسُ سُكَ مُتُ؞

6مَاسُ ذَمَنْ كَطَيْثِ، يَسَا سُذَوْنَ ثِكِنْ عِيَلَيْ، یَنْ كُرْكُكُ، يَڢِتَرْ دَسُو يَسَاسُ ڢَضٍ ثِكِ، عَمَّا یَنْ تَاوَيٜىٰ ذَاسُ ذَوْنَ عَڧَسَرْدَ بَابُ كُواْمٜىٰ؞

7يَا اللَّهْ ، لُواْكَثِنْدَ كَبِے دَ جَمَعَرْكَ، يَايِنْدَ كَيِ تَڢِيَ أَدَاجِنْ يَشِ،

8ڧَسَا تَاغِرْغِظَ، ضُوً سَمَ يَظُبَ كَمَرْ دَ بَاكِنْ ڨُورْيَ أَغَبَنْكَ، يَا اللَّهْ ، اللَّهْ نَ بَبَّنْ تُدُنْ سِنَيْ، أَغَبَنْكَ، يَا اللَّهْ ، اللَّهْ نَ إِسْرَٰٓءِيلَ؞

9يَا اللَّهْ ، كَبَادَ ضُوً سَمَ عَيَلْوَثٜىٰ، كَرَايَرْ دَ ڧَسَرْكَ دَ تَبُوشٜىٰ، ڧَسَرْكَ دَتَكٜىٰ غَادُوانْكَ؞

10عَثِكِنْتَ، يَا اللَّهْ ، جَمَعَرْكَ سُكَ سَامِ وُرِنْ ذَمَ، عَثِكِنْ يَوَنْ أَلْحٜىٰرِنْكَ كَبِيَ وَمَاسُ تَلَوْثِ بُڧَاتَ؞

11عُبَنْ‌غِجِ يَيِ مَغَنَ، ڧُنْ‌غِيَرْ مَتَ مَاسُ بَظَ لَابَرِنْ بَبَّثٜىٰ،

12مَاسُ ثٜىٰوَ «سَرَاكُنَ دَ سُواْجُواْجِنْسُ سُنَ غُدُ! مَتَنْ دَسُكٜىٰ أَغِدَا سُكَ رَرَّبَ كَايَنْ دَ عَكَ ݣُوشٜىٰ؞

13كُو مَاسُ ذَمَ تَرٜىٰدَ غَرْكٜىٰنْ تُمَكِ، كُنَ عِيَ رُڢٜىٰكَنْكُ دَ كَايَنْ ظِينَارِيَ دَ أَظُرْڢَا، كَمَرْ يَدَّ ڢِكَڢِكَنْ كُرْثِيَ سُكَنْ رُڢٜىٰتَ؞»

14لُواْكَثِنْ دَ مَيْ إِيكُواْ دُكَ يَوَرْوَاڟَرْدَ سَرَاكُنَ عَبَبَّنْ تُدُنْ ظَلْمُوانْ، سُنْ وَڟٜىٰ كَمَرْ يَدَّ إِسْكَ تَنَ هُورَ أَوْدُغَ؞

15يَا كَيْ بَبَّنْ تُدُ، تُدُنْ بَشَنْ، يَا تُدُ مَيْ ڟَيِ، تُدُنْ بَشَنْ،

16مٜىٰيَسَا، كَيْ تُدُ مَيْ ڟَيِ، كَكٜىٰ ڧِشِنْ تُدُنْ اللَّهْ ، تُدُنْ دَ اللَّهْ يَذَاٻَا دُواْمِنْ وُرِنْ ذَمَنْسَ، وُرِنْ دَ يَهْوٜىٰهْ ذَيْ كَسَنْثٜىٰ حَرْ أَبَدَا؟

17كٜىٰكُنَنْ دُواْكِنْ يَاڧِنْ اللَّهْ سُنْڢِے غَبَنْ ڧِرْغٜىٰ، عِ، دُبَّيْ بِسَ دُبَّيْ! تَرٜىٰدَسُو عُبَنْ‌غِجِ يَذُواْ دَغَ بَبَّنْ تُدُنْ سِنَيْ، يَشِغَ وُرِنْ ذَمَنْسَ مَيْ ڟَرْكِے؞

18سَعَدَّ يَهَوْ سَمَ، يَطَوْكِ وَطَنْدَ عَكَ كَكَّامَ، يَبِيدَسُو أَ جٜىٰرٜىٰ، يَكَرْٻِ ݣَوْتَيْ نَبَنْ غِرْمَ دَغَ یَنْ أَدَمْ، حَرْ مَا دَغَ یَنْ تَاوَيٜىٰ؞ حَڧِيڧَ، يَهْوٜىٰهْ اللَّهْ ذَيْ ذَوْنَ أَوُرِنْ؞

19أَلْبَرْكَ تَا تَبَّتَا غَ عُبَنْ‌غِجِ ، غَ اللَّهْ مَيْ ثٜىٰتُوانْمُ، وَنْدَ يَكٜىٰ طَوْكَرْ وَهَلَرْمُ تَيَوْ دَ كُلُّمْ؞

20اللَّهْ نَّنْ نَامُ، اللَّهْ نَثٜىٰتُواْنٜىٰ، شِينٜىٰ يَهْوٜىٰهْ ، عُبَنْ‌غِجِنْمُ ، وَنْدَ يَكَنْ ڟِيرَرْ دَمُو دَغَ مُتُوَ؞

21حَڧِيڧَ، اللَّهْ ذَيْ ڢَرْڢَشٜىٰ كَوُنَنْ مَاسُ ڧِنْسَ، مَاسُ نَاثٜىٰوَ ثِكِنْ هَنْيُواْيِنْ ذُنُوبِ، ذَيْ ڢَرْڢَشٜىٰ ڧُواْڧُوانْ كَنْسُ؞

22عُبَنْ‌غِجِ يَثٜىٰ، «ذَنْ كُواْمُواْ دَ مَاسُ ڧِينَ دَغَ تُدُنْ بَشَنْ، ذَنْ كُواْمُواْ دَسُو دَغَ ظُرْڢَڢَّنْ تٜىٰكُ،

23دُوانْ كُوَنْكٜىٰ ڧَڢَاڢُنْكُ ثِكِنْ جِنِنْسُ، كَرْنُكَنْكُ كُمَ سُلَّشٜىٰ جِنِنْ؞»

24تَڢِيَرْكَ تَنَصَرَا، يَا اللَّهْ ، أَنَ غَنِنْتَ أَڢِيلِ، جٜىٰرِنْ ڠُونُوانْ مُتَنٜىٰنْ اللَّهْ سَرْكِينَ ذُوَا وُرِنْ ذَمَنْكَ مَيْ ڟَرْكِے؞

25مَوَاڧَ سُنَ جَنْ غَبَ، مَاسُ كَطٜىٰ كَطٜىٰ سُنَ بِيٜىٰ، أَڟَكَانِنْسُ أَݣَويْ یَنْ مَاتَا مَاسُ كَطَ تَمْبُرَ؞

26«كُيَبِے اللَّهْ عَثِكِنْ تَارُوانْكُ، كُيَبِے يَهْوٜىٰهْ ، يَا كُو ظُرِيُواْيِنْ إِسْرَٰٓءِيلَ!»

27غَا ذُرِيَرْ بِلِيَامِنُ، مَڢِے ڧَنْڧَنْتَ عَثِكِنْسُ تَنَ جَنْ غَبَ، سَيْغَا شُوغَبَنِّنْ ذُرِيَرْ يَهُودَ عَڧُنْ‌غِيَ، غَا كُمَ شُوغَبَنِّنْ ذُرِيَرْ ظٜىٰبُلُنْ دَ نَ نَڢْتَلِ بِيٜىٰ؞

28بَيَّنَ إِيكُوانْكَ، يَا اللَّهْ ، نُونَ إِيكُوانْكَ كَمَرْ يَدَّ كَيِ أَدَا، يَا اللَّهْ ،

29دَغَ هَيْكَلِنْكَ دَيَكٜىٰ أَ عُرُوشَلِيمَ، وُرِنْ دَ سَرَاكُنَ ذَاسُ كَٰوُاْ مَكَ ݣَوْتَيْ نَبَنْ غِرْمَ؞

30ڟَاوَتَا وَ أَلْعُمَّ مَيْ غَابَادَمُو، وَنَّنْ دَبَّ مَيْ ٻُواْيٜىٰوَ عَثِيَوَ تَبَاكِنْ كُواْغِ؞ ڟَاوَتَا وَغَرْكٜىٰنْ بِجِمَنَّنْ مَيْ ذَمَ عَثِكِنْ یَیَنْ شَانُو، حَرْ سَيْ سُنْ ذُواْ غَبَنْكَ دَ ضَوَرْ جِكِے سُنَ مِيڧَ مَكَ كُطِنْ أَظُرْڢَا؞ وَاڟَرْ دَ ڧَبِيلُ مَاسُسُوانْ يِنْ يَاڧِ!

31وَكِلَيْ ذَاسُذُواْ دَغَ ڧَسَرْ مَصَرْ، مُتَنٜىٰنْ إِتِيُواْڢِيَ ذَاسُ مِيڧَ كَنْسُ غَ اللَّهْ ؞

32يَا كُو مُلْكُواْكِنْ دُونِيَا، كُرٜىٰرَ يَبُواْ غَ اللَّهْ! كُرٜىٰرَ وَاڧَرْ يَبُواْ غَ عُبَنْ‌غِجِ!

33كُرٜىٰرَ وَاڧَا غَ وَنَّنْ مَيْ هَوَنْ سَرَرِنْ سَمَ نَتُنْدَا، شِے مَيْ ڟَاوَ دَ بَبَّرْ مُرْيَ؞

34كُيِ شٜىٰلَرْ إِيكُوانْ اللَّهْ ، وَنْدَ دَرَجَرْسَ تَكٜىٰ بِسَنْ إِسْرَٰٓءِيلَ، إِيكُوانْسَ كُوَ يَنَ ثِكِنْ سَرَرِنْ سَمَ؞

35يَا اللَّهْ ، كَيْ مَيْ بَنْ مَامَاكِ نٜىٰ أَ وُرِنْ ذَمَنْكَ مَيْ ڟَرْكِے! كَيْ اللَّهْ نَ إِسْرَٰٓءِيلَ، كَكَنْ بَادَ إِيكُواْ دَ ڧَرْڢِے غَ مُتَنٜىٰنْكَ؞ أَلْبَرْكَ تَا تَبَّتَا غَ اللَّهْ!

← Chapter 67 Jump to: Chapter 69 →