Psalms 107

Hausa Arabic 2020 (أَتَّوْرَتْ دَ أَنَّبَاوَا)

← Chapter 106 Jump to: Chapter 108 →

1كُيِ غُواْدِيَ غَ يَهْوٜىٰهْ ، غَمَا شِے مَيْ أَلْحٜىٰرِ نٜىٰ، ڧَوْنَرْسَ مَرَرْ ثَنْجَاوَا تَهَرْ أَبَدَا ثٜىٰ!

2بَرِ وَطَنْدَ يَهْوٜىٰهْ يَڢَنْسَ سُثٜىٰ حَكَ، وَطَنْدَ يَڢَنْسَ دَغَ حَنُّنْ أَبُواْكَنْ غَابَا،

3وَطَنْدَ يَتَتَّارَ دَغَ ڧَسَاشٜىٰ، دَغَ غَبَسْ دَ يَمَّ، دَغَ أَرٜىٰوَ دَ كُمَ كُدُ؞

4وَطَنْسُ سُكَيِ تَيَٰوُاْ أَ هَمَادَ، بَسُ سَامِ حَنْيَ ذُوَا بِرْنِنْ دَ ذَاسُ ذَوْنَبَ؞

5دَ يُنْوَ دَ ڧِشِنْ ضُوَ، سُكَ ڢِدَّ ذُوثِيَا؞

6عَثِكِنْ دَامُوَرْسُ سُكَيِ كُوكَا غَ يَهْوٜىٰهْ ، يَكُوَ ثٜىٰثٜىٰسُ دَغَ عَذَابَرْسُ؞

7يَبِيدَسُو أَ مِيڧَڧِّيَرْ حَنْيَ، سَيْ دَ سُكَ إِسُواْ بِرْنِنْ دَ ذَاسُ ذَوْنَ؞

8بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ،

9غَمَا يَنَ شَيَرْدَ مَاسُ ڧِشِنْ ضُوَ، يَنَ ڧُواْسَرْدَ مَاسُ يُنْوَ دَ أَبُبُوَ مَاسُ ݣَوْ؞

10وَطَنْسُ سُكَ ذَوْنَ عَثِكِنْ بَڧِنْ دُهُ، طَوْرٜىٰ ثِكِنْ عَذَابَ دَ سَرْڧُواْڧِ،

11غَمَا سُنْيِ تَاوَيٜىٰ غَ مَغَنَرْ اللَّهْ ، سُكَ رٜىٰنَ شَوَرَرْ مَڢِے طَوْكَكَ ؞

12يَڧَسْڧَنْتَرْدَ ذُوثِيَارْسُ دَ ڟَنَنِنْ عَيْكِ، سُكَيِ تَتُنْتُٻٜىٰ بَابُ مَيْ تَيْمَكُواْ؞

13عَثِكِنْ دَامُوَرْسُ سُكَيِ كُوكَا غَ يَهْوٜىٰهْ ، يَكُوَ ثٜىٰثٜىٰسُ دَغَ عَذَابَرْسُ؞

14يَڢِتَرْ دَسُو دَغَ بَڧِنْ دُهُ، يَكُمَ كُنْثٜىٰ سَرْڧُواْڧِنْسُ؞

15بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

16غَمَا يَرُرُّشٜىٰ ڧُواْڢُواْڢِ نَڧَرْڢٜىٰنْ تَغُلَّ، يَيَيَّنْكَ ڧَرَڢَنْ دَ عَكَ تَرٜىٰسُ؞

17وَطَنْسُ سُكَ ذَمَ وَوَيٜىٰ تَهَنْيَرْ صَاٻُوانْسُ، سُكَشَا عَذَابَ سَبُواْدَ لَيْڢُواْڢِنْسُ؞

18كُواْوَنٜىٰ عَبِنْثِ يَذَمَ مُسُ أَبِنْ ڨَمَ، حَرْ سُنْ كَيْ بَاكِنْ مُتُوَ؞

19عَثِكِنْ دَامُوَرْسُ سُكَيِ كُوكَا غَ يَهْوٜىٰهْ ، يَكُوَ ثٜىٰثٜىٰسُ دَغَ عَذَابَرْسُ؞

20يَعَيْكَ دَ مَغَنَرْسَ يَوَرْكَرْ دَسُو، يَكُوَ كُٻُتَرْ دَسُو دَغَ كَبَرِنْسُ؞

21بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

22بَرِ سُكَٰوُاْ ݣَوْتَا تَنُونَ غُواْدِيَ، سُكُمَيِ شٜىٰلَرْ أَيُّكَنْسَ ثِكِنْ وَاڧُواْڧِنْ ڢَرِنْثِكِ؞

23وَطَنْسُ سُكَ غَنْ‌غَرَ تٜىٰكُ سُكَ شِغَ جِضَاغٜىٰ، سُنَيِنْ كَاسُوَنْثِنْسُ بِسَ مَنْيَنْ ضُوَيٜىٰ؞

24سُونٜىٰ سُكَغَ أَيُّكَنْ يَهْوٜىٰهْ ، أَيُّكَنْسَ نَبَنْ مَامَاكِ أَ ظُرْڢَڢَّنْ ضُوَيٜىٰ؞

25يَيِ مَغَنَ سَيْ إِسْكَ مَيْ ڧَرْڢِے تَتَاشِ، تَطَغَ رَاڧُمَنْ ضُوً تٜىٰكُ؞

26عَكَ طَغَ جِضَاغٜىٰنْ سَمَ سُواْسَيْ، عَكَ جٜىٰڢَرْ دَسُو ثِكِنْ ظُرْڢَڢَّنْ ضُوَيٜىٰ، ثِكِنْ عَذَابَرْسُ مُتَنٜىٰ سُكَ ڢِدَّ ذُوثِيَا؞

27سُكَيِ تُنْتُٻٜىٰ سُنَ تَنْ‌غَطِ كَمَرْ سُنْ بُغُ، دُكْ دَبَرَرْسُ تَكُواْمَ وُاْڢِ؞

28عَثِكِنْ دَامُوَرْسُ سُكَيِ كُوكَا غَ يَهْوٜىٰهْ ، يَكُوَ ڢِتَرْ دَسُو دَغَ عَذَابَرْسُ؞

29يَݣُونْتَرْدَ إِسْكَ مَيْ ڧَرْڢِے، رَاڧُمَنْ ضُوَ كُمَ سُكَ ݣُونْتَ شِضُ؞

30سَيْ مُتَنٜىٰ سُكَيِ مُرْنَ دُوانْ وُرِے يَيِ ڟِتْ، يَبِيدَسُو ذُوَا تَشَرْ جِضْغٍ ضُوً دَسُكٜىٰسُواْ؞

31بَرِ وَطَنَّنْ سُغُواْدٜىٰ وَ يَهْوٜىٰهْ دُوانْ ڧَوْنَرْسَ مَرَرْ ثَنْجَاوَا، دُوانْ أَيُّكَنْسَ نَبَنْ مَامَاكِ غَ یَنْ أَدَمْ؞

32بَرِ سُطَوْكَكَاشِ عَثِكِنْ تَارُوانْ جَمَعَ، سُكُمَ يَبٜىٰشِ عَثِكِنْ تَارُوانْ دَتَّاوَا؞

33يَمَيْدَ رَاڢُڢُّكَ هَمَادَ، مَٻُٻُّغَرْ ضُوَ كُمَ بُوسَشِّيَرْ ڧَسَا،

34ڧَسَا مَيْ أَمْڢَانِ ذُوَا دَاجِنْ غِشِرِ سَبُواْدَ مُغُنْتَارْ مَذَوْنَنْ ڧَسَرْ؞

35يَمَيْدَ هَمَادَ تَڢْكِنْ ضُوَ، بُوسَشِّيَرْ ڧَسَا كُمَ مَٻُٻُّغَرْ ضُوَ؞

36ثَنْ يَذَوْنَرْ دَ مَاسُ جِنْ يُنْوَ، أَوُرِنْ سُنْ كَڢَ بِرْنِنْ دَ ذَاسُ ذَوْنَ؞

37سُكَ نُواْمٜىٰ غُواْنَكِ سُكَ شُوكَ إِنَبِے، سُكَ غِرْبٜىٰ أَمْڢَانِنْ غُواْنَ عَيَلْوَثٜىٰ؞

38يَ أَلْبَرْكَثٜىٰسُ سُكَ ڧَارُ سُواْسَيْ، دَبُّواْبِنْسُ بَسُ رَغُ بَ،

39بَايَنْدَ عَكَ ضَغٜىٰ ڧَرْڢِنْسُ، عَكَ ڧَسْڧَنْتَرْ دَسُو تَوُرِنْ دَنِّيَ دَ وَهَلَ دَ كُمَ بَڧِنْ ثِكِ؞

40يَكَنْ كُنْيَتَرْدَ مَنْيَنْ مُتَنٜىٰ، يَسَا سُيِ تَيَٰوُاْ أَدَاجِنْ دَ بَابُ حَنْيَ؞

41عَمَّا يَكَنْ ڢِتَرْدَ مَاسُ بُڧَاتَ دَغَ عَذَابَرْسُ، يَكُمَسَا عِيَلَنْسُ سُڧَارُ كَمَرْ غَرْكٜىٰنْ دَبُّواْبِے؞

42مَاسُ غَسْكِيَ أَ ظُوثِ سُكَ غَنِ سُكَيِ ڢَضٍ ثِكِ، عَمَّا بَاكِنْ دُكَنْ مُوغَيٜىٰ عَكَ ڧُلّٜىٰ؞

43بَرِ مَيْ حِكِمَ، يَيِ تُنَانِنْ أَبُبُوَنَّنْ، يَكُمَ كُلَ دَ ڧَوْنَ مَرَرْ ثَنْجَاوَا تَ يَهْوٜىٰهْ ؞

← Chapter 106 Jump to: Chapter 108 →