Psalms 69

Hausa Arabic 2020 (أَتَّوْرَتْ دَ أَنَّبَاوَا)

← Chapter 68 Jump to: Chapter 70 →

1ثٜىٰثٜىٰنِ، يَا اللَّهْ ، سَوْرَ كَطَنْ ضُوَ يَشَا كَيْنَ؞

2إِنَ تَنُڟٜىٰوَ ثِكِنْ تَٻُواْ مَيْ ظُرْڢِ، عِنْدَ بَابُوُرِنْ ڟَيَاوَا؞ نَڢَاطَ ثِكِنْ ضُوَ مَيْ ظُرْڢِ، رَاڧُمَنْ ضُوَ كُوَ سُنْ شَا كَيْنَ؞

3نَغَاجِ دَ يِنْ كُوكَنْ نٜىٰمَنْ تَيْمَكُواْ، حَرْ مَڧُواْڠُورُواْنَ يَبُوشٜىٰ، عِدَنُونَ سُنْ كُمْبُرَ، يَايِنْ دَ نَكٜىٰ جِضَانْ تَيْمَكُوانْكَ، يَا اللَّهْ نَا؞

4وَطَنْدَ سُكٜىٰ ڧِينَ بَابُ دَلِيلِ، سُنْڢِے غَاشِنْ كَيْنَ يَوَ؞ وَطَنْدَ سُكٜىٰ نٜىٰمَ سُكَشٜىٰنِ، مَاسُ ڧِينَ بَادَلِيلِ سُنَدَ ڧَرْڢِے؞ سُكَ تِلَسْتَنِ إِنْ مَيَرْدَ أَبِنْدَ بَ سَاتَرْسَ نَيِبَ؞

5يَا اللَّهْ ، كَا سَنْ وَوَنْثِنَ، ذُنُبَيْنَ بَعَٻُواْيٜىٰ سُكٜىٰ أَغَرٜىٰكَبَ؞

6كَدَ وَطَنْدَ سُكٜىٰ سَا ذُوثِيَا غَرٜىٰكَ سُشَا كُنْيَا سَبُواْدَنِ، يَا عُبَنْ‌غِجِ يَهْوٜىٰهْ مَيْ ضُنْدُنَا ؞ كَدَ وَطَنْدَ سُكٜىٰ نٜىٰمَنْكَ عَثِ مُتُنْثِنْسُ سَبُواْدَنِ، يَا اللَّهْ نَ إِسْرَٰٓءِيلَ؞

7غَمَا سَبُواْدَكَيْ نٜىٰ نَشَا ذَاغِ، كُنْيَا تَرُڢٜىٰ ڢُسْكَتَ؞

8نَذَمَ كَمَرْ بَڧُواْ غَ یَنْعُوَنَ، كَمَرْ مُتُمِنْ وَنِ يَرٜىٰنٜىٰ غَ یَیَنْ مَامَاتَ؞

9ڧَوْنَرْ دَ نَكٜىٰيِ وَ غِدَنْكَ تَنَ ڧُونَنِ كَمَرْ وُتَا، ذَاغٜىٰ ذَاغٜىٰنْ مَاسُ يِمَكَ ذَاغِ سُنْ ڢَاطُواْ عَكَيْنَ؞

10لُواْكَثِنْدَ نَيِ كُوكَا إِنَ أَظُمِ، سَيْ يَذَمَ أَبِنْ ذَاغِ عَكَيْنَ؞

11سَعَدَّ نَسَا رِيغُنَنْ نُونَ بَڧِنْ ثِكِ، سَيْ إِنْ ذَمَ أَبِنْ مِصَالِ؞

12نَذَمَ أَبِنْ تَطِ عَ إِنُوَرْ إِتَاثٜىٰ، مَشَيَ كُمَ سُنَ رٜىٰرَ وَاڧَا عَكَيْنَ؞

13عَمَّا نِے دَيْ، يَا يَهْوٜىٰهْ ، ذَنْيِ تَ أَدُّعَ غَرٜىٰكَ، دَ سَا ذُوثِيَا وَنَّنْ نٜىٰ لُواْكَثِنْ أَلْحٜىٰرِنْكَ؞ سَبُواْدَ ڧَوْنَرْكَ مَرَرْ ثَنْجَاوَا، يَا اللَّهْ ، أَمْسَ مِنِ دَ تَبَّتَاثّٜىٰنْ ثٜىٰتُوانْكَ؞

14كُٻُتَرْ دَنِے دَغَ تَٻُواْ، كَدَ إِنُّڟٜىٰ، كُٻُتَرْ دَنِے دَغَ حَنُّنْ مَاسُ ڧِينَ، ثِرٜىٰنِ دَغَ ضُوَ مَيْ ظُرْڢِ؞

15كَدَ كَبَرْ رَاڧُمَنْ ضُوَ سُرُڢٜىٰنِ، كُواْ إِنْمُتُ عَثِكِنْ ظُرْڢِنْ ضُوَ، كُواْ أَ رُڢٜىٰنِ عَثِكِنْ كَبَرِ؞

16أَمْسَ مِنِ، يَا يَهْوٜىٰهْ ، غَمَا ڧَوْنَرْكَ مَرَرْ ثَنْجَاوَا أَلْحٜىٰرِثٜىٰ، جُويُواْ وُرِينَ غَمَا كَيْ مَيْ يَوَنْ جِنْڧَيْ نٜىٰ؞

17كَدَ كَٻُواْيٜىٰ ڢُسْكَرْكَ دَغَ وُرِينَ، نِے بَاوَنْكَ، يِمَظَا كَأَمْسَ مِنِ غَمَا إِنَ ثِكِنْ وَهَلَ؞

18يِكُسَدَنِے، كَڢَنْشٜىٰنِ، كَڢَنْشٜىٰنِ دَغَ حَنُّنْ مَاسُ ڧِينَ؞

19كَيْ كَا سَنْ يَدَّ عَكٜىٰ ذَاغِنَ، يَدَّ عَكٜىٰ بَانِ كُنْيَا عَكٜىٰ كُمَ ثِنْ مُتُنْثِنَ؞ كَنَ سَنٜىٰ دَ دُكَنْ أَبُواْكَنْ غَابَنَ؞

20يَوَنْ ذَاغِ يَڧُواْنٜىٰ مِنِ ذُوثِيَا، حَرْ نَڢِدَّ ذُوثِيَا؞ نَسَا ذُوثِيَا أَجِ تَوْسَيِنَ، عَمَّا بَنْسَامُبَ، نَنٜىٰمِ مَاسُ تَعَظِيَّ، عَمَّا بَابُ؞

21أَ مَيْمَكُوانْ عَبِنْثِ، سُكَ بَانِ دَڢِ، أَمَيْمَكُوانْ ضُوً شَا، سُكَ بَانِ ضُوً ڟَامِ؞

22بَرِ بِكِنْسُ يَذَمَ مُسُ تَرْكُواْ، يَذَمَ تَرْكُواْ غَ أَبُواْكَنْسُ؞

23بَرِ عِدَنُونْسُ سُيِ دُهُ حَرْ سُكَاسَ غَنِ، بَايَنْسُ سُرَسَ ڧَرْڢِے غَبَاطَيَ؞

24ظُبَ ڢُشِنْكَ عَكَنْسُ، بَرِ ذَاڢِنْ ڢُشِنْكَ يَشَا ڧَرْڢِنْسُ؞

25بَرِ وُرِنْ ذَمَنْسُ يَذَمَ كُڢَيْ، كَدَ أَ ضَغٜىٰ وَنِ عَثِكِنْ تٜىٰنْتُنَنْسُ؞

26غَمَا وَطَنْدَ كَارِغَا كَا حُكُنْتَ، سُنَ ڟَنَنْتَ مُسُ، وَطَنْدَ كَيِ مُسُ رَوْنِ، سُنَ مَغَنَ عَكَنْ ذَاڢِنْ رَوْنِنْ؞

27ڧَارَ لَيْڢِے عَكَنْ لَيْڢُواْڢِنْسُ، كَوَارٜىٰسُ دَغَ أَلْحٜىٰرِنْكَ؞

28بَرِ كَسَا أَغُواْغٜىٰ سُونَيٜىٰنْسُ دَغَ لِتَّڢِنْ مَاسُ رَيْ، كَدَ مَا أَسَاسُ ثِكِنْ لِسَّڢِ نَمَاسُ أَدَلْثِے؞

29عَمَّا إِنَ ثِكِنْ وَهَلَ دَ عَذَابَ، بَرِ تَيْمَكُوانْكَ، يَا اللَّهْ ، يَثٜىٰثٜىٰنِ!

30دَ وَاڧَا ذَنْ يَبِے سُونَنْ اللَّهْ ، دَ غُواْدِيَ ذَنْ غِرْمَمَ شِ؞

31وَنَّنْ ذَيْ غَمْشِ يَهْوٜىٰهْ ڢِيٜىٰدَ هَدَايَرْ شَانُو، ڢِيٜىٰدَ بِجِمِنْ دَ يَيِ غِرْمَ سُواْسَيْ؞

32مَرَسَ ڧَرْڢِے ذَاسُ غَ ثٜىٰتُوانْ اللَّهْ ذَاسُيِ مُرْنَ؞ كُو دَ كُكٜىٰ نٜىٰمَنْ اللَّهْ ذُوثِيَارْكُ ذَاتَ سَامِ ڧَرْڢَڢَاوَا؞

33غَمَا يَهْوٜىٰهْ يَنَ جِنْ مَاسُ بُڧَاتَ، بَايَ ڨَلٜىٰ مُتَنٜىٰنْسَ دَ عَكَ دَنّٜىٰ ثِكِنْ بَوْتَا؞

34بَرِ سَمَ دَ دُونِيَا سُيَبٜىٰشِ، تٜىٰكُنَ دَ كُواْوَنٜىٰ أَبِنْدَ يَكٜىٰ عَثِكِنْسُ؞

35غَمَا اللَّهْ ذَيْثٜىٰثِ بِرْنِنْ سِهِيُواْنَ، يَسَاكٜىٰ غِنَا غَرُضُوً يَهُودَ؞ مُتَنٜىٰنْسَ كُوَ ذَاسُ ذَوْنَ أَوُرِنْ سُغَاجِ ڧَسَرْ،

36ذُرِيَرْ بَايِنْسَ ذَاسُ غَاجٜىٰتَ، وَطَنْدَ سُكٜىٰ ڧَوْنَرْ سُونَنْسَ ذَاسُ ذَوْنَ عَثِكِ؞

← Chapter 68 Jump to: Chapter 70 →