Psalms 144

Hausa Arabic 2020 (أَتَّوْرَتْ دَ أَنَّبَاوَا)

← Chapter 143 Jump to: Chapter 145 →

1أَلْبَرْكَ تَا تَبَّتَا غَ يَهْوٜىٰهْ ، دُوڟٜىٰنْ ٻُيَنَ، وَنْدَ يَكٜىٰ كُواْيَ وَ حَنُّوَنَ ڢَطَ، وَنْدَ يَكٜىٰ شِرْيَ يَڟُنَ دُوانْ يَاڧِ،

2وَنْدَ شِينٜىٰ ڧَوْنَتَ دَ كَتَنْ‌غَتَا، وُرِنْ ٻُيَنَ دَ مَيْ ثٜىٰتُواْنَ، غَرْكُوَتَ عِنْدَ نَكٜىٰ ٻُيَ، وَنْدَ يَكٜىٰسَا ڧَبِيلُ عَڧَرْڧَشِنْ إِيكُواْنَ؞

3يَا يَهْوٜىٰهْ ، مٜىٰنٜىٰنٜىٰ مُتُمْ دَ حَرْ كَدَامُ دَشِ؟ طَنْ ءَادَمُ دَ حَرْ كَنَ تُنَانِنْسَ؟

4مُتُمْ دَيْ كَمَرْ نُمْڢَشِنٜىٰ، ݣُونَكِنْسَ كَمَرْ إِنُوَ نٜىٰ مَيْ وُثٜىٰوَ؞

5يَا يَهْوٜىٰهْ ، بُوطٜىٰ سَمَّيْ، كَسَوْكُواْ، تَٻَ مَنْيَنْ تُدَّيْ، ذَاسُ كُوَيِ هَيَاڧِے؞

6سَا وَلْڧِيَ تَحَصْكَكَ تَوَاڟَرْدَسُو، هَرْبِے كِبِيُواْيِنْكَ سُسَا سُوَڟٜىٰ دَ غُدُ؞

7مِيڧَ حَنُّنْكَ دَغَ بِسَ، ڢِتَرْ دَنِے كَكُمَ كُٻُتَرْ دَنِے دَغَ مَنْيَنْ ضُوَيٜىٰ، دَغَ حَنُّنْ مُتَنٜىٰنْ ڧَسَرْ وَجٜىٰ،

8وَطَنْدَ بَكُنَنْسُ سُنَ ڢَطِنْ ڧَضْيَا، سُنَ ضَنْڟُوَارْ ڧَضْيَا دَ حَنُّنْ دَامَنْسُ؞

9يَا اللَّهْ ، أَغَرٜىٰكَ ذَنْ رٜىٰرَ سَابُوَرْ وَاڧَا، دَ مُواْلُواْ مَيْ كِرْتَنِ غُواْمَ ذَنْيِ مَكَ وَاڧَرْ يَبُواْ،

10كَيْ دَ كَكٜىٰ بَا سَرَاكُنَ نَصَرَا، وَنْدَ كَكُٻُتَرْدَ بَاوَنْكَ دَاوُدَ دَغَ مُتُوَرْ تَكُواْبِے؞

11ڢِتَرْ دَنِے كَكُمَ كُٻُتَرْ دَنِے دَغَ حَنُّنْ مُتَنٜىٰنْ ڧَسَرْ وَجٜىٰ، وَطَنْدَ بَكُنَنْسُ سُنَ ڢَطِنْ ڧَضْيَا، سُنَ ضَنْڟُوَارْ ڧَضْيَا دَ حَنُّنْ دَامَنْسُ؞

12بَرِ یَیَنْمُ مَظَا ثِكِنْ ڧُرُثِيَرْسُ سُيِ غِرْمَ دَ ڧَرْڢِے كَمَرْ عِتَتُوَ مَاسُ لَاڢِيَ، یَیَنْمُ مَتَ كُمَ سُذَمَ كَمَرْ غِنْشِڧَنْ أَدُواْ وَطَنْدَ عَكَ سَسَّڧَ دُواْمِنْ غِنِنْ غِدَنْ سَرْكِے؞

13بَرِ ضُمْبُنَنْمُ سُثِكَ دَ كُواْوَنٜىٰ إِرِنْ أَمْڢَانِنْ غُواْنَ، غَرْكُنَنْ تُمَكِنْمُ أَ ڢِيلَيٜىٰنْمُ كُمَ سُيِ تَڧَارُوَ عَكَنْ دُبُنْ دُبَّنْسُ،

14بَرِ شَانُنْمُ سُيِ ڧِبَ؞ كَدَ عَٻَرْكٜىٰ ثِكِنْ غَرِنْمُ كُواْ عَكَيْ مَنَ هَرِ، كَدَ كُمَ أَجِ هَيَانِيَ عَتِيتُنَنْمُ؞

15مَاسُ أَلْبَرْكَ نٜىٰ مُتَنٜىٰنْ دَسُكٜىٰ دَ إِرِنْ وَنَّنْ ذَمَ، مَاسُ أَلْبَرْكَ نٜىٰ مُتَنٜىٰنْ دَ يَهْوٜىٰهْ نٜىٰ اللَّهْ نْسُ؞

← Chapter 143 Jump to: Chapter 145 →