Psalms 88

Hausa Arabic 2020 (أَتَّوْرَتْ دَ أَنَّبَاوَا)

← Chapter 87 Jump to: Chapter 89 →

1يَا يَهْوٜىٰهْ ، اللَّهْ مَيْ ثٜىٰتُواْنَ، دُكْ يِنِ عِدَنْ نَكَٰوُاْ كُوكَنَ، دَ دَرٜىٰ كُمَ إِنْ نَذُواْ غَبَنْكَ،

2بَرِ أَدُّعَتَ تَكَيْ غَبَنْكَ، كَكَسَ كُنّٜىٰ غَ كُوكَنَ!

3غَمَا رَيْنَ يَنَ ثِكٜىٰ دَ دَامُوَ، حَرْ إِنَ غَبْ دَ مُتُوَ؞

4أَنْ لِسَّڢْتَانِ ثِكِنْ مَاسُ غَنْ‌غَرَ ذُوَا رَامِنْ مَتَتُّو، نَاذَمَ كَمَرْ مُتُمْ مَرَرْ ڧَرْڢِے؞

5أَنْ وَارٜىٰنِ تَرٜىٰدَ مَتَتُّو، كَمَرْ وَطَنْدَ عَكَ كَشٜىٰ سُنَ ݣُونْثٜىٰ عَكَبَرِ، وَطَنْدَ بَذَاعَ ڧَارَ تُنَ دَسُوبَ، وَطَنْدَ أَنْيَنْكٜىٰسُ دَغَ تَيْمَكُوانْ حَنُّنْكَ؞

6كَا سَانِ ثِكِنْ ظُرْڢَڢَّنْ رَامِنْ مَتَتُّو، ثِكِنْ وُرِے مَڢِے ظُرْڢِ، مَڢِے دُهُ؞

7ڢُشِنْكَ يَنَدَ نَوْيِ عَكَيْنَ، حَرْ يَشَا كَيْنَ كَمَرْ رَاڧُمَنْ ضُوَ؞

8كَا سَا أَبُواْكَيْنَ سُكَ غُجٜىٰنِ، كَا مَيْدَنِ أَبِنْ ڨَمَ أَغَرٜىٰسُ؞ أَنْ رُڢٜىٰنِ، بَايَدَّ ذَنْڢِتَ؞

9عِدَنُونَ بَاسَ كَلُّواْ سُواْسَيْ سَبُواْدَ وَهَلَ؞ يَا يَهْوٜىٰهْ ، كُواْوَثٜىٰ رَانَ نَيِ كِرَا غَرٜىٰكَ، نَكَنْ مِيڧَ مَكَ حَنُّوَنَ ثِكِنْ أَدُّعَ؞

10كُواْ كَكَنْيِ وَمَتَتُّو أَيُّكَنْ بَنْ مَامَاكِ؟ كُواْ رُوحُواْحِنْ مَتَتُّو سُكَنْ تَاشِ سُيَبٜىٰكَ؟

11أَنَ ذَنْثٜىٰنْ ڧَوْنَرْكَ عَكَبَرِ نٜىٰ؟ كُواْ كُوَ أَمِنْثِنْكَ أَوُرِنْ هَلَّكَ؟

12أَنَ غَنِنْ أَيُّكَنْكَ نَبَنْ مَامَاكِ أَوُرِنَّنْ مَيْ دُهُ؟ كُواْ كُوَ أَيُّكَنْكَ مَاسُ أَدَلْثِے عَڧَسَرْ مَنْتُوَ؟

13يَا يَهْوٜىٰهْ ، نِے أَغَرٜىٰكَ نَكٜىٰ كُوكَنْ تَيْمَكُواْ، كُواْوَثٜىٰ سَاڢِيَ أَدُّعَتَ تَنَ ذُوَا غَرٜىٰكَ؞

14يَا يَهْوٜىٰهْ ، مٜىٰيَسَا كَيَاشٜىٰنِ؟ مٜىٰيَسَا كَٻُواْيٜىٰ مِنِ ڢُسْكَرْكَ؟

15نِے مَيْ وَهَلَ نٜىٰ تُنْ إِنَ سَوْرَيِ، حَرْ إِنَ بَاكِنْ مُتُوَ؞ كَسَا رَظَنَ تَنَ مَاڟَ مِنِ دُكْ عِنْدَ نَجُويَ؞

16ڢُشِنْكَ يَبِے تَكَيْنَ، تَاسَرْ مِنِ دَ كَكٜىٰ تَيِ تَهَلَّكَنِ؞

17تَا كٜىٰوَيٜىٰنِ كَمَرْ غُوغُوَرْ ضُوَ دُكَنْ يِنِ، تَكٜىٰوَيٜىٰنِ غَبَاطَيَ؞

18كَا سَا مَاسُ ڧَوْنَتَ دَ أَبُواْكَيْنَ سُكَ غُجٜىٰنِ، دُهُ نٜىٰ كَطَيْ مَڨُوبْثِنَ؞

← Chapter 87 Jump to: Chapter 89 →