Psalms 78 — Hausa Arabic 2020 (أَتَّوْرَتْ دَ أَنَّبَاوَا)

4بَذَامُ ٻُواْيٜىٰوَ یَیَنْمُبَ، ذَامُ ڢَطَا وَاڟَارَ مَيْ ذُوَا أَيُّكَنْ يَهْوٜىٰهْ دَ سُكَ إِسَ يَبُواْ دَ كُمَ ڧَرْڢِنْسَ، تَرٜىٰدَ أَيُّكَنْ بَنْ مَامَاكِنْ دَ يَيِ؞

5يَكَڢَ شَيْدَرْسَ عَثِكِنْ ذُرِيَرْ يَعْڧُوبَ، يَسَا كُواْيَرْوَرْسَ عَثِكِنْ إِسْرَٰٓءِيلَ، وَدَّ يَعُمَرْثِ كَاكَنِّنْمُ سُكُواْيَ وَیَیَنْسُ،

6دُواْمِنْ ڟَارَا مَيْ ذُوَا سُسَنْ وَطَنَّنْ أَبُبُوَ، یَیَنْ دَ ذَاعَ حَيْڢَ، سُو مَا سُبَادَ لَابَرِنْ غَ یَیَنْسُ،

7دُواْمِنْ سُو مَا سُسَا ذُوثِيَارْسُ غَ اللَّهْ ، كَدَ سُمَنْتَادَ أَيُّكَنْ اللَّهْ ، عَمَّا عَكُلُّمْ سُكِيَايٜىٰ عُمَرْنِنْسَ،

8دُواْمِنْ كَدَ سُذَمَ كَمَرْ كَاكَنِّنْسُ مَاسُ تَوْرِنْ كَيْ، مَاسُ يِنْ تَاوَيٜىٰ، ڟَارَرْ دَ ذُوثِيَارْسُ بَسُ كَڢُ دَرَمْبَ، أَ رَنْسُ بَسُيِ أَمِنْثِ غَ اللَّهْ بَ؞

9كَمَرْ مَاسُ هَرْبِنْ بَكَ نَ إِڢْرَيِمْ دَ سُكَ جُويَا سُكَ غُدُ أَ رَانَرْ يَاڧِ،

10إِسْرَٰٓءِيلَاوَا بَسُ كِيَايٜىٰ يَرْجٜىٰجٜىٰنِيَرْ اللَّهْ بَ، سُكَڧِ يِنْ تَڢِيَ عَثِكِنْ كُواْيَرْوَرْسَ؞

11سُنْ مَنْتَادَ أَبِنْدَ يَعَيْكَتَ، دَ كُمَ أَيُّكَنْ بَنْ مَامَاكِ، أَبُبُوَنْدَ يَنُونَ مُسُ؞

12أَ إِدَانُنْ كَاكَنِّنْسُ يَعَيْكَتَ أَيُّكَنْ بَنْ مَامَاكِ أَ ڢِيلِنْ ذُواْوَنْ عَڧَسَرْ مَصَرْ؞

13يَرَبَ تٜىٰكُ، يَبِيدَسُو تَثِكِنْتَ، يَسَا ضُوً يَڟَيَ كَمَرْ بَنْ‌غُواْ؞

14دَ رَانَ يَبِيدَسُو دَ غِرْغِجٜىٰ، دَ دَرٜىٰ يَبِيدَسُو دَ حَصْكٜىٰنْ وُتَا؞

15يَڟَٰغَ دُوَڟُو أَدَاجِنْ دَ بَا كُواْوَ، يَبَاسُ ضُوَ عَيَلْوَثٜىٰ كَمَرْ دَغَ ظُرْڢَڢَّنْ تٜىٰكُ؞

16يَسَ رَاڢُڢُّكَ سُكَ ڢِڢِّتُواْ دَغَ جِكِنْ دُوڟٜىٰ، يَكُمَسَا ضُوَ يَغُدُ كَمَرْ كُواْغِ؞

17دُكْدَهَكَ سُكَيِ تَڧَارَ يِمَسَ ذُنُوبِ، سُكَيِ وَ مَڢِے طَوْكَكَ تَاوَيٜىٰ أَ هَمَادَ عِنْدَ بَا كُواْوَ؞

18دَ غَنْ‌غَنْ سُكَ ڠُودَ اللَّهْ دَ سُكَثٜىٰ يَبَاسُ إِرِنْ عَبِنْثِنْ دَسُكٜىٰ ݣُوطَيِ؞

19سُكَيِ وَ اللَّهْ بَڧَرْ مَغَنَ دَ سُكَثٜىٰ، «اللَّهْ ذَيْ عِيَ بَامُ عَبِنْثِ أَدَاجِنٜىٰ؟

20كُواْدَيَكٜىٰ يَبُغِ دُوڟٜىٰ حَرْ ضُوَ يَڢِتُواْ، رَاڢُڢُّكَ سُكَ ثِكَ، ذَيْ عِيَ بَا جَمَعَرْسَ عَبِنْثِ كُمَ؟ ذَيْ عِيَ تَنَدَ وَمُتَنٜىٰنْسَ نَامَ؟»

21سَبُواْدَ حَكَ سَعَدَّ يَهْوٜىٰهْ يَجِيسُ، سَيْ يَثِكَ دَ ڢُشِے، يَڢَاطَوَ مُتَنٜىٰنْ يَعْڧُوبَ دَ وُتَرْ ڢُشِنْسَ، ذَاڢِنْ رَنْسَ يَكُنَّ عَبِسَنْ جَمَعَرْ إِسْرَٰٓءِيلَ،

22غَمَا بَسُ غَسْكَتَادَ اللَّهْ بَ، بَسُ كُمَ دُواْغَضَ غَ إِيكُوانْ ثٜىٰتُوانْسَبَ؞

23دُكْدَهَكَ يَعُمَرْثِ سَرَرِنْ سَمَ، يَبُوطٜىٰ ڧُواْڢُواْڢِنْ سَمَ،

24يَظُبَ مُسُ مَنَّ كَمَرْ ضُوً سَمَ سُثِ، يَبَاسُ حَڟِ دَغَ سَمَ؞

25كُواْوَنّٜىٰنْسُ يَثِ عَبِنْثِنْ مَلاَىِٕكُ، يَعَيْكَ مُسُ عَبِنْثِ عَيَلْوَثٜىٰ؞

26يَسَ إِسْكَ دَغَ غَبَسْ تَهُورَ أَسَمَ، كُمَ تَ إِيكُوانْسَ يَتُورَ إِسْكَ دَغَ كُدُ؞

27يَهُورَ مُسُ نَامَ كَمَرْ ڧُورَا، يَظُبَ مُسُ ڟُنْڟَيٜىٰ مَاسُ ڢِكَڢِكَيْ، يَوَنْسُ كَمَرْ يَشِنْ بَاكِنْ تٜىٰكُ؞

28يَسَ سُكَ ڢَڢَّاطِ أَڟَكِيَرْ وُرِنْ ذَمَنْ مُتَنٜىٰنْ، عَكُواْعِنَ كٜىٰوَيٜىٰ دَ تٜىٰنْتُنَنْسُ؞

29مُتَنٜىٰنْ سُكَثِ سُكَ ڧُواْشِ، غَمَا يَابَاسُ أَبِنْدَ سُكٜىٰ ݣُوطَيِ؞

30تُنْ بَسُ ڧُواْشِ دَ أَبِنْ ݣُوطَيِنْسُ بَ، تُنْ عَبِنْثِنْ يَنَ عَبَاكِنْسُ تُكُنَ،

31سَيْ ڢُشِنْ اللَّهْ يَيِ ڧُونَ عَكَنْسُ، يَكَكَّشٜىٰ مُتَنٜىٰ مَڢِے ڧَرْڢِے عَثِكِنْسُ، يَڧَسْڧَنْتَرْدَ مَتَسَنْ إِسْرَٰٓءِيلَ؞

32كُواْدَيَكٜىٰ يَعَيْكَتَ دُكَنْ وَطَنَّنْ، سُنْثِيغَبَدَ يِنْ ذُنُوبِ؞ كُواْدَيَكٜىٰ يَيِ أَيُّكَنْ بَنْ مَامَاكِ، سُنْڧِے سُغَسْكَتَشِ؞

33تَهَكَ يَسَا ݣُونَكِنْسُ سُكَ ڧَارٜىٰ عَبَنْظَ، شٜىٰكَرُنْسُ سُكَ ثِكَ دَ مَسِيڢَ؞

34دُكْ لُواْكَثِنْ دَ اللَّهْ يَكَكَّشٜىٰ وَطَنْسُنْسُ، سَوْرَنْ سُكَنْ نٜىٰمٜىٰشِ، دَ غَسْكٜىٰ كُوَ سُكَنْ جُويَا غَ اللَّهْ ؞

35سُكَنْ تُنَ ثٜىٰوَ اللَّهْ نٜىٰ دُوڟٜىٰنْ ٻُيَنْسُ، اللَّهْ مَڢِے طَوْكَكَ نٜىٰ مَيْ ڢَنْسَرْسُ؞

36عَمَّا مَغَنَرْسُ تَظَاڧِنْ بَاكِنٜىٰ كَوَيْ، أَبِنْدَ يَڢِتُواْ دَغَ بَاكِنْسُ دُكْ ڧَضْيَانٜىٰ؞

37ذُوثِيَارْسُ بَتَكَڢُ عَكَنْسَبَ، بَسُيِ أَمِنْثِ دَ يَرْجٜىٰجٜىٰنِيَرْسَبَ؞

38دُكْدَهَكَ شِے مَيْ جِنْڧَيْ نٜىٰ يَغَاڢَرْتَا مُسُ لَيْڢُواْڢِنْسُ، بَيْ كُوَ هَلَّكَسُبَ؞ سَوْ دَ دَامَ يَكَنْ دَنّٜىٰ ڢُشِنْسَ، بَيْ كُوَ سَكٜىٰ دُكَنْ هَوْشِنْسَبَ،

39غَمَا يَا تُنَ سُو نَامَ نٜىٰ دَ جِنِ، إِسْكَثٜىٰ دَتَكٜىٰ هُورَاوَ تَوُثٜىٰ كَوَيْ؞

40سَوْ نَوَ سُكَيِ مَسَ تَاوَيٜىٰ أَدَاجِنْ دَ بَا كُواْوَ! حَرْ سَوْ نَوَ سُكَ سَاشِ بَڧِنْ ثِكِ أَ هَمَادَ!

41سُكَيِ تَڠُودَ اللَّهْ عَكَيْ عَكَيْ، سُكَ ڟُواْكَنِ مَيْ ڟَرْكِنَّنْ نَ إِسْرَٰٓءِيلَ؞

42بَسُتُنَ دَ إِيكُوانْ حَنُّنْسَبَ، بَلّٜىٰ رَانَرْدَ يَڢَنْشٜىٰسُ دَغَ مَاسُ مَاڟَ مُسُ،

43دَ يَعَيْكَتَ عَلَمُنْ بَنْ مَامَاكِ أَ مَصَرْ، دَ كُمَ أَيُّكَنْ بَنْ مَامَاكِ أَ ڢِيلَيٜىٰنْ ذُواْوَنْ؞

44يَمَيْدَ كُواْغِنْسُ سُذَمَ جِنِ، دُواْمِنْ كَدَ سُإِيَ شَنْ ضُوً رَاڢُڢُّكَنْسُ؞

45يَعَيْكَ دَ تُلِنْ ڧُدَ، ڧُدَ سُكَبَاسُ عَذَابَ، ݣُوطِ كُمَ دَ سُكَ هَلَّكَ ڧَسَرْ؞

46يَبَادَ حَڟِنْسُ غَ ڟُڟُواْڟِ، أَمْڢَانِنْ غُواْنَرْسُ كُمَ غَ ڢَارِ؞

47يَٻَاتَ عِتَتُوَنْ إِنَبِنْسُ دَ ڧَنْڧَرَ، عِتَتُوَنْ ٻَوْرٜىٰنْسُ كُوَ دَ دُوسَرْ ڧَنْڧَرَ؞

48يَكَكَّشٜىٰ شَانُنْسُ دَ ڧَنْڧَرَ، يَبُبُّغِ غَرْكُنَنْ دَبُّواْبِنْسُ دَ ڟَاوَ؞

49يَسَكِ مُسُ ڢُشِنْسَ مَيْ ذَاڢِ، هَوْشِنْسَ دَ ذَاڢِنْ رَنْسَ دَ ٻَثِنْ رَنْسَ، دَ ڧُنْ‌غِيَرْ مَلاَىِٕكُ مَاسُ هَلَّكَرْوَ؞

50يَبُوطٜىٰ وَڢُشِنْسَ ڧُواْڢَ، بَيْ ڟَرٜىٰ رَنْسُ دَغَ مُتُوَبَ، عَمَّا يَكَكَّشٜىٰسُ دَ بَلَعِ؞

51يَكَشٜىٰ دُكَنْ یَیَنْ ڢَارِ نَ مَصَرْ، یَیَ مَظَا نَڢَارِ دَ سُكَ حَيْڢَ ثِكِنْ ڧَرْڢِنْسُ أَغِدَاجٜىٰنْ هَمْ؞

52يَڢِتَرْدَ جَمَعَرْسَ كَمَرْ تُمَكِ، يَجَغُواْرَنْثٜىٰسُ أَدَاجِنْ دَ بَا كُواْوَ كَمَرْ غَرْكٜىٰ؞

53يَبِيدَسُو لَاڢِيَ دُوانْ كَدَ سُجِڟُواْرُواْ، عَمَّا أَبُواْكَنْ غَابَنْسُ، تٜىٰكُ تَا ثِنْيٜىٰسُ؞

54يَكَٰوُاْسُ ذُوَا ڧَسَرْسَ مَيْ ڟَرْكِے، ذُوَا تُدُنْدَ يَكَرْٻَ دَ حَنُّنْ دَامَنْسَ؞

55يَكُواْرِ أَلْعُمَّيْ دَغَ غَبَنْسُ، يَرَرَّبَ ڧَسَرْ تَذَمَ أَبِنْ غَادُواْ، يَسَا ذُرِيَرْ إِسْرَٰٓءِيلَ سُكَ كَڢَ غِدَاجٜىٰنْسُ أَوُرِنْ؞

56دُكْدَهَكَ سُكَ ڠُودَ اللَّهْ مَڢِے طَوْكَكَ ، سُكَيِ مَسَ تَاوَيٜىٰ، بَسُيِ بِيَيَّ دَ ڧَٰعِدُواْدِنْسَبَ؞

57كَمَرْ كَاكَنِّنْسُ سُكَ جُويَا سُكَيِ رَشِنْ أَمِنْثِ، كَمَرْ ضِكِثِيثّٜىٰنْ بَكَ سُكَ ذَمَ مَرَسَ رِڧُوانْ أَمَانَ؞

58غَمَا سُنْسَا يَيِ ڢُشِے دَ وُرَارٜىٰنْ سُجَّدَرْسُ عَتُدَّيْ، سُكَتَادَ كِيشِنْسَ تَوُرِنْ غُمَكَنْسُ؞

59دَ اللَّهْ يَلُورَ، يَيِ ڢُشِے ڨُورَيْ، سَيْ يَيَاشٜىٰ إِسْرَٰٓءِيلَ غَبَاطَيَ؞

60يَبَرْ وُرِنْ ذَمَنْسَ أَ شِلُواْ، تٜىٰنْتِنْ دَيَكٜىٰ ذَمَ عَثِكِنْ جَمَعَ؞

61يَبَادَ عَݣُوتِنْ يَرْجٜىٰجٜىٰنِيَ غَ أَبُواْكَنْ غَابَنْسَ، عَلَمَرْ إِيكُوانْسَ أَ حَنُّنْسُ، دَرَجَرْسَ كُمَ غَ حَنُّنْ مَاسُ غَابَادَشِ؞

62يَيِ ڢُشِے مَيْ ڟَنَنِ دَ جَمَعَرْ غَادُوانْسَ، يَبَادَ مُتَنٜىٰنْسَ عَكَكَّشٜىٰسُ دَ تَكُواْبِے؞

63عَكَ ثِنْيٜىٰ سَمَارِنْسُ دَ وُتَرْ يَاڧِ، یَنْ مَاتَنْسُ سُكَ رَسَ مَذَنْ عَوْرٜىٰ؞

64عَكَ كَكَّشٜىٰ ڢِرِسْتُواْثِنْسُ دَ تَكُواْبِے، بَعَيَرْدَ مَتَنْ ڢِرِسْتُواْثِے سُرٜىٰرَ وَاڧَرْ مَكُواْكِبَ؞

65عُبَنْ‌غِجِ يَتَاشِ كَمَرْ يَڢَرْكَ دَغَ بَرْثِ، كَمَرْ جَرُمِنْدَ يَتَاشِ دَغَ بُغُوَرْ ضُوً إِنَبِے؞

66يَكُواْكُّواْرِ أَبُواْكَنْ غَابَنْسَ بَايَ، يَسَا سُكَشَا كُنْيَا حَرْ أَبَدَا؞

67يَيَاشٜىٰ غِدَنْ يُوسُڢَ، بَيْ كُمَ ذَاٻِ ذُرِيَرْ إِڢْرَيِمْ بَ؞

68عَمَّا يَذَاٻِ ذُرِيَرْ يَهُودَ، تُدُنْ سِهِيُواْنَ وَنْدَ يَكٜىٰ ڧَوْنَ؞

69يَغِنَ غِدَنْسَ مَيْ ڟَرْكِے كَمَرْ غِدَنْسَ أَ سَمَ، مَيْ ڧَرْڢِے مَيْ دَوَّمَ كَمَرْ دُونِيَا؞

70يَذَاٻِ بَاوَنْسَ دَاوُدَ يَطَوْكُواْ شِ دَغَ كِيوُانْ تُمَكِ؞

71دَغَ كِيوُانْ تُمَكِ يَكَٰوُاْ شِ، دَغَ تُمَكِ مَاسُ بَا یَیَنْسُ مَامَا، يَذَمَ مَكِيَايِنْ يَعْڧُوبَ، جَمَعَرْسَ، يَلُورَ دَ إِسْرَٰٓءِيلَ، غَادُوانْسَ؞

72دَ ذُوثِيَا طَيَ، يَيِ كِيوُانْسُ، دَ حَنُّنْسَ مَيْ ڠُونِنْتَ يَبِيدَسُو؞