Psalms 139

Hausa Arabic 2020 (أَتَّوْرَتْ دَ أَنَّبَاوَا)

← Chapter 138 Jump to: Chapter 140 →

1يَا يَهْوٜىٰهْ ، كَارِغَا كَا بِنْثِكٜىٰنِ كَا كُوَ سَنِّ؞

2كَيْ كَا سَنْ ذَمَنَ دَ تَاشِنَ، كَا غَانٜىٰ دَ تُنَانِنَ تُنْدَغَ نٜىٰسَ؞

3كَكَنْ كُلَ دَ دُكَنْ تَڢِيَاتَ دَ ݣُونْثِيَتَ، كَا سَابَادَ دُكَنْ أَلْعَمُرَانَ؞

4كَاڢِنْ مَا كَلْمَ تَڢِتَ دَغَ بَاكِنَ، يَا يَهْوٜىٰهْ ، كَارِغَا كَا سَنِ كَكَڢْ؞

5كَكَنْ كٜىٰوَيٜىٰنِ غَبَ دَ بَايَ، حَنُّنْكَ نَأَلْبَرْكَ يَنَ عَكَيْنَ؞

6إِرِنْ سَنِنَّنْ غَمٜىٰدَنِ يَڢِ غَانٜىٰوَتَ، أَسِيرِ مَيْ ظُرْڢِ نٜىٰ دَ يَڢِ بَسِيرَتَ؞

7إِنَا ذَنْجٜىٰ دُواْمِنْ إِنْكَوْثٜىٰ وَرُوحُنْكَ؟ إِنَا ذَنْ غُدُ إِنْ‌غُجٜىٰ دَغَ غَبَنْكَ؟

8عِدَنْ نَهَوْ سَمَّيْ، كَنَ ثَنْ، إِنْ نَشِمْڢِطَا تَبَرْمَتَ أَوُرِنْ ذَمَنْ مَتَتُّو، غَا كَيْ؞

9إِنْ نَتَاشِ كَمَرْ ڟُنْڟُ دَغَ ثَنْ ثَنْ غَبَسْ، كُواْ نَجٜىٰ نَسَوْكَ عَ إِيَاكَرْ يَمَّ،

10كُواْ عَثَنْ طِنْ مَا حَنُّنْكَ ذَيْبِدَنِ، حَنُّنْ دَامَنْكَ ذَيْ رِڧٜىٰنِ كَمْكَمْ؞

11عِدَنْ نَثٜىٰ «حَڧِيڧَ، دُهُ ذَيْ رُڢٜىٰنِ، حَصْكٜىٰ كٜىٰوَيٜىٰ دَنِے يَذَمَ دَرٜىٰ،»

12كُواْ دُهُ مَا أَغَرٜىٰكَ بَ دُهُ بَنٜىٰ، دَرٜىٰ كُوَ يَنَدَ حَصْكٜىٰ كَمَرْ رَانَ، دُهُ دَ حَصْكٜىٰ دُكْ طَيَ نٜىٰ أَغَرٜىٰكَ؞

13كَيْ نٜىٰ كَاحَلِثِّ كَايَنْ ثِكِنَ، كَا هَرْهَطَنِ عَثِكِنْ ثِكِنْ مَامَاتَ؞

14إِنَ يَبُوانْكَ، دُواْمِنْ يَدَّ كَهَرْهَطَ نِے أَبِنْ ڟُواْرُواْ دَ بَنْ مَامَاكِ نٜىٰ؞ أَيُّكَنْكَ مَاسُ بَنْ مَامَاكِ نٜىٰ، نَسَنْ دَ وَنَّنْ سُواْسَيْ؞

15ڧَسُسُوَنْ جِكِينَ بَعَٻُواْيٜىٰ سُكٜىٰ أَغَرٜىٰكَبَ، سَعَدَّ عَكٜىٰ هَرْهَطَنِ أَ عَسِرْثٜىٰ، سَعَدَّ عَكٜىٰ صِڢَّتَانِ أَدُهُ؞

16عِدَنُونْكَ سُنْ‌غَ غَٻُواْٻِنْ جِكِينَ كَاڢِنْ سُثِكَ؞ عَثِكِنْ لِتَّڢِنْكَ أَنْرُبُوتَ يَوَنْ ݣُونَكِنْ دَ عَكَ شِرْيَ دُواْمِنَ، كَاڢِنْ مَا طَيَ دَغَ ثِكِنْسُ يَڢَارَ؞

17يَا اللَّهْ ، إِنَا مِصَالِنْ دَرَجَرْ تُنَانِنْكَ غَرٜىٰنِ! إِنَا مِصَالِنْ يَوَنْ لِسَّڢِنْسُ!

18عِدَنْ ذَنْ ڧِرْغَسُ، ذَاسُڢِ يَشِ يَوَ؞ إِنْ نَكَيْ ڧَرْشٜىٰ مَا، بَذَنْكَيْ ڧَرْشٜىٰنْ غَانٜىٰوَرْكَبَ؞

19يَا اللَّهْ ، دَ سُواْ شِينٜىٰ سَامُ، دَ كَكَكَّشٜىٰ مُوغَيٜىٰ، مَاسُ سُوانْ ظُبْدَ جِنِ كُمَ سُرَبُ دَنِے،

20وَطَنْدَ سُكٜىٰ ڢَطِنْ مُوغَيٜىٰنْ مَغَنْ‌غَنُ غَمٜىٰدَ كَيْ، مَاسُ غَابَادَكَيْ وَطَنْدَ سُكٜىٰيِنْ مَغَنَرْ بَنْظَ؞

21يَا يَهْوٜىٰهْ ، بَ إِنَڧِنْ مَاسُ ڧِنْكَ بَ؟ بَ إِنَڨَمَرْ مَاسُ يِمَكَ تَاوَيٜىٰ بَ؟

22ڧِيَيَّرْ دَ نَكٜىٰ مُسُ تَوُثٜىٰ غَبَنْ مِصَالِ، بَاشَكَّ نَطَوْكٜىٰسُ أَبُواْكَنْ غَابَنَ نٜىٰ؞

23يَا اللَّهْ ، بِنْثِكٜىٰنِ، ذَاكَ كُوَ سَنْ ذُوثِيَاتَ، ڠُودَ نِے، ذَاكَ كُوَ سَنْ تُنَانِنَ؞

24دُوبَ، كُواْ أَ رَايُوَتَا أَݣَويْ وَتَ حَنْيَرْ دَ نَكٜىٰ ٻَاتَ مَكَ رَيْ، كَكُمَ بِدَنِ ثِكِنْ حَنْيَ تَرَيْ نَهَرْ أَبَدَا؞

← Chapter 138 Jump to: Chapter 140 →